مع الدخلة ... يلاه وصلت الباب كانسمع صوتها ف مكبر الصوت كاتقول
رغدة :آه ... قابلة ...
... تجمعو ليا الدموع ف عيني ... واخا من صغري عمر الدمعة نزلات اولا تكونات ف عيني حتى ل دابا ... لطالما كان قلبي قاصح و حتى حاجة مكانخليها تأثر عليا.. حسيت بقلبي تهرس .. تحطم.. علاش درتي فينا هادشي ا رغدة علاااااش كنت جاي باغي نمنع هاد العرس ... ولكن عاد فهمت دابا علاش وقفوني