2011/7/16
3:30
الجو حار وتموز وتعب من الشغل واني بالشركه مديت رجليه ع ميز المكتب واخذ كنترول السبلت وفتحتو وغمضت عيوني لحته اغفه بين مايخلص وقت الدوام الي هو ب5 العصر يخلص طبعا الشركه اني صممه فصاله لكن الي نفذو همه مهندسين وعمال اتراك لذلك بوكته جانت حيل حلوه وغريب التصميم المهم من صممت الشركه اتفقت وي المهندسين انو يخلون بيه تبريد وتدفئه مركزيين
فتحت عيوني وشفت الساعه بال4 وشفت العرك غاسلني من فوك لجوه فجان عندي غرفه باخر طابق بالشركه مصممه مثل غرفه نوم تركيه وحمام وكنتور وكل احتياجااي الخاصه بيه للنو جنت ابات بالشركه دايما المهم صعدت بالمصعد ودخلت الغرفه قفلت الباب و فتحت السبلت وذبيت كل الي عليه واخذت المنشفه ورحت للبانيو استرخيت طبعا واحد من هو محتر ويروح بمي بارد يرتاح المهم غسلت وخلصت ولفيت روحي بالمنشفه وطلعت اخذت ملابس من الخزانه ولبست وشفت الوكت لعد ربع ياعه ويخلص الدوام اتصلت ع الوالده وكلتله حضريلي غده نص ساعه واوصل خلصت ونزلت لكيت باقي كم مهندس ومهندسه والحراس وانتضرتهم يروحون حته اطلع لان اني ماخلي احد يبقه وراي بالشركه ما اامن باحد كلشي يصير طلعو واتوجهت للبيت فتحت الباب وجان الهدوء يعم المكان استغربت لان كل يوم لازم البنات يستقبلوني وامي هم صحت يا اهل الدار وينكم نايمين اجت امي وكالت الام :ها هلا ومرحبا
غزل :هلا بيج يوم شنو وين البنوات
الام: عاد شوكت تعوفين لهجت الانباريين وتصيرين بغداديه صارلج 14 سنه عايفته
غزل : سبق وكتلج بس الي مايصون العشره يعوف لهجته واتي صاينته حتلو ابتعد عن مكاني وومنطقتي بس ما اتركه المهم وين البنوتات
الام : ديسبحن بالمسبح الي بالحديقه الوره البيت
غزل:اي حقهن موت احمر الجو وهذا تموز خلي يشبعن
الام : يله بدلي وتعالي تغدي
غزل:ميحتاج توني مبدله اريد اكل واشوف البنات شعدهم دراسه وشيحتاجون وانام
الام : اكلج اليوم اجت ام حسين
غزل : اوهووووو خير شتريد طركاعه يمه اني مو كايله هاي ماتدخل البيت وكايلتلج من اني مو هنا محد يفوت للبيت غريب كان او قريب ليش تكسرين كلمتي مو اخليلكم حراس وبعد تحلمون تشوفون عتبت الباب
الام: علكيفج هاي الماعاجبتج الطركاعه جابتلج رجل شلون واحد زنكين وادمي بس مطلك وعدهه 5 بنات وعمره 48
غزل : اولا اني مزوجه ثانيا لا اني ولا انتو ناقصننه فلوس ولا مقصرهه عليكم بشي والفلوس تسبحون بيه سبح ثالثا اني عدي 8 بنات كافيات عليه مو النوب هو عدهه خمسه ورابعا ليش اني شكد عمري وجايبتلي واحد رجليه مدندله بالكبر لكد جدي الي مشايفته وخامسا والاهم واخر شي وخليه ترجيهه باذنج واذن ام حسين المشعوله موظوع الزواج اذا فتحتو بعد والله لساني ميطخ لسانج ليوم الدين وام حسين اهجرهه من العراق كولله خوش وكليله خلي ترووح تدورر رجوله لبناته احسن من ما خاله دوبه من دوبي كمت اريد اروح ابدل
الام: ماكلتي
غزل: الحمد لله شبعت سم الهاري ع كلبي
دخلت بدلت ولبست برموده وكيمونه اغلب لبسي هيج دخلو البنات واجو بوسوني وراحو ينشفون روحهم وبعدهه درستهم وصليت المغرب وسويتلهم عشه واكلنه ونظفت البيت وحظرت غده للباجر وغسلت الصحون يعني نفس الروتين اليومي ووراهه ووديت كل وحده الغرفته بسته وغطيته وسديت الضوه ورحت لغرفت امي بسته وكلتله تصبحين ع خير ورحت للغرفتي اخذت فوني ودكيت ع فهد
