سجينة الماضي

الجزء الأول

بعد ان استيقظت جلست جلستي العاديه على الشرفه المطله على بحر اسطنبول الرائع اشرب القهوه بعد ما اصبحت مدمنه عليها لكن هذا اليوم مختلف استيقظت قبل موعدي ب3 ساعات او بالأصح لم أنم انه اليوم الموعود يوم احلم به مدة سبعة سنوات ما انتبهت على نفسي وانا اذكر ذاك اليوم يوم انحرمت من كل شي يوم انجبرت اترك كل شي اترك بلدي اترك احلامي ببساطه اترك روحي ما فقت على روحي الا بعد ما سمعت جرس الباب يرن انتبهت على نفسي ورجعت من عالم احزاني كما اسميته بعد ما مسحت دموعي ورسمت ابتسامه صغيره على وجهي فتحت الباب لأجد صديقتي ورفيقت دربي رفيف

رفيف .. ساعه يله تفتحين ست تسنيم
تسنيم..ساعه يا اختي شكد تحبين المبالغه هي دقيقه يله ادخلي مو لاميتي علينا الجيران بصوتج
رفيف..صوتي لا يا بعد قلبي هذا صوتج اصلا بلبل يغرد هو اكو احلى من صوتي
تسنيم..يله عمي بلبل طير المهم ادخلين مو راح انطرد من ورج هههه
رفيف...هههههه هو انا هيج اريد حتى ترجعين تعيشين وياي
تسنيم..بحلامج 😋
بعد ما دخلت رفيف وطبعا اول شي تروحله هو المطبخ حتى تسوي ريوك لها وتحضر كهوتها وتخلي المطبخ عباره عن ساحة حرب ههههه بس شسوي احبها الخبله مالتي بعدما خلصت من تنظيف المطبخ وهي خلصت من ريوكها ام بطن هههههه
رفيف... ترى سمعتج
تسنيم... عليه عمي مو عليج ههههههه انا ام بطن هههههه يله تعالي شنو ما خلصت كهوتج انا راح اكعد بشرفه
رفيف... اي اعرف مكانج المفضل هسه اجي دقيقه
تسنيم... هااا واخيرا خلصتي شنو من كهوه هاي
رفيف... طبعا هاي كهوتي مو اي كهوه 😌 عود مثل كهوتج فاهيه
تسنيم... احبها هيج انتي شكو يا اختي بطلي حجي على كهوتي
رفيف... يله يله سكتت بس مو لخاطرج بس حتى اشرب كهوتي قبل لا تبرد
رفيف
انتبهت على تسنيم صافنه ومو على بعضها صح تضحك بس فكرها مو يمي ابد اعرف بيش تفكر اعرف عليها صعبه بس لابد من المواجهه اعرفها راح هواي تتأذه وراح ترجع تبجي وراح ترجعلها كل ألامها شكد قنعتها لا تروح بس هي مصره على الروحه لهذا ضامتلها مفاجئه حلوه
رفيف... بعدج مصره على الروحه مو صارلج سبعة سنوات ما مفكره بالرجعه ليش هاي السنه
تسنيم... كل عام بهاي الايام كوه لازمه نفسي ما اروح بس هسه بعد ما اتحمل لازم اروح اشتاقيت ازور
رفيف... راح تروحين تشوفينهم مو
تسنيم...ما اعرف بس هدفي من روحتي هسه هو الزياره فقط
رفيف... متاكده ما تعرفين لو تعرفين وتنكرين حاولي ولو مره تكونين صريحه وي نفسج
تسنيم... رفيف انتي تعرفين شكد عانيت ما اريد ارجع اعاني من جديد صح انا ما ناسيه ولا يوم لا ولا دقيقه كل ما اخلي راسي على مخدتي اذكر كل شي بس مع هذا احاول اكون قويه ليش تردين تذكريني
رفيف... انا اعرف انج ما ناسيه واعرف صعبه لهذا جنت ضد روحتج بس انتي معنده على الروحه واعرف راح تروحين تشوفينهم لان قلبج ميت على شوفتهم
تسنيم... شسوي مهما سووا بيه ابقى احبهم واعرف راح اروح اشوفهم حتى لو من بعيد شتاقيتلهم هواي رفيف كلبي حن لهم سبع سنين حاولت اكره واحد بيهم بس ما كدرت كل واحد له مساحه بقلبي محد يكدر يمحيها بعد ما اكدر اتحمل اريد اشوفهم ولو دقيقه هم قابله دقيقه وحده بس
رفيف... شفت تسنيم بعد ما سيطرت على روحها دموعها عشره على عشره تصب على خدها وتشهق بعد ما اتحملت كمت حظنتها وبدل ما اسكتها كمت ابجي وياها اعرفها راح تموت من الآم اذا راحت وراح كلشي يرجعلها اذا راحت لهذا حتى اطلعها من هذا الموقف
رفيف... اي وشوكت الطياره
تسنيم... وانا امسح بدموعي ب8 بليل
رفيف... بس اكيد راح تحجزيلي بفندق 5 نجوم مو 😌
تسنيم...شنو
رفيف... شنو حسبالج اخليج تخلصين مني بسهوله وراج وراج
تسنيم... شنو قصدج بس كون لفهمته
رفيف... قصدي يا اختي مثل ما فهمتي هههه
تسنيم... لا لا تكولين راح تروحين وياي اعرفج مستحيل ترجعين شكد حاولت اقنعج بس ماكو فايده وانتي عمرج 5 سنوات وانتي هنا واصلا انتي شايله الرجعه من بالج شنو لخلاج تقبلين هل مره
رفيف... اي حب راح ارجع وياج خو ما اخليج بوحدج بهذا الموقف ومو بس على مودج ترى لا تغترين بنفسج ماشي اكو سبب ثاني انتي دائما تحجيلي على زياره الاربعين وعلى المشايه وعلى الامام الحسين عليه السلام وشكد انتي تحبينه وشكد مشتاقتله لهذا اريد اروح ازوره وامشي وياج مشايه من النجف للكربلاء
تسنيم... حبيبة قلبي كمت حظنتها اعرف هي على مودي رايحه دائما اقنعها تروح تزور وتزور نيابه عني بس هي ما تقبل ترجع وهل مره قبلت على مودي اعرفها وانا طبعا بدوري راح اعرفها اكثر بالامام الحسين عليه السلام نسيت اكلكم ترى رفيف مسيحيه وانا شيعيه ورغم اختلاف الطوائف ما منعنه هذا الشي نكون اصدقاء لا بل اخوات مو صديقات
تسنيم... رفيف صدك شلون قبلوا يطوج اجازه انا بطلاع الروح يله قبل استاذ منذر ينطيني اجازه اسبوع
رفيف...قبلوا بشرط اعوضهم عن هذا الاسبوع و احزري فكرة التعويض فكرتمن
تسنيم...ابو لهب ههههههه
رفيف... نعم يا اختا جن جنونه من عرف رايحه للعراق تعرفين شكد يكره العراق خرب حظه ههههههه هو اكو واحد يكره العراق
تسنيم... انتي هههههه اول ما حجيت شردت لان راح اعرف راح تشمرني بأقرب شي يمها هههههه
رفيف... تسنيم شفت اكوا كلاس مال مي يمي شمرته عليها بس حقيره شردت هههه