غزل الملوك

Bart6

من انت
انا حطام انثی كسرها وحطمها الزمن
انا من جار عليها زمانها وهي طفله
انا ابنت السادسه عشر عاما واصبحت اما
انا الحسناء التي تنظر وحشها في كل مره
انا من جارت علي دنياي وحطمتني
انا من ودعت ابيها امام ناضريها
انا من حملت حملا ثقيلا علی كتفيها
انا من ترك لي ابي عبئا كبيرا
انا من كنت ارفرف بجناحي تحت ظل ابي بحريه وامان
انا من كسرت الدنيا جناحي واخذت مني ظل ابي ونهبت مني حريتي واماني
انا من كانت تحت اشعت الشمس الساطعه تحاول لم شمل بقايا عائلتها
انا من حاربت زماني علی العيش بامان
انا من حاربت دنياي علی ان اوفر سور الامان والحريه لبناتي
انا حطام انثی كسرها وحطمها زمانها 😔
---------------------------------------------------------
غزل:
مرو اسبوعين وانا بالمستشفی بعدها سمحلي الدكتور اطلع وفهد جابلي ممرضه تعتني بيه لانو حالتي متسمحلي اكون لحالي لا اكدر ابدل ولا اتحرك ايدي اليمنه الي هيه كلشي اسوي بيه هسه ما اكدر احركه ولا اسوي بيه شي فالممرضه تساعدني بالتبديل الاكل وكل شي احتاجه فهد خلاني التزم بنظام غذائي يناسب صحتي وصارلنه اسبوع من طلعنه من المستشفی يعني صارلي شهر من انضربت واليوم بعد الملل من شهر مطالعه واني ممتعوده اكعد هلكد بالبيت فقررت نطلع لان طكت روحي
غزل:فهد خلي نطلع اليوم تره طكت روحي شهر مكابله ارع حيطان
فهد:بس مو زين عليج تطلعين الجو بارد هنا وخاف يلوحج برد
غزل:ياخي ممتعوده هيج اني جنت ببغداد اسمي راكبه سيارتي وطالعه افتر واروح واجي وهسه شهر مشايفه الشارع ناكو اليوم نطلع وبعدين اريد اشتري لبناتي هدايا
فهد:خلص ولا يهمج اليووم نطلع العصر نرووح للمول ونتعشه ونروح للكورنيش شتردين بعد
غزل:تسلم كلشي ماريد  ......... تهي بهي اي والله اني  غزل الحره اطلع بكيفي اليوم انتظر سيد فهد يطلعني يبو عليه اي والله
فهد:ها تره اخليج كاعده هنا ومتطلعين
غزل😞:خاب ماطير من جدامي همزين سيارتي وشقتي تره اطلعك بالجلاليق من هينا
فهد:اهوووو بدت المنيه وطلعتلنه غزل الجنوبيه علكيفج ويانه عيني تره اذا حجيتلج جنوبي متفهمين حجايه مني والله
غزل:اكلك ليش ماتنجب اني جنوبيه واعرف احجي وبعدين كووم بدل لحته نطلع
فهد:ارسيلج ع بر لو جنوبي لو بغدادي لو انباري لا تلطشين علينه بالحجي
غزل:😯اووو قهرتني متعرف حجي الانبار يله يول بكيفي هذا الموجود تفهم تفهم ما تفهم طبك عرج رايحه ابدل اني
فهد:روحي لبسي ملابس ثخينه تره ما انطيج سترتي اذا بردتي
غزل:كلش مصدك رووحك تره هاي اذا ما اني نزعت سترتي وانطيتك اياهه 😂😂
دخلت للغرفه ابدل  نزعت البيجامه وجنت اريد ابدل ملابسي الداخليه  ودا اسدهم من وره باوعت ع حالي يبو ايدي معلكه وكلشي ما اكدر البس شسوي اوووف هسه وكتهه يربي شهالذله هاي  خلي اشووف فهد يشوفلي هاي الممرضه وين من داخل الغرفه كعدت احاجي
غزل:اكوول فهد هاي الممرضه وين اليوم شني ماتجي
فهد:لا شنو نسيتي مو كالت بعد ما اكدر اجي عدهه دوره تدريبيه يله فضينه عااد صالج ساعه
