غزل الملوك

Bart8

غزل:شكرا بباتي 😙
اسد :هههههه يله روحي يم امج راح يجون ضيوف عيب تبقين هنا
غزل:حاضر بباتي تامر
جنه بالبصره لانو عمو ضاري الي بالكويت راح يجي جان عنده هواي ولد وبنات بس ماشايفتهم ولا اعرف اسمائهم اصغر واحد بيهم عمره 5 سنوات يعني اصغر مني 11 سنه المهم هذا عمي هم جار عليه الزمن وانكلبت السياره بيهم وماتو كلهم بقه بس ابنه الي عمره خمس سنواتبس ملكو بالسياره ولا حاولو يدورون عليه كانما طفل زايد عدهم محد دوره ولا احد سال عنه اني ما اعرف اسمه ابد 
وبسنه ال96 امي جان عنده اني عمري 16 بس جنت خامس مو رابع لان بالمدرسه حسبوني ويه السنه القبلي لان اني بدايه الشهر الواحد فكسبت سنه وصرت ويه فهد بنفس المرحله ومسلم عمره 11سنه خامس ابتدائي وجوري وياسمين 3 سنوات وورد سنتين وروز سنه وبهاي السنه كلتلك اجت ماما كالت اني حامل وراحت رحت يم بابا وكلتله
غزل:بابا احبك ......جانت عندي هاي الكلمه اصرفه هواي كلما اشووف بابا اني ومسلم نكله بابا احبك طبعا مسلم يعرف انو احنه مو اهلو يعني انا بنت عمو بس هو يصيح بابا وماما واني اخته الكبيره فمعتبر روحه واحنه هم معتبري ابنه والام هي الي تربي مو الي تحبل المهم
اسد:اني هم احبج غزالي تعاي يمي
غزل:اجييت .... بابا سؤال ولازم تجاوبني تره كبرت ولازم اعرف
اسد:شكد متكبرين تبقين غزالي الصغيره الاحبه سألي
غزل:ليش سميتني غزل
اسد وهو يجر الحسرات :ااااه يغزالي اه تعاي اسولفلج سالوفه غزل هاي قبل بال78 جنت اخر سنه كليه هندسه يعني عمري 23 خطبت امج لان جنت احبه وتحبني بالكليه بس اهله عارضو لان غير محافظه اهلي عارضو لان غير محافظه وغير مذهب جنت بالكليه اذا تمر من كدامي اشعرلهه
اويلي يم طول الحلو وشعر الحريري
ويتمايل ع  خصر مرسوملي انه اويلي
اويلي يم عيون الصافيه جنهن
لون سماي الدافيه
يسالوفه غزل انتي
جانت امج شعره اسود فحم مثل شعرج الحلو وطويل وجانت طويله مثلج وعيونه زرك بلون السمه والنهر الي يشوفهه يغرك بيه وجانت بيضه حيل تعرفين ليش ما اقبل تكصين شعرج لان يذكرني بامج فاحب يبقه شعرج طويل من اجيتي للدنيه وشفتج مثل امج تشبهيه بالظبط سميتج غزل لانو اني كل وكت اغازله
غزل:بس بابا ماما شعرهه ذهبي شو
اسد:ههههه اي مو صبغته فتشوفين اني جنت احب ذاك شعرهخ بس من صبغته بعد مارجع صرتي انتي ام شعر الحريري فمتكصي
غزل:زين بابا شو ماما عيونه خضر شنو تكول عيون زرك بكيفك هو لو عيونك بيه ضعف
اسد:ههههههههههه اي والله عيوني بيه ضعف من شفت امج
غزل:وبعد شغله بابا امي سمره مو بيضه تره
اسد:اي مو جانت تشتغل بالبساتين ويه اهلي بالبصره من اتزوجنه وصارت سمره يعني هسه انتي نسخه امج القديمه فاحبج مثل ما انتي ما اريد تغيرين شي مفهوم
غزل:مفهوم
اسد:سمعي بباتي باجر اسافر
غزل:اوووف بابا تره اني مدا اشوفك هواي وما اشبع منك كله شغل شغل شنو هاي لتسافر حباب
اسد:اني هم مجاي اشبع منج بس شسوي لازم اشتغل حته انتو تعيشون بامان لان امج دتخلفلنه درزن بنات كل يووم بنيه واكلج انو امج هسه حامل ببنيه صدكي
