غزل الملوك

Bart7

ليتنا كالطيور 🕊كلما ضاقت بنا الأرض هاجرنا الى السماء
غزل:وصلنه للكورنيش وجان اكوو كشك بي رجال عجووز التجاعيد طاغيه ع شكله ومبين الزمن ماعايفه بحاله جان يبيع معجنات وجرك وجاي نزل فهد جابلنه جرك وجاي
غزل:كوون مابي شكر
فهد بابتسامه:لا لتخافين حافظج تره اي مشروبات حاره ممنوع بيه سكر
غزل:ههههه والله حلو امي متعرف هاي المعلومه الخطيره انت شنو سوبهان الله يا اخي انت لازم نوديك لليابان ... متكلي منو ميدري اني ما اشرب شي بي شكر لتتفلسف براسي واشرب يله
فهد:تدرين بيج بخت تحجين ويه شيخ فهد هيج وكلشي ماسويلج لو احد غيرج جان هسه هوه مطموم بالتراب اصلا اني ما اجيب جاي وجرك لاحد ولا احفظ شي لا احد اله اذا هو عزيز ويله لتغلسين احجيلي شنو سالفتج
غزل وهي تجر الحسرات:ااااااه بويه تسالني عن ماضي اسوود مليان بالوجع وراح تفتحلي جرووح قديمه حاولت من زمان ااضمده بس للاسف كلما اضمده يرجع احد يفتحلياهن بقوه واكثر من الي قبله كانما يكولي انتي ميناسبج الفرح احزني احسلج تدري شغله دايما اسمع انو الظفر ميطلع من اللحم والدم بعمرو مايصير مي والجد احن من الاب ع احفاده وابن عمي هوه شيال همي وغيره من امثال شعبيه لكن الي اكتشفته عكس هذا كله بالعكس اني اهلي اثبتولي انو كل هذا غلط اثبتولي انو الظفر يطلع من اللحم والدم يصير مي والجد اقسه من الابو ع احفاده وابن عمي هو الي يزيد همي
فهد:جنت اسمعله بصمت بس كل كلمه تنطقه تبينلي انو غزل الاعرفه جانت عايشه بحزن ولحد الان عايشه بحزن بس من غير ماتبينه لاحد دايما تبين للناس انو هيه سعيده وغيره
غزل:يله ارجع وياي بالزمن لعام 1978
بهاي السنه جان اكو رجال اسمه اسد الي هوه والدي هو اكبر اخوانه عنده 4 اخوه بعد اسد  يجي صكر وورا صكر نمر وبعده فهد وبعده ضاري  جانو خمس اخوه شيوخ من احد شيوخ البصر ابوهم اسمه علي شيخ عشيرتهم عنده يمكن لو 8 بنات لو 10 صراحه مادري شكد لان ابد ممختلطه بيهم المهم اسد مهندس معماري بالكليه جان يحب زميله ويا اسمه خلود  اوك بس اهله واهلهه جانو معارضين ع زواجهم لان هيه من الانبار وامه مصلاويه وهو من البصره وامه عمارجيه هذا غير اختلاف الاديان خلود جانت مسيحيه واسد شيعي بوكتهم اكو طائفه المهم بعد المشاكل كله اتزوجو بال78 واسد اخذ زوجته وعاش بالانبار حته تكون قريبه ع اهلهه لان هو شغله يتطلب يسافر للخارج والاوضاع بزمن صدام كلش مو زينه وخاصه اهله بالبصره ممتقبلين خلود ابدا فخلاه بالانبار وهو اشتغل لحاله وبلش يبني بيوت وعمارات بالمحافظات وغيره وبهذا الوكت اخو اسد صكر اتزوج بنفس الوكت خلود زوجه اسد صارت حامل وزوجه صكر اني ما اعرف اسمه لان ما احبه المهم هي هم صارت حامل عندهم اخوهم فهد واخوهم ضاري مسافرين للكويت يشتغلون هناك المهم مرت الايام والاشهر واسد صار عنده عمارات واملاك من تعبه وعرك جبينه وهو علاقته باهله شبه مقطوعه بس يروح بين شهر وشهر يشوف امه لحاله ويرجع بعد فتره سمع زوجه اخو صكر جابت ولد وسمو فهد ع اسم اخوهم المسافر لان هو مسافر من هو صغير ويه عمه من جان عمره 8 سنوات عاش ويه عمه هناك الي اصلا جانت الكويت محافظه بالعراق من همه بيه بعده صارت دوله وحده وهو صار مجنس من الكويت وبعده اخو ضاري لحكه وهو هم مجنس من الكويت بس جان شاب من عاف اهله وكل سنه يجي يشوفهم المهم صار اول حفيد فهد بالرغم انو خلود حملت قبل