غزل الملوك

Bart2

بعد ماتنرفزت من كلامهم وعفت الاكل وصعدت بدلت ملابسي وكعدت اكلب بالفون شويه وراهه رحت للبنات جانو بالصاله الفوك متجمعات ويقرون اني غرفتي تصير بالطابق الثالث وهمه نص بالاول ونص بالثاني نزلتلهم وسلمت عليهن وكعدت اشوف شنو عدهن درستهن وشفت قمر وشمس يلعبن بالالعاب كلتلهم اليوم اخذكم للمول ردت اونسهم قبل لا اسافر لان حسافر شهر وارجع واني من اسافر ماخليهم يطلعون اخلي السايق يوديهم ويجيبهم والحراس ع الباب فهنه من سمعن فرحن جانت بال8 ونص لفيت شالي ونزلت لكيت فهد نايم كلت هسه هذا هم خطيه شعلي واني صحت بي ههههه امي بالغرفه ع سجادته كالعاده اذا ضيعناهه بالبيت نلكاهه لو بالمطبخ لو ع سجادتهه رحت للمطبخ كلت اسويلهم عشه صحت للبنات من الصاله الجوه بنات شنو اسويلك هشه
ورده:ماما مشتهين بكنتاكي من زمان مماكليه سويلنه 
غزل :اي مو من عيوني
رحت طلعت دجاج ونكعته وطلعت الطحين والبيض وبقسماط (مثل الخبز يغمسون بي الدجاج حته يصير مثل الكنتاكي ) وحضرت بهارات قطعت الدجاج وغمسته وبديت اكلي وطلعت بتيته فنكر جاهزه وكليته وطلعت جبت كولا واجيت حضرت الميز وفهيدان لسه نايم صحت البنات كلتلهم لبسو حجاب ونزلو لان هنه بالغات وصحت لماما ورحت للاستقبال لفهد
غزل:فهد فهد
فهد:ها يمه نعسان عوفيني ماداوم اليوم
غزل:وجعه اي والله فهييدان كوم ولك
فهد :طفرت من مكاني ها شكو تصيحين
غزل:وجعه الي ساعه اكعدك وتصيح ماما عوفيني ماما ماريد اهئ اهئ اريد انام شكلك متعود تنام بحضن الماما
فهد: ها فكت الجبسه وبدت تقلد عليه عود اتي شنو ما افهم شخصيتج كل ساع شكل
غزل: دمشي ناكل وبعدين اعلمك ع شخصيتي واخلي امي تنيمك بحضنه لان ختيه متكدر بدون الماما يحبيب الماما انته
فهد : ولج راح اكوملج
غزل: امشي لك امشي سويت كنتاكي ادري بيك ابو بطن تحبه
فهد:اي والله وكعتي ع الجرح تصدكين لو جدتي مسويتله كناتكي تكلي ولك ياع شني هذا تكتاكي مدري طكطاكي يمه احنه ناكل لحم وتمن مو طكطاكي اكولله جده هذا اكل جديد ضوكي تكول لا والله ما اكل حرام شني هاي يع فهيدان تريد تذبني بجهنم
غزل:😂😂😂😂😂😂😂😂 خرب طكطاكي وجهنم يماي ههههههههه خطيه ماتعرف يله دمشي
رحنه اكلنه وكلهم يكولون عاشت ايدج شلت الصحون وهمه كاعدين صبيت جاي لامي ولفهد وخليته
فهد:لو سمحت كارسون ممكن سفن اكلت خواي اريد الاكل ينهضم 😂😂
غزل:😑 هفيته ع راسه بالصينه وكتله اشرب جايك لا اطلعه من خشمك يله
ورحت غسلت الصحون واخذت البنات انومهم وامي داكه سوالف هي وفهيدان عبالك ابنهه نومت البنات وصبحت عليهم وودعتهم لان اروح من الضحی ما شوفهم ونزلت لكيت فهد بالصاله وحده يشوف فلم