غزل :الو
فهد : ياهلا شلونهه انسه غزل
غزل: هلا بيك بطل هاي الانسه مو كتلتني بيه واني تمام وانته شلونه صحتك
فهد : هههههه ابطله ان شاء الله الصحه تمام
غزل : شصار بالاتفاق ويه هاي المجموعه الجديده علمود البنايه
فهد: اتفقنه وياهم ع خمسين مليون بالشهر
غزل : اي خوش حجي وبعد شنو اخبار الشركه
فهد : كلشي تمام اطمني
غزل : والله مادام انته شريكي اطمن
فهد : هههه ان شاء الله اكون كد ثقتج
غزل : يله اترخص النوم صار يغافلني متت من النعاس
فهد : ههه يله تصبحين ع خير
غزل: وانته من اهل الخير باي
فهد : الله وياج
فهد : اااخ شكد احبچ شوكت تحسين بيه يابنت الناس اي مو وريتي كلبي ور اااخ يايمه تعالي شوفي ابنج الشيخ فهد غركان بالحب شبيك المره مزوجه وعدهه بنات والاهم انو هيه متسمح لاحد يتقربله وكويه اويلي بعمري ماشفت مره بقوته موكفه الشركات ع تك رجل والكل يخاف منهه هههه مو مره عمي رجال خلي انام ورايه دوام الحبابه غزل مخليه الدوام من ال6 ادري جيش خو ما جيش
الكاتبه : فهد انجب ونام تره اروح لغزل اكولله
فهد : لاعمي نايم نايم تصبحين ع خير
الكاتبه: وانته من اهل الخير
5:00ص
طووووووووط 🔔🔔🔔🔔🔔🔔
غزل:تؤ تؤ تؤ كافي ولك اسكوت كايمه صباح الخير كاتبتنه الحلوه
الكاتبه(فاطمه):صباح العسل حبي كومي يله
غزل:كمت كمت خلي اسوي روتيني اليومي رحت للحمام غسلت وجهي وفرشت اسناني ولبست الهدوم مالت الرياضه ولفيت شعري الي بعمه مراح يثبت بقراصه من طوله طلعت بالحديقه الي ترد الروح ولعبت رياضه لمده نص ساعه بعده خليت بيض بالمي وع النار وخليت جاي ورحت لحته اسبح سبحت ولبست بجامه وطلعت طفيت البيض ورحت للبنات اكعدهم الساعه صارت بال6 وكفت بنص الصاله الي تكون مفتوحه ع الطابق الثاني والغرف حواليه وصحت يابنات اكعدووو الدوام يله وياحلوين
روز :اي ماي كعدنه
ورد :ماما صباح الخير امح
غزل:صباح العسل حبيبتي امح يله روحي غسلي حته نفطر
زمرد :صباح الخير ماميتو
غزل:صباح النور يله فوتي غسلي بسرعه
رحت لغرفت شمس وقمر
غزل:شموسه قمر ماما يله كومي حبيباتي
شمس:ماما ثباح الخير حبث اني
قمر :ثباح اعسل مامتي حبث اكثر اني
غزل:صباح النور يكليباتي انتو احبكم اكثر اني يله نروح نغسل حته نروح للحضانه
شمس:ماما ماليد لوح هادي صفا متحبني
غزل:ليش ميحبج اكو واحد ميحب شموسه بس انتي وكحه تخلي يزعل عليج عيب تكولين صفا كولي دادا صفا هي جبيره
يله تعالو نكعد تيته
غزل :ماما يمه يوم حبيبي يله كوعدي
الام:صباح الخير
غزل:صباح الحب والحنيه ع احله ام وهاي ورده لاحله ام بالحياه يله كومي
الام:كمت نروح نفطر
رحنه لصاله الطعام وكلهم كعدو بكراسيهم ووزعت اللكل عليهم بيض مسلوك وزيتون وجبن وخيار وطماطه وتوست وجاي اكلو وخلصو وكل وحده راحت تلبس هدووم المدرسه لان اني مخليتهم بمعهد صيفي يدرسهم المواد قبل المدارس ورد سادس علمي
روز خامس وزمرد رابع وشمس وقمر حضانه اخذتهم بالسياره ووصلت روز وورد الي همه بنفس المعهد وبعدين زمرد وبعدين وديت قمر وشمس للحضانه ونزلت وياهم
صفا:هله اجو البنات الحلوات هله هله
غزل:مرحبا شلونج خو ممتعبيج البنات
صفا:هله بيج تمام وانتي لا والله البنات حبابات هذول اكثر ثنين احبهم
