سجينة الماضي

مرض تسنيم

سَينصفنا الدهرُ يوماً ما ، وما ذهبَ مع الأيام سنجدهُ يوماً معلقاً على أغصانِ الحياة !

تسنيم ..... حباب حباب
ابو مصطفى..... تسنيم كلت لا يعني لا
تسنيم.... باباتي الحلو عفيه والله بس هل المره وبعد اذا كلت لا يعني لا ولا اناقش اصلا بس هل مره وافق ابو صوفي الحلو عبوسي الطيب يله يله فدوه وافق حباب حباب
ابو مصطفى.... (كاتم ضحكته ) اخ بويه منج من تردين شي تاخذي يعني تاخذي بله انا وافقت شيقنع مصطفى
تسنيم.... ابو صوفي انت وافق وخلي الباقي عليه هااا شكلت تتطلع الدره وكول موافق لخاطر سوسو حبيبتك
ابو مصطفى.... عمي موافق هو انا اكدر عليج وعلى لسانج بس مالي دخل بمصطفى لا تكليلي اقنعه منج له تمام هيج هسه رضيتي ست تسنيم
تسنيم..... احبك احبك اموت عليك يا احلى اب بالدنيا الله يخليك ليه يمممممه فديت باباتي الحلوو يممممه شكد احبك والله اموت عليك وبالنسبه لصوفي مالك دخل مثل ما كتلك انا اقنعه
ابو مصطفى.... ولج كسرتيني بويه هو هيج تكمزين عليه تراني شيبت يا بعد ابوج ما بيه ذاك الحيل الاولي و عوفي هذا التكمز تراج كبرتي بويه
تسنيم.... يااا فدوه منو هو الشايب بعدك بعز شبابك اصلا وبله الشباب بيش احسن منك والله حتى انت احلى منهم يرحولك فدوه هل الزعاطيط اكلك سر بيناتنه ليش ما تخليني ادورلك عروس بس لا تكول لماما والله تذبحني ههههه ومال كبرتي شنو اصلا بعدني سوسو حبيبتك وطفلتك المدلله والله لو اصير عجوز هم ابقى اكعد بحظنك وكمز عليك وبس تجحي ازعل منك ترى وتعرف زعلي ثكيل اووووي
ابو مصطفى.... لا يابه انا اكدر على زعلج وانا كم سوسو عندي هي وحده واعز عندي من الهواء لشمه
تسنيم.... حبيبي الله يخليك ليه يا نسمه حياتي تروحلك تسنيم فدوه
نزلت من يم بابا وانا افكر شلون اقنع مصطفى هذا صعب يقتنع بس لازم اقنعه ما بيها مجال لو بالهدف لو بالنجف مثل ما يكولون

سمر.... وجع ما تشوفين
تسنيم.... اووو شبيج ما شفتج على شنو هل الصوت العالي والغلط بعد جنت سرحانه وما شفتج
سمر.... اي عيني وبيش سرحانه اكيد كاعده تخططين لشي
تسنيم.... سمر شبيج شنو اخطط شايفتني كدامج ولا يكول اختي حسبالج عدوج كدامج وجاي تعاركينه
سمر.... تسنيم تدرين والله يجوز احب عدوي اكثر منج يا اختي ما احبج تعرفين معني ما احبج ماااااا احبج اكرهج
تسنيم.... والله مو جديده عليج من زمان اعرفج تكرهيني ومو بس انتي حتى اختج وياج بس اموت واعرف شمسويتلجن شو ما اعاملجن الا اخواتي الكبار وكل الاحترام لجن بعد على شنو تكرهني
سمر..... كلش مسويه روحج الملاك البرئي وما مسويه شي كافي حبج ابونا واخوانه لج بس هذا يخليني اكرهج
تسنيم.... مثل ما همه ابوج واخوانج ويحبونجن انا هم ابوي واخواني ويحبوني مثلي مثلجن بعد شنو
سمر.... عزيزتي لا تحلمين بهذا مستحيل تصيرين مثلنه كافي انج موتي امج اول ما اجيتي افهمي بابه انتي فكر ومستحيل اخلي اهلي يبقون يحبونج اصبريلي وشوفي

ذبت سمها وراحت مثل كل مره بس كل مره انا ما اهتم اكول يجي يوم وتتغير بس اليوم اول مره تحجي وياي على امي يعني صح انا السبب بموتت امي انا موتتها انا فكر ضلت هاي الكلمه ترن باذني امشي وانا افكر بكلمه فكر موتي امج ليش هيج تكرهني ليش شسويتلها والله احبهن وما اريد منهن شي بس لا يعاملني هيج
مرتضى..... تسنيم شبيج منو وياج !!!!
تسنيم.... مرتضى صح انا فكر انا موتت ماما وهي ماتت بسببي
مرتضى.... منيلج هذا الحجي وليش تبجين منو حاجج هااا سمر حاجتج مو يابه شبيج اصدكين بيها قابل انتي صغير وتصدكين هيج حجي ما تعرفيها تحب تغثج انا لها اليوم الا اتوبها
مصطفى.... منو هاي لتوبها هاا اتقربت منهم تسنيم شبيج ليش تبجين
مرتضى.... هاي ل
تسنيم ...... لا حبيبي ما بيه شي بس دايخه شويه وراسي يوجعني يجوز ضغطي صعد مثل كل مره
مصطفى.... مرتضى منو وياها ليش تبجي هاي سوالفها ما تمشي عليه اعرفها ما تبجي الا اكوا شي
مرتضى.... اجيت احجي وما اشوف الا تسنيم وكعت مصطفى تسودن عليها اول مره يصير هيج شي بيها بوقتها تمنيت اصعد اموت سمر بيدي اعرفها هي محاجيتها وتعرفها حساسه ما تتحمل انا لها بس اطمئن على تسنيم اول
مصطفى..... سوسو حبيبتي شبيج افتحي عيونج يا روح اخوج ولك مرتضى اركض شغل سياره لك امشيييي شبيك صافن
مرتضى.... اي اي ركضت اشغل السياره على صوتنه نزل ابويه يابه هسه يتخيل كلشي عنده الا تسنيم ما يتحمل يصير بيها شي
مصطفى... تسنيم حبيبتي فتحي عيونج شبيج ما تكليلي الصبح عفتج ما بيج شي
ابو مصطفى.... باباتي تسنيم ولك مصطفى شبيها ليش وكعت
مصطفى.... يابه هدي روحك ماكو شي ان شاء الله شلتها خل ناخذها للمستشفى ونشوف شبيها ما اعرف شبيها
ابو مصطفى.... اخخخ يابه شبيج شصار وياج ستوج نزلتي من يمي جنج ورده
مصطفى..... يابه فدوه لا تسوي هيج ما بيها شي ان شاء الله لا يروح يصير شي بيك النوب احتار اهتم بيك بيها
مرتضى.... يله مصطفى استعجل