ابعدتك الحرب 💣 💢

"17"

رواية ابعدتك الحرب 💣 💢
الحلقة 17🔲
قراءة ممتعة احبائي.......... 💭
نزلت انفال للكافي لوطة وين ماكان بو جابر يغصب في ام جابر على الماكلة
بوجابر :يامرا يهديك الله كولي راهو بيجيك هبوط
علي:كولي يما خيرك تفاولي على جابر راهو بأذن الله هو بخير
جتهم انفال
انفال :السلام عليكم
كلهم :وعليكم السلام ورحمة الله
انفال بأبتسامة :جابر فاق 😍💓
ناصت ام  حابر تجري للغرفة وهي قريب تطير من الفرحة
مشت هي وعلي
اما انفال كيف دارت ضهرها وبتمشي ناداها بو حابر
بو جابر :يابنتي
انفال تلفتت :نعم ياعمي تبي شي ناقصك شي؟
بو جابر ابتسم:والله معاك مانخاف على جابر حتى لو ربي خدي امانته
انفال تحشمت وتخزرطت وتحمرت وتصفرت 😂😂❤️
بو جابر :يابنتي جابر قبل مايمشي وينضم للجيش كان حاكيلي عليك وقالي يابوي نبيها مراتي ونبك تمشي تخطبهالي غير حوشي ناقصة حاجات بسيطة
انفال خلاص بتموت من الحشمة "😂😂"
بو جابر :وانا يابنيتي الحق ولدي لما بيسافر نتمنا انك تكوني معاه بيش نتطمن عليه
اهني انفال استكت 😓
بو جابر :لان حالته النفسية بتأتر على علاجه، يعني يابنتي انفال جابر محتاجك
انفال:مافهمتش ياعمي 😓
بوجابر : يعني يابنتي شن رايك نقرو الفاتحة وتمشي تسافري مع جابر ولما تروحو ان شاء الله على خير نديرلكم عرس لا صار ولا بيصير
انفال :بالنسبة ليا ياعمي موافقة واهم شي عندي في هالحياة جابر لكن بابا اكيد حيرفض
بو جابر :بوك خليه عليا انا يابنتي، المهم انتي موافقة وحتى وانتي عارفة حالة جابر، والله مافيه منك اتنين يابنت الاوصول والله
انفال :عيب ياعمي كلامك معقولة نرفض ان نساعد اهم شي في حياتي ونكون جنبه في اصعب اوقاته💙بس اني خايفة من رد بابا
بو جابر :بوك خليه عليا يابنتي ومايصير خاطرك إلا طيب
وهي نستأذن منك يابنتي بنمشي نشوف جابر بعد مافاق
😊😊
ومشي بو جابر وخلى انفال فرحانة وخايفة من رد بوها في نفس الوقت
مشت انفال تشوف وتمر على الجرحى وكملت عملها ومرت على جابر لقت امه وبوه وخوه فوق راسه
انفال :السلام عليكم، كيف حاله جابر توا
كلهم :وعليكم السلام
ام جابر : توا كيف خدي في عينه النوم، ياكبدي وياناري على وليدي يتألم قدام عيني وماني قادرة نديرله شي 😢
انفال خنقتها العبرة ومعاش قدرت تدوي
بو جابر :يابنتي اني وعلي وام جابر ماشين لحوشكم بنكلمو بوك على الموضوع يلي قتلك عليه
انفال :خودو راحتكم ياعمي الحوش حوشكم وان شاء الله بابا مايردكم خايبين 😊
ام جابر : يا نجيها كنتي العاقلة يلي تفهم، والله وليدي عرف يختار😍😢ان شاء الله يارب يرجع جابر لصحته ونشوف صغاركم ♥️😢
انفال تحشمت
بو جابر :هي ياعليوة وهي يامرا نتوكلو لحوش الناس
علي :هي يابوي
وطلع علي وبوه
ام جابر :انفال يابنتي نبي نطلب منك طلب وان شاء الله ماترديني
انفال:عيوني ليك ياعمتي
ام جابر شافت لجابر ورجعت شافت لانفال وبدت تدوي بالشوي وقالت: وليدي جابر من اول ماشافني سألني على مؤيد واني والله ماقدرت نقوله صاحبك راح وخداته منك الحرب 😭الحرب بعداته عليك😭 وخداته لمكان تاني
انفال بدت تبكي ومعاش قدرت
ام جابر :نبيك انتي يابنتي تقوليله على الاقل تجيه الصدمه اخف منك انتي بالك وليدي مايتعبش لما تقوليهاله انتي😢
انفال:😭😭💔نحاول ياعمتي نحاول
ام جابر ابتسمت ابتسامة وجع :يخليكم ربي لبعضكم ومايفرقكم يا غالية عليا ❤️😢
طلعت ام جابر وانفال خدت كرسي وقرباته من سرير جابر طبعا جابر واخد منوم ومسكن في نفس الوقت كحل مؤقت لين يسافر 💔وكان شكله يقطع الكبد كيف مستلقي على السرير جثة هامدة من غير حركة ووجه واضح عليه التعب والإرهاق لان جابر من لما انضم مع المتطوعين معاش رقد من التفكير
انفال كانت غارقة بدموعها وشادة يد جابر وتبكي وتتفكر في كل لحظة معاه وكل كلمة منه 😢 وتفكرت موضوع يلي عرضه عليها بو جابر وتدعي ان بوها يوافق

______________________💛💛💛
.
.
.
.
.
.
.
. ____________________💙💙💙
في حوش اهل انفال
.
.
.
.
.
. يتبع حبايب