زوجه صكر لكن فهد صار سبيعي يعني اجه قبل وكته بالشهر السابع هذا الحجي بالشهر 12 من ال79 يعني يمكن يووم 20 بالشهر ما اذكر بالضبط بس ع الاغلب هيج يوم هو بالنهايه المهم الجد فرح باول حفيد اله فهد وصار عزايم وغيره دخلو بال80 ويوم 2 بالشهر ال1 خلود زوجه اسد جانت بالبصره من يوم اجه فهد للدنيا حته تادي الواجب المهم بال 2 من الشهر ال1 جابت بس للاسف جان الابن الكبر الي هو اسد صار عنده بنيه يعني بجره بنيه وهو اكبر ابن بنته غزل حسب كلامهم جانت حلوه بيضه عيونه زرك شعرهه اسود تشبه امه عنده نونه بحنجه ماخذته من ابوه وعيون حاده بحدت الصقر من ابوه هم المهم همه جانو يكرهوون خلود وكرهوهه اكثر من صار عندهه بنت صار اسم اسد وخلوود ام البنات وابو البنات بس اسد ابد ما اتاثر لان جانت غزل بالنسبه اله ثمره حبه الي عانه بي وياله وصله وجان فرحان حييل ووراه رجعو للانبار مرت السنين وغزل صار عمره 5 وفهد نفس الشي الفرق بينهم 12 يوم فقط لكن فهد ينحسب اكبر منه لان هو بغير سنه المهم بال 85 اخو اسد الي هو فهد قرر يجي للعراق بعد ما جان متزووج وعنده طفل الي اسمه مسلم وعمره شهرين راد ابو يشوفه فاسد قرر ياخذ بنته لاول مره للبصره ومرته حته يشوفون اخو فهد بس للاسف بحدود البصره والكويت صار الي مجان اله حسبان راحو اسد وصكر و نمر حته يستقبلون اخوهم ويرجع وياهم بس من وصلو لكو اخو يجر انفاسه الاخيره بسب حادث ادی الی وفاه زوجته وهو وصه اخو اسد ع ابنه مسلم الي جان يصارخ من الالم  لان هو طفل بعمر الشهرين محيتحمل هيج الم وصاه يربي ابنه هو وسلم امانته لربه رجع اسد وهو شايل جثه اخو فهد واخو صكر بيده زوجه اخو واخوهم نمر شايل مسلم راحو لابوهم والدمووع تملي وجناتهم ع اخوهم الي مشافو من كان عمره 8 سنوات ولمن شافو مالحكو يشبعون منه سمعو منه بس وصيتن وتركهم صار العزاا وبعده صار لازم يقررون منو يربي مسلم كلهم قررو ينسحبون لكن من هالمسؤليه لان محد بي حيل طفل وتعال ربي وغيرهه المهم لكن جان اكو وحده ذات قلب حنون ع ابن غيرهه الي هيه خلود واتبرعت هيه تربي واخذو ورجعو للانبار 
غزل:ماما يعني حيصير عندي اخ
خلود :اي صار عندج اخو حلو مثلج
طبعا ماما جانت عكس كلامه وياي جانت كلش متشدده وياي تضربني بوكت ابوي مموجود وتصرخ عليه ومتهتملي اذا مريضه او جوعانه اذا صخنت ابقه بفراشي لحد مالله يرحم بحالي وتفك الصخونه  او غيرهه جنت احسه مرت ابوي مو امي صراحه بس لما ابوي يجي تصير الام الحنونه المهم  هيه كامت تربي مسلم بعده كمنه كل سنه نرووح للبصره لبيت جدي حته يشوفون مسلم جنت كلما ارووحلهم اكوون اني المنبوذه باعتبار امي محد يحبه بس جنت اشوف غير هذا الشي جانت من نرووح الكل يحبه يبوسوه ويهتموله كانما مو هيه نفسه الي جانو معارضين عليه قبل سبع سنوات اني بسبب تعامل اهلي صرت اكرههم وصرت وكح وجريئه وامشي واضرب بغيري لان جان جسمي يساعدني جنت ضخمه بالنسبه لعمري الي يشوفني يكول عمره 8 سنوات مو 5 وجنت قويه بهذا الوكت عمي صكر تزوج مره ثانيه لان زوجته بعد متكدر تجيب اطفال ماعرف السبب وهو من تزوج صار عنده ابناء بس ما اذكرهم شكد وشنو اسمائهم وعمي ضاري هم تزووج الي هو بالكويت وعمي نمر هم صار عندهم احفاد هواي بس والله ولا واحد يخطرلي اسمه ولا شكله ولا اذكر شكدهم اصلا المهم جنت كلما ارووح نلعب الطفال يطردووني وميردوني طبعا هذا من تعليم