ابعدتك الحرب 💣 💢

"9"

رواية ابعدتك الحرب 💣 💢
الحلقة 9🔲
قراءة ممتعة احبائي...... 💭
وفات الوقت وانفال شدتها إسراء على العشاء قعدت تعشت عند إسراء
انفال :تي كان خليتنيني نروح ياخرا شن اول مرة نجيك
إسراء :ترا بلا طروح زايدة قعمزي انطمري
انفال :تلفوني يشرين هادا اكيد جوجو
اسراء:والله لما تقولي جوجو نتخيل فيه بنية صغيرة مدايرة قرينات😂😂😂😂 وطلعت وخلتها تاخد راحتها
انفال :هاا عيوني
جابر :قلبي روحتي
انفال :لا والله الحوش مافيشي حد واسراء شدتني للعشاء
جابر :اها علاش وين مشو بوك َوامك
انفال:حوش جدي
جابر :ككحح كح باه كويس
انفال :خديت دواك
جابر : ايه توا كيف عطتني امي وطلعت
انفال :به احسن توا
جابر :ايه
انفال :ماهو سمعت صوتي
جابر  : لالا ماهو خديت دوا 😂
انفال بعصبية:اني دواك غصبن عنك مصح وجهك 😑
جابر :ههههههههه انتي داي ودواي وحبي وعمري وحياتي وكل شي
انفال:امممم نحساب 😒😊
جابر :شن تحسابي 😂😂
انفال :ههههههههه شي
جابر :اماله نخليك مع صاحبتك تروحي رني عليا وطمنيني عليك
انفال :من عيوني ياعيوني
جابر :ماشي هي باي
انفال:نحبك
جابر :ككح حتى اني 💓
وسكرت انفال من جابر وتعشت مع إسراء وفات الوقت وروحت في الليل 🌃 تبدل في حوايجها تسمع في صوت رصاص قريب كأنه في منطقتهم وكل شوي يزيد وقد ماله الصوت يقرب، انفال طلعت راسها من الروشن لكن شافت الدنيا هادية ولكن الصوت مسموع خافت شوي لكن معاش عدلت
خشت لفراشها وشرينت على جابر يلي كان في ستين حلمة وتاعب من الحرارة وماردش عليها 💤💤
بعتتله مسج (حبيبي اني روحت وكيف خشيت بنرقد لكن خايفة هابا لان فيه صوت ضرب ورصاص، تصبح على خير حبوبي 💋 نحبك)
..................................... _____________________
بعد مرور حوالي شهر 🌙🌒
انفال تبكي :لا ياجابر 😭ماتمشيش وتخليني
جابر مسح دموع انفال :حبيبتي ❤️ والله مش حنخليك معاك اني لأخر نقطة دم 💞معاك اني لأخر لحظة في حياتي انتي في قلبي وتفكيري 💕انفال انتي حياتي انفال انتي نبض قلبي ❤️ لكن انتي توا لازم تشجعيني وتقوليلي برا امشي ودافع على وطنك برا ياجابر انت راجل وانت قدها لازم ناخد الايجابية منك 💕♥️ماتزيديهاش عليا 💓انفال ياعيوني لما منطقتنا تتحرر حنديرو عرسنا زي ما اتفقنا عليه حنعزمو كل الناس اللي نعرفوها وحيكون عرس كبير زي ماكنا نبوه 💖 خلاص ياعيوني امسحي دموعك راهو لما ينزلو يحرقو فيا 😔معاش نبيك تبكي، معااش تبكي 😔
انفال خانقتها العبرة ودموعها ينزلو : جابر نحبك ماتخلينيش وراس حبيبي مااخلينيش بروحي اني نقوا بيك ونعيش بيك 😭😭مانقدرش بعدك عني والله عارفة انت راجل ومن حقك تدافع عن وطنك وماتقعدش زي البنات في الحياش لكن اني روحي معاك ماااتقدرش مانقدرش😭😭😢
وحضنت جابر وجابر دخلها بين ضلوعة 💞بيش يعبرلها عن كل الحب يلي يحبه ليها ويهدي انفال يلي مش قادرة تتكلم من شهقاتها 💔
___&&&&&&&____
زي مافهمتو ان جابر بيمشي مع اولاد منطقته بيش يواجهو اعدائهم وينظفو منطقتهم من الانجاس يلي حيلوتوها 💔وجابر كأي راجل بيدافع على منطقته ومش حيخلي شباب واولاد شارعه بروحهم، وتوا نزيدو نشوفو باقي الاحدات الساخنة 😍💔قدام
_____&&&&&&&&&&&&&&&______
انفال حولت من حصن جابر ودموعها ماوقفوش 💔
انفال : به توعدني ان تكلمني كل يوم، توعدني انك تحافظ على روحك على شاني توعدني ياجابر 🗝️💔
جابر شد يديها بحنية وقال :نوعدك، نوعدك يا انفال نوعدك نكون معاك نوعدك نرجعلك ونقاوم كل شي على خاطرك لكن نبي منك حتى انتي وعد
انفال :شنو
جابر :توعديني ماتبكيش
انفال نحت يديها منه وناصت من جنبه وعطاته بالضهر :جابر نوض وقت عليك برا سلم على امك راهو تستنا فيك 💔
جابر وقف وراها ولفها ليه وخلى عيونهم يتقابلو وقال بصوت مبحوح وواطي :انتي عارفة انك مصدر الامان ليا انتي عارفة انك الحاجة الوحيدة يلي قاعد لتوا متمسك بيها ونموت ومانخليهاش، انفال دموعك لما تنزل تحرف فيا، عارفة ان اكره منظر ممكن نشوفه هو وجهك الزعلان وعيونك المعبيات دموع
انفال نزلت منها دمعة وجابر مسحه بطرف صبعة وقال :نبيها اخر دمعة من العيون يلي ملكت قلبي ❤️🗝️ممكن تلبيلي هالطلب؟!
انفال ابتسمت وهي تشوفله وقالت :انت حبيبي يلي حبيت فيك رجوليتك، انت حبيبي يلي حبيت فيك حنيتك، انت حبيبي يلي حبيت فيك طيبة قلبك، واني مش حنكون انانية ونخليهم ليا بروحي لان رجوليتك وحنيتك وطيبة قلبك حتى بلادك تحتاجهم وانت مش حتقصر 😢💞
ووقفت على رؤوس صوابعها وباست راس جابر :دير بالك على روحك 💞ديمة حطني بين عيونك، 💖 ماتنسانيش لاني نستنا فيك ولو بعد عشر سنين ❤️💕
جابر يشوفلها وعيونه معبيات دموع قال بصوت مبحوح :يخليك لي ربي❤️ولا يحرمني من قلبك الكبير 💕وباس كف يدها وقال :نحبك ❤️
واتجه جيهة الباب
انفال :جابر
جابر تلفت
انفال بأبتسانة ودموعها في عيونها :نموت فيك وعطاته بوسة في الهوا💓
جابر خداها وحطها على خده  وضحك وانفال ضحكت لين دارت صوت 😂💖ودموعها قاعدات حاصلات في رموشها الطوال
شافلها جابر اخر شبحة وكانت شبحته حاملة مشاعر حب وعشق وخوف لأنفال ❤️🗝️🔐
انفال شايرتله بيدها بمعنى باي
وهو طبس راسه ومشى
.................... يتبع
🗝️🗝️🗝️🗝️