سجينة الماضي

لقاء غير معهود

لا شـــيئ يُــشـبه شــيئ ولا أحَــد يعــوّض غيـَــاب أحَــد , أشيَــاؤنـا المُــختلِفـة إن ضَــاعت لـــيسَ لهـَــا بـَـديـل 🥀🖤 ".

حيدر

مثل كل يوم نكعد بهمه ونشاط حتى نقدم الشي لنكدر عليه لزوار الامام الحسين عليه السلام ما فد مره صار عدنه ملل او تعب صح التعب موجود بس ابد ما نحس بيه واحنا نخدم وانت تخدم تحس نفسك ملك يعني شعور لا يوصف ومن اشوف زاير تعبان وانا اساعده ولو بأقل شي احس بسعاده مو طبيعيه هذا هو طريق الجنه محد يكدر يوصف روعته وجماله طريق ابو عبد الحسين سلام الله عليه وانا كاعد اشتغل اجاني كرار

كرار... حيدر الحجي يكول روح ويا علي اكو شغلات البارحه اشتريناهن وبقن يم ابو المحل روح جيبهن
حيدر... صار بس تعال اوكف مكاني
كرار... لا انا مشغول هسه راح اصيحلك فضل
حيدر ... يله ستعجل
فضل... يله حيدوري روح انا راح لزم مكانك
حيدر.... طايح الحظ جم مره كايلكم لاحد يصيحني حيدوري شنو اصغر جهالك انا ابو خشم من ارجع اشوفك من حيدوري
فضل.... تمون ابن العم بس ترى خشمي حلو على الاقل احلى من خشم ابو جود
كرار... سمعتك ابو خشم احلى من خشمي مو خوش انا اعلمك
فضل... عمي انا خشمي مو حلو بس فكوني اكلتوني كل واحد منكم يهدد شكل وين ضلعي يجي يدافعلي منكم ما اكدركم وحدي وينك عليوي عليوان علاوي جلاوي وين راح هذا فلك طره
حيدر.... ههههههه ولك صدك ضحكتني ذكرتني بالحجيه موحه هههههه خرب شكد تشبها وثاني شي عليوي ما فارغلك  كاعده بسياره منتظرني وهسه لكاه مشتعل وهو شلون يحب ينتظر واحد وانا صار ساعه شاتله هههههه
فضل...فديت موحه انا تخل نرجع الا ما اكلها عليك وتكسرك تكسير بعد منو يكدر عليها وبعد اخوك بله ليش شاتل عليوي  روحله شلون تسوي هيج بالحب مالتي هذا ضلعي احسن منكم
حيدر.... خل اروح لا اسوي شي اعرفك بيه منو الاحسن يله انا اروح اودعناكم
كرار وفضل .... الله وياك ههههههه

فضل

انا فضل اكون ابن عم حيدر وعلي وكرار ابوي متوفي صار عشرين سنه انا عمري بعمر حيدر يعني 30 سنه ما مزوج وعندي اخت وحده هاي روحي من الدنيا مزوجه كرار وعدهم جود ورنه كرار يموت عليها وهي هم تحبه رغم هي اصغر منه ب8 سنوات عمرها 24 سنه امي من اتوفى ابوي عافتنه وراحت تزوجت انا جان عمري عشر سنوات زوجة عمي ربتنه ويا ولدها ولا مره فرقت بينه وتحبنه مثل ولدها واكثر وعمي الله يخلي يموت علينه وجدي هذا عمود بيتنه يحبنه احنا احفاده اكثر من ولده هههه خو حيدر هذا النفس ماله يموت عليه حتى مرات احنا الولد نغار منه على كد ما يحبه ومشاركه بكلشي حتى اصغر اسراره هو يعرفهن يعني نكدر نكول صندوق اسراره وبصراحه هو يستاهل اكثر منه لان يعرف يتصرف احسن منا انا كلما يشوفني جدي يصفن بوجهي واحس اكوا دمعه واكفه بعينه ما اعرف على شنو جنت افسرها لان احنا يتامه ابونا مات وامنه تركتنه لهذا ينقهر علينه بس هسه كبرنه واساسنه حياتنه وبعدني اشوف هاي الدمعه اتمنى اعرف شنو سرها من اساله يكلي اذكر ابوك واشوفه بيك بس ما اقتنع بجوابه لان عمي يشبه ابوي اكثر مني بحيث من تشوف عمي تحسب ابوي كلش يشابهون ولهذا اليوم اتمنى اعرف سر جدي وسر دمعته