ابعدتك الحرب 💣 💢

"4"

رواية ابعدتك الحرب 💣 💢
الحلقة 4🔲
قراءة ممتعة احبائي...... 💭

بعد ماسكرت انفال من جابر تغطت وغمضت عيونها😴 وحلمت حلمة 💭او بألحرى كابووس
انفال واقفة في غابة كلها شجر وتخوف وهي لابسة قفطان ابيض وشعرها طويل ولكن يديها معبيات دو وهي خايفة هلباا وتتلفت فجأة شافت جابر واقف بعيد ولابس تيشرت ابيض كله دو ويشبحلها ومبتسم وهي تقوله جابر خيرك😱 وبدت تجري في جيهته ولكن فجأة جت ريح قوية وجابر اختفى
ناضت انفال مخلوعة وبدت تشرب في امية :بسم الله الرحمن الرحيم بسم الله الرحمن الرحيم 😭لااا ياربي شن هالحلمة 😭اللهم اجعله خير اللهم اجعله خير😥😔
وخدت تلفونها لقتها الساعة 9 :هيييي عطلت ووو
وناضت بدلت حوايجها وطلعت طيران للمستشفى
خشت لقت المستوصف هادي ومافيش زحمة خشت لمكتبها لقت باقة ورد حمراء 💐وفيها رسالة 💌 مكتوب ✍ فيها ( لم اكن انتظرك، ولكن ما ان اتيت، حتى شعرت ان ايامي كلها كانت في انتظارك،،،، 💛 الورد شوي على وردة حياتي 💓صباح الورد والفل والياسمين والحاجات الحلوة اللي زي عيونك 💓؛ جَآبِرْ)
ابتسمت بحب وقالت نحبك يامصدر سعادتي 💓ولكن فجأه ملامحها تغيرت لما تفكرت حلمة الصبح
وتضايقت، خدت تلفونها وشرينت على جابر
انفال: ياصباح الحب ♥ على حب عمري كله
جابر:صباح النور حبيبي ♥️شن الجو
انفال: تمووم، شن المفاجأت الحلوة هادي
جابر :عجباتك ❤️😂 ندير في روحي رومانسي
انفال:ههههههه اكيد عجبتني ياعمري وبعدين حتى لو ماكنتش رومانسي نحبك ومانقدرش بعدك انت وين
جابر :والله كيف نزلت للمكتب كنت نشوف في مؤيد مريض شوي وماجاش للخدمة
انفال:اها سلامته
جابر خش عليه صاحبه محمد
جابر : الله يسلمك  نكلمك بعدين توا في الخدمة اني
انفال: امبه، نحبك اني
جابر :اممننن (دارله صوت متع اركحي جنبي حد😂😂)
انفال فهمت عليه😂 : هههههه لا قولها
جابر :نكلمك بعدين يافتحي
انفال : هههههه فتحي طياح سعدك قتلك نحبك
جابر : ايه به به تم تم
انفال :مبردك 😂هي باي
جابر : نتلاقو باي
وفات الوقت وانفال عندها شوي ورق 📄 كملتهم وساوت مكتبها وطلع تتمشا في المستشفى وتشوف في المرضة
خشت على مريضة كبيرة في السن تغسل في الكلاوي
وبدت تشوفلها لين عيونها دمعو ووجعتها العزوز
انفال : بالشفاء ياحاجة
العزوز :الله يسلمك بنيتي السمحة
انفال : نجيبلك حاجة حلوة ياعمتي
العزوز :لالا صحيتي بنيتي
شوي يسمعو في صوت ضرب رصاص بعيد شوي
انفال خافت لكن مابينتش للعزوز
اما العزوز سمعت لكن ماركزتش.......
يتبع 💚
معليش عارفتها حلقة ➰ قصيرونة لكن عادي 😂توا نديرلكم تعويض
باي حبايبي ❤️....