غزل الملوك

Bart3

قبل لانطلع من الباب فتحت شباك السياره وكلت للحارس ياخذ البنات وامي للمول ويروح ع مروی  ياخذه وياهم  كتله من تصير العشره لازم انتو بالبيت وخلي ياخذون كلشي يحتاجو وانطيته فلوس الهم علمود يشترون
فهد :انتي مو متامنين باحد شلون وتخلي ياخذهن
غزل: هههه اي صح بس وعدتهم ونسيت واني ممتعوده اخلف بوعدي الهم خطيه بس هو امين ووياهم صديقتي مروی اثق  بيه ومتعودين عليه همه عود ذكرني من يصير الوكت مناسب ادك عليه اكولله
فهد :هههههه ليش انتي مكايلتله وتكوليله روح عليه
غزل :لان ادري بيه متردلي طلب بس انطيه علم انو حيجون وياههه شسوي مضطره ماعندي غيرهه اثق بيه هي الوحيده الوكفتلي بالحلوه والمره وبعد مافقدت ثقتي بكل البشر بس بيه ما افقدهه
فهد :تدرين صارلي 9 سنوات اعرفج كمديره او شريكه بس كبنت عاديه حيااج كلش غامضه
غزل:شتسوي بحياتي حياه كشره كوه نسيته ونسيت الالم العشت بي او بالاحری تناسيته لتفتحلياه هسه
فهد :الله الله انتي تتالمين ليش انتي غزل القويه المتهزه ريح
غزل:ههههه ليش القوي مياتلم ومينجرح اصلا بالعكس الانسان القوي وتشوفه ميتالم وميهمه اي شي اتاكد انو وره هاي القوه وعدم المبالاه والبرود والعصبيه صدكني اكوه وراهه جرووح عميقه وحزن والم وتعب بس من كد ماشبع منهن ميبينهن ويراوي للناس انو هو قوي وميهمه شي ويتبسم لغيره بينما اكو وره الابتسماه حزن
فهد: هسه شوقتيني اعرف حياتج
غزل:يجي يوم وتعرفه وتشوف شنو عشت من الالم وبوكته تكول ياريت ماعرفت
فهد :هاي انتي هيج متاذيه وضامه عمي الله يعينج متشكين لاحد
غزل:انته كلته الله يعينج ما احب اشكي لاحد لانو اليسمعني يمل ونهايه الشكوه الله يكون الجواب الله يعينج وميسولي حل لمشكلتي فاختصره واشكي للي يعيني راسا
فهد:فعلا اكو ناس تتململ من تسمع شكوه غيرهه
غزل:شوف ما احجيلك خاف تمل مني وهو بس انته ومروه غربه تبقون وياي واسولف وعلاقتي قويه بيكم
فهد:ههههههه لاعمي جا غير هذا شغل الشيوخ يسمعون لشكوی العالم
غزل:ههههه والنعم منكم ....... فهد
فهد:ها
غزل :سؤال
فهد :جواب
غزل:انت يم عائلتك هم هيج تضحك وتسولف وماكو عصبيه يعني اني الي اعرفهم بصراووين دومهم اعصاب وضحكتهم كوه تطلع وثكال
فهد:اي بالبيت اني غير شخصيه اصلا اذا تشوفيني بالبصره غير واحد متعرفيني وبعدين شنو قصدج اني مو ثكيل
غزل:لا يابه مو قصدي بس انته تضحك وسبورت وهيج فعبالي بكل الاماكن هيج
فهد:لا ابد اصلا تشوفين بالبصره الشيخ فهد تنصدمين لان ابد مو نفسي
غزل:😞 عود ليش
فهد:لان هناك شيخ لازم يكون هيج شخصيته وهنا انتي تخليني اكون غير
غزل:😳😳😶
فهد :ههههه شكلج حلو من تخجلين خدودج تورد
غزل:😳😳😳 يووووول اسكت يكفي عاد ماعرف احجي من اخجل
فهد:سكتت يابه بس تره احب احجي الحق😜
غزل:هههههههه يكفي عاد اسكوت يوول
فهد:انتي شنو انباريه تحجين هيج لو بغداديه لو شنو حته بصراوي وموصلي تحجين فهميني انتي منين
