سجينة الماضي

انتهاء الماضي

‏"لأنّ في داخِلي، في مكانٍ ليسَ بِبعيد عنّ
روحي، كان ثمّة شيءٌ مُتعب وممزق.....💔

-كم قبراً سنحتاج لندفن كل ما مات بداخلنا ؟

رفيف

امشي بدرب ما اعرف انا صح لو خطا كلشي اريده هو شوفت تسنيم خايفه عليها كلش خاف صاير بيها شي وهواي أسئله بالي جدي شلون عرف مكان تسنيم وحيدر وفضل شبيهم متوترين وطلعوني من البيت بهاي الطريقه حتى ما خلوني اسلم على ام كرار ولا على البنات وتسنيم ليش تركتني وشعدها بالنجف شسوي رايحه هواي اسئله وماكو لها جواب ولا احد يقبل يجاوبني بس اكيد راح اعرف اجوبتهن هسه لو بعدين المهم اعرفهن بس اهم شي هسه تسنيم شبيها شنو لخلاها تروح للنجف وهي ما صدكت كملت زياره وطلعت منه شنو صار وياها وين اختفت كل هاي الايام وانا افكر بيها اخذتني ذكرياتي لليوم لعرفت بيه تسنيم شلون عرفت خالتي هدى ............

رفيف.... خاله ما كلتيلي شلون تعرفتي على تسنيم وشنو سبي هاي العمليه لمسويتها
هدى.... رفيف لا تلحين خليها هي تحجيلج احسن
رفيف.... شتحجيلي هي من يوم ما اجت لتركيا وهي عازله نفسها بالغرفه ودائما اسمعها تبجي كليلي شنو قصتها يجوز اكدر اساعدها
هدى.... ساعديها رفيف فدوه ساعديها ترى هي محتاجه واحد يساعدها ما تعرفين شنو عاشت من مصايب
رفيف.... اي غير اعرف شنو صار وياها حتى وصلت لهل المرحله
هدى.... انا ما اكدر اكلج كلشي بس راح احجيلج شلون تعرفت عليها
رفيف.... اي شي المهم اعرف عنها شي حتى اكدر اساعدها
هدى.... اذا اسمعي شوفي بيوم جنه انا وزوجي طالعين بره وتاخرنه يله رجعنه للبيت وبرجعتنه شفنه شي وكع من الجسر ما عرفنه شنو لان الشارع جان اظلم بالبدايه خفنه ننزل نشوف شنو لان الدنيا مو امان يجوز كلشي يطلع ليش نورط ارواحنا بشي ما نعرفه شنو بس من سمعنه صرخه نزلنا كلنا خاف واحد وكع بدون ما ينتبه ركضنه على مصدر الصوت ولكينه بنيه مثل الملاك واكعه على طرف النهر والدمها يجري زوجي ما قبل ناخذها للمستشفى كال النوب نروح بيها ونبتلي واحنا مالنا شغل بس انا كتله مستحيل اخليها هيج لازم ناخذها للمستشفى وكوه قنعته واخذناها وسوولها عمليه طلعت واكعه على حديده وهاي الحديده جاي على بطنها والمهم سوتها وبقت بالمستشفى اسبوع وانا ما تركتها ابد بقيت عيني عليها اجت الشرطه تحقق حجينالهم لشفناه ومنتظرين تكعد حتى تحجيلهم شصار وياها بس يا ويلي من كعدت وشافت نفسها بالمستشفى بجت بجي كطعت قلوب الدكاتره والممرضين تصرخ وتبجي وتكول ليش ما خليتوني اموت ليش نقذتوني وهواي حجي من كده ما بجت نغمى عليها وضلت على هاي الحاله تقريب اربعة ايام تكعد تبجي وتصرخ لحد ما اضربها مهدئ وترجع تنام لحد ما يوم كعدت وانا موجوده يمها واصلا صارت تعرفني كد ما كل ما تكعد تلكاني بس هل مره ما سوت شي بس صافنه كلت اي الحمدلله بدت شويه تتحسن شكد حاولت احجي وياها ماكو بس صافنه ضليت يوميه كل ما اخلص شغلي اجي يمها احجي وياها واحجيلها عن حياتي ويومي شلون اخلصه بين المرضى بلكت بيوم تكدر تحجي وياي وصدك بيوم وانا احجي وياها كتلها ياريت لو اكدر اعرف قصتج حجت وردت عليه قصه صعبه ما تتحملين تسمعيها انا من حجت كلت بيها مجال ضليت الح عليها واستمر هذا الوضع شهر كامل لا هي تحجي ولا اكوا ناس اجوا يسالون عليها وبيوم كتلها اليوم ما اتحرك الا تحجيلي قصتج وصدك اجاوبت وحجتلي كلشي يخصها وياريت ما حجت متت بجي عليها وهنا قررت اساعدها ولازم اروح اكول لأهلها على حالتها وصدك رحت بدون علمها عرفت اسمهم وعنوان منطقتهم من خلال حجيها هي ما تريد تنطيني عنوانهم حتى محد يعرف بيها عايشه كل عقلها تريد ترجع تنتحر  رحت لمنطقتهم وبديت اسال عليهم لحد ما اندليت عنوانهم والمفاجأة انه اهلها كانوا ناصبين فاتحتها يعني اموتينها وهي عايشه اسودنت شلون يسوون هيج شلون يموتوها وهي عايشه عقل ما ضل براسي دخلت لبيتهم وجنت ناويه اسوي مشكله وافضحهم فضيحه لها اول مالها اخر حسب حجيها اهلها يحبونها شلون انطاهم كلبهم يموتوها وهي عايشه اول ما دخلت صارت بوجهي بنيه
هدى... السلام عليكم
روئ... وعليكم السلام اتفضلي خاله ادخلي جوه
هدى.... انا ما جايه ادخل ممكن تصيحيلي مصطفى او مرتضى
هدى... غير اعرف انتي منو حتى اصيحهم لج وبعدين انتي تشوفين حالتنا والولد هسه بالفاتحه وما اكدر اصيحهم لج بس اذا تحبين كليلي شنو محتاجه منهم يجوز اكدر اساعدج
هدى.... لا انا اريدهم همه مو واحد ثاني وبالنسبه منو اني انا الدكتوره هدى المسووله عن حالة المرحومه تسنيم ولكم شلون انطاكم قلبكم تسوون هيج شلون تموتوها وهي عايشه اريد افهم شلون
روئ.... دكتوره اذا تهمج تسنيم وما تردين تأذيها تعالي وياي
هدى... وين امشي وياج انا اريد اشوف اخوانها ما اتحرك منا الا اشوفهم
روئ.... دكتوره راح افهمج كلشي بس تعالي وياي هسه قبل لا يسمعنه واحد
هدى... راح اروح وياج بس حتى اعرف شنو راح يأذي تسنيم بس بعدين لازم اشوف اخوانها
روئ... من عيوني بس هسه امشي وياي