امهاتهم لكن اني غزل جنت اسحل قائدهم فهد الي جان ينبذني من بينهم جنت ابين اكبر منه فاني احطه ابسطه لو اكعد عليه واخلي يبجي جانو عمامي يصرخوون عليه لحته اعوفه بس اني لا محد يكدرلي لان جان ابويه منطيني كامل الحريه بتصرفاتي وميقبل احد يحاجيني بشي وحته هو من يشوفني ابسط الاطفال يكوول عفيه هيج ربيت زلم اني وميحاول يبعدني او يضربني جنت اتلقه الضربات من امي بس مره من جنه عدهم بنهايه ال92 بيبي ولاول مره تحجي وياي عدل ومن غير متكلي بت ملووك هسه لازم تعرف منو ملووك وليش يصيحولي بت ملووك طبعا جان الكل يصيحلي بت ملووك محد يصيحلي غزل او بت خلوود جنت اسال بابا ليش اني اسمي بت ملووك وامي اسمه خلود كلي لانو من ردت اسجلج بالجنسيه امج ماعنده بوكتج وجان اكو وحده اسمه ملووك اتبرعت تسميج باسمه فبالجنسيه اني بنت ملووك وبالحقيقه بنت خلوود صرت اريد اشووف ملووك من كد مايحجون بيه ويكرهووه بس ليش ما ادري المهم بيبي ححت وياي وكالت
جده زلووف :اكوول غزوله
غزل:نعم بيبي
زلووف :تعاي عندي سالفه وياج
غزل:اجيت كولي
زلوف:اكول ابوج هم يتقرب لامج
غزل باستغراب :شنو يعني بيبي
زلوف :يعني بالغرفه هم يحبه (يبوسه)يسويله شي
غزل:مفهمت بيبي
زلوف صارت تشرحلي عن علاقه الازواج الي جان المفروض طفله بعمري متعرف هييج شي بس لازم ترضي فضوله
غزل:هههه لا بيبي اصلا ماما تنام بغرفتي اني ومسلم من يجي بابل
زلووف بعصبيه:ولج خلوود تعاي هاي شنو الحجي
خلوود:ها عمه شصاير
زلووف:عمه العماج ودهر خذاج كولي امينن تعاي كولي شنو معلمه بتج ع هالسوالف هاي اكو طفله بكده امه تعلمه ع العلاقه الزوجيه مو عيب وتجي تكلي جده امي وابوي ميتقربون لبعض كظبي بنتج وربيه
خلوود:بعصبيه ولج غزل شنو هالحجي وكمشته من شعره وبدت تضربهه وصار الصياح عالي اجه اسد
اسد :شنو هاي خلوووووود بعصبيه ليش تضربين غزالي منو سمحلج
اني رحتله ركض
غزل:بابا والله اني ماعرف هاي السوالف بيبي علمتني وسالتني ابووج يتقرب لامج واني كلتله ماما تنام ييمنه مو يم بابا
اسد بعصبيه:كل همج هاي يمه واتبليتي ع بنتي ووصلتي للي تردي اي يله اني ما اتقرب لزوجتي ارتاحيتي وانتي خلوود امشي كدامي وحسابج وياي بعديين ع ضربج لغزالي
صعدو فووك وره شوي سمعنه الهلاهل من جدتي عرفنه انو بابا اتقرب لماما بس بعده صار بابا يعامل ماما ببرود اكثر من السابق لكن كنت اشوف ماما الفرحه مواسعته
غزل وهي بحضن ابوه :بابا احبك تعرف من اكبر وازووج راح اسمي ابني ع اسمك واصير ام اسد البطل
اسد:هههههه اي بنيتي اريدج ام اسد فهمتي
غزل:اي فهمت
اسد:غزال  بابا الي كالتلج عنه جدتج لازم تنسي ومتطلعي لاي احد وبعد اي احد يسالج عن هيج اشياء كليلهم عيب اني صغيره واذا سالوج بابا وماما ينامون بنفس الغرفه كليلهم اي مفهوم غزالي
غزل:مفهوم بباتي احبك
اسد:اي وانه احبج غزالتي اووف شكد مشتاق لامج
غزل:استغربت شنو مشتاق لامي وهيه موجوده وابوي بعمره مكلله مشتاقلج او اي كلمه غزل
المهم مرت الايام وبسنه ال93 اجتنه امي من طلعته الي اصلا جانت يوميه تطلع لجاراته بهالوكت عمري 13 سنه ومسلم اخويه 8 سنوات اجتي وبشرت بابا بحمله واني ومسلم فرحنن كولش بس بابا جان بالنسبه اله عادي كانما هو عنده درزن اطفال مرت الايام وامي ولدت توم بنات بابا قرر انو اني اسميهم سميتهن جوري وياسمين وبعده صارت ماما تنام بنفس غرفه بابا بسنه ال94 ماما اجت وكالت اني حامل وهم صارت بنيه الي سميته اني ورد وبعده بسنه 95 نفس الحاله ماما جابت بنيه وسميته روز اني ومسلم صرنه نضحك وكلناله ماما مو كافي بنات تره صارو هواي مامليتي راح تترسينه بس ماما مصره تجيب الولد يالله توكف بابا جان عنده عاده كل بنيه تجي يجيبله سوار ذهب الي احنه الخمسه صرنه نمتلكه نفسه بال96 اجت ماما وكالت
