ابعدتك الحرب 💣 💢

"10"

رواية ابعدتك الحرب 💣 💢
الحلقة 10🔲
قراءة ممتعة احبائي......... 💭
.
.
.
جابر خش علي امه باللبسة العسكرية
امه شافتله وتبكي 😢جابر جاها وحضنها ويبوس في راسها ودمعته نزلت
امه :ولييدي، دير با ا لل ك علي روحك وكول كويس وتغطى زين، نبيك ترجعلي سالم معافة، راك اخر العنقود 😢راك روحي، روحي ياجبر كبدي انت 😭
جابر :امي 😢💔خلاص يمة لازم نمشي توا، انتي علمتينا ان الراجل مايخافش من شي، الراجل راجل وخصوصاً لو ناداته بلاده، 💔وبلادي نادتني يمة ولازم نلبيها، نوعدك نرجعلك سالم، نوعدك نكون قدامك وراسي مرفوع لاني حررت بلادي مع ولاد بلادي من الاعداء، ادعيلي يمة
امه :الله يحفظك ويرعاك ويرجعك سالم يابعد كبدي 😭
جابر مسح دموع امه : يمة نبي نوصيك
امه :قول وليدي
جابر :يمة انفال، نبيك تديري بالك عليها يمة لو مارجعت فيه حاجة نبيك تعطيهالها، فيه صندوق صغير في دولابي لو مارجعتش وخدتني الموت
امه بدت تبكي :بعييد السوو وليدي بعيد السو 😭😭معاش تقول هكي
جابر :لو الموت خدتني وماخديتش انفال نبيك تعطيها هالصندوق يلي في رف الدولاب 💔
امه :حاضر ياوليدي اصلا انت حتروح وتعطيه ليها بأديك حترجع ونديرلك عرس لا صار ولا بيصير، وتاخد انفال وتعبولي الحوش صغار يشبهولك،
جابر اكتفى بأبتسامة 😊 💔
باس راس امه وتلفت شاف بوه مشاله وباس راس بوه
بوه : جابر اني ربيتك على الصح، وربيتك ان الراجل مايهزه شي، الراجل راجل ولو طال الزمان وتدهور بيه الحال، نبيك تدافع عن بلادك ومنطقتك بيش يعيشو الناس لان لازم من التضحية ياولدي، وحتى لو ضحيت بروحك ودمك
خنقاته العبرة ودمعته في عينه
حتى لو ضحيت بروحك عشان بلادك مش خسارة 💔في حفظ الرحمن يا جابر  💔في حفظ الرحمن
جابر عيونه تعبو دموت وباس راس بوه ودمعته نزلت :مع السلامه يابوي دير بالك على روحك 💔ودير بالك علي امي
شاف جنى عيونه زي البحر وزايدتهم زروقيتهم 🌊💙جابر جاها وحضنها
جنى :عمو
جابر عينه دمعت 😢مسحتهاله جنى بيدها الصغيرونة
جنى :عمو عاس تبكي منو ضربك نمسي نضربة اني منو😡😭وعيونها يدمعو
جابر :😊لا ياعيون عمو هادا فيه حاجة خشت لعيني ودارت دموع 😊💔
جنى:اها به عاس تبكي نحبك عمو
وحضنت راس جابر وبدت تحرك في يدها على راسه 💕بحنية طفل ♥️
جابر باس خدودها وباس راسها وحطها وقال: عمو توا ماشي ياجنو باهي ماتديريش شطانة وتعبي بابا وماما واسمعي الكلام باهي ♥️😘
جنى:به ❤️حادل(حاضر
جابر ابتسم وشاف لعلي خوه ومشاله
وقف قدامة وبدي يشبحله
علي :ياخووي 😢😢💔
جابر حضن علي بالقوة
علي :دير بالك على روحك نستنو فيك احني
جابر :بأذن الله تعالى 😊دير بالك عليهم ياعلاوي
علي :😊😢
وتلفت سلم على انوار
انوار :في حفظ الله ورعايته ياجابر 😢💔
جابر :سلمك يااختي يلي ماجابتهاش امي، ديري بالك على جنى وعليوة ♥️وعينك من امي وبوي
ووقف جابر قدام الباب شافلهم
جابر :ديرور بالكم على روحكم واستنوني ان شاء الله مش حنطول عليكم الغياب ♥️
وطلع
............... يتبع 💋