سجينة الماضي

قرار

رفيف
بعد ما خابرني الولد وكالي تسنيم بالمستشفى ما اعرف شصار بيه متت رعب عليها لمت نفسي شلون خليتها تطلع بوحدها طلعت جني مخبله من الفندق اريد بس اوصل لها وأطمن عليها هاي اختي وصديقتي ما عندي غيرها بهل الدنيا اثنينه سند لبعضنه ما عندنه غير بعضنه بس مشكلتي ما اندل وين اروح هاي اول مره اجي للعراق وكلشي ما اندل ضليت اسال الناس عن المستشفى وكالولي اخذي تكسي حتى توصليه ضليت ادور تكسي بس شفت شي خلاني ما اشوف طريقي وكفت مثل الصنم

حيدر
علي راح وخلاني ويا هاي المصيبه وحدي منتظر صديقتها تجي حتى اروح انا هم تعبان النهار كله اخدم بالحسينيه اريد بس ارتاح اشويه كلت بما انها نايمه خل شويه ارتاح ستوني جاي أغمض عيوني واسمع صوتها تون و تبجي و تحجي وهي نايمه بس ما فهمت من حجيها بس جملة وحده وهي يمه فدوه ساعديني يمممه ودموعها تجري والله كسرت كلبي كلت احسن شي اكعدها لان اذا تبقى راح تتاذئ اكثر مبين هواي معانيه بحياتها ماكو شي يخلي الانسان يبجي وهو نايم إلا جرح جبير بس المشكله شلون اكعدها اصيح عليها ما تسمعني ما بقى عندي غير حل واحد

تسنيم... ليش تسوون هيج بيه
المجهول1.... حتى ننتقم ما لكينه غيرج انتي انسب شخص
المجهول2.... اما انا لان اكرهج انسانه شايفه نفسج محد يعجبج ما اعرف على شنو
تسنيم... حتى لو سوون كلشي محد راح يصدكم
المجهول1... راح نشوف يصدكونج لو يصدكونه
تسنيم... طبعا يصدكوني الكل عنده ثقه بيه ويعرفوني ما اسوي هيج شي
المجهول2... قبل هاي حبيبتي مو بعد ما راح نسويه هسه بيج هههههه
تسنيم... شنو قصدكم
المجهول2... هذا قصدنه ههههه
تسنيم...لا لا مستحيل اكيد تشاقون وياي
المجهول2.... هسه تعرفين شقه لو حقيقه
تسنيم... لا فدوه اروحلكم حرام لجاي تسوونه بيه يمه فدوه ساعديني يمممممه بووووويه لحكولي
المجهول2... هسه لو تصيحين لصبح محد يسمعج ههههه يله صيحي يله اصلا صياحج شي يخليني فرحان وطاير من الفرح هههههه
تسنيم... يمه وينج يمه فدوه ساعديني يممممه

حيدر
بعد ما كدرت اتحمل اشوفها هيج تبجي وتحجي وضلت تصرخ يمه فدوه ساعديني ما عرفت شلون اكعدها شفت اكوا يمي كلاس مي ضليت اشمر على وجها قطرات مي حتى تصحى ماكو عندي غير هذا الحل حتى اكعدها او بالأصح اريحها من كوابيسها

تسنيم.... حسيت اكو شي بارد طاح على وجهي فتحت عيوني وانا مرتعبه نوب اكثر شخص كرهته اول ما دخلت العراق لكيته واكف كدامي اجيت اسودن بالزايد هذا شيسوي هنا ونوب بغرفتي وهو اصلا انا وين شويه شويه بديت استرجع ذاكرتي وعرفت انا بالمستشفى بس تفاجئت هذا شيسوي هنا
حيدر... واخيرا صحيتي الحمدلله على السلامه
تسنيم... انت شسوي هنا
حيدر... السياره لذبيتي نفسج عليها سيارة اخوي وانا هنا حتى اطمئن انج كمتي بالسلامه حتى لا نبتلي بيج
تسنيم.... ذبيت نفسي لو اخوك اعمى وما يشوف ما يكول ازدحام ويمشي على كيفه
حيدر.... والله ما يدري اكوا ناس ثوله تمشي بالشارع
تسنيم... شنو قصدك انا ثوله مو
حيدر... والله لبيب من الاشاره يفهم
تسنيم... او ليش ما تكول كلمن يشوف الناس بعين طبعه
حيدر... اكوا ما تحترمين نفسج
تسنيم... من اشوف مقابيلي محترم نفسه بذاك الوقت احترمه
حيدر... اللهم صبرج يا روح هاي شلون ورطه كله من ورا علي ورطني بيها
تسنيم... محد جابرك تبقى ترى تكدر تروح انا ما بيه شي اكدر ادبر نفسي مو شي صعب عليه نصيت صوتي وكلت شفت الاصعب من هذا هذا ماكو شي مقارنتا بالشفته
حيدر... مجرد واجب لا اقل ولا اكثر وثاني شي اعوفج حتى تذبين نفسج على سياره ثانيه وتبلين الناس بيج
تسنيم.... اكول شايفني كدامك زعطوطه واشمر نفسي على السيارات الناس رجائا تكدر تروح انا ما محتاجه واحد
حيدر... بس قبل الشويه تصيحين يمه انا محتاجتج لا تعوفيني
تسنيم.... رجائا لا تدخل بشي ما يعنيك وهسه من رخصتك تكدر تعوفني بوحدي
حيدر.... شفتها كلش تغيرت صارت مو نفس الشخص من جبت سيرة امها لهذا فضلت اتركها بوحدها
حيدر... ماشي راح اطلع بس راح ابقى بالباب لحد ما تجي صديقتج بقت ساكته ما حجت شي اصلا حتى ما تباوع بوجهي يجوز لان حجيت على امها
تسنيم.... ما اعرف شصار بيه من كال امج شكد اشتاقيت لكلمه يمه احجيها بالحقيقه مو بحلم اول ما طلع ما كدرت اسيطر على دموعي اصلا ما عندي وسيله اعبر عن حزني بيها غير دموعي صح انا محتاجه امي محتاجه حنانها محتاجه انام بحظنها بس شسوي اذا حظي هيج وحرمني منها