سجينة الماضي

ذكريات مؤلمه

رفيف... مستحيل اي مستحيل ربي شنو هذا الاشوفه اكيد تشابه اي تشابه يخلق من الشبه اربعين اي اي صح اكيد تشابه ضليت بس اباوعله معقوله هو

ابو كرار... بويه كرار يله تاخرنه محد بقى بالحسينيه
كرار... اي بويه جاي هاي اخر شي بعد محتاج شي حتى بعد ما نرجع مره ثانيه
ابو كرار... لا بويه هاي كافي ان شاء الله الجمعه هم نرجع
كرار... ان شاء الله تكفي هاي المواد و اذا ينقصنه شي نخلي علي يجيبه ويا
ابو كرار... يله بويه مشينه امك هسه منتظرتنه عند عمامك تريد تجي ويانا تخدم ويا خواتك
كرار... بويه بس هي مريضه ما تكدر
ابو كرار... بويه جا شسويلها هي مصره تخدم تكول هاي الخدمه تشفيني من كل مرض
كرار... الله يسمع منها اكلك بوبه شوف ذيج البنيه شلون تباوع عليك
ابو كرار... وينها يا بنيه
كرار... ذيج مقابيلك
ابو كرار... بويه خل نشوفها خاف محتاجه شي
ابو كرار... السلام عليكم
رفيف... وعليكم السلام
ابو كرار ... بويه محتاجه شي كولي انا بالخدمه
رفيف ...اجه يحجي وياي وانا بس اباوع عليه واكول معقوله ياربي هو صح انا ما شايفته بالحقيقه بس شايفه صورته بعدين انتبهت على نفسي صافنه واحجيت ويا.... هااا لا لا ما محتاجه شي بس اكدر اسألك سوال عمو
ابو كرار... اتفضلي بويه بالخدمه
رفيف... انت... لا بس اريد اعرف شلون اكدر اخذ تكسي منا اريد اروح للمستشفى النجف
ابو كرار... بويه صدك جذب تعالي احنا نوصلج هسه ما راح تلكين تكسي وحتى لو تلكين شلون اخليج تركبين وحدج بهل اليل بويه الدنيا مو امان وانتي شابه مو امان عليج
رفيف... و وياكم امان
ابو كرار... بويه احنا من خدام ابو عبدلله وهاي سيارتنه محمله بالمواد الغذائيه اكيد ما راح نأذيج
رفيف... اسفه عمو بس انا متوتره وما اعرف شحجي
ابو كرار... لا بويه عادي هذا حقج ما تأمنين لواحد يله بويه خل نوصلج
رفيف... تسلم عمو
اي اكيد غلطانه اكيد مجرد تشابه اي اكيد

تسنيم... انت متاكده يشبه الصوره لعندج
رفيف... لو تشوفينه وتشوفين الصوره ما راح تفرقين بينهم بس اكيد مجرد تشابه لان هذا الرجل مبين كلش طيب ما يشبه ابد مجرد تشابه بالشكل متاكده تدرين اول ما شفته ما اعرف شصار بيه وكفت بس اباوع عليه اتمنيت يطلع هو واساله ليش عفتنه انا وامي يعني اصعب شعور من تكونين بحاجة ابوج وهو ما موجود يمج واشوفين غيرج شلون اهلهم يحبونهم ويدللونهم وانتي موجود بس ولا كلف نفسه يسال عنج او يشوفج جنت اشوف صديقاتي شلون يحجون على دلال ابوهم لهم وشلون يحبهم وانا بس ابقى استمع لهن واتمنى لحد ما قلبي قسى وصرت اكره وما اريد اعرفه بحياتي كلها مثل ما تركني وانا بأمس الحاجه له انا وامي بعد ما يهمني بس اليوم ما اعرف شصار وياي من شفت هذا الرجال قلبي وجعني واتمنيت يطلع هو يجوز لو طلع هو راح اسامحه واشبكه واخلي يضمني بين ادي ويكلي بويه واجيت اساله انت هو بس تراجعت بآخر دقيقه كلت هو تركني وانا هم لازم اتركه حتى لو طلع هو ما يهمني
تسنيم... حبيبة قلبي لا تزعلين فدوه لروحلج منو لي غيرج
رفيف... اصلا منو كلج زعلانه حتى لو هو ما راح اهتمله انا ما اهتم لشي راح وانتهى اصلا طلعته من حياتي نهائيا مثل ما هو مسحني من حياته انا مسحته
تسنيم...اظاهر جيتنه للعراق راح تأذينه هواي احسن شي نسوي نزور بسرعه ونرجع قبل لا يطلعنه شي يقهرنه اكثر
رفيف... شنو انتي ما تعرفين حظنه ههههه شلونه يخبل
تسنيم... اي غير يشبهج ههههه يكولون العيون الخضر تجيب الحظ بس عيونج العكس تشتغل ويانا ههههه
رفيف... لا خيه غلطانه مو الخضر العيون الزرك بلكت ازوج واحد عيونه زرق حتي اصير محظوظه هههه هاا وسمعت يكولون اصحاب العيون البنيه محظوظون وينه حظج بله هههه
تسنيم... هههههه طار الحظ من وراج هههههه غير
رفيف.. صدك سومو شلون سويتي الحادث
تسنيم... ما شفت السياره جنت كلش دايخه اريد بس اوصل للفندق وصار ليصار بس الولد طلع ابن حلال ما خلاني بنص الشارع وجابني للمستشفى وخلى اخو يمي لحد ما تجين حتى يطمنون عليه صرت بيد امينه
رفيف... قصدج هذا الولد لواكف برى هو اخوه
تسنيم... اي
رفيف... اكلج هو هذا مو نفسه لتعاركتي ويا
تسنيم... شوفي الصدفه لو نكول الحظ احسن
رفيف... بس خوش ولد مبين لو مو هيج جا تركج وما سأل
تسنيم... خوش ولد مو خوش ما يهمني الله يبعده عني ما اطيق اشوف وجها