غزل الملوك

Bart10

من عرفني صار وجهو اصفر من الخووف خليت المخده ع بطنه وصرت اضرب بالطلقات لمن خلصت المسدس عليه الصوت مجان يطلع لان خليت مخده وبوكته مجان اكو كامرات فطلعت ومحد عرفني ولاشي ووراه سمعت بالمستشفی مكتول واحد عرفت هاي هو ارتاحييت هذا ثاني واحد كتلته بس من كتلته ارتاحيت وبوجهي رحت للنجف حته ماغسلت الدم الي بيدي رحت لابوي وكتله هاي اني اخذت بثارك اسد شوووف مضيعت حقي اني اخذته من حلك السبع اني ووفيت بوعدي بوييه شووف وبعد الووعد كدامي هواي صدكني كلهن راح اوفيهن يابويه رجعت وبيومه كدرت انام صراحه اني من يووم كتلت مهيمن جنت من انام احلم بي وافز مرعوبه بس هءا لا ابد لا فزيت ولا حلمت بي خلصت كليه بال2002 وسنه السقووط خفت ع اهلي خاثه بغداد انهجرت بس اني معفتهه ضليت بالبيت مامنه ع بناتي وامي وجنت ضامه مونه تكفي شهر ومحد طلع من عدنه من جان يصي اطلاق جنت اخليهم باخر غرفه واغطيهن وانومهن لمن خلص الخووف رجعت للشركه مسرووق كلشي والبيوت كدرت اخليهم الي محد تجرأ ياخذهن او يعيش بيهن رجعت رممت الشركه واجه يوم جانو يسجلوون بالشركه هواي فد يووم دا اقره بكل سي في للييقدمون وصلت لواحد جان واكف كدامي بس قرييت اسمه عرفته جان وياي بالجامعه بس طول ما اني بالجامعه ما شفته ابد جان ابن عمي بس اني عرفته جان نفس شكله ماتغير ابد بس صار اكبر اطوول بهواي وضخم مو نفسه هذاك الي جنت اكعد علي ويختنك لا هذا اذا كعد عليه اني اختنك اامهم من شفته جان مركز ع عيوني جان لونهن غرييب خفت خاف يعرفني بس ماعرفني فاني قبلته بالشركه وصار يشتغل بالشركه وياي وبعدهه اتفقت ويه اتراك يبنولي بناء حديث للشركه واخذت قطعه بغير مكان بنيته ع تصميم تركي هاي بال2005 وبنيت بيت النه جان التصميم اني مخليته بالاول حديقه جبيره داير مداير البيت واكو غرفه صغيره للحارس ومسبح بكفه البيت جبير كولش تدخل للبيت صاله وبنصه الدرج ع يسار الدرج المطبخ وع يمينه الحمام وجو اكو غرفتين امي وحده ووحده لياسمين وجوري وبالطابق الثاني صاله وحمام وغرفه لورد وغرفه لروز وغرفه لزهره وزمرد وبالطابق الثالث غرفه الي وغرفه المكتب وغرفه اني مخليه بيه الاشياء الزياده وغرفه بيه اشيائي اني احب انحت ع الخشب و اسوي اشكال بالفخار العجين الي يسوون بي تحفيات وهييج وارسم والالات  موسيقيه جنت اعرف الموسيقی من بابا جان اكو بوكتهم ليالي يسموه السمر او يتسامروون وهناك يعزفوون ع العوود ويشعروون ويغنون اني جان صوتي حلو بالغناء فاتعلمت استعمل العوود واتعلمت اشعر ومن اجيت لبغداد تعلمت ع باقي الالات الموسيقيه المهم هيه غرفه جبيره بيه كل مواهبي  بسنه 2005 جان عمري 25 وجوري وياسمين  عمرهم 12 سنه وورد 11 وروز 10 وزمرد وزهره 9 جنت ما اخلي البنات ابد يطلعون اله اني وياهم اخاف عليهم لان حلوات جنت اني عيوني زرك وبيضه وشعري اسود وهمه يختلفون صح اني جنت احله وحده بيهن بس هنه شكلهن هم حلو