غزل:ههههه اي بابا ادري بس خطيه عوفه لوحده المهم كلي شنو جنت تريد تحجي يله
اسد:شوفي باجر اسافر ويمكن ما ارجع هواي فاريدج تديرين بالج ع خواتج وامج واخوج مسلم هذوله امانتج واذا صارلي شي تروحون ببغداد تعيشون او ويه عمامج بالبصره خووش وانتي راح تصيرين مهدنسه شاطره وراح تكملين الي اني عفته اريد العراق كله يعرف غزل بنت اسد المهندسه اريدج تصيرين مثل زها حديد بس انتي مراح تعوفين العراق ماشي
غزل:بابا انته ليش تحجي هيج راح ترجع اني اعرف ولتخاف ابنك غازي حاضر كل اخوتي وامي تحت حمايتي وبامانتي اني راح اربيهم واعيشهم وراح اصير احسن من زها حديد وكله راح تكول عاشت ايد اسد ع هاي الخلفه صدكني
اسد:اي هذي بتي الاعرفه سبعه اسمعي اريدج توعديني بحياتج مراح تكصين شعرج ابد
غزل:وعد اني مراح اكصه راح اسوي طويل يسحل وراي صدكني وبعد وعد اول ابن الي راح يصير اسمه اسد والبنيه انته تسميه
اسد:اريدج تسميه ملووك بس لتسالين ليش انتي بالمستقبل راح تعرفين وبعد اذا باجر صارلي شي اكو بغرفتي بالصندووق اوراق هذوله امانه عندج من تصيرين بالكليه تفتحيهم واني مسجل كل املاكي باسمج مفهووم ادري انتي مرااح تقصرين بحق خواتج لازم كل وحده تكتبيله بيت باسمه واريدج توصليهن لكليات زينه وتداريهن وبعمرج متضربيهن ولا تمدين ايدج عليهن ابدا ومتخلين احد ياذيهن هذني امانتج اذا احد اذاهن اني اتاذه مفهوم وبعد مفتاح الصندووك تلكي بغرفتي تحت طرف الزوليه وبيت ابو مروه صديقي هذوله تداريهم ويبقون وياكم اذا تروحون لبغداد يرحون وياكم اكو بيت تكتبي باسم بتهم واذا للبصره فنفس الشي خووش مروه صديقتج داريه وخليه وياج وكلشي تشتري تشتريلهه واكو فلووس الكم بالصندووك حته اذا تحتاجوون
غزل:بابا اني صغيره ع هاي كله بس صدكني ابنك غازي راح يخلي خواته ببطن عيونه ومروه وامه وابوهه واخويه مسلم هم وامي وكل اهلك راح احبهم واصير عاقله وما اتعارك ويه فهد احبك بابا ودمعت عيوني حسيت هاي اخر مره احاجي
اسد:لا لا لا لازم غازي ميبجي هاي العيون الحلوه متبجي اذا بجيتي يخلص لونهن هذني للفرح بس مفهووم وانتي بنيتي ديري بالج ع نفسج زيين اريد ارتاح يبعد ابووج واخوج مسلم هذا امانه حبي مثل خواتج ما وصيج
غزل:بابا انته ليش ما وصيت ماما
اسد:لان امج ملتهيه بروحخ وانتي الام بهذا البيت واثق بيج بس انتي  ويله روحي نامي
غزل:تصبح ع خير حبيبي
اسد:وانتي من اهلو غزالي
غزل:رحت انام وضليت افكر ليش بابا هيج يوصيني باجر لازم اساله جان نايم بصفي مسلم وشابكني وبصفي جوري وياسمين وروز وورد اني بالنص وهمه داير مدايري امي من يومهه متهتملنه اهم شي عدهه تضرني ونظافه البيت وطلعاته حته طبخ اني اطبخ ومن يجي بابا تحضر روحه اله مجانت تعرف اخواني شبيهم مابيهم جانو تربيتي الي بعد التفكير اخذتني النومه وكعدت الصبح بالسبعه يوم 1996-2-11عطله نص السنه اني جنت خامس اعدادي تعودت اكعد من الصبح انظف اوكل اخواني وابدللهم حته مسلم جان اعز واحد عندي اني ربيته واني اقري جنت احب الاطفال فما امل منهم ابد جان هذا اليوم