غزل الملوك

Bart 4

https://m.youtube.com/watch?feature=youtu.be&v=3uuM_Ga46Ls&client=mv-google
موسيقی توصف حال فهد
فهد :
غزل كووومي ولج النوومه هاي مو الج ولج حبيبه كومي ولكم لتوكفوووووون هجي فوك راسي سوله شي ولج غزل كومي بناتج ينتضرووج ولج كومي منو الهم وخرت الشال الي جان محطوط باهمال ع شعره واخذت خصله اشمهه جان شعرهه طوييل بس ماانتبهت طوله وين يوصل واسود بسواد اليل اخذت الخصله وشميته حيييل وكلت ولج ام شعر الحلو كومي بنيتي اخخخ ولج غزاله جانو الاطباء كلهم يباوعون ع المنضر وعلينه شلون ماخذهه باحضاني وابجي عليهه اخر شي كلتله حته اودعهه
فهد:تدرين اكو اطفال صغار بالافلام يشوفون الامير يقبل بياض الثلج وهي تعيش وسموهه قبله الحياه اني راح اودعج بقيبه اسمه قبله الوداع وكدام الحاضرين كلهم اخذت شفايفه وقبلته برقه ورجعته ع السديه وغمضت عيونهه
الدكتور باهتمام :استاذ وخر المريضه رجعله النبض خلي افحصه
فهد:بهذا كلامه كانما شال من كلبي الهموم من سمعت صووت النبض فرحت وابتعدت عن الطبيب وجان يشوف نبضهه رجع لطبيعته يعني رجعتلي حبيبتي صدك
الدكتور بفرح:هاي جانت قبله الحياه مو الوداع الضاهر تحبه حيل لزوجتك الله يريحكم ان شاء الله
فهد:ماحاولت اكوله انو هيه مو زوجتي لانو قررت اتزوجهه بس ترجع حالته زينه اخذوهه لغرفه خاصه ورحت وراهم
اشوفهه شلونه
الممرضه:استاذ فهد ممنوع تدخل المريضه تحتاج للراحه والممرضات ديبدلولهه
فهد:زين ميخالف بس تكدرين تطمنيني عن حالته
الممرضه :هذا الشي مو يمي يم الدكتور تساله وهو يجاوبك
فهد:شكرا تعبتج
الممرضه :هذا واجبنه هسه ارووح اتابع حالتهه
فهد:اخذي راحتج
ورحت للدكتور المسؤول عن حالته اساله دخلت
فهد:مرحبا دكتورر
الدكتور:اهلا بالعاشق الولهان اشلون صرت
فهد:الحمد لله اني بخير بس ردت اسال عن احوال غزل شلون صحته وشوكت تطلع
الدكتور:علكيفك شنو تطلعه تره المريضه طلعت من المووت اليوم يعني هيه بيه قلب والطلقات 3 اماكنهم مو هينه يعني بالقليله شهر يالله تطلع منا
فهد:يعني شنو دكتوور صحته شلونه
الدكتور:استاذ فهد هيه حاليا تحت المراقبه حد 48 ساعه لان حالته خطره وبهاي 48 ساعه اذا ما طلعت من الخطر احتمال تدخل بغيبوبه ومندري شوكت تصحه احنه الي علينه سوينا والباقي ع رب العالمين وانته ماعليك سوی تدعيله تصحه وتتشافه انته ادعيله بصلاتك ورب العالمين ميخيب عبده الي التجاء اله
فهدبتعب:ونعم بالله دكتور بس اكدر اشوفهه هسه
الدكتور:طبعا هو ميصير لازم بهاي ال48 ساعه محد يدخلله بس بحالتكم امتو العشاق راح اخليك تدخل لزوجتك لان انته سبب رجوعه للحياه
فهد:هههه لا دكتور هاي حكم رب العالمين انو ترجع والصار مجرد قبله لا تقدم ولا اتاخر
الدكتور:لا استاذ فهد غلطان بالطب عدنه انو جسم الانسان يضل يحس لحد نص ساعه بعد توقف النبض واذا انطينا اي فعل يخلي يتمسك بالحياه فهو ببعض الحالات  راح ينطي ردت فعل ويرجع للحياه المهم هسه انته غير ملابسك وادخلله لانو ميصير تدخل بالانعاش بهاي الملابس كله دم وبكتريا مو زين ع صحت المريضه
فهد:باوعت لملابسي صك جانت مشكوكه من العرك ومليانه من دم غزل ريحتي زفره من الدم واتشكرت الدكتور ورحت حته اغير ملابسي غيرتهم بحمامات المستشفی ورحت للانعاش انطوني ملابس فووك ملابسي البسهم حته ادخل لبستهم ولبست كفوف طبيه وهاي الي ع الراس مادري شسمهه وكمامه جانو باربيل حيل يهتمون بالمريض وصحته ودخلت من شفت حالته راسا نزلت دموعي جان وجهه اصفر مجانو ملبسيه ملابس لانو جسمهه متاذي بس مخلين غطه ع جسمه بحيث مبينه اديه ومتونه وبدايه صدرهه جانت الوايرات الاجهزه ع جسمه هواي ايده اليسره بيه كانونه وكتفهه اليمين ملفوف لانو جان بي طلقه باوعت ع يسار صدرهه بمكان الطلقه الي جان مشدود وقريب جدا ع القلب جان جسمه ابيض مثل بياض الكيمر يجذب ضليت اتمعن بتفاصيل جسمهه بعدين انتبهت ع روحي الي جاي اسوي استغلال وحرام فدرت وجهي وكعدت ع الكرسي القريب يم السديه كعدت واخذت ايده شبكت