غزل:اني امي اصلهه مصلاويه وانباريه يعني امه مصلاويه وابوهه انباري فاحجي مثلهه وابويه بصراوي عمارجي يعني ابو بصراوي وامه عمارجيه ولهيج احجي مثلهم وعشت ببغداد 14 سنه فاخذت منهم حاي الحجايات يعني عندي مكسجر(خليط) باللهجات  😂😂 حته شكلي اخذته منهم من جميع المحافظات 😂😂😂😂😂😂 خرب اني اذا يسالوني انتي منين شكول بله
فهد:بوييياي انتي مخبوطه خبط هههههه صدك شكلج غريب جامعه محافضات العراق كله
غزل:اي ادري اني جميله
فهد:خفي علينه انجلينا جولي
غزل:عفوا منو هاي انجلينا متوصل لاضفر صباعي الصغننن
فهد:😂😂😂😂 كلبت مصري انوب ههههاي
غزل :اي لعد بوكتي بس مصري اكو شسوي اكول تره صارلي ساعات اسوق تعال بمكاني
فهد: يله صفي خلي اخذه
صفطت واخذهه مني وساق وضلينه نسولف حد ساعه 10 نزلنه نتريك وخابرت مروی اتفقت وياهه تاخذ البنات ورجعنه نسوق
غزل:تدري اني من اخذ البنات وامي لاربيل بالسياره يشتعل ابوي هنه ينامن ويسولفن وياكلن واني اسوق وحدي اتخيل واحد 24 ساعه يسوق شيصير بي اموت يعني هسه انت وياي همزين تسوق وياي ساعه اني وساعه انت
فهد:ههههه اي والله حيل تتعب السياقه انتي جم سنه صارلج تسوقين
غزل:اني اسوق من عمري 10 يعني 21 سنه
فهد:حييل يعني حته اكثر مني اني اسووق من عمري 16 يعني 16 سنه منو علمج
غزل:بابا الله يرحمه علمني جنه باليل من يجي من السفر يعلمني بس ماجنت اطلع بيه لان اذا كمشوني يسجنوني بوكتنه بالتسعينات ههههه جان يكلي انتي زلمه لازم كلشي تعرفين عن الرياجيل فعلمني السياقه وشلون استخدم السلاح وحته تفكه اعرفله هههههه جنت ولد بمعنی الكلمه حته جنت خشنه
فهد:ههههههه لا عمي زلمه انتي تدرين اول مره اعرف ابوج متوفي جان عبالي بالخارج الله يرحمه
غزل:😔 ويرحم امواتك هههه تدري يمكن جان يعرف انو بيوم من الايام احتاج لكلشي علمنيا صدك استفاديت من كلشي تعلمته بفضله اخذت حقي
فهد :شلون مات ابوج
غزل: 😑😑😑😑
فهد:اذا متردين تحجين لتحجين عادي
غزل:قتلو تدري قبل لاينقتل بيوم جان يوصيني ع عائلته وع امي اهم وصيه عنده 😂😂😂بحياتج لتكصين شعرج وعديني
فهد: الضاهر جان يحب شعرج هواي
غزل:مره جان عمري 7 سنوات جان شعري يوصل لوسط ضهري مليت منه كصيته كاري رجعت للبيت شافه كلب الامه عليه كسر البيت علينه وشهر كامل ميحاجيني الی ان وعدته انو بحياتي ما اكصه يله حاجاني وهاي لليوم اني مكاصه شعري يعني صارلي 24 سنه مكاصته والله يسحل وراي امي تتوسل كصي بس ما اقبل اكولله ابوي يزعل مني بكبره وشلون ارضي وهو ميت
فهد: خطيه جان يحبج هواي مو
غزل : اي جان يصيحلي غزالتي لو غزاله كلبي 13 سنه هو ماعنده اطفال فجان كلش يحبني ميردلي طلب حته لو غلطت مجان يضربني او يصيح عليه اذا اتعارك وي ابناء عمي جان  جدي وعمامي يصيحون عليه فهو يزعل عليهم من يصيحون عليه فهذا خلاني اصير قويه ومحد يكدرلي