غزل:حجيت بصووت عالي ومادري :يبوي هسه شون مصيبه هاي منو يساعدني
فهد:شنو محتاجه شي
غزل:عزه بعينك سمعتني
كعدت افكر شلون يربي خلي ابطل احسلي لا اطلع ولا اشي
غزل:اكوول فهد بطلت لنطلع
فهد:لا بربج خاف ما ترضين شنو بكيفج اني امشي ساعه نطلع وساعه لا كولي شنو تحتاجين واني اساعدج لتستحين
غزل:اااااا ......... امممممممم
فهد:غير تحجي راح تكضيهه علينه اااا وامممم احجي فضينه يابه
غزل: حجيت بسرعه وكانما اذا سرعت محينتبه لكلامي
غزل:مدا اكدر البس حمالتي لحالي
ماسمعت اي جواب منه
فهد: 😑😑😑😑  زين اني راح اغمض واساعدج اووك
غزل:وا فشلتاه ماهذا ياربي : اوك يله ادخل
غمضت عيوني اني هم حته ما احس بالاحراج منه صدووك ما اتمنه اي بنيه تصير بمثل موقفي
فهد:دخلت اساعده وغمضت عيوني بعدين انتبهت ع نفسي اني شلون اساعده فتحت عيوني 😲😲😲😲😲😲😲
جان ضهره يلالي من البياض وخصرهه مرسووم رسم مخليه شعره ع صفحه حته اكدر اساعده انتبهت عليهه مغمضه عيونه حته متنحرج  تقدمت حته اساعده وجان اشوف اكو ع متنهه الايسر وشم مكتوب عليه ابي قد انكسر ضهري وجان مرسوم بنيه منزله راسه وكامشه كلبه المجرووح من الرسمه مبين انو البنيه مكسوره سديت الحماله وكلتله
فهد:اكو شي بعد اساعدج بي
غزل:ااااا اي بس قميصي لان ايدي ما اكدر احركه فما اكدر البسه وادكمه
فهد:صار بس وينه
غزل:ذاك ع السرير
فهد جان القميص اسود اني ملاحظ كل ملابسه الوان غامقه واغلبهن اسود بس رغم هيج جان حلو عليه الاسود يبرز بياضه اخذت القميص ولبسته بس من كمشت ايده اليمين حته ادخله الي هي متصاوبه وصعب عليه اتحركه احسه تشنجت من الحركه ما اهتميت دخلت ايده وسديت الدكمه الي بالردان والثانيه هم نفس الشي ردت اسد دكم القميص لان اكيد مراح تكدر تسدهن بايد وحده اجت عيني ع صدرهه جان كبير وبين صدره اكو شامه صغيره ضليت صافن عليه للحظه جنت راح ابوسه بس انتبهت ع روحي وسديت الدكم بسرعه وكلتله انتظرج بره طلعت بسرعه ولاحظت روحي عركان ورحت غيرت التيشيرت لبست اسود وهي طلعت جانت لافه شاله الاسود بس خصل شعره طالعه لاول مره شاله يكون بهذا الشكل انو شعره طالع حاول متباوع بوجهي لانو تحس بالاحراج اني سويت روحي مو يمي ابدا اتقدمت عليه وعدلت الحجاب دخلت شعراته ولفيتلهيا عدل
فهد:جان شعرج طالع
غزل:تسلم يله نرووح
فهد:يله
طلعنه للمول اخذنه اشياء اني تذكرت خواتي وبنات عمومتي واهلي جبتلهم كلش وهي جانت تشتري لبناته وامه وصديقاته وحته ملابس رجاليه اشترت سالته
فهد:المن ملابس رجالي
غزل: لزوج بنتي وابنائهه وللحراس والسايق وابنائهم متعوده كل سفره اجيبلهم وياي وهسه تعال جرب هذا التيشيرت والبنطلوون اريد اشوفهم
فهد:اني شكو اجربهن
غزل:جرب ومعلييك وشوفلي لونهن حلو
فهد:اي حلو...... جان التيشيرت احمر والبنطلون اسود لبستهن وجانن فييت اخذتهم اله وكلتله زينات اذا الرجال بقياسي
غزل:اي هو بقياسك المهم يله خلصت لو لا تره ورانه كومه محلات بعد
فهد:اهووووو هاي فرات النسوان ولا توقعتج تحبيه لان انتي ماعندج صبر وهاي الفره اتدووخ عبالي متحبيهه
