ركبت ف الطائرة.. هادي عامين ماركبت فيها .. و اخيرا غادي نرجع ل ماما و بابا أخيرا انشوفهم شت من النافذة هاد البلاد لي كانت يوم من الأيام حلمي .. عشت فيها أيام اعتبرتهم أحلى أيامي و لكن فجأة تحولو ل أبشع ذكريات .. نزلات من عيني دمعة مسحتها بخفة .. و بقيت متكية على النافذة .. حتى بديت ننعس .. فقت مني كانت الطائرة كادير لي سكال .. نزلت و رجعت مني كانت اتقلع .. الحمد لله وصلت للمغرب قبل مايطيح الظلام .. غير نزلت من الطائرة استنشقت هواء المغرب الحبيب .. بقيت كانتسنا حوايجي حتى سالاو الإجراءات .. مشيت لمحطة القطار كان تماك بنك تيريت الفلوس و شريت تذكرة من الدار البيضاء ل الرباط .. من حسن حظي كانت ديك الساع .. ما هي إلا ساعة واحدة و كنت ف الرباط خديت سيارة أجرة نزلاتني قدام الدار كانت ديك الساع شي 8 .. مابقا والو و تغرب الشمس .. دخلت للعمارة و مشيت للدار كاندق كاندق ماجاوب حد ما يقارب 10 دقايق .. حتى كنت أنزل و انا نسمع بابا كيقول صبااار. . حل ليا بقيت حالا عيني فيه شعرو مخربق و لابس تي شورت مقلوبة قلنا ف دقة وحدة
أنا : بااااابا! !!!
بابا : رغددددة !!!!! .. ا شكاادييري هنا وقتاش جيتي
أنا : ههههه وااااقيلا نرجع
طرت عليه بتعنييييييقة تا هو بدا يعنق فيا و يبوس مامتيقش اني قدامه ... يلاه دخلنا و بابا مزال معنقني والله تا موقف لا احسد عليه ماما سمعتها كاتعيط
ماما : غااااااالي ... حياتي شكون جا ؟؟
خرجات ملوية عليها ليزار
بابا (بين سنانو)رغغغد. . دخلي
انا خرجت عيني فيه و فيها
ماما تصدمات ماعرفات باش تبلات بقات راجعة بلور حتى وصلات للدروج و طلعات كاتجري
(الحاصول راه هاد زوج واخا يديرو 100 عام السفالة اتبقا دايزة لهم ف الدم )
بقيت ساكنة ماهضرتش هاويلي و اش نقول و هوما تت .. استغفر الله العظيم عاد فهمت لاش خارج لابس تي شورت مقلوبة فسدات ليا المفاجأة ندمت أنا كاع و درتها شداني كون عيطت ...
بابا (توثر ماعرف مايدير لا مايقول : أ...اه جلسي ا بنتي جلسي .. علاش ماعلمتيناش كنت انجيبك من كازا
أنا : امم .. كنت باغا ندير ليكم مفاجأة ساااعة. . احم فين البرهوش توحشتو
بابا : راه ف فاس
هااااايداااك ...
اكفس موقف طحت فيه ف حيااااتي .. وليت فحال البرانية هنا تا بابا بقا غير يشوف مسكين ...
ماعرفت ماندير اول مرة نتحط فهاد الموقف ولا مع ماما و بابا ... خلاوها ماليها گالس گالس خود خالتك هي هادي گالسة گالسة نضت
شديت الطيارة وجيت بلا ما نعلم تت خصني نكسر هاد الخجل لي حنا فيه ف هاد اللحظة ..
أنا : أنا .. انوض نشوف ماما ف بيتها
بابا(حك ف شعره بتوثر) :واخا .. نوضي
انا مشيت دقيت عليها ...
ماما : غالي ؟؟؟
أنا : لا انا رغدة ا ماما
ماما : بلاتي بلاتي ..