جانن كلهن حنطاويات وشعرهن ذهبي وعيونهن صفر ع بابا جانن كلهن عدهن من ملامح بابا المهم بيوم من الايام امي اتصلت عليه وكلتلي مصيبه لحكي رحت للبيت باسرع ما عندي ولكيت البنات يبجوون جان دخلت للغؤفه وهناك زهره بحاله تبجي سالت امي شبيه طلعت زمرد وزهره طالعين يشتروون وبالشارع مغتصبين زهره بوكته وكعت ع رجليه ولطمت ع خدودي وصرت اصرخ اني مو اكللكم مخد تطلع ليش متسمعوون ليش تطلعن ولجن بشنو مقصره اني ولجن اذا تردن نجووم السمه اجيبه ليش طلعتن جنت اصيح صياحي رج البييت البنات وامي يبجوون وزهره شبه ميته بوكته اخذته غسلتله ونومته ووعدت روحي ماراح ارتاح اذا ما اخذت بثار هاي الطفله من صحت تصرخ وتخاف ضليت انومه يمي شهر مر وكدرت تحجي سالته اذا تعرف شكل الولد وطلع واحد من المنطقه صرااحه ماكو من كالتلي اخذت السلاح وركضت بنص الليل رحتله دكيت الباب هو جان بيت مشبووه كله نسوان وسكر بالليل وغيره من قرف صرخت وطلع من البيت كتله انت سلبت من بنتي اهم شي بحياه كل بنيه اني هم راح اسلب منك اهم شي بحياه كل رجال بوكته ضربه طلقه ع منطقته وهوه ماتحمل الالم ضار يصرخ وبعدين ضربت طلقه براسه ومات رجعت للبيت وريتني مارجعت وصلت وجان صرييخ فتت جانت زهره بالحمام ومتقبل تفتح الباب صرت ادكه واكولله ماما بنيتي افتحي الباب حبيبتي بعد محد ياذيج بس ماكو مجانت تسمعلي اخر شي صرت ادفع بالبا حته تنكسر بس جانت صااج تركي قويه يعني تكسرت يالله انكسرت من دخلت جانت زهره مبلله وبيده شخاطه فتحته وحركت رووحه ركضت اجييب بطانيه الفه بيه بس احتركت ع الاخيير لفيته وهي جانت تركض من الالم وطلعت بالشارع ووكعت انطفت النار جانت عباره عن جسم اسوود محرووق ومباقي بي شي بس سوادخليته بحضني وشبكته كالتلي ماما خايفه ماما خايفه كلتله لتخافين مماتي اني يمج صدكي الي سوه بيج هجي مات مبقه واله بس للاسف هيه جانت صغيره متحملت وماتت صرت اصاارخ واني بالشارع البنات وامي التمو عليه ويبجوون والناس بنص الليل ع الصريخ طلعو الصبح اخذته غسلتله ووديته للنجف دفنته كل هذا ومابجييت لمن دفنته يم بابا كتله سامحني ما داريته عدل هاي هيه امانتك صارت يمك بابا هاي بنيتي هاي زهره كلبي دير بالك عليه ورجعت بس جسم بلا رووح صرت اللوم برووحي اني السبب اني مبقيت يمهم من يوومه وخليت حرس للبيت والبنات ابد ميطلعوون مرت السنين وصارت 2009 عمري 29  جوري وياسمين عمرهم 16 وورد 15 وروز 14 وزمرد 13 جانن جوري وياسمين بمدرسه مختلطه بصف الخامس هنه اجو تقدمولهن جوري تقدمله واحد بغدادي اسمه علي وياسمين قصي البنات ماجانو يعرفون اني مو امهم ومن يسالون ع ابوهم اكوللهم مسافر طبعا راكان بال2007 مات المهم وافقت ع علي لان جنت اعرف اهله ابو وياي بالشركه هو عمره 23 سنه ستوه مخلص كليه بس قصي ماعرفته فماوافقت عليه طلبت اشوفه بمطعم وكلتله سبب الرفض كلي خلي احجيلج اني منو قصي جان عمره 18 صغير جان كال اني قصي ضاري من الكويت ابويه وامي بصراويين لكن بسبب اوضاع العراق طلعو للكويت من عمري 5سنوات بابا قرر نرجع للعراق بس بحدود البصره والكويت نكلبت السياره وكل اخواني واهلي ماتو جانت تكو سياره ثانيه صديق بابا وعايلته هم يردون يشوفون اهلهم ويرجعوون بس اني عشت من اهلي اهل بابا محد سال عني بابا من عشيره........ من سمعت اسمه الكامل والعشيره انصدمت هذا نفسه ابن عمي الي محد قبل يعترف بي سولفلي انو عايله صديق ابو همه ربو بس هالسنه اجه للعراق حته ينتقم من اهله وشاف ياسمين وانعجب بيه اني ن عرفته ماكتله اني بنت عمه بس من خلص بديت اسولفله قصتي ومن خلصت كتله انته ابن عمي ضاري هو صدك وكلتله اني وبابا دورنه عليه بس ماجنه نعرف اسمه كلتله البنات خواتي مو بناتي بس همه ميعرفون هو جان يبجي من يحجي كلش انقهرت عليه شبكته وكتله قصي اني وياك الزمن جار علينه اهلنه اتبرو من عدنه ومسلم نفس الشي بس همه رادو يكسروني بمسلم كتله قصي اني انتقمت من كل واحد اذاني وهسه وصل السره لاهل بابا لازم ننتقم سوه طبعا اني جنت اعرف اخبارهم اول باول ومره عرفت همه يدورون علينه لان جدي يريد يمووت ويريد يشوفنه بس اني مارحتلهم المهم قصي وياسمين تزوجو وجوري وعلي هم اثنيناتهن حملن جوري جابت توم ولد سمتهم كنان وراكان وياسمين جابت تووم بنات وسمتهم شمس وقمر بيوم صار عمر التوم بنات ياسمين 40 يوم قرر قصي يعوفهن يمي ويرووح للكويت حته يشوفون زوجته يعني اهله الي هناك اني وافقت راحو واسبوعين ورجعو وبالطريق صار حادث اكثر من سياره جان طريق الكويت بصره كله حوادث رحت للمستشفه وياسمين جانت مسلمه الامانه و
ي وصاتي ع بناته ووصاني انتقمله وسلم اخذتهم دفنتهم وكلت لبابا هاي امانتك الثانيه هم ماحافضت عليه سامحني وانته ديربالك عليهن ذني بناتي وهذا ابن اخووك هم امانتك طبعا قصي جان يصيحلي خاله هو وعلي لان كدامهم جنت ام البنات المهم اني جنت طول هاي ال16 سنه كل فلس اخذه لازم اخمسه وهم جنت كله اشتري بي بيوت ما اخلي فلوس جوه ايدي حته مينصرفن هيج سجلت لكل وحده بيت حسب وصيه بابا وكل وحده سويتله سوار الي بابا كالي عليه هاي اني كل سنه يجوني خطابه بس ما اقبل لان اني وهبت حياتي قربان لخواتي وامي ماعشت لنفسي عشت علشانهم وهسه جوري صارت سنه اولی طب عمره 18 وزوجه هم دكتور وورد عمره 17 سادس تريد تدخل هندسه مثلي وروز 16 خامس وزمرد 15 رابع وشمس وقمر عمرهن 2 هذني صدك يقهرني شايله همهن لان اجن عمرهن 40 يوم ووراه لا ام ولا ابو عبالهن اني امهن حالهن حال خواتي كلهن عبالهن اني امهن  اني جنت ضد زواج القاصرات بس زوجت البنات وهمه صغار لان اخاف اموت وهنه ماعدهن احد كلت ع الاقل اذا متت ازواجهن موجودين وهنه اكيد مراح يتركن خواتهن اني علمتهن لازم كلشي يكوللي ولازم يكونن بالفرح والحزن سوه ولازم يكونن ايد وحده اذا بيوم صارلي شي محد تترك الثانيه اني بعمري متهمني نضره العالم عليه ابدا ولاكلامهم حتلو يحجون