غزل:شسوي ما احبه بس ما يهلي ادخل واديه فارغه لبناتي فاضغط ع رووحي وانجبر افتر هالفؤه الطويله والا اني اكره هاي الاشياء شنو فره شنو سووك شنو تعاي عاملي هذا وذاك وهذا غالي وهذا ميصير وهذا لونو ماحلو وهذا موديله قديم ايش هالسخافه هاي
فهد:ههههههههه اي والله احنه نكرهه من وره هاي السوالف اني بالنسبه الي اذا عجبني شي اخذه راسن لا اعامل ولا غيره
غزل:نفس الحاله اني اشووف الشغله اذا تستاهل اخذه بفلوسه واذا متعجبني حته ما اتعب نفسي
فهد:جنت كلشي اخذه للبتات اخذ بي رائيه لانو باعتبار هيه بنيه وتفهم بسوالفهن
غزل:اكوول انتو شكثركم اشو تاخذ وترجع لوره ماشاء الله
فهد:ههههههه احنه عشيره كامله بس اهلي يعني خواتي واخواني 10 ويه امي وابوي 12 من غير الازواج والابناء
غزل:الهم صل ع محمد وال محمد شنو انتو تخلفون بالجله لو شنو
فهد:تره حالج حالنه عدج 8 لتنسين
غزل:ها اي والله نسيت بس مو انته بس اخوانك هلكد لعد عمامك وعماتك
فهد:حييل اذا اريد احجيلج منا لباجر ما اخلص عوفج منهم خلصتي لو لا تره ملييت
غزل:يله بس هذا اجييب اكسسوارات للبنات واطلع
فهد:خلصنه ورحنه للكراج نخلي العلاليك لان ماشاء الله شلنه المول وطلعنه
غزل:الي يشوفنه يكول ذوله عبالهم اكو قحط بالملابس حيصير 😂😂
فهد:😂😂😂😂😂 اي والله ع هالعلاليك اذا افتح بسطيه وابيعهن اربح يله نصعد فووك نتعشه لو نشوف غير مكان
غزل:لا اكو مطعم اكله كولش طيب امشي نروحله
فهد:يله بكيفج ...... رحنه للمطعم وطلبت لغزل شوربه والي صاج
غزل:اكوول تره مليت من الشوربه احس روحي بسجن صدام عشه وغده وريووك شوربه تره مصخته اطلبلي غيره لا اكلك هسه والله
فهد:😂😂😂😂😂 خرب اي والله ادووور تاكلني هههههه وين تكدرين تخلصيني هي اصبع واحد كافي عليج ع اساس انتي تاكلين
غزل:مو اله اخلصك بيوم واحد تكفيني سنه اكل بيك بس لحمك اكيد مثل دمك مو طيب مو
فهد:ليش الضاهر ضايكه دمي شفايتلج
غزل:ايييع شهالقرف هاذ
فهد:شفايتلج تشربين دمي
غزل:اي والله شفايتلي اشرب دمك واخلصه وتموت واخلص منك ومن سخافتك اكووول تطلبلي اكل مال اوادم لا ابتلي بيك والله
فهد:طلعلنه الحجي غازي عمي كلشي ولا تنهدين بيه راح انزل اطيب صحن بيتزا ووياه ببسي ووراه تاكلين بقلاوه وكلشي تشتهي نفسج
غزل:اي انت متمشي اله بالعين الحمره
فهد:اكلنه وخلصنه ورادت تدفع الحساب
غزل:اني ادفع ما اخلييك تدفع هذا كله شنو هاي
فهد:عييب بويه اني الرجال واني ادفع امشي انتظريني بالسياره ..... دفعت ورحتله لكيته كاعده وتباوع ع مجموعه اطفال يبيعون للسيارات حلويات او نفاخات ونزلو من السياره فهد:ها وين
غزل:اصبر هسه اجي
فهد:نزلت وراحت للاطفال
غزل:هلو انتو دتبيعوون هنا
طفل:اي خاله نبيع بس مو كلهم يشترون
غزل: دنكت عليه لان اني اطوول منه واتالمت من ظهري وكلتله اممممم اتفق وياكم تبيعوني كل هاي الحلويات واني انطيكم فلوووس هواي شنو رائيكم
طفل:صدك خاله اي احسن حته يصير عدنه فلووس نوكل اهلنه
غزل:😔😔 يله هسه هاك هاي 100 انتو 3 اخوه مو
الطفل:اي اخوه وعدنه بالبيت امي مريضه واخت وحده هيه ترتب البيت