بقات واحد الشوية و حلات ليا دخلت و هي مهبطة راسها ههههه ياه ماما كاتحشم مكانتش ف خباري هههه والله ايلا نساوني كاع ف داكشي لي طرا ليا
أنا : ماما .. مغاديش تعنقيني
تلاحيت عليييها كانعنقها و هي تبدا تبكي
أنا : ماااما علاش كاتبكي
ماما : حيت ا الجيفة توحشتك جاية و ماصيقتيش لينا الخبار كون راه مشينا جبناك و وجدت لك الشهيوات لي كايعجبوك راه من الصيف د ول العام لي فات ماشتك حسي بياا اهئ
أنا : وا صافي ا بب صاااااافي راه تا انا توحشتك و مزيان مني جيت بلا مانعلم كون راكم جالسين تحسبو ف السوايع
عاودت عنقتها و كنششم ف ريحتها
أنا : ااااااه شحال توحشتك ... كون غير سمعت ليك
النهار اللول و كاعما مشيت كون غير بقيت حداكم .. كون غييييير
ماما : رغدة .. واش طرات ليك شي حاجة أنا قلبي حسيت بيه هاد ليام لخرا كيضرني واخا قلتي لينا غير حيت توحشتينا مادخلاتش ليا ل راسي .. راني ماماك .. نتي قطعة مني .. طرف مني انا أكثر وحدة اتحس بيك و مكاين تا حاجة ف العالم كاتكدب إحساس الأم .. شنو طرا ليك ا بنتي .. حكي ليا
أنا (نزلو زوج دمعات من عيني و مسحتهم ): ما طرا ليا والو ا ماما غير حيت بعيدة عليا كاتهولي عليا .. الحمد لله ها أنا قدامك ههه
ماما (عنقاتني): الحمد لله على سلامتك ... انشوف يا ختي و ياختي كبرتي تبارك الله و غلاضيتي هههه وقفي وقفي ... والله تا طواليتي عليا .. صافي مابقيتيش بنتي .. ماعنديش انا البنت لي طوال على مها
أنا : ههههههه حتى نتي نطوالو حتى نطوالو كانوقفو حدى بابا كانبانو بحال النميلات
بابا : سمعت سميتي
أنا : بوحدك لي سميتك بابا ف العالم هااا !!
بابا : ديري ديري عقلك ماماك قدك راه نتي كانت عندك عاماين و نتي داك العقل مابغيتي ديريه
أنا : ايوا لا بانت لك ماما بعقلها راه واقيلا نتا لي ماشي بعقلك ههههههه
بابا (عنقني ): اااااه .. شحال كانت الدار خاوية بلا بيك
أنا : مكنظنش ههههه
ماما (كاتعض ف شفايفها ): شش حشومة
انا (غمزتها ) : هههه .. يلاه انا غا نتكى شوية ف بيتي عييييت ب السفر .. مني توجد العشا فيقوني
ماما : عليها غلاضيتي حاضية السريط و المريط كوني بحال ماماك الخفة و الرشاقة و نتي كرشك ولات صابقاك ههههه
أنا : ااوووف و شحال كانبغي هاد الكرش الله يخليها ليا
مشيت كانضحك للبيت ولكن سرعان ماسديت عليا الباب فاقو عليا المواجع .. اش درت لك ا آدم اش درت .. كيفاش غادي ننساك كيفاش انقدر نحيدك من قلبي و نكمل حياتي بلا بيك
حليت الفاليز ديالي لبست بيجامة .. و تلاحيت ففرشتي عنقت مخدتي. .. و دموعي كينزلو عليها بقاو يجيوني كاع الذكريات ف راسي يلاه كانجي نضحك ولكن كي نتفكر انه كاع داكشي كدوب كانكمل ف البكا .. شنو مشكلته مع ماما و بابا ! علاش داير تصويرتنا بثلاثة .. زعما حيت تا هو بزناس يكون عندو مشكل مع بابا ولا شي حاجة !!! معرفتش و مابغيتش نعرف و بغيت نساه و عمري نتفكرو كأني عمري عرفته
غفيت .. حتى فقت على يدين حنيييينين كيدوزو على راسي و على شعري .. عرفتها ماما .. طريقة د حنانها ماتخفاش عليا .. حليت عيني
ماما : رغودتي
أنا (ابتسمت ): رغووودتي 2 ههه
جريتها من يديها و بقيت نبوس فيها و نبوس تا ندمتهااااا
ماما : حنااااكي يا ميمتي حناكي طابو عاد جيتي ا بنييتي خلي شوية ل غدا
أنا : ختي راني ناقصة حنان انا ناقصة حنان راه الجرعة خصها تكون مدوبلا الحنان د عاماين ماتبغيهاش لعدوك هادي
ماما : نوض نوض ... راه وجد العشا
أنا : بلاتي ..(بديت نشم ).. همم tagliatelle ؟؟؟
ماما : اهمممم
أنا : كاغبوناغة ؟؟؟ ياااااااي شحال توحشت ناكل من دوك صبيعات
ماما : هههه يالاه نوضي
نضت فرحانة جلسنا على الطابلة .. طحت ف البلا عمية هههه ماما و بابا تصدمو فيها حيت شحال هادي ماكنتش كانغلق ماكلتي على قدي .. حاليا ولات معدتي كبيرة و تا حاجة ماتشبعني ههههههه بقينا نضحكو و هوما شادين فيا ..