بدايه حياتي السوده لو جنت اعرف انو هذا اليةم سئ جان ظليت نايمه وماكعدت لكن هيهات  المهم كمت نظفت وحظرت ريوك وكعدت اخوتي وتريكو كعد بابا واكل وماما نايمه ماكعدت طلعت ارش الحديقه واوكل الارنب والكلب بس لكيت ظرف بالارض طبعا من سنه تعودت كل شهر او اسبووع اطلع الكه ظرف واودي لبابا بس من يشوفه يبهت لونه ماجنت اعرف شنو بي الظرف ولا حته اسال لان بابا ميقبل احد يدخل بهيج اشياء امي اصلا متدري بهيج اشياء من يقرا يخلص يرووح يضمه بصندوكه الجبير وديت الظرف لبابا قرا وخلص باوعلي بنظرات حزن ع خوف بس مافهمت ليش كلي راح اطلع بوس اخواني وامي وهيه نايمه واجاني
اسد:غزالي بابا لتنسين شنو وصيتج انتي قويه وراح تكدرين ع كولشي
غزل:حاظر بابا
طبعا اني تعودت من اني وصغيره ابوس ابويه بحلكه فجان يكولي بوسيني بوسه ام الحلك 😂😂 ولحد ما كبرت هاي نفسه ابوس ابويه هناك ابد مابطلته هاي العاده فباسني وكلي
اسد:ذني الشفايف مثل شفايف امج اريد تحافظين عليهن وبس زوجج يلمسهن واريدج تصونين نفسج وتحصنين روحج بالحجاب شعرج لازم يبقه بس لزوجج واديج ورجليج بس لزوجج هو واني بس نشوفهن بويه بعمرج لتضيعين حقج اخذي من حلك السبع فاهمه خليج مثل ما ربيتج   يله بويه غزالي ما وصيج بعد جانت عيونه ممليه دمع لاول مره اشوف ابويه هيج مكسور بس ما عرفت ليش ابد
اسد:غزالي بويه اااخ اويلي راح اشتاقلج غزالي احبج وشبكني وبجه اني هم بجيت وكتله لا بابا غازي واسد ميبجون نسيت احنه محد يكسرنه ودمعتنه غاليه مفهوم مسح دموعه وابتسم وباسني بشفايفي وكلي
اسد:غزالي احبج
غزل:اسدي احبك جنت دائما هذا الوداع بيناتنه اني وبابا هو يكول غزالي احبج واني اكله اسدي احبك جانت هاي اخر كلمات بيناتنه بيومه ودخلت للبيت امي جانت ستوه كاعده كالت
خلوود:شنو راح ابووج
غزل باستهزاء:ههه ليش يهمج ماما بربج شوكت تهتمين لبابا حرام عليج اكو وحده متكعد لزوجهه الصبح هذوله عمامي الصبح زوجاتهم يكعدولهم ويريكوهم ويودعوهم يالله يطلعون اشو بس انتي تنامين ومتكعدين اله الضهاري
خلو:ولج بت ملووك اشو طالع لسانج
هزيت ايدي ومشيت رحت سويت غده وكملت تنظيف وتغدينه غسلت مواعين وامي صنم البيت بس تكعد تهتم بروحهه صارت الساعه 6 العصر اندكت الباب فتحته وريتني ما. فتحته جانو عمامي وجدي شايلين تابووت ودخلو للبيت وصارت هووسه ماعرفت التابوت المن امي واخوتي طلعو وانصدمو مثلي
غزل:هذا شنو التابوت منو هذا عمو
صكر:هذا ابووج الله يرحمه
غزل :جانت الكلمات مثل السيف تدخل بكلبي انكسرت ووكعت بالكاع وصحت لا بابا لا متموت لا فتحت التابوت ووخرت عن وجهه الغطه شفته جان جسمه مملي رصاص ذاك الطول الحلو جان نايم بتابوت من خشب الجسم الضخم مملي دم ورصاص هذا ابويه لا مو هوه ضليت اصرخ وابجي واتذكرت كلماته انتي غزالي الدموع متلوكلج وكفت عن البجي  وباوعتله وصرخت باعلی صوتي
غزل:وعد مني الك يابويه قسم بمن احل القسم مراح يهدالي بال اله اخذ بثارك واني ابنك غازي وداعت عيونك راح اعيش ابناء الي كتلوك بمر مثل ما احنه راح انعيش صدكني مراح اعوفه بخيير ولك بويه كسرت ضهري يابويه اويلي عليك يايابه ليش تعوفني بويه مو والله بعدي صغيره بابا مو امي حامل وراح تجيبلك بعد بمات منو يربيهن بويه ااااخ اويلي بسته بشفايفه لاخر مره وكتله صدكني مراح اخلف بوصيتك يابويه مراح اضيع حقي والله كمت وكلتلهم شيلو ابويه غسلو بسرعه لازم ندفنه اخذو غسلو ورادو يرحون للنجف كلتلهم ارووح وياكم طول الوكت انه مانزلت مني دمووع غير اول ماشفت بابا جانت هاي اخر مره ابجي بيه بحياتي ام مروه صديقتي وجارتنه اخذت البنات لبيته واني ومسلم وامي رحنه وياهم للنجف وصلنه للمقبره وكلتلهم اوكفو ابويه محد ينزله غيرنه اني ومسلم كتله مسلم عاوني هذا ابونه بس احنه نشيله مو غيرنه رحنه ثنيناتنه طلعنا من التابوت صح جان ثكيل بس مو اثكل من المي خلينا بالكاع وكلتله بصوت عالي وقوي يابو غزل انت ماتلوكلك هاي النومه والله صدكني مراح اخلي بوعدي انه غزل بنت اسد راح اخذ بثارك والله جانو كلهم يباوعولي والنسوان يبجوون خواته وامه وامي وزوجات اخوانه وابو واخوانه حته الغربه الي يزورون بالمقبره اقربائهم حته مسلم الوحيده اني مابجيت كتله مسلم يله ننزل ابويه نزلنا واخذت تراب بالكرك وذبيت عليه وبعدين تركته صارون الرياجيل يدفنون واني اباوع لجسمه يغطي التراب خلصو والناس قرت الفاتحه وصارت تصبرنه ع المصاب وشويه شويه راحو بقينه بس عائلته قريتله الفاتحه وكمت كلت لامي يله نكوم ورانه حمل ثكييل وتعب ملازم نوكع هسه بالعكس هسه لازم نتقوه ومسلم جان وياي هو جان صدك اخوي ماعافني
رحت لجدي وكلتله
غزل:البارحه ابويه كلي اذا صارلي شي روحي لبيت جدج انتي واخوتج وامج انته تستقبلنه
علي :بشموخ اني ميشرفني الف عارات مثلكم ببيتي وبس مسلم يجي وياي
جانت الكلمات مثل الخنجر تضرب بيه ضرب اهلي تخلو عني واني عندي خوات عافهن ابوي الي لحم احمر
علي :يله مسلم امشي ويانه
مسلم :لا جدي هذوله خواتي وهاي امي وابوي الي اندفن مراح اعوفهم
بس للاسف جان مسلم صغير علی انو يعاندهم جر و وكلوله متبقه يم العارات رحت لمسلم وكلتله
غزل:مسلم يبعد اخيتك رووح والهوه بضهرك صدكني اني مرااح احمل عليك ابدا انته اخوي وما بيدك شي وراح يجي يوم وارجع اخذك وباوعت لجدي وكلتله علي صدكني راح يجي اليوم الي تندم عله قرارك هذا وكول كالت غزل اني ميهزني ريح خواتي راح اربيهن احسن تربيه ومراح اخليهن بعازتكم ابدا ومراح تشوفوهم بحياتكم صدكني وشلت امي ومشيت للطريق واني اجرهه وياي اجرت سياره للانبار ورحنه بعد وقت طويل وصلت للبيت اخذت خواتي من ام مروه وكلتله ع الصار صارت تتحسب عليهم الغريب بهذا انو امي ابد ماحجت جان السكوت صاحبه ومبين الانكسار بعيونه اني حملت امي جزء من وفاه ابوي لان هيه ماجانت تداري ولا حته شافته باخر يووم صار اليل ووكعت امي علينه اخذناهه للمستشفی وتبين انو صار عندهه قلب وجلطه من الصدمه وصار عليه حمل ثاني مرض امي  طبعا رحت لاهل امي وهي وياي وكلتلهم ع الصار وجان جوابهم نفس عمامي احنه من لف عارات ببيتنه طبعا العار جان اني كالو لامي انو اذا تريد تجييب خواتي وتجي تعيش بالسرداب بس اني لا كلتله اذا تردين ترحين خواتي ميروحن وياج يبقن عندي فهيه كالت ماروح اتفقت ويه ام مروه انو هيه راح تداري امي وخواتي الصبح واني اطلع اشتغل لان الفلوس الي تركه الي ابوي مو هواي تكفي مده شهر بس او اقل واني عندي اربع خوات يحتاجلهم حليب وحفاضات وامي ادويه من غير الاكل صرت اكوول لامي يمه او حجيه وبينتله انو اني شايله عليه زاد همهه فوك هم ابوي بس اني ماهتميت اهم شي عندي خواتي وهيه وام مروه وبته ودراستي وام مروه صارت تعيش ويانه كلتله تعوف بيتهم الاجار وتسكن ويانه احنه نسوان لحالنه مر شهر واني جنت اطلع كل يوم افتر ع البيوت ابيع كبب وغيره طبعا اول شي سويته بعد وفات ابوي انو تحجبت وصرت اصلي اني قبل جنت اصلي بس مو ملتزمه ابدا  ومن جنت اطلع ابيع جنت الثم وجهي حته محد يشوفني ابقي بس عيوني لان يعز عليه يشوفوني ابيع للناس واني جنت بنت خيير ويعز عليه احد يصدق عليه لو ينكسر خاطره فجان احسن قرار انو محد يشوف شكلي طبعا المدارس بدت وصرت الصبح اداوم واجي اطبخ لان ام مروه متلحك ع اخوتي وامي ومروه وياي بالمدرسه هي بنفس عمري بس جانت كلشي متعرف طبخ او تنظيف جانت وحيده اهلهه فماجانو يعلموهه شي بس جانت وياي شاطره بالدراسه المهم العصر اطلع ابيع بيوم من الايام طلعت ابيع ودكيت باب لواحد جان يشتغل بالشرطه ما اعرف لواء ما ادري رائد المهم هو شافني وانقهر عليه وجان كلش حباب الرجال كلي سولفيلي شنو قصتج ابووج وين ترددت احجيله بس جنت محتاجه لاحد يسمعني وشفت بعيونه الامان فقررت احجيله بس خليته يوعدني انو محد يعرف بزمنه جان صعب تلكه واحد من غير طائفتك وحنين عليك جان جوهره بوكته اقترح عليه اشتغل ببيته انظف واامن عليه وراتب اكثر صراحه ارتاحيت لان صدك اامن وفلوس اكثر جنت اطلع من العصر لليل ارجع الفلوس الي عندي اجيب بيه ادويه وحفاضات وحليب واكل مجان يبقه شي ابد لان خواتي هواي كل يوم يخلصون 4 اكياس حفاظات 3علب حليب فلازم يوميه اجيبلهم المهم صرت اشتغل بيته بس جانت زوجته وبنته وابنه مو زينين يعني زوجته تدخل رياجيل بالليل هيه وبته يناموون وياهم وابنه يوميه يرجع يشرب وويا وحده بس هو ميدري اني جنت مبتعده عنهم بس انظف واكبخ اشوف شنو لازم وارجع لبيتي مرت سنه ابوي وصرت سادس رحنه للنجف اني وامي زرناه ورجعنه بالسادس ابد ماعملت دراستي جنت ارجع من المدرسه لبيت ابو مهيمن الي اشتغل عندهم وهناك اشتغل واقره مرت السنه وخلصت السادس وطلعت معدل 98 بوكته سنه 97 ادخل كليه هندسه اصلا ادخل طب بس وصيه بابا اصير مهندسه واني جنت احب الهندسه بالقانون صار عمري 18 لكن بالحقيقه عمري 17 جان عمري بالقانون يفرق 12 يوم عن الحقيقي وللان بعدني اشتغل ببيت ابو مهيمن طبعا بنهايه ال96 امي جابت توم بنات مثل ما بابا كال سميتهم زهرة وزمرد
---------------------------------------------------------انتظروني ببارت اخر طبعا اني اكتب وابجي ع غزل حيل تقهرني عاشت ماساه وهيه صغيره كلش لتنسون الفوت  والكومنت والدعم احبكم 😙😙