خلوود:اسد
اسد:كال بملل اسد اني حامل قوانتج هاي كلما تطلعين حفظته وان شاء الله السادسه مو
خلوود :لا اني حاسه راح يجينه اخو لمسلم وللبنات
طبعا جانت ماما بكل حمل تكوول حاسه ولد ويطلع بنت المهم احنه مابطلنه نرووح لبيت حدو بالبصره سبوع مل سنه بس هذا السبوع ميخله من المعارك مره من المرات رحت اني ما البس حجاب وجانو بالبصره كله اله تلبس حجاب بس بابا جان منطيني كامل الحريه طبعا ع كلام الكل اني جنت احله حفيده المهم مره طلعت للمزرعه الي ببيت جدي وهمه جان عندهم حيوانات واني اعشق الحيوانات اعرف للخيل شلون اركبه واعتني بالحيوانات كثير المهم رحت اخذت ارنب وشلعت من الارض جزر وصرت اوكله بس اجاني فهد كلي انتي متستحين طالعه مفرعه وفاله شعرج طبعا جنت بس مره بعمر ال7 كصيت شعري لان بعده بابا زعل مني شهر وما صالحني اله من وعدته انو محاكصه بعمري بعد المهم كلي الزلم طلعت من الديوان وانتي هنا وكله تباوعلج وتتغزل بشعرج وطولج جنت طويله فاني كلتله
غزل:ولك فهيدان لاصير رجال براسي ويله وخر من هينا من كدامي
فهد:ولج بنت ملووك اني رجال غصب عنج
جان الي يريد يعصبني يكلي بت ملووك فاني عصبت وكمشتو من اذنو وصرت اسحل بي للديوان وبايدي الثاني الارنب اني جنت اطول منه فمسيطرهه اخذته للديوان ودفعته بالنص جانو عماني وابوي وجدي كاعدين استغربو مني دفعته اني وفهد جنه واحد يكره الثاني
غزل:جدو اكمش حفيدك هذا الي صاير رجال براسي احسن ما اكسره ترا والله اطلعله غازي الي بداخلي كله ليتدخل بيه احسنله
علي الجد:ولج انتي ليش ماتستحين بت ملووك ع امج كحبه
غزلبعصبيه من الكلمات بنت ملووك وكحبه :هسه اراويك بنت ملووك شسوي صرت اضرب فهد اخرمشه وكعدت عليه اني جنت سمينه وهو ضعيف فمن اكعد عليه يختنك يصير ازرك يالله اكوم بامر بابا كعدت عليه وعمامي جانو يردون يوخروني بس بابا ميخليهم يكللهم الي يلمس غزالي اكسره بابا جانت كلمته سيف عليهم ضليت ساعه كاعده عله فهد وهو يرافس جواي وطبعا شبعته ضرب وتخرمش وجر من شعره اخر شي شفته صار ازرك جريته من شعره وضربته راشدي وكلتله هاي حته متصيحلي بنت ملوك مره ثانيه واجا الراشدي الثاني وكلتله وهاي حته متعيب ع شعري والراشدي الثالث ورفعت راسي ع جدي ودنكته وكلت بحده وهاي حته متكولي كحبه جانت هاي رساله لجدي كلتله بيه شووف شنو تسوي الكحبه بت ملووك كمت وكلت
غزل:جدو تره اني بنتكم مو وحده لافيهه من الشارع وهيج تحاجيني خووش واذا اني كحبه فهاي تربيتكم هيج خلتني جانت عيونه تريد تكلع من مكانه ودرت ع ابوي وكلت
غزل:بباتي عجبني ارنب يصير اخذه وياي للانبار اعيشه ويه الجلب الي عندي طبعا اني مربيه جلب ابيض من عمري 3 سنوات جانت امه توهه جايبته واخذته اني بحيث هو متعود عليه
اسد:اخذي الي يعجبج بابا
--------------------------------------------------------- هذا نهايت البارت طبعا تعبت هواي وباجر وراي دوام انطوني رائكم وتوقعولي شنو الي راح يصير بعد الاحداث مستمره وخوات غزل مستمرات 😂😂 لتنسوون الفووت والكومنت