ابعدتك الحرب 💣 💢

"15

رواية ابعدتك الحرب 💣 💢
الحلقة 15🔲
قراءة ممتعة احبائي.......... 💭
.
.
.
طاح الصاروخ قريب من جابر ومؤيد وتفجر ومن قوة التفجير تنطر جابر ومؤيد بعيد، وكانت هادي خطة من قبل الأعداء اي كانو مدايرين هدوء ماقبل العاصفة🍃
ا طاحو الصواريخ على موقع الجنود وفقدو هلبا من الجنود والمتجندين جابر كان جسمه كله دم وشضاية خاشة في جسمة حس بيده رزينة قام يده ولقى صوابعة يحركو في دراعة والعظم متعه طالع برا
جابر :مؤيييييد، وينك، مؤييييييد رد وين انت صاااحبي، مووؤييييد انت وين 😭😭😭رد عليا وراس صاحبي وينك 😭😭وقعد يدور في مؤيد والدنيا ضلام ماهناكش الا ضي القمر وكان يبي يوقف بس حس برجله رزينه شاف لقا حديدة طويلة خاشة في صبعه بس مادورهاش وقعد يزحف يدور في مؤيد
جابر :مؤيد رد عليا قولي انت وين بس 😭مؤيد رد
شوي حس ان فيه حاجة ناشت يده
شاف لقاها يد مؤيد اليسار يلي كانت فيها الساعة
جابر :للاااااااا ياااااربي لااااااا 😭😭😭مؤيد انت وين مؤيد رد عليا، مؤيد
وقعد يدور فيه لين شاف شخص ملوح بعيد ومطروح على الوطا مشالة وقعد يمسح على وجهة الغبرة بيش يبانو ملامح الوجه ويعرفه وكان يدعي انه مايكونش مؤيد، بس للأسف طلع مؤيد 💔
جابر طبس وحضن مؤيد 💔
جابر :ياصاحبي ماتخلينيش وتمشي 😭احني خدينا وعد نقعدو مع بعضنا 😭😭مؤيد ماتخلينيش وراسك يامؤيد 😭من ليا غيرك ياولد امي 😭😭😭من لياااا غييرك 😭نووض معاي مؤيد نوض معاي نروحو، خلاص توا نمشو نروحو ونعاينك 😭نوووض مؤيد ماتسيبنيش، رد عليا مؤيد شوفلي افتح عيونك تربحك مؤيد 💔😭ماليا غيرك في الدنيا والله ماليا غيرك، انت رفيقي وصاحبي وروحي والله روحي يامؤيد 😭😭
وقعد جابر يبكي وينوض في مؤيد ولكن اغمى عليه من كتر مانزف دم

.
.
.
.
.

عند انفال كانت في سريرها وتستنا في مكالمة جابر وقلبها مش مطمنها، شوي وشرين تلفونها وتلقاها إسراء
‏انفال بصوت متضايق :الو
‏اسراء:فوفي شن الجو
‏انفال :تمام وانتي
‏اسراء:خييرك شن فيه جابر فيه شي 😳
‏انفال :بعييد السو 😢لكن هكي متضايقة حاسة فيه حاجة واليوم ماكلمنيش 💔😢
‏اسراء: خلعتيني، لالا تطمني ياعمري وارتاحي ومعاش تجيبي الوسواس لراسك 😘😔شن تديري
‏انفال :والله روحت بكري من المستشفى وكانو عندنا جرحى هلبا وقلت نحط راسي بيش نبي نرجع للمستشفى لان خدمة هلبا،
‏اسراء:اها باهي كويس ياحبي
‏انفال: ايه وانتي شن تديري
‏وقعدت تهدرز هي وانفال جو الربع ساعة وبعدها طلعت من دارها ومشت لبوها
انفال :بابا
بوها :نعم بنيتي
انفال :بابا نبي نمشي للمستشفى فيه حالات نبي نتطمن عليها
بوها:توا ليل يا انفال ودوامك في الصبح
انفال:بابا هادا شغلي وبلادي توا محتاجتني وشباب بلادي لازم ان يعيشو
بوها:بارك الله فيك يا بنتي هي نوضي البسي بيش نرفعك ماتعطليش
انفال باست خد بوها :شكراً بابي ❤️يخليك لي
وخشت انفال للحمام توضت وقعنزت تدعي
انفال :يارب احفظه ليا يارب ماتخليني نفقده يارب احميه ليا يااارب رجعه ليا سالم غانم يارب، خليه لي يارب انا بدونه ولا شي والله انا بدونه ولا شي احفظه ليااا يالله ❤️ دمعتها نزلت، حبيته يالله ماتخلي مكانة فاضي في حياتي 😭حبيته ياربي خليه لي والله مانقدر بعده 😭جابر حياتي ياربي خليه لي والله حاسة قلبي ناخصني وحاسة فيه حاجة حتصير 😢أللهم اجعله خير يااارب
وناضت من عالسجادة وتفكرت الحلمة متعها، طلقت سراح دموعها ومعاش قدرت تشدهم 😢💔
انفال تكلم في روحها :تخيلي ياانفال يجيك جابر منظره زي لما كان في الحلم 😭والا ميت 😭😭😭😭لااا بعيد السو، بعيد السو عنك ياحبيب قلبي 😢والله بعيد السو،
وقفت على المرايا ومسحت دموعها :لو كان جابر اهني ماكانش خلاني نبكي، لو كان جابر شافني هكي كان زعل مني واني مانقدرش زعله 😔خلاص سكتت ها
وخدت حوايجها ولبست وطلعت لبوها
انفال :بابا هيا
بوها :هي، امتا نجيك
انفال :مانعرفش مرات حتى الصبح، نكمل نكلمك بابا
بوها؛ هي هي اركبي
ومشن انفال مع بوها للمستشفى وخشت لقت حالات جرحى هلبا وفيه يلي ميتين وفيه يلي مافيش منه امل
خشت لبست اللبسة الزرقة متعها وبدت تداوي في الجرحى
انفال : هدي عطيني المقص
هدي:خودي
انفال :عطيني معقم
هدى خودي
انفال: اووووف لازم من عملية والادوات ماعندناش في المستشفى اهني 😥
وبدت تكمل وتداوي في الجرحى، ولكن وصلت في جريح كان جسمه مشابه لجسم شخص تعرفه بس وجهه مش باين من الغبرة والدم وكان فيه نبض ويده العظم متعه مكسور وشافت لرجله لقت فيها حديدة كبيرة خاشة في صبعه 😥💔.
.
.
.
يتبع 💚 💋

‏
‏