رفيف
كعدت ميته عطش شفت تسنيم بعدها نايمه اباوع على وجها مثل الملاك نايمه بس حتى بنومها مبينه حزينه كانت تكول من انام دائما وجهي يضحك وابوها يسميها النائمه ام وجه الضحوك هسه حتى الضحكه اختفت منها ادعي من ربي انه يصير شي يرجعلها ضحكتها الضايعه عفتها نايمه وكمت اشرب مي شفت الساعه ب2 اووو شكد بقينه نايمين ونوب احنا بيت غريب ما اعرف شلون امنت بيهم وبقيت بس همه مبينين ناس طيبه بس مع هذا ما كان لازم نبقى هنا يله ان شاء الله الصبح نتشكر منهم ونطلع عيب نبقى اكثر من هيج بقيت ادور مي بالغرفه ماكو لبست شالي وطلعت من الغرفه جنت كلش عطشانه ومنا كلشي ما اندل وين المطبخ ضليت امشي وتلفت ما احس الا انصدمت بواحد
رفيف... يمه دخيلك ربي حرامي ضليت اصرخ باعلى صوتي ما احس الا خله ايده على حلكي وانا متت من الخوف ضلت الافكار تروح وتجي بعقلي شراح يسوي بيه ما احس الا دموعي تجري
علي... يابه شبيج منو هو الحرامي راح تكعدين علينه الناس وبعدين منو انتي وشسوين بيتنه
رفيف.... من حجه وياي يله اطمنت طلع ابنهم الحمدلله ما صارت الأفكار لفكر بيها يسال وهو مخلي ايده على حلكي ااشرله حتى يوخر ايده ماكو لحد ما عضيته وحيل طلعت حركه كل كلبي هههه
علي.... خرب ابليسج شنو كلب خرب
رفيف... كلب بعينك تستاهل منو كلك تلزمني وصار ساعه اشرلك توخر ايدك مو صوجي اذا انت اثول
علي... اكول ما تحترمين نفسج منو الاثول بعدين منو لضل يصرخ واجه يلم الناس علينه لو ما سويت هيج كان الكل كعد وازعجتي الناس بصوتج التحفه وثاني شي انتي منو وشسوين بيتنه خاف انتي اطلعين حراميه وانا ما ادري
رفيف.... احترم نفسك شنو حراميه بله اشايفني كدامك امشي وتختل مثل غيري حتي محد يشوفني
علي... والله بكيفي شلون ما يعجبني امشي واذا عندج اعتراض اكو كدامج اربع حياطين اضربي راسج لجنه طوبه كريكر باي واحد منهم
رفيف... انت فد واحد ما يستحي وصوجي مضيعه وقتي وياك بله اشوف امشي من كدامي خل اروح لعبت نفسي
علي.... هي انتي تعالي وين رايحه ولج منو هذا لما يستحي ولعبت نفسج منه والله اليوم اراويج منو هذا لما يستحي
رفيف.... يمه خفت شوف جاي ارجف دخيلك لا تأذيني خاب طير بابا روح لعب ويا غيري مو وياي
علي... انتي فد وحده ما محترمه بيتي وجاي تغلطين عليه فوك...
ام كرار... علي شنو هذا الحجي مو عيب شلون تحجي ويا ضيوفك هيج انا ما ربيتك هيج
رفيف... لا خاله ما صار شي واحنا اسفين ازعجناكم بهل ليل ان شاء الله بس تصحه تسنيم احنا نروح وثاني مره اكرر اسفي
ام كرار... اوكفي يمه علي اعتذر منها يله
علي... يمه صدك جذب وانا شسويت حتى اعتذر هي لتمادت وياي بالحجي
رفيف.... لا خاله ماكو داعي لعتذاره انا غلطت وانا لعتذر منه تجاوزت رغم كوني ضيفه من رخصتكم
خليتهم ورجعت للغرفه متت بجي اخر شي انا اعتذر لواحد وانهان وما اكدر ارد اول مره احس بالعجز ما اكدر اطلع واعوف تسنيم وما اكدر اتحمل واحد يهيني ويجاوز عليه وانا ابقى ساكته لا والاكثر من هذا اعتذر منه نسيت العطش ونسيت كلشي اجيت حظنت تسنيم ودموعي تجري ليش هيج يصير ويانا لان احنا بنات ومحد لنا هيج يتعاملون ويانا لو عدنا سند محد يجرئه يحجي ويانا اول مره اكره شخص غير ابوي كرهت هذا علي متت منه على هل موقف لخلاني بيه بس وين يروح الا اندمه بس خل اشوفه مره ثانيه خلاني انام عطشانه الله ياخذه حقير
أنت تقرأ
سجينة الماضي
Romanceاصعب شعور هو الرجوع لمواجهة اشياء انت دائما تحاول تجاهلها تسنيم فتاة عانت الكثير ومن اقرب اشخاص على قلبها ورغم هذا حاولت التماسك ونسيان آلامها و وقوف من جديد او لنقول تناسي آلامها وليس النسيان حتى تتمكن من البدء من جديد ولكن هل الممكن التناسي او الن...
