سجينة الماضي

خطبه❤❤

‏البعض يـقول لن تعلم قيمة الشيء الذي تملكه حتى (تخسره) لكن الحقيقه هي: أنك دائما تعلم قيمة ما تملك ولكن لا تعتقد أبدا أنك سوف (تخسره) يوماً.

تسنيم..... بيبيييي
ام محمد ..... وجعة بيبي لتطكج شبيج تعويين علينا من صباحيات
تسنيم..... يااا بيبي شبيج وياي هاي انا بطه حبيبتج
ام محمد .... والله من ورا لسانج شعندج صيحين من الصبح
تسنيم..... عليج الله بيبي وين الصبح بالموضوع تعرفين هسه بيش الساعه راح تعبر ل10 و انتي تكولين صبح انا اعرفج تخافين على خويلد يكعد حظرته نايم لهسه ما يكول باجر خطبة اخوي بس انا له خل يجي جدو واكله نايم للظهر واخليه شلون غسله يغسله
ام محمد.... يااا يااا ولج هذا خالج لو عدوج شعندج ويا خلي نايم  وبعدين الخطوبه باجر مو اليوم خلي وليدي ينام شلج غرض بس همه كالوها غاب القط لعب يا فار هسه لو كاعد تحجين هيج
تسنيم.... ياااا جديده شبيج زعلتي غير اشاقه وياج وانا شعندي غير حبيب كلبي خويلد هذا الروح والريه
ام محمد..... هسه صار الروح والريه يمه منج صدك الخوف يعدل الشوف ماكتيلي شعندج نازله تصيحين جنج مكروصه
تسنيم..... اي حتى نسيتيني على شنو جايه من ورا خويلد اجيت اسال عمه اجت لا
ام محمد.... لا والله جده بعدها ستوها خابرتني وكالت بطريق هذا المسودن رجلها كوه قانعته تجي اليوم يكللها الا بيوم الخطبه عيني يغار عليها ابو كرش
تسنيم..... ههههههههه لا صدك بيبي تحجين عمو احمد ابو كرش ههههههه خرب كون يسمعج منيله كرش اصلا يخبل ياريت اخذلي واحد يشبهه ادعي وياي احصلي واحد مثله خاف النوب اطيحلي بواحد يشبه خويلد

ام محمد..... يمه يمه فلك طرج كون يسمعونج هيج تحجين اخوانج الا يذبحونج ولج طالعه عينج وشبيه خويلد يخبل جنه كمر
تسنيم..... وانا امشي اي اي كمر يشبه جويسم هههههههه

تسنيم

اليوم خطبة خالو محمد والكل مخبوص بتحضيرات صار بيت جدو ساحه حرب من كد الناس لبيه نسوان وزلم وبس انا وعمه وفاء نخدم بيهم الحمدلله من اجت جا طاحت كلها على راسي زوجها يغار عليها بشكل يصير ابن عمها واخذوا بعض عن حب بس بسبب شغل زوجها نتقلوا لغير محافظه وحسره يله نشوفها والا هو يجيبها وهو ياخذها بس هو شايل جمال خرب جده ههههه يموت اسمراني وعيونه زرق وطول بعرض يعني فد شي وبيبي دائما تعيب عليه لان حلو هههههههه وكوه قبل تجي قبل يوم من الخطبه بعد ما انا حاجيته هو يحبني يموت عليه كتله عمو انا بركبتك محد وياي واريد عمه وياي حتى بعدني ما مشتريه فستان للخطبه وكم دمعه نزلتهم خليته يقبل لان صدك بيومها جنت ضايجه محد وياي وبس انا بالبيت وملتهيه واخواتي  كلهن اشترن فساتين بقيت بس انا عود انا مقرر اشتري من البصره من اروح ويا صوفي بس نزلت مصطفى تأجلت على حظي ولهذا بقيت لحد هسه ما مشتريه شي ومحد يقبل ينزل وياي لسوق بس بيبي وخطيه تعبانه ما اكدر اخذها لهذا خابرت عمه هي تروح وياي وخطيه اول ما اجت اخذتني العصر وشتريت فستان قصير ازرق يخبل طلع عليه وعجبني حيل واليوم هو يوم الخطبه والكل مشغول بتحضير نفسه وانا ضاله اخدم بيهن محد كالت هاي خطيه خل نساعدها بس عمه وانا كتلها كومي تجهزي انتي اخت العريس ما يصير ليهسه بملابس البيت وخطيه ما قبلت كوه قنعتها وهاي بيبي كل شويه تصيح عليه روحي جهزي نفسج اي يا بيبي ومنو يخدم هذا الجيش والله اجيت ابجي الكل بخبوص ويجهز نفسه وانا ضاله واشوفهن شلون لابسات فساتينهن ومكياجهن على اخر حبايه وحده تصيح على الثانيه شلون طالعه ضليت اشتغل لحد ما اجاني الفرج