غزل:يله يحلوين طوني بوسه وفوتو لتعبون دادا صفا
قمر وشمس:اممح لا ماما منتعبه احنه نحبه باي
غزل:باي ديري بالج عليهم صفصف
صفا:ولو بعيوني حبيبتي لتخافين عليهم
غزل:تسلم عيونج حبي باي
صفا:الله وياج كلبي
الساعه صارت 7:33واو اليوم راح اتاخر خلي اسوق بسرعه وصلت للشركه صبحت ع العمال والمهندسين ودخلت للمكتب اوف كومه شغل فوك راسي بعد نص ساعه اجتماع يبو اف هذا فهد المفروض اليوم يجي
فهد:
4:00ص
طووووووووط🔔🔔🔔
اوووف كافي كايم كمت غسلت ورحت لعبت رياضه وغسلت وتريكت ووراهه ركبت السياره ورايح لبغداد ووصلت الساعه 7 ص
فهد :طق طق طق👊👊👊👊👊👊
غزل : تفضل
فهد : صباح الخير
غزل: هله والله الحمد الله ع السلامه شوكت وصلت
فهد:الله يسلمج يحلوه وصلت قبلج وسالت عليج كالو بعده ما اجت كلت اكيد دتوصل البنات
غزل: ههههه اي والله اليوم تاخرت رحت لحضانه البنات وشفت صفا خطيه رحت اشوف خاف متعبيه البنات
فهد :يله مصار شي مره ثانيه لتتاخري
غزل:😒خاف مترضه عيني اذا وصلت ساعه بالوحده محد اله دخل اني المديره لو نسيت
فهد:علكيفج بابا دنشاقه متتحملين شقه بعدين شهالغرور هذا ندري انتي المديره
غزل:😒يله كوم ورانه اجتماع ويه ذوله الي ديريدون يبنون مول
فهد:بس رجعي عدلي وجهج واكوم
غزل:😤😤☺عدلته يله كوم
فهد : ههههههه كمت
رحنه لقاعه الاجتماعات ودخلو الكل ساعه 7:55 ص من صارت الساعه 8 دخل ابو مريم الفراش ووزعنه الكهوه الي هيه بالنسبه الي شي اساسي بحياتي بديت اشرح ع الداتا شووو الي هيه عارضه للافللم يستخدمووه الشركات المهم شرحت المخطط وطلعت التصاميم الي رسمته وراويتهم المواقع وشلون حيكون العمل وشوكت نبدا اتفقنه نبدي عشرين بالشهر يعني بعد 3 ايام وخلال سنه نخلص لان هو موول جبير واذا خلصنه قبل الموعد راح يكون النه ضعف بالفلوس اتفقنه ع الفلوس اتفقو يدفعون 75 مليون بالشهر وكل شهر يجون يتابعون العمل خلصت وكعدت وطلعو المستثمرين وبقينه بس اني وفهد و اني من نوع الاعصب ع اتفه الاشياء فاخذت كوب الكهوه ودا اشرب اني اطلب الكهوه بدوون سكر دايما كل الاشياء الشرب بلا سكر فجان بي طعم فلفل وملح 😵 بزييته وصحت ابووو مرييييم 😠
ابو مريم : نعم ست تفضلي
غزل:هاي شنو هاي كهوة كوله فلفل وملح شنو هالمسخره هاي لو رايحه لواحد من المستثمرين شاكوللهم اني ها وبعدين اني مو كايله الكهوه الي الي لتخليله اي شي شنو هاي
ابو مريم :اسف ست بس مامنتبه والله عبالي شكر
غزل:هسه الملح تخربط بينه وبين السكر نكوول عادي بس الفلفل وين صايره شو اطلع بره قبل لا ابتلي بيك
فهد :علكيفج مصار شي ليش هالعصبيهه مصار شي يابه
غزل:😒😒 انته انجب واشرب كهوتك اذا مصار شي لو اكلك اشرب هاي الي الي خنشوف شلون مصار شي
فهد:انجبيت عيني انجبيت شبيج متتحملين وخلي الكهوه الج وكومي خلي نطلع ساعه 10 جووعان واريد اكل وراح تعزميني
غزل:اي مو مخلفتك وناسيتك ابو كرش
فهد:😞هاي الفلوس كولله عدج متلتله وتسبحين بيه واني مطعم تستخسريين تعزميني يا وسفه علييج مامرجيه منج هاي اني الشيخ فهد متقدريني عليه حشم هاي راح افصلج
غزل:😂اههووووو دكلنه اليتيمه كوم يمه كوووم لاتموت من الجوع كال يفصلني كال ههههههه
فهد :😂😂😂😂😂شوفي تاثيري عيلج بدقايق غيرت مزاججج
رحنه ع مطعم وطبعا الشيخ فهد ابو كرش كعد يطلب