عليه مالي دخل بس الي يحجي عليه وعله بناتي كدامي معناته هذا مرايد حياته ابدا بناتي كلشي عندي بالحياه اني قربان لبناتي تعرف اكو جزء ناقص بحياتي واني ما اعرفه كملا اتذكر حياتي اسال امي اكولله اكو شي ما اعرفه وانتي تعرفي كوليلي بس هيه تتهرب بس لازم اعرف شنو الجزء هذا اني صح عندي املاك كومه وفلوس اغرك بيه بس لليوم اني ممرتاحه لليوم مهمومه بناتي شلون يعيشن بعدي صدك لو كالو هم البنات للممات مو لان اخاف يغلطن او شي لا بلعكس اخاف عليهن من الدنيه هنه بريئات وميعرفن شي بالحياه بناتي ربيتهن مثل الورقه البيضه اي شي يصير عليهن اعرفه  دايما اكول الحمد لله بابا عافلي 6 بنات احسن من ما عايفلي ولد واحد شكد ما تربيت البنت صعبه بس تربيه الولد اصعب الولد متكدر اتصيطر عليه مره صح اني قويه بس ما اعتقد اذا جان عندي اخو هذا حالي يمكن اكون غير يمكن اكون فقيره ويمكن اغنه من هسه  وهاي اني 16 سنه ماقصرت ويه بناتي كل عطله اسفرهن لللدول محافظات العراق كلهن رايحيلهن عدا البصره 16 سنه صارلي او اكثر مداخلتله ولا اريد ادخله بالرغم شكد مشتاقتله بيه ريحه ابويه وشكد مشتاقه لاهلي بس لا ما روح سفرتهن كومه دول بعمرهن البنات ممسافرات اني ماردت اقصر ملابس احله شي الهن كله من الخارج اي شي يردو يلكو كدامن وهاي اني هسه كدامك عمري 31 سنه ام ل8 بنات وولد واحد وخلصت حياتي اليوم اني يمك
فهد:صراحه انتي مره قويه من يوم عرفتج انتي قويه ومن جنتي بالعمليات بينتي قوتج من توقف كلبج حاربتي الموت وعشتي بينتي قوتج وهسه من حجيتيلي معاناتج بينتي قوتج اكثر احييج ع هالقوه صدكي لو رجال عاش حياتج ميتحمل لان احنه الرجال ماعدنه صبر منتحمل بس انتو لا تتحملون عندكم طاقه صبر عاليه خاصه المرأة العراقيه شكد تحملت وبعد تتحمل بس سؤال انتي ليش متريدين تتزوجين
غزل:لان اني مابنيت هذا كله علمود رجال ولليوم مالكيت الرجال الي يكونلي ابو حنين نفس ابويه واخو وفي نفس مسلم وحبيب يخاف عليه اخر شي يكونلي زوج حنون ووفي وكل شي كل واحد يتقدملي لليوم يا اما علمود فلوسي يا اما علمود شكلي وجسمي بس اني اريد واحد يزوجني يقبلني مثل ما اني ما اغير من روحي شي اريد واحد اذا اكله ابقه ويه امي وبناتي يقبل منو يقبل يزوج وحده بركبته 6 وام ها محد انته عبالك بس انتو الرجال عدكم شهوه ورغبه لا النساء همات بس اني ما اخلي مشاعري توديني للغلط انتو تكدرون تتزوجون زواج متعه علمود تخلصون اما احنه لا هوه مو حرام بس اني 31 سنه محافظه ع روحي وبعدين اجي ازووج متعه علموود مشاعر لا طبعا تعرف من مات ابويه وره 4 اشهر وكفت كدام المرايه باوعت شعري بي شيب كلت ااه هاي عمري 16 وشيبت لو اكبر سنه بعد سنوني توكع هههه وهسه شعري اسوود وبي شيبات نفسه ذنيج لازادن ولا شي  واكلك كافي حديث عني كرهت روحي تره .........
---------------------------------------------------------يتبع باجر نكمل تعبت والله شكد كتبت