ابعدتك الحرب 💣 💢

"2"

رواية ابعدتك الحرب💣💢
الحلقة 2🔲
قراءة ممتعة احبائي......... 💭
في 🌃
عند جابر
جابر : يمااا
امه :اني اهني ياوليدي
جاها جابر وباس على راسها :نجيك لي يانبع الحب مش بس الحنان
امه :ماشاءالله اليوم لسانك يقطر شن فيه
جابر :😂😂ديمة لساني يقطر اني جت على توا
امه :ياودي 😂
امه :نحطلك تاكل وليدي
جابر :لالا اليوم مؤيد وكلني ماكلة نقعد سنة شبعان 💁😂
امه :هههههه ربي يخليكم لبعضكم ياوليدي
جابر :امين،، هي خليني نمشي ندوش ونبدل ونرتاح شوي اليوم خدمة من الصبح
امه :برا سلم وليدي امشي
____________---
اما عند انفال روحت مع المغرب للحوش دوشت وخشت للكوجينة بتدير العشاء 🌮
انفال وقفت في وسط الكوجينة وحطت يديها في وسطها وقالت :ااممممم شن ندييير ياربي ااممممم 🙄،، لقييتها💡
وشمرت يديها ياحنة وبدت تحط وتعجن وتخلط بوه على خوه 😂😂(انفال مش فالحة هلبا في التطييب لكن لما تدير حاجة تجي معاها من اول مرة مساوية 😌)
كملت عمتكم انفال حوستها ودارت بيتزا 🍕 ودجاج 🍗 محمر على خاطر بوها يحبه ووتت السفرة ونادت امها وبوها
انفال:مامااااااا، باباااااا هياااا العشي وااتي
امها جتها :خيرك انتي احني معاك في نفس الحوش على من تنادي على الجيران 😯😛
انفال:هههههههه
امها :ماشاءالله هادا كله درتيه انتي
انفال:😎😎💁😌ايه انيي
امها :وتقولي مانعرفش نطيب، اني يلي مانعرفش نطيب😂
انفال:ههههههه مش لهدرجة 😌😎😂
جاهم بوها : ماشاءالله على بنيتي الفالحة ماشاءالله، توا نعطيك اني ومتهني فالحة وناشطة وعاقلة اخرى
انفال:🙂😏😊😂مش هلبا هكي يابابا
امها :غير كولو هيا بردت الماكلة
وقعمزو يتعشو ▫️▫️▫️▫️
انفال :يابابا قالو القوات المسلحة خشت جيهة منطقتنا 😯حق الدوا هادي
بوها :يابنتي يستر الله وخلاص ان شاء الله خير
امها :اااه ياكبدي بلادنا مشت من بين يدينا واحني نتفرجو
بوها :ربي يفرج على البلاد والعباد يارب
كلهم:امين
وكملو عشاهم وجابتلهم  الشاهي وخشت غسلت المعاين، وبوها وامها خشو رقدو، اما هي خشت للدار مشطت شعرها الطويل ودارت كريماتها والبدي لوشن ودارت صنتها ودارت من القلوس
انفال :ياااااه محلاني ياسعدك ياجابر 😂😂حقااا اليوم مادورنيش هالمعفن هادا خليني نشرين عليه
عند جابر
كيف طلع من الدوش ويلبس في الفالينيا متعه يسمع في تلفونه يشرين🎶🎵 شاف منو لقاه "نصي😍❤️" ابتسم
خدي تلفونة ورد عليها :هاااا ياعييوووني ❤️
انفال :عيونك تدورها كانك حق 😌مش لين هيا تدورك
جابر :ههههههه يالسان الساليطة انتي والله العظيم في بالي بنكلمك قلت ندوش ونهدرز معاك مشي انتي سبقتيني 😂
انفال:امممم باهي شبه رضيت 😌😊
جابر :هههههه
انفال:خنقولك شن صار معاي اليوم
جابر :قولي اصلا استاحشتك ياكلبة
انفال:عليك رومانسية 😂😂😂 والله استاحشتك ياشين
جابر :حتى اني استاحشتك ياعبيدة والله
انفال:به تعال نشوفك توا من الروشن
جابر :بالك يشوفنا حد فكينا
انفال:تي لالا غير تعال حبي هيااا
جابر :ياودي مانقدرش عليك اني هي نلبس الجيبوطي ونجيك خليك معاي على الخط
لنفال:تم 😍😍
............ يتبع💚