أنا : بابا اش بان ليك غدا نمشيو لفاس توحشت جاد كون راه كبر ياكو العفريت .. هههه
بابا : على هو غير كبر ولا قدي ف الطول خصو غير اللحية ههههههه
أنا : اياااااه هي مغاديش يبقا ياكل من عندي العصى أنا لي ناكلها من عندو ههههه توحشت ميمة إحسان و با سيدي و عمتي غيثة و حبيبي رضى و أروى ديك إسراء مكادوزش ليا
بابا : عارفين أنا الخدمة مانقدرش ليوم غير بزز با خديتو
ماما : غدا نمشيو أنا وياك لدار عمي .. اتكوني توحشتي لالة عمي زينب و عمي كمال
أنا : ااااخخخخ شحال توحشتهم و خاصة ميمة زينب مكاينش لي كيتفوبر معايا ف الحنان قدها يا تريكت الزقرامين
ماما : هههه ايوا صافي غدا ندوزوه عندهم و بعد غدا نمشيو أنا وياك .. الملك عفا علينا (غمزاتني ) خلاني و اخيرا نبقا نصوك و شرا لي طوموبيل
أنا : نو واي هههه بابا خليتيها تصوك وا شي حمار مات هههههه
بابا : وا باااااااز ليكم نتوما بزوج مني كاتلاقاو (ناض ) اش درت ا ربي ف حياتي تا سلطتي عليا هاد زوجات شدرت
#
كانحاول ندير ما أمكن باش مانبقاش بوحدي غير ننسا و نضحك واخا ربي لي عالم على شنو ف الداخل ديالي دوزنا لاغد ليه النهار ف دار جدي كمال الحمد لله بدا من الزيرو و بدات ترجع صحته و ليوم مشينا أنا و ماما ل فاس حماقينا انا وياها ف طريق مع غير انا وياها طالقين الموسيقى على حر الجهد و كانغنيو وخاصة مع أنا و ماما عندنا نفس الذوق ف الأغاني كاتسمع ل داكشي لي كانسمع و كاتحفظهم تا هي معايا وصلنا لدار ميمة .. لقينا غير عمتي غيثة و رضى يالاه ليوم ميمة و با سيدي طلعو لفرنسا .. على ود خالتي رؤية على حساب ما قالو ليا هي مستقرة تماك ولكن ماشتها منين كنت صغيرة و حتى بيناتنا ماكيجبدوش عليها الهضرة .. سولتهم على جاد
أنا : فين هو جاد .. توحشتو بزاااااف
عمتي : راه كان خارج و لسقات فيه أروى و خرجها معاه ب السكوتر
أنا : وقتاش شراه كاتغفلوووو
ماما : ايييييوا راه وصل للباك لصق باباك شريه ليا شريه ليا تا شراه ليه و سكتنا
سمعنا صوت د الكاراج ...
أنا : بلاااااتيو انا انمشي نخلعو هههه
خرجت بالسلتة و تخبيت مور واحد الباب شفت جاد .. قدااااش ولا .. ف الطولة د بابا و الطولة د .. آدم هففف كانتفكرو فأي حاجة رغدة صاااافي نساااايه ... جاد تكدر تبارك الله و لاو عندو العضلات تا هو ههه
شفت أروى نازلة من السكوتر كبرات تا هي تبارك الله تكون عندها دابا شي 15 لعام .. نزلات يلاه غادة و هو يعيط لها جاد
جاد : أروى .. اجي ..
رجعات عندو شاف يمينه ويساره و هو يجرها من يديها و باسها
ايييييوا لا مزيااااااان تبارك الله ويتك كاتحشم معرفو منين نزلت عليهم
أنا : أهلا ا هلا ب سي جاد و لالة أروى .. دوي ماحشمتيش شحال عندك من عام ا البرهوشة شحال
جاد تصدم مسكين
جاد : رغدة !!! وقتاش جيتي! !!!!
أنا : حيد عليا نتا نشوف هادي .. و نتا براسك ا ويلي مابقيتوش تحشمو
أروى : رغدة عافاك ا ختي والله مانعاود راه جاد هو لي كي ... والله ما أنا
أنا : بااااز وانا شتك عاجبك الحاااال والله ليماك و تبقاو نتوما بزوج تا نقولها ل عمتي .. دخلي دخلي قدامي .. اااييييخ جيل قيمش مايحشم ما يريمش قدها مكنا نعرفو والو
جاد : وا صافي تا نتي .. رييحي من التبرهيش
أنا : تا نوووووض حسابلك طوالييتي راك كبرتي شنو زعما طفرتيه تقادو لكتاف غا لبارح شبعت فوالديك عصى
جاد (شد ليا يدي ولواها ليا ): شنو دابا آ البرهوشة د بصح هاااا نعفط عليك تلصقي ليا ف صباطي
أنا : آي آي. .. اهئ ماااااا ماااااا هضري مع جاد اهئ
جاد : مزاااال تضربي هااا
أنا : اهئ .. مااااااما 😭
خرجات ماما
ماما : وا نااااري واش أنا قلت كبرتو اديرو عقلكم و نتوما كي القط مع الفار
أنا : اااااي. . قولو يطلق مني ا ماما
ماما : جاد بعد من ختك هووووووف مكاملاش حتى 5 دقايق باش تلاقيتو
طلق مني بقيت نبرد الدقة
أنا : مااااما عرفتي جاد هو و ...