اصابع ايده اليسار  ويه اصابعي  وغمضت عيوني بتعب وضليت اذكر ملامحه جانت عيونه زرك مثل لون البحر الصافي يغرك الواحد وبيضه ببياض الكيمر وعندهه خدود حلوه مثل التفاحات اذا خجلت يصيرون حمر حلكه صغير ومرسوم شفايفه الورديه المنفوخه الي تصيح للواحد تعال بوسني وعدهه نونه خفيفه تحت حنكهه رموشه ثخان وطوال وحواجبه ثخينه ورسمتهم حلوهه شعرهه اسود بس مادري طوله لوين يوصل لان جان جوه جسمه بس سواده سواد الليلوسرح مي ويلمع اكول ابوهه حقه ميقبل تكصه ومخليته توعده متكصه جسمه ابيض طوله متوسط يعني يطلع 165 هيج شي مربربه كان عنده جسم انثوي متكامل من صدر كبير الی افخاذ ورجلين نحيفه اصابع ايديه رفاع وطوال اضافره طويله هذا كله مجنت منتبه عليه لانو جانت متحفظه حيل وكل لبسه محتشم صح قميص وبنطروون بس القميص طوله للركبه وعريض شوي يعني ميبين تفاصيله وبعمري ماشفت شعره طالعه من حجابه يعني بس شكل وجهه جنت اعرفه واليوم اخذت الفرصهه اشووف باقي الممتلكات واخذت وعد انو ما اخلي احد ياخذه غيري وكلت انو بيوم راح اختم ملكيتي ع هذا الجسم
مرو اليومين وهيه ماصحت والدكتور كلي انو دخلت بغيبوبه ومندري شوكت تصحه بس طمني انو صحته استقرت وهي قويه جاي تقاووم تره
والايام اخذت تجر الايام لحد ماصارلهه 10 ايام بغيبوبه امهه اتصلت عليه لانو تلفونه مغلق سالتني ع غزل واني كلتله هيه بخير بس الشغل مغركهه تغرك متلحك تتصل بيكم بس تفرغ تتصل عليكم طمنته وسديته ودرت وجهي ع غزل نزلت روحي وكعدت بالكاع صرت ويه مستواهه واخذت ايدهه وكلتله مو كافي دلال علينه صارلج 10 اياام نايمه ندري الشغل متعبج بس ماشبعتي من النووم تره اكو من ينتضرووج تصحين بس هيهات لاحياة لمن تنادي ماكو اي رد خليت راسي ع ايده وغمضت عيوني وبعدهه ايده بايدي بس حسيته تعصر بايدي فزيت اباوع بعيونه تركش كانما تريد تصحه فتحت حلكه وهي ومغمضه وكالت
غزل بتعب:مي
ركضت ع بطل المي واخذت بالغطه شويه مي وبللت شفافه
فهد:الحمد لله ع سلامتج يابه
غزل :الله يسلمك
جانت تتصرف بعدم اهتمام كانما متدري بروحهه مفرعه وبلا حجاب بس جرجف عله جسمه رفعت ايده تريد توخره من ايدي وشافته وعجت حواجبه
غزل:هاي شنو ايديه
فهد:باوعت ع روحه وشافت جسمه واتلمست شعرهه بلاحجاب تحولت نضراتهه الی عصبيه
غزل بغضب :اطلع بره بسرعه انت شلون تسمح لنفسك تدخل عليه واني هيج
فهد:طالع طالع
طلعت وصحت للمرضه علمود تجيه ورحت للسياره طلعت من جنطته ملابس وملابس داخليه واخذتهم للمرضه حته تبدلله بدلتله وطلعت دكيت الباب حته ادخل
غزل:بعد ما وصيت فهد ع اهلي وع روحه بعد ماحسيت بشي فتحت عيوني وشفت ابويه كدامي لابس ابيض وامي وبناتي بصفي اني نايمه ع فراش ابيض كلتله بابا انته عايش بس مارد عليه وشويه وكلي الامانه العفتلجياهه بعدهه محتاجتج كومي عله حيلج لتضعفين اني ربيت غزل القويه
غزل:بابا ابقه وياي ساعدني
الاب :لا بابا هذا مو مكاني مكاني بغير عالم انتو هذا مكانكم واني  انتظركم هناك بس لتستعجلون اني مرتاح من اشوفج تصونين الامانه عدل
غزل:لعد بابا اخذني وياك بس ماجاوبني دار وجهه وراح هوه ودشداشته البيضه جدا وطويله جانت ترفرف وهو جان ابيض حييل عكس الحقيقه بابا جان اسمر بالحقيقه
جانت هاي اول مره احلم بابويه من بعد زمن طويل كلما احلم بي جان ياما يعاتبني ياما يوصيني ع الامانه كانما اني ما احتاج يوصي احد عليه فزيت من حلمي الحلو ع بوسه بس عرفت انو ماكو هيج شي ورجع كلشي اسوود ماحسيت بشي اله بعد فتره طويله وشفت فهد يمي هذا الولد شكد حباب ماتركني بوكت اني دا امووت كلتله مي انطاني وشفت روحي بلا اي ملابس سوی جرجف خفيف مغطي صدري وينزل لتحت يغطي باقي جسمي وشعري محلول عصبت ع فهد وطردته وشويه ودخلت ممرضه تحمدتلي ع السلامه ودخلت وراهه ممرضه ثانيه لبسوني ملابسي وخلو شال ع شعري وراحو 
يتبع--------هذا البارت الرابع قصيير بس والله هذا الي كدرت اكتبه اليوم اذا صار عدي وكت اكتب الخامس وانشره هم اليووم لتنسوون الفووت والكومنت 😘😘