غزل:بعد ما خلصو الممرضات تبديلي وطبعا بصعوبه لانو جرحي بعده ماطاب خليت شال ع راسي والممرضه عدلت المغذي وجان اكو فد شي مثل القراصه باصبعي ياذيني كلتله توخره بس كالت انو ميصير لان حالتي بعدهه خطرهه وسالتني اذا محتاجه شي وطلعت وراهه اندكت الباب
غزل:تفضل
فهد:ها هلو شلون صرتي
غزل:هلو بيك تمام زينه اني ...... ااا فهد اني اسفه قبل شويه صيحت عليك
فهد:وله يهمج يابه اصلا حقج اني المفرووض اعتذر مو انتي
غزل:حاولت اغير الموضوع وسالته
غزل:اااا اكول فهد شوكت اطلع منا
فهد:حييل يابه انتي قبل لاتصحيين سالت الدكتوور كال بالقليل شهر تبقين هنا لان وضعج مو تمام
غزل:😲شنننو يول اني ابقه شهر لا يابه اني صارلي نص ساعه من كعدت احس روحي مختنكه شوفه لهذا الدكتور رحمه لاهلك اني ما اتحمل هلكد
فهد:ميخالف من يجي يفحصج اساله المهم انتي ارتاحي ومعليج بالباقي ولازم تتغذين زين لان وجهج صاير اصفر وضعفانه وهذا مو زين علييج
غزل:ماعرف شلوون اردلك جميلك وياي اشكرك لان تحملت مسؤليتي ان شاء الله اردلك اياهه بالافراح
فهد:شنو السالفه يبه احنه اهل لتنسين انتي هم من زمان ممقصره وياي ويه الاهل اعتبري هذا رد جميلج
غزل :ااااخ احس عظامي متكسر ممتعوده ابقده نايمه هلكد
فهد:عمي حقج نايمه صارلج 10 ايام شلون متردين تتكسرين
غزل:عززززه 10 ايام يابويه اني اذا مو يوميه العب رياضه ما اكدر اتحرك وصارلي هلكد ما متحركه اصلا واو بس تدري احس روحي تعبانه وبيهه نوومه هسه
فهد:هههههه دصبري خلي يجيكج الدكتور ونامي هسه اشوفه ويين صار
فتحت الباب وصار بوجهي الدكتور والممرضه
الدكتور:ها يابه الحمد لله ع سلامتج
غزل:الله يسلمك دكتور
الدكتور:هسه لازم تساعديني اريد اكشف ع اماكن جروحج
غزل:اجتي الممرضه تساعدني والدكتور يكشفني حييل خجلت اول مره رجال يلمسني والنوبه فهد واكف يتفرج عبالك فلم كدامه وخرت الممرضه عن صدري القميص وكشف الدكتور النوب داروني ع ضهري شاف متني لان الطلقه دخلت من امام متني وطلعت من الصوب الثاني واسفل ضهري ع الجهه اليمنه ويكتب بالورق الي عنده بعدهه عدلت روحي وكعدت استمع للدكتور
الدكتور:جرووحج بدت تلتام بس الاثار راح تبقه مالت الطلق وعندج كسر بعظم الترقوه بالكتف الايسر الطلقه الي بضهرج مالايحه العمود الفقري لان لو لايحته جان انتي انشليتي لازم تتغذين عله السوائل والاكل الصحي حته ترجع صحتج زينه وتلتأم جروحج بسرعه وهسه لازم ترتاحين التعب مو زين عليج
فهد:دكتور شوكت تكدر تطلع
الدكتور:هذا السبووع راح ابقيه هنا تحت مراقبتنه اذا تحسنت بعده تطلع واذا لا فتبقه لحد متتحسن وراح اكتبله ادويه جديده للقلب لان الي راويتني اياهم بعد ميفيدوهه بهاي حالته التزم بنظام غذائهه حته تكدر تكوم
الدكتور :يله انسه غزل بالسلامه مره ثانيه
غزل:الله يسلمك دكتور
راح الدكتور واستلمني فهد
فهد:شفتي متكدرين تطلعين هسه لان بعدج مو تمام وهسه يله نامي واني ارووح اجيبلج شوربه
غزل:تعبتك وياي
فهد:ماكو تعب ولاشي يله ارووح
غزل:الله وياك
غمضت لحته اناام وغفيت بس فجأه صحيت لكيت روحي ببيتي وامي كاعده تقره قرآن البنات بغرفه رحت اتفقدهم ووصلت لغرفه زمرد لكيته بالكاع مغمه عليه شلته اركض بيهه ومن وصلت للشارع اختفت من ايدي كمت ادورهه شفت ياسميين وزهره وابوي ياخذوهه وياهم وامي تريد تلحك بيهم صحت بابا اترك بنتي هواي الي خذتهن مني كافي هاي مو الك هاي امانتي اتركه الي الله يخليك مادارلي بال ضل كامش زمرد من ايد وياسمين كامشته من ايده الثاني وبصفهم زهره وامي تركض وراهم تحاول تمنعهم ياخذوهه وجان توكع من ايدهم زمرد ويختفون ركضت اشيله بس فاجا حسيت احد يندسني
فهد:غزل غزل كومي شبيج بويه
غزل:اااه يمه اخ فهد بناتي بناتي بيهم شي
فهد:اخذي الفوون اتصلي وطمني عليهم
اخذت الفوون اتصلت بامي
غزل:الووو هايمه شلونج
الام:هله برويحتي يمه شلونج انتي ليش صارلج 10 ايام كاطعه هيج الشغل كطعج عنه
غزل:حقج عليه يووم اسفه والله بس الشغل كوومه اكلج يووم البنات شلوونهم زينات لو ببهم شي
الام:زينات بس هاي زمرد
من كالت زمرد احس كلبي انعصر
غزل:شبييه زمرد يمه
الام:ها اي خطيه صارله يومين مصخنه وتريدج
غزل:انطينياهه احاجيه
انطتنياهه حجيت وياهه واطمنت عليه وحجيت ويه كل بناتي حته شمس وقمر وبعدين رجعت احجي ويه امي كلتله راح اتاخر بالرجعه يمكن شهر او اكثر ابقه ضلت تحجي الی ان رضيته وسدته
فهد:ها شلونهم الاهل
غزل:زينين الحمد لله
فهد:يله اشو جبتلج الاكل كعد حته تاكليين
عدلت كعدته وسويت السرير خليت طاوله الاكل كدامع حاولت ترفع ايده تاكل
غزل:اخ يمه ما اكدر احرك ايدي
فهد:معلي هسه اني اوكلج
صرت اوكلج واباوع ع شفايفه وامسحهم برقه وخلصت وكلتله ترجع تنام.
مرو اسبوعين والدكتور سمحله تطلع من المستشفی رحنه للشقه بس كان صعب انو اداريه هيه بنيه وحده واني رجال وما احل عليه فجبتلهه ممرضه تداريه
--------------------------
اليووم كتبتلكم قليل لان ماعندي وكت ماردت ما اكتب بارت فحاولت اكتب نصه المهم اقروو وانطوني رائيكم
أنت تقرأ
غزل الملوك
General Fictionهي ثلاثينيه العمر وهو كذلك شاء القدر وقلبت حياتها راسا علی عقب وهي بربيعها السادس عشر فكفلت عائلتها وحاربت العالم الخارجي لكي يعيشو بامان فتتحول من طفله ومراهقه الی ام لثمانيه بنات