غزل:ها صفيت وحدك حته امي عافتك من وره تفاهتك😂
فهد: اي والله عافوني😂😂
غزل:يله كوم للمكتب نشوف المخططات وانطيني رائيك
فهد :وين مكتبج
غزل:بالطابق الثالث
فهد :حيل شيصعدني هذا كله حرام عليج
غزل :ههههه دكوم حته الاكل ينهضم و اكو مصعد اصعد بي عود
فهد:اي والله سهلتيلي مهمهه احسن يله تعاي وياي بالمصعد شضعفج اتي ادور اتصعدين بالدرج تصيرين ماصوله ع كوله الجده معصعصه
غزل:😨ها لا اصعد انته اني اصع بالدرج
فهد :😂😂😂😂😂بس لاتخافين من المصعد الله عليج شكد عيب هاي غزل الي تخوف الكل تخاف تصعد بالمصعد 😂😂😂😂😂
غزل:😒لا ماخاف امشي هسه تشوف حاصعد وياك بس اني احب الدرج وصعدنه
فهد
جان شكله متوتره وخايفه ترجف وغمضت عيونه ههه خطيه تخاف منه هههههه بس انفتح طلعت راسن  جان تصميم الطابق  حيل حلو قنفات تركيه وطبله بالوسط وبلازما معلكه وميز عليه تحفيات واكو غرفه وحده ومكتب وباب يمكن سطح وبعد غرفه مدري شنو بيهه دخلنه للممتب جان حلو تصميمه اغلي الاثاث بالبيت اسود ليش مادري يمكن تحبه هاللون كعدت تشرح واني بالي مو يمه جنت اباوع ع خصرهه اليتمايل وي كل حركه وصدرهه الي يصعد وينزل وي نفسه اديهه البيض اما شفايفهه فهاي شي ثاني منفوخات وورديات وصغار تكول للواحد تعال بوسني ع لحضه جنت راح ابوسه لو ما اشوف اديهه كدام وجهي
غزل:فهد فهيدان وينك
فهد بكلبه الله شكد حلو اسمي بحلكج صحه من تخيلاته ها ها
غزل :شنو وينك يمعود اشرح وانته طاير بغير عالم عمي الشاغل بالك يتهنه
فهد:(والله صدك مهنايه انتي)لاهنا ها شكو
غزل:امشي الضاهر انته تعبان امشي نام 😨😨😨😨 ياااا عزه
فهد : ها شكو
غزل:وعدت البنات اخذهم للمول وره العشه وونيماهم وماخذتهن خطيه واني اكول هاي شبيه ورد كالبه الخلقه
فهد : ههههه خطيه يله ع غير مره عود قابل انتي وين رايحه هو شهر وترجعين يله اريد انام امشي ( متجين تنيميني بحضنج اويلي يالبنات متهنيات يوميه تنيمجن )
غزل : ها امشي يله خل افرشلك غرفه
نزلنه فتحت غرفه بالطابق الاول وفرشتله واشوف هذا بس يصفن اليوم
غزل: والله شيخ فهد شكلك واكع ومحد مسمي عليك يالعاشك
فهد :اي والله بس لو ترحم حالي وتقبل بيه
غزل:وليش متقبل بيك الف وحده تتمناك والله محظوظه عمي شيخ فهد الثكيل سرحان بييهه
فهد :الف وحده بس هيه متتمناني ولا مخليتني بتفكيرههه
غزل: ههه الله يعينك يله تصبح ع خير
فهد :وانتي من اهله
اااه بس لو اصير من تفكيرج شوي ياغزل متدرين شكد احبج مو لجسدهه ولا لشكله لا اني احبه لجراته وقوته ااااخ شيخ فهد ضاعت هيبتك انته لي ايخافون منك السلف كله غزل مخليتك هيج والله لو يشوفوني كدامه بالسلف اصلا ميصدكون هاي انه هههه اني شيخ فهد البارد العصبي الي محد يكدر يحاجي ميضحك كدامهه غير اضحك فكاهي ماكو اي عصبيهه
