سجينة الماضي

لقاء من الماضي

عجَباً لشخص يَقف بِثبات تام، رُغم الدمار الذِي بِداخله، يَبتسم وكُل أحشَائِهُ تَحْتَرِق ..
يكون جبلاً أمَـامَهُم .. ومِنْ خَلْفَهُم يبحثُ عَن عِناق ..💔

حيدر

صافنه بغير عالم تحسها حامله هموم الدنيا كلها على راسها شكد ما احاول ادرس هل بت ما اكدر صارت بالنسبه لي لغز واتمنى احله الكل يشارك بالحديث حتى رفيف لجانت رافضه فضل نهائيا بس هسه جاي تحجي ويا وتشارك بالحجي الا هي ابد صافنه على الشوارع اول ما صعدنه وهي هاي حالتها حاولت اخليها تحجي ماكو سالتهم اي مطعم يحبون يتعشون بيه الكل انطى رائيه الا هي صافنه واحس الدمعه بطرف عينها بس تريد اطيح وانا اشوفها هيج اموت اتمنى اطلعها من هل حاله وقررت اسوي شي بس نوصل للمطعم لي اختاره علي يصير يم شط العرب يكول عنه كلش حلو صديقه ناصحه بيه حبينه نجربه

تسنيم

ما اعرف ليش مضايقه هل كد احس كأن جبل على صدري خانكني ما يخليني اتنفس شعور غريب اول مره احس بيه من سبع سنين وخايفه منه حتى رفيف ما كدرت احجي لها وشلون احجي شي انا اصلا ما اعرف شنو هو وحتى لو اعرف ما راح احجي وانا اشوفها بهل الحاله فرحانه من عرفتها وانا ما شايفتها بهل شكل كلها حيويه وتناقش وتحجي بفرح هي دائما تحلم بهيج اجواء عائليه اب ام اخ اخت جد صح هي من عرفت عدها اخ واخت عصبت وصرخت ورادت ترجع حتى بس هي من داخلها فرحانه وهسه اتاكدت وانا اشوفها شلون تحجي ويا فضل وهو مبين حبها وزاد فرحها انها راح تتعرف على اختها بعد ما عزموها تجي لنفس المطعم لي راح نروحله ما كدرت احرمها من هاي الفرحه بحزني قررت هل مره احتفظ بحزني لنفسي وما اشارك واحد بيه شكد حاولت تسألني شبيه وانا اجاوبها ما بيه بس مضايقه شويه اعرف هي ما مقتنعه بس تحاول تقتنع حتى المتعجرف احسه يحاول يحجيني وانا اغلس لان ابد مو بحاله اباوع على شوارع البصره شكد احب هل منطقه يا رب ما اعرف هيج احبها وانا صغيره وانا احبها احسها تشبهني رغم كلشي تواجهه تبقى واكفه على رجليها احب ناسها الطيبه كلشي احبه بيها ......
وانا صافنه رفيف حاجتني كالت انزلي وصلنا اول ما نزلت وطاحت عيني على المكان وانا جمدت بمكاني واحس قلبي يريد يطلع من مكانه ودموعي اخذن دورهن بسقوط يارب ماكو غير غير مكان بالبصره الا هذا المكان اكثر مكان احبه واكثر مكان عندي بيه ذكريات اذكر من مصطفى جابنه له بحفلة تخرجه هو يدرس بجامعه البصره هندسه كيمائيه اذكر شكد جان فرحان لان بابا وعده اذا اتخرج وطلع الاول ياخذله البنيه ليحبها جابنه لنفس هذا المطعم وبيومها شكد تونسنه صفاوي عمري بيومها كالي شنو بالج اطلبي مني وانا انفذه لج وانا شكد ما احب اطلب هههه ما خليت شي ما طلبته منه وهو ينفذ حتى خليته يتندم لان وعدني هههههه عفت الكل وراي ومشيت لنفس المكان لكعدنه بيه ما متغير بيه شي من سبع سنين صرت امشي بليه روح امشي واباوع على كلشي موجود بالمطعم كلشي يذكرني بيهم هنا كعدنه هنا خليت رضاوي يركض وراي بعد ما فرغت بطل المي على راسه وبابا يصيح علينا لان عيب من الناس طلعت من المطعم رحت للشط رحت لنفس المكانه قبل هنا كعدنه هنا من اجوا ولد يعاكسونه وانا واختي وشلون صفاوي عمري طيح حظهم احس كل طاقه ما بيه حتى الحجي فقدت قدرتي عليه كعدت بنفس المكان اجوا وراي يسألون اذا بيه شي كتلهم ما بيه بس حابه ابقى وحدي وهمه خطيه اتفهموا وضعي وعافوني حتى رفيف قنعتها ما بيه بس مضايقه شويه واريد ابقى وحدي وهي تعرفني اذا اختنك احب ابقى وحدي وخطيه عافتني بس ما ابتعدت كعدوا قريب مني كمت اتمشى اريد ابعد عنهم اريد ابجي اريد اصرخ احس كل طاقه ما بيه امشي واسال نفسي ليش كل هذا صار وياي انا وين اذنبت شو طول عمري ما مسويه شي يغضب ربي واهلي وكل الناس تحبني وما يوم حقدت او كرهت احد ليش كل هذا صار وياي اذا ليش انحرمت من اعز ناسي ليش يا ربي امشي واحجي ويا نفسي وما حاسه بشي بس صار شي صحاني من سمعت اسمي من صوت اعرفه كلش عدل اي هذا صوته اي والله صوته لتفتت اريد اعرف صح لسمعته اول ما لتفتت واشوف اعز انسان على كلبي اي هو صفاوي عمري شفته بس هو ما شافني
مصطفى.... بابا مو حذرتج لا تقتربين من الشط انا شكلت
تسنيم.... بس اريد اشوفه عفيه بابا بس اشوفه
مرتضى.... يابه خليها تشوفه مو طيرت روسنه وهي تنك فوك روسنه اريد اشوفه اريد اشوفه
مصطفى.... شلون اخليها شلون لو غركت وانت تعرف شلون احبها وعندي هي بالهواء ما ابدلها
مرتضى.... عمي نعرف وكلنا نحبها بس مو نخنكها مثلك عموما تعالي حبيبت عمو انا اشوفج الشط ولعبج بيه بعد شتردين وهم ابوج يفك ياخه عنج مو خنكنه من كد حرصه عليج
تسنيم.... ايييييي عموووو حبيبي
مرتضى.... ولج شهرتينه ام حلك اسكتي فضيحه انتي تشبهين ناس اعرفهم
مصطفى.... يله مرتضى اخذها بس دير بالك عليها وخلي عينك منها