فهد:ارييد باكله ودههن ووياهن بييض وطماطه وسياح وجاي
غزل:😲عزه ابو كرش هذا وين حتودي شنو مماكل بيض 😂😂😂
فهد :معليج عضلاتي يحتاجله بناء
غزل:بس لو افهم ع هذا الاكل المفرووض انته تصيير دببل وانته هسه شكد وزنك
فهد: احم احم 75
غزل : ماشاء الله الاكل وين يطير
فهد : بابا اني العب رساضه قابل مثلج 😌
غزل:😞صبرك الهي مادري ليش انته ماعصب عليك
فهد: لابربج هذا كله وانتي متعصبين عليه
غزل: هذا ميسمو عصبيه هاي يسموهه نفاذ صبر لانو لو اعصب عليك جا خليت البيض هسه باذاناتك والصينه اطعجه بوجهك شايف شةون تووم يطعجه بوجه جيري هيج اسوي بييك بس انته وياك عندي شويه طاقه تحمل
فهد:😂😂😂😂😂ديله اجه الاكل اكلي
غزل: لاعمي ماريد زفر وبعدين بالسته اكلت اريد بس جاي
فهد: حييل بالسته وهسه ب10:30 ماجعتي
غزل:😅 اكل ابو كرش ورانه يووم طويل وباجر سفر يله
اكل فهيدان افندي
خلص فهد ورجعنه للشركه بعدين صار وكت حلت البنات ورحت وديتهم للبيت ورجعت و خلصنه اليوم الممل ورجع فهد اتغده بالشركه لان بالشركه اكو وجبه فطوور ووجبه غده بس اني ماحب وجبه الغده احب الاكل الي اني اطبخه ورجعنه للبيت دخلنه اني وفهد لان راح يبقه هنا اليووم ومن الصبح نرووح لاربيل سفر شغل تغدين وفهيدان لازم ياكل اكييد
غزل: تفضل فهيدان افندي اكل ابو كرش شكد تاكل
فهد : اي والله جوعان
غزل: بس سؤال انته كم وجبه تاكل باليوم ممكن تكولي حته احسب حسابي اخذ فلوس تكفي لحضرت جنابك
فهد:😂😂😂😂شوفي يامحفوضه السلامه اني اتريك بالبيت من اكعد وبالعشره اترييك بالشركه وبعدين اتغده بالشركه وبالبيت هم وبعدين اكل العصر يسموووه عصرونه وبعديين بالمضيف اذا عدنه عزاييم هم اكل وعشه ما اتعشه
غزل:😲😲😲😲😲😲 الهم صلي ع محمد وال محمد ماكايل شي عيني هم عايز تتعشه بعد هذا الاكل كوله والله هاي لو اني جا صرت جني نسمه هاي الممثله العراقيه شسمني اصير اني 3 وجبات كوه اكلهم بالغصب من قبل الحجيه
فهد: يمه ماتسكتيه الهاي بتج حاطه عينه ع اكلي ( فهد يصبح لام غزل يمه احتراما لكبرهه)
الام : اكل يمه قابل هيه دافعه من جيبه الاكلك وانتي غزل عوفي الرجال شبليتي بلوه
غزل:😒 اي طبعا من جيبي لعد منو يسويلج اكل يوميه منو يطبخ ومنين فلوس
الام:انتي انتي بس سكتي
فهد:لابربج هاي صدك انتي تطبخين عمي شنو هالاكل هذا شكدطييب شكد محظوظ هذا رجلج
غزل: ركعت الخاشوكه بالميز وكمت وكلت انعل ابو الرجلي خوش يوميه تفتحون هالموضوع ادري ماكو غير رجلي بالدنيه ورحت للغرفه
فهد:ليش هيج عصبت
الام:عادي يوميه نفس العصبيه تعودنه ع اتفه الاشياء تعصب وموضوع زووجهه محد يكدر يفتحهه
فهد: عادي يجووز ضايجه عوفيه هي تتعب هواي علمودكم لتلحون علييه الحمل الي ع ضهرهه جبير الله يعينه وين اكو مره هيج تسوي مثلهه عمي جوهره ولازم تقدروهه
الام:اي والله خطييه يله يمه كوم ارتاح واغسل
فهد:خطيه ما اكلت هيه من السته مماكله وهسه بال7
الام: هسه تنزل تسوي عشه وناكل
------------------------
هذا اول بارت انطوني رائيكم بي
أنت تقرأ
غزل الملوك
قصص عامةهي ثلاثينيه العمر وهو كذلك شاء القدر وقلبت حياتها راسا علی عقب وهي بربيعها السادس عشر فكفلت عائلتها وحاربت العالم الخارجي لكي يعيشو بامان فتتحول من طفله ومراهقه الی ام لثمانيه بنات
