و أنا غادة تماك حسيت بلي نزل ليا موس ف جنبي. . بديت نشهد ف خاطري ...
الشخص : ههههه هنا بغيييييتااااك
انا (كانبلع ريقي ): .. ششووووف انا نعطيك لي بغيتي الفلوس التيليفون كلشي غ..غير طلقني ا خويا ع..عافاك
الشخص : ههههههه لا من نيتك تت انا بغيتك نتي .. (زاد ضغط على الموس ).. زيدي قدامي
أنا : هااا...عافاك ..اااافاك طلقني نمشي اهئ اهئ
الشخص : سمعي .. ا تزيدي كلمة وحدة غادي نغرسو ف **** *ك
سكت و بقيت زايدة و هو دايرو ف جنبي لسوء حظي و تقوووول فرقووووش داااز واااالو .. اشداني نخرج بوحدي كون غير خرجت مع ماما و لا بابا
كان هو لي كيتحكم منين ندوزو ... حتى وصلنا لواحد الزنقة مكاتخرجش قرب لواحد السيارة يلاه غايحل الكوفر ديالها يمكن ايديرني تماك ... و حنا نسمعو صوت السيارة د البوليس.. عطاني دقة للراس و انا نغيب ..
حليت عيني .. راسي كيضرني .. كانشوف راسي فين ... ف سيارة .... جمعت يدي لعندي و شهقت
أنا (ضورت وجهي كانلقا واحد حدايا ) : هءءءءءء ش...شكون ن..نتا في...ن انا اهئ بغيت بابا اهئ
هو (بغا ينزل يدو عليا ولكن كحزت ): شش.. ماتخافيش
أنا بوليسي ماتخافي من والو دابا راكي ف السيارة د الشرطة .. خليتك تا تفيقي عاد نتاصلو ب واليديك مابغيتش نخلعوهوم على والو
أنا (عاد بديت نتكعد بشوية .. ومع ذلك بقيت خايفة شوية بقيت نحقق فيه كان بووووكوووص كاع زوين على آدم ... هففف رغدة علاش خصك ديما تجبديه .. هاد الشرطي كان شوية بيض ولكن شعرو اسود بزااااف و لحيتو تا هي هاكاك و مقادة ):همم .. باش عرفتو واليديا
هو (جبد البطاقة الوطنية ديالي ): لقيتها ف حقيبتك
أنا : امم ...
هو : رغدة .. هذا اسمك ياك
أنا : .. آه هو ...
هو : رغدة العمراني واش باباك شرطي .. عميد ولا شنو !!
انا (بقيت ساكتة كانشوف عاد جاوبت ): تت لا .. مم معندو علاقة بالشرطة
هو : اها. .. غريب حيت مني عيطت للمديرية و عطيتهم معلوماتك باش يتاصلو بولي أمرك قالو ليا عنداك تخلي شي حاجة تمسها و نبقا حاضيك و مني تفيقي عاد نتصل بيهم باش يعيطو ل واليديك ... على هاد الحساب غادي تكوني من عائلة عندها وزن فهاد البلاد أو لا ؟
أنا : تت .. معرفتش لاش دارو هاكا .. عائلتي عادية تا حاجة من هادشي لي قلتي ..
هو : مم .. واخا تسناي هنا
خرج دار اتصال و من بعد طلع و قلع بينا
أنا : آ... نتا (قاطعني)
هو : سفيان ..
أنا : هم .. اوكاي سفيان .. عافاك بغيت الما
جبد قرعة من حداه و عطاها ليا
وصلنا لمديرية د الأمن و طلع بيا للمكتب ديالو و خلاني تماك و خرج دازت نص ساعة يمكن .. و هو يدخل بابا بجهد ..
