سجينة الماضي

قرار الانتقام

‏- في مرحلة نضج عميقة تمنيت ألا أعي نصف ما أعي.
💔

تسنيم.... بابا وين راحين
ابو مصطفى... اصبري باباتي هسه تعرفين
تسنيم.... خاف يضل بالهم علينا ويضلون يدورون خطيه كون كايلين وين راحين حتى لا يضل بالهم علينا
ابو مصطفى.... لا بابا انا كلت لمصطفى هو يعرف احنا وين رايحين بس ديري بالج تحجين لسعاد مفهوم باباتي
تسنيم.... صار بابا بس هم ما كلتلي وين رايحين
ابو مصطفى..... اخ بويه شكد تلحين مو كتلج اصبري نوصل وتعرفين
تسنيم..... باا
ابو مصطفى..... كافي تسنيم لا تخليني اغير قراري وارجعج ويا اخوانج
تسنيم.... لا لا لا خلص بعد ولا احجي سكتت خلص
ابو مصطفى... عفيه باباتي الحلوه

تسنيم

رغم فضولي سكتت طبعا انا فد فضوليه بشكل هههههه وبس بابا يعرف يسكتني مشيت ويا وانا فضولي يقرا الف اريد اعرف وين ماخذني من كلنا بالبيت وقررنه نروح للنجف وكربلاء هو كالي هل مره راح اخذج لمكان بعد كبرتي ولازم اخذج له وانا من وقتها اشتغل فضولي شكد لحيت عليه ما قبل يكلي وين يكول من نروح تعرفين حاولت اعرف بطرقي الخاصه بعد معروفه المحققه شارلوك هولمز ههههه الكل يعرفني بهذا الاسم من كد ما اجيب لهم اخبار ليريد يعرف شي يجيني وانا اروح اجيبله ليريده شلون ما اكول ههههه بس حتى هاي ما فادتني هل مره كلشي ماكو بابا قافل بعد ماكو حيله بيدي سكتت وكلت الخبر اليوم بفلوس باجر بلاش ..........

تسنيم..... بابا والله تعبت شنو مطولين
ابو مصطفى.... لا بابا هاي وصلنه
تسنيم.... بس بابا هاي مقبره
ابو مصطفى.... اي بابا انا جايبج اليوم حتى تزورين امج مو دائما من احجيلج عليها تكليلي اريد اروح ازورها اليوم جبتج لها باباتي ليش تبجين مو تريدين تشوفينها ليش هل البجي كافي حبيبتي امسحي دموعج ولا تخلينها تشوفج هيج ترى هي حتى لو مو ويانا بس هي تشوفنه وتحس بينه يله بويه امسحي دموعج

تسنيم

يمه شكد حلوه هل الكلمه ماكو احلى منها شي بهل الدنيا دائما اشوف اخواني امهم شلون تعاملهم وتحبهم وخصوصا صفا وسمر كلش تحبهم انا صح تحبني بس مو مثلهن خاصه من يطلع بابا ومصطفى تغير طريقه تعاملها لي دائما تمنيت تكون ليه ام مثل البقيه من اجوع اركض لها واصيح يممه جوعانه وهي تكلي من عيوني يمه هسه احلى اكل لعيونج ومن اتعور هي تجيني وتمسح دموعي وبالمدرسه مثل ما الطالبات يحجن بامهاتهن انا هم اشارك وياهن بالحديث هيج ماما سوت وهيج جابتلي صح بابا ابد ما مقصر من ناحيتي ومدللني بشكل بحيث الكل يغار مني وحتى اخوي مصطفى يموت عليه وهو لي رباني ويحسبني بنته وصديقته وأخته كلش يحبني ودوم يحجيلي شيصير وياه حتى صرت صندوق اسراره اعرفه اكثر من ما امه تعرفه وحبيبي رضاوي والكل وبيبي الله يخليها لي تموت عليه الكل يحبني بس كلهم ما كدروا يعوضون مكان واحد وهو مكان امي الام شي عجيب محد يعرف قيمته الا لمن يفقدوا وانا فقدتها حتى قبل لا اشوفها بابا دائما يحجيلي عنها وشلون كانت حنونه وطيبه ويشوفني صورها ويكلي انتي نسخت امج بكلشي طالعه تشبهيها الا بعيونج تشبه عيوني كنت دائما قبل الا انام اخذ صورتها وياي وخليها يمي يله انام هاي عادتي متعوده اسوي هيج يله انام صح ما شفتها بس احسها وياي بكل مكان قبل لا اسوي اي شي احجي وياها وكأنها موجوده كدامي ودائما الح على بابا ياخذني اشوفها يكلي من تكبرين واليوم من كالي هذا قبر امج ما اعرف شصار بيه بس ضليت ابجي ما اعرف شعوري بوقتها شنو بابا يحجي وياي بس ابد بالي مو يمه اخذني لقبرها بقيت بس اباوع اشوف بابا غسل قبرها وكعد يقرا قران لها ويحجي وياي حتى اكعد اقرا ويا بس انا جنت مو يمه جنت بس اباوع على قبرها واحجي ويا نفسي اكول معقوله امي هسه موجوده اريد اشبكها اريد ابجي بحظنها بس هذا بس تراب وين امي هنا عرفت انا يتيمه مالي ام وراح ابقى هيج كل عمري
ابو مصطفى.... بويه لو ادري هيج يصير بيج ما اجيبج اشوفينها ترى انتي جاي تعذبينها هيج كافي بويه تعالي اكعدي وقريلها قران وترحميلها احسن من بجيج هذا
تسنيم.... بابا بس انا مشتاقتلها واريد اشوفها بس ششوف شو هذا تراب امي وينها فدوه حاجيها خل تكعد بس اشوفها دقيقه والله بس دقيقه ما اريد اكثر انت مو تكول هي تحبك حاجيها حباب
ابو مصطفى.... فدوه رحتج بويه كافي مو جاي تكسرين قلبي وانا شباقي بيه كافي عليه افراك امج ترى ما اتحمل بعد كافي بعد ابوك اذا تحبيني كافي
تسنيم.... رحتله وحظنته وضليت ابجي اعرفه ما يتحمل يشوفني هيج وانا ما اريد اكسر خاطره كعدنه يمها وقرينالها قران وبابا ضل يحجي وياها عليه ويكلها نسختج عوضتني عن فراكج وهواي حجي وكأنها موجوده وكاعده ويانا هواي بقينه يمها بعدين رجعنه رجعت وانا وعدتها اجي ازورها كل ما اجي لزياره بعد ابد ما اعوفها