غزل:انتو بالمدرسه
الطفل:اي اني صف سادس وهذا رابع واخوي الثاني اول واختي صف رابع اعدادي بس هسه عطله
غزل: ااااا زين انت كل يووم تطلع وحدك لو ويه اخووتك
الطفل:لا مرات وحدي ومرات واحد من احواني ومرات كلنه بس الاكثر وحدي لان اخاف ع اخواني
غزل: اها اي خوش تسوي حته اخوانك مينخطفوون زين انتو بيتكم ايجار لو ملك
الطفل:لا ايجار وهو غرفه وحدن وحمام ومطبخ والسكف يخر ماي
غزل: زيين شلون تدبر الايجار
الطفل: من مات ابوي لليوم مادافعين اجار وابو البيت يريد يطلعنه
غزل:شوكت اتوفه ابووك
طفل:صارله 6 اشهر من مات كتلو ناس ميحبو
غزل: اهلك وين عمامك خوالك ليش مو عدهم انتو
طفل:عمامي وخوالي ميحبونه همه عدهم بيوت كبار وميقبلون نبقه عدهم
غزل:اكوول انت شنو اسمك
الطفل: اني اسمي سهيل
غزل:سهييل تعال انته واخوانك وياي دلوني بيتكم وين
سهيل :لا امي متقبل اصعد ويه احد بللسياره
غزل:لا اني ما اسويلكم شي بس اشووف بيتكم وين يله
فهد:غزل شراح تسوين
غزل:بعدين خلي نشوف وين بيتهم واكولك شسوي
صعدنه ودلونه البيت نزلنه دكينه الباب طلعت بنيه حلوه صغيره بس استغربت من شافتنه ويه اخوته
غزل:يصير نفووت
سهيل :اي لوسي عدنه خطار فوتي وضيفيهم
لوسي:هله بيكم اتفضلو
غزل: دخلنه لیبيت جان عباره عن غرفه بيه فراشات بالكاع وع صفحه الحمام وبصفه كاونتر صغيير وطباخ وجانت زاويه بيه طاسه من السكف ينزل مي بيه دعدنه وكلتلهم اني عندي الكم شغله
سهيل:شنو هيه
غزل:حجيه شوفي باجر اجي ادفع اجار الاشهر المادفعتوهه واجار هذا الشهر وبعدهه اني عندي شقهه تظلون بيه عايشين لان اني بهذا الشهر باقيه هنا وراح ادبر شغل لواحد من ابنائج وراتب زين يكفي اكلكم ولبسكم والمدارس والعلاجات واني انطيت لسهيل 100 وهاي بعد 200 دبرو امركم بيه هذا الشهر بين ما الكه الشغل
الحجيه:كثر الله خيرج يمه وجعله بميزان حسناتج كوون عسا الله يحفظلج اهلج ويحفظج الهم
غزل:تسلمين يله اني اترخص وباجر ان شاء الله العصر اني هنا
حجيه:يمه ماضيفناكم
غزل:خيركم سابق اني ما اجييت حته تضيفوني سهيل ابو البيت وين ساكن
سهيل :هنا بهذا الشارع
غزل:تعال دليني عليه حته اتفق ويا
رحنه لابو البيت واتفقت انو باجر اجيبله الاجار وهاي اخر شهر همه هنا ورجعنه سهيل
فهد:هسه فهميني واكف يمج مثل الاطرش بالزفه دفعتي وعيشتي واني اباوعلج
غزل:قهروني تره مو سهله عليهم يعيشون يعني يبيعون بالشارع ووراهم مدارس وام مريضه واخت واحتياجاته واجاار عالي وفووك هذا كله عمامهم ميسألون عنهم يوم عن يوم ديزيد كرهي للاهل
فهد:اها تره لتنسين انتي وعدتيني تسولفيلي سالفتج شنو هسه نروح للكورنيش وكدام الشط نكعد ناكل هناك يمهم اكو اكلات طيبه وتسولفيلي
غزل:خوووش يله ودينه
---------------------------------------------------------بالبارت الجاي راح نعرف ماضي غزل وشنو الي خلاه تصير البنت الخاليه المشاعر والقويه ونشووف شنو ردت فعل فهد  بحياة غزل الحزينه البارت الجاي راح يطغي الالم والحزن الاكشن وحته الغزل لتنسون الدعم الفووت والكومنت اريد الفووت عالي اليوم