بابا : رغددددددةة
أنا : بااااابا اهئ اهئ تلاحيت عليه معنقاه كانبكي
بابا : بنتي ... (عنقني تا هو كيبوس ف راسي )ماطرا ليك والو ... أوف الحمد لله .. تخلعت عليك
سفيان : احم .. لا ماطرا لها والو لحسن الحظ جينا ف الوقت المناسب
بابا (تلفت ليه ): شكون هاد .... (سكت) الححمااار
سفيان : مني سمعنا جايين ضربها ل راسها و هرب بطوموبيل
بابا : اييييه ... !! خديتو المتريكول ؟؟
سفيان : اه خديناه
بابا : المرض واش غادي نبقا نسولك كل سؤال بوحدو نطق شكاين تمرض فيا
سفيان : من الاحسن بلا ما دخل خدمتنا هادي و مني غانعرفو شكون غادي نخبروكوم
بابا طلق مني و دار ليه ا يضربو مافيهاش انا بديت نجرو من يديه
أنا: بابا .. عافاك صافي اصلا هو لي عتقني كون ماكانش هو كون عام الله اش طرا ليا
بابا (مخنزر فيه) : راه خدمتو هادييييك ياااااا على ...
أنا: تت .. شكرا ا سي سفيان .. بابا يلاه نمشيو
بابا جمع يدو على شكل بونية و بزز باش تحرك ليا
أنا : بابا قلتيها ل ماما ؟؟
بابا : لا مزال .. مابغيتش نخلعها
أنا : اوكاي مزياااان عنداك تمشي تقولها هادشي هي مريضة و تخلع على والو
بابا : داكشي لي كنت اندير اصلا ... بنتي واش اداك وصفيه ليا والله حتى نجبد مو من الأرض
أنا : ماشفتش وجهو فخطرا ا بابا نزل لي الموس ف جنبي و بقى غادي بيا لجيهة د واحد السيارة ..
بابا (دار صباعو بين عينه لحظة كيفكر .. عاد هضر ) صافي .. دابا نتكلف من بعد
رجعنا ف حالنا للدار ماما غير شافتني فحالا الروح عاد رجعات لها كانت حاسة ب شي حاجة
ماما : اوووف الحمد لله مني جيتي تخلعت عليك
انا : هاه. . علاش ا ماما ا تخلعي !!
ماما : معرفتش غير تقبط عليا قلبي و خفت عليك .. جابك باباك !
أنا : آه .. عيطت ليه و جا عليا
ماما (عنقاتني ): اااه ... مزيان ا بنتي مزيان
انا : أنا انمشي نتكى شوية عييت
خلاتني على خاطري و دخلت للبيت و ضربتها بنعسة معقلتش على راسي طحت طيحة وحدة حتى كانفيق على رنين الهاتف ديالي بالليل .. كان رقم مجهول
أنا : ألو .. الو .. تت التبرهيش
مجاوب حد شت ف الساعة كانت الشعرة د الليل حسيت ب عصافير بطني تزقزق نضت للكوزينة لقيت شي تخربيقات كليتهم و مشيت غسلت فمي
و رجعت للبيت يلاه دخلت سمعت التيل يصوني تاني
أنا : لا ماغاديييش تجااااوبو لاش معييطين من التبرهيش
- آ.. الو ..
أنا : 😳😳
—
-آ. .الو. .
أنا : الو. ... 😳
-رغدة .. معاك سفيان
أنا : هاه ... سفيان .. تت احم منين جاتك نمرتي!
سفيان : ههه هادي أسهل حاجة نقدر نوصل لها
انا : هم .. اوكاي
سفيان : امم..عيطت غير باش نسول فيك كي بقيتي
أنا : بيييخير شكرا
سفيان : المهم .. نتمنى ماتفهميش التطفل ديالي عليك غلط ما نويت والو بغيت غير نسول فيك
أنا : هاه .. nope ... عادي مامشاش بالي بعيد ماتخفاش
سفيان : داكشي لي بغيت .. كنتمى لقائنا الماجي مايكونش هاكا
أنت تقرأ
قلب ينبض في قعر الظلام | مكتملة.
Romanceقصة درامية تكميلية ل قصة أسيرة عيونك ... تدور حول ابنة ابطال قصة " اسيرة عيونك " لستم مضطرين لقراءة القصة السابقة كما اني سأذكر بعض التفاصيل من القصة السابقة .. قلب ينبض في قعر الظلام بقلم : يسرى . قصة بالدارجة المغربية تاريخ اول نشر للقصة...