جاد : رغدة ههههه ختي .. اجي اجي (عنقني و كيبوسني ف حناكي ) خوك انا هه
أنا : وا زييير معايا من البسالات
دوزنا تماك أسبوع .. على الله ننسا فيه آدم .. واخا كلما كانزل راسي على المخدة كاتولي معانات من نوع آخر .. رجعنا للرباط حيت بابا كان توحش ماما و قالها ترجع ....
و انا جالسة ف غرفتي و مغطية غارقة فوسط ذكريات .. مرضاتني ف صحتي دخلات عليا ماما .. مسحت دموعي قبل ماتشوفهوم
ماما (جات جلسات حدا راسي ): رغدة .. بنتي مالك مني رجعنا من فاس و نتي غير سادة عليك ف بيتك
أنا (حطيت راسي على رجليها و هي بدات دوز يدها على شعري ): ماما ... نتي تعدبتي مني كنتي كاتبغي بابا ؟
ماما (ضحكات ): ههه على أساس مكانبغيهش دابا زعما؟ ههههه
أنا : واش تعدبتي ا ماما !!
ماما : تعدبنا بزوج .. ولكن حبنا كان كبيييير. . واخا مني عرفتو كنا مزوجين اصلا .. ولكن باش تلقاي راسك مزوجة بواحد مكاتعرفيهش .. صعيبة عانيييت و تعدبت مع مرضي .. و بغاو يفرقونا و لكن ماقدروش .. ايلا كان حب لي بين شي زوج قوي مكاينا تا شي قوة ف العالم تقد تفرقهم من غير الموت ...
أنا (بقيت ساكتة ماجاوبتهاش ... نزلو دموع لي حسات بيهم ماما فوق رجلها ): الصمت
ماما:رغدة ... كاتبكي ؟ هوني .. قولي ليا مالكي انا ماماك ماتحشميش مني
أنا: نو .. والو ا ماما .. (مسحت دموعي) راك عارفة مني كاتكون سيمانتي كيكون مزاجي هاكة
ماما: .. آي هوب سو (كانتمى) .. واخا عارفاك مخبية عليا
شي حاجة ... كانتمى تكوني بصح بخير .. أنا ديما هنا وقتما بغيتي تعاودي ليا
انا : غير عنقيني ... هادشي لي بغيت ..
عنقاتني .. الشي لي خلا دموعي يزيدو يهبطو و نزيد نبكي
ماما : رغدة .... مانقدرش نشوفك هاكا و ماندير والو .. قولي ليا مالك
أنا : اهئ مااااما ... عافاك غير ماتحكريش عليا I'll be fine .. غانكون بخير ... ماتخافيش عليا
ماما : يلا ماخفتش عليك علامن أنخاف ا بنتي .. علامن ؟؟
أنا : I'll be okay .. just don't worry abt me .. غانولي مزيان غير ماتخافيش عليا
خلاتني على خاطري مني شافتني تغطيت و عطيت بظهري و غالبا اتكون فهمات بلي القضية فيها شي واحد
مني شافو ماما و بابا حالتي بدات تدهور نهار على نهار قالو ليا نخرج .. بقاو عليا خرجي خرجي .. وافقت ولكن بشرط بوحدي ... بقاو يشوفو تا يشوفو و خلاوني على خاطري .. قاديت حالتي نوعا ما .. لي هملتها هاد ليام .. هزيت صاكي و خرجت بقيت فلول غير نضور معرفت فين نمشي حتى لقيت راسي وصلت جيهت الطرام شريت تيكي و تسنيتو حتى جا و طلعت لاكدال .. كانضور تا دخلت ل بين واحد الزناقي
كايكونو فيهم شي حوانت د الحوايج كيبيعو داكشي د ليكسبور دائما دوك الزناقي خاااويين و الغادي فيهم قليل ولكن انا كنت مولفة نشري منهنا الحوايج كنت نجي شحال هادي أنا و ماما .. و أنا غادة تماك ....... شهقت شهقة و بديت نشهد ف خاطري. .
أنت تقرأ
قلب ينبض في قعر الظلام | مكتملة.
Romanceقصة درامية تكميلية ل قصة أسيرة عيونك ... تدور حول ابنة ابطال قصة " اسيرة عيونك " لستم مضطرين لقراءة القصة السابقة كما اني سأذكر بعض التفاصيل من القصة السابقة .. قلب ينبض في قعر الظلام بقلم : يسرى . قصة بالدارجة المغربية تاريخ اول نشر للقصة...