غزل
رحت حضرت ملابسي شالت وجنط وجينزات وقمصان واحذيه مكياجي طلعته فتحت القاصه وجبت فلوس وخليت ساعاتي واكسسوارات ونضارات وملابس داخليه واشياء تحتاجه كل بنت وسديته للجنطه وقتت المنبه بالاربعه وغسلت لبست شورت قصير وكيمونه ونمت
4:00 ص
🔔🔔🔔🔔🔔🔔🔔🔔🔔🔔
فهد،غزل : سدو المنبه وكل واحد سوه روتينه وراحو غسلو
غزل:سويت روتيني بالبلكونه اليوم لان هنا فهد ماكدر اطلع بدون حجاب وغسلت وراهه نزلت اسوي فطور لكيت فهد بالمطبخ وع ركبته خاولي هو يم الثلاجه
غزل:صباح الخير
فهد:صباح العسل
غزل: هاي شنو بكتهه مني اني اكول صباح العسل
فهد: هههه يله رحمه لاهلج ريوك من اديج الحلوه والله جوعان
غزل:اهم شي بطنك تقدمهه ع كلشي الله يعينه لهاي مرتك اذا بيوم رادت شي منك ومسوتلك عشه معناته ماكو
فهد: طبعا بلا كرش متسوه فلس
غزل : شنو تاكل راح اسلك بيض واكو كيمر يعجبك شي ثاني بعد
فهد : اي والله اريد بيض وطماطه
غزل:من عيوني
فهد:تسلم عيونج
غزل:
طلعت طماطه وقطعته خليته بالطاوه وخليت بيض لحته اسلكه وطلعت الكيمر وسويت جاي ورحت لكيت الطماطه صايره طكيت فوكههه اربع بيضات هم يالله تكفي فهد وغطيت الطاوه لحته تستوي ووراه كشرت البيض السلك وخليته بصحن صبيت جاي وخليت الكيمر بصحون وطلعت الطماطه وبيض من الطاوه وخليته بصحن جبير خليت بيض اسلكه الهم  وسويت جاي بعد كعدنه اكلنه وخلصنه غسلت الصحون وطفيت الطباخ وكتله ابدل لحته نطلع بدلت لبست جينز اسود وقميص اسود وشال لبسي اغلبه اسود او الوان غامقه نزلت الجنطه ولكيته مخلص وينتضرني رحت كعد امي سلمنه عليه وعبرتنه من قلعت ياسين
غزل:يمه ديري بالج ع البنوات روحي
الام:بعيوني بس انتي بطلي لهجه الانبار مو صارلج سنين ببغداد مانسيتيهه
غزل:يمه بس قليل الناموس ينسه اصله واهل الانبار اكثر ناس سندوني بوكت حاجتي ماشفت بطيبتهم جانولي اهل من عافوني اهلي
فهد: اي والله صح كلامج الواحد شكد ما يبعد عن ديرته ماينساهه اذا جان شريف واصيل
غزل:يلع يمه ثيمالا
فهد:ثيمالا حجيه اندعيلنه نحصل الصفقه
الام:الله ينطيكم ع كد تعبكم يمه الله وياكم خابروني من توصلون
طلعنه ووصيت الحرس ع امي والبنات وكتله السايق ياخذهم خليتلهم فلوس يمه حته اذا يوصو وانطيته راتبه وراتب السايق صعدنه بسيارتي لان منكدر نروح سيارتين واني ماحب اركب سياره غيري فقبل يصعد وياي فهد سيارتي لاند كروز 2010 يتني موديل جديد نسميه بالعراق جكساره لونه اسود
-------------------هذا ثاني بارت اقرو وكلولي اكمل او لا هي اول بارتين احداثه ممله بس بعدين تصير الاحداث حيل مشوقه  كتبو بالكومنت اذا اكمل وسوو فوت