فهد :هههههه ذكرتني من جنت صغير جانت بت عمي اصغر مني شهر بس اليشوفه يكول اكبر مني سنوات هيه ضخمه وطويله واني كصيرون وناعم جانت اسمه تمشي وتكفخ بيه لو تحطني وتكعد عليه وهي ماشاء الله ضخمه جنت اختنك اصير ازرك ابوهه يجي يراضيه اذا جانت زعلانه اوشي يالله تكوم يعني من تزعل او ضوج تفرغ بيه اذكر مره كتلتني كتله لليوم اذكرهه لان كلتله لبسي حجاب وهي شعرهه طويل تكلي لصير رجال براسي وجانت تمشي وتصييح زقج كصيرون لو مره اوووف حييل مشتاقله
غزل: ههههه بس شنو مشتاقله هي وين
فهد: ماعرف والله عوفينه منه هسه شكلج تونستي ونسيتي السياقه تعبت تعاي سوقي
غزل:يله انزل
ضلينه كل ساع واحد ياخذ من الثاني السياره لحد ما صارت ساعع 4 ص وصلنه يعني 24 ساعه احنه بالطرييق  وصلنه لشقتي وكل واحد خابر ع اهله وطمنهم وطبينه غسلنه كلمن بحمام وطلعت اكل اكلنه وراح هو نام واني هم رحت ومرو اسبوعيين اتفقنه ع الشغل هذوله المموليين حيل متعبين يعني كوه رضو بالسعر واني وفهد واحدنه كوه كامش اعصابه شويه ونتعارك بس لزمنه اعصابنه لان الصفقه جانت مهمه وترفع اسم الشركه كلش هواي لازم نربحهه فاتفقنه بالشهر يكون الدفع ع 150 مليون والشغل باربيل ندز مهندسين وهمه يشتغلون لازم خلال سنه نكمل خلصنه طلعنه رحنه تغدينه وبقينه يومين ووراهه نروح بس ماخبرنه اهالينه وورا يومين صعدنه بالسياره عشان نرجع لبغداد وبنص الطريق جان اكو سيارات سوود تلحكنه ما اهتميتله بس فهد كال
فهد: غزل شنو ذوله تعرفيهم الي جاي يلحكونه شكلهم سلابه غزل: لا والله ما اعرف احد هنا يجووز سلابه صدك هسه شلنه دخل بيهم مضارينه عوود اذا صار شي نتصرف
اثناء الحجي وازوني بالسياقه جانت 4 سيارات سوود كبار مثل سيارتي فكل وحده صارت ع جانب مني وحده كدامي ووحده ع اليسار ووحده عاليمين والاخيره ورايه حاصروني والكدامي وكفت اني وكفت همه نزلو جانو مجموعه رجال شايلين سلاح وضخام واحنه بس اني وفهد يعني يكتلونه ومحد يدري بينه
غزل: فههههد اكو بالجكمجه سلاح اخذه دافع بي واني دنكت تحت الكرسي مالتي طلعت سلاحين اخذت واحد وهو اثنين لان ماسيطر عليهن
غزل وفهد : فتحنه البيبان ونزلنه وفتحنه البيبان الوره حته تصير حمايه النه سالناهم انتو منو
رجال: عدنه يمج ثار لازم ناخذه منج
صارو يضربون عليهه بس مالاحوني الغريب انو محد بيهم صوب ع فهد وهذا الشي فادنه ففهد كام يصوب ويقتل بيهم بعدين شردو بقت بس السياره الي وره لحكت اطلع الفون وصورت نمرتهه ودرنه حته نصعد حسين طلقه بنص ضهري انشلت حركتي اسمع فهد يصيح درت وجهي اريد اشوف الي ضربني فهد دار من كدام السياره حته يجي يمي من درت وجهي انضربت بمتني ووحده يم كلبي ووكعت بالكاع مكدرت اتحرك شالني فهد ووداني صعدني كلتله
غزل:فهد
فهد:لتحجين هسه نوصل للمستشفی اسكتي
غزل: دكلي ع امي
جان يدك كلتله ماما صار عدنه شغل هواي وحاغلق فوني لتدكين عليه يجوز يومين ما اخابر ليضل بالج يله باي حته ماخليته ترد غلقت الفون ونطيته لفهد
غزل:فهد هذا عندك خلي اذا متت افتحه الرمز مالته ترووح تسال امي شوكت سنه ميلادي وتاخذ الشهر واليوم اول رقمين ورقمين الباقيات سنه وفات ابويه
فهد:هسه تكومين وماحتاج رمزه ولا شي يكلبي انتي بس تحملي
غزل:اويلي تدري اول مره واحد يخاف عليه ماحسيت بشعور هذا ابد شكرا لانو دتحسسني بشئ جديد قبل اموت
فهد:ولج بويه انتي انتي صبري وابعج احاسيس بس اتحملي ولتغفين
غزل: فهد اذا متت دير بالك ع امي وبناتي امانتك عاملهم مثل بناتك
فهد: بعيوني اخليهم بس انتي اتحملي هسه ترجعين وانتي تديرين بالج عليهم لتنسين العار ميموت
غزل : بين المي ضحكني ههه اسمع ه كوه اخذ نفس واحجي ويا وهو متوتر ويسوق سريع كتله اسمع اعترف للبنيه الي تحبه قبل لتخسرهه تره انت تستاهل الخير
فهد:اي اي من تكعدين اعترفله كدامج هسه سكتي مو زين
اسوق سريع بس الطريق ازدحام كوه وصلنه دخلته وصحت ع الا طبا ءكله ركضوله كالو عمليات بسرعه
غزل: دكتور ني عندي قلب
دكتور :شلوووون يعني متبنجوهه وهي صاحيه سحبو الطلق
فهد: دكتور تموت متتحمل شلون
دكتور :اذا متمووت من الرصاص تموت من البنج هيه لازم تتحمل
غزل:اتحمل اتحمل فهد عندي طلب
فهد:اطلبي عيوني الج
غزل:دكتور خلي يدخل وياي فهد
دكتور:اي يصير انته لهيه حته تنسه الالم
فهد : دخلنه لصالت العمليات خلوله صونده بحلكه ولسقوهه وخلوله كانونه وبطل دم والدكاتره بلشو يوخرون الطلق
غزل: اااااااخ يمه ما اتحمل بعد اخ فهد ساعدني الله يخليك راح اموت يماااا
فهد: اتحملي يكلبي اتحملي
غزل: فهد وعد بس اطلع سالمه اشوف الدنيا مره ثانيه راح احجيلك عن حياتي
فهد: اي اي هسه تكومين
غزل: ااااخ فهودي مو تنسه تعترف لحبيبتك اكولك الفضول يكتلني واخاف اموت وما ااااخ وما اعرفه كلي منو هيه
فهد: ااا ا غزل انتي اي احبج انت باوعت عليه فاقده ودم يطلع من حلكه
فهد: دكتوووور فقد ودتنزف دكتور ساعدوهه لتموت نزلت دموعي نزلت لمستواهه وايده بايدي وكلتله احبج غزالتي لتموتين الله يخليج لتعوفيني دموعي تنزل وي الكلام ولج غزل ااااااحبججج اااااه لا يربي لتموت خلصو الاطباء طلعو 3 طلق وسمعت صوت النبضات توقفت
دكتو: جهاز الصدمات بسرعه
123 صدمه
123 صدمه
123 صدمه
الدكتور : البقيه بحياتك والعوض الك
فهد: لا دكتور لااا لا انت شتحجي باوعت الغزل ولج كومي بناتج ينتضرووج غزل كومي حبيبتي كومي انتي وعدتيني تحجيلي كلشي ولج والله اسمعج وما اتملل والله كومي ولج مو اني احبج كومي 😢😢😢😢😢😢 لكن لا حيات لمن تنادي
-----------------------------
البارت الثالث من هنا حتبدي الاحداث الشقه اذا دعمتوني ووصلت لل50 فووت وكومن وقارئ حكمل كل واحد عنده اصدقاء يكوللهم يقروون وبالقصص  الي بيه هواي متابعين  اكتبو بالتعليقات اسم القصه حته يقروون للعلم الاحداث واقعيه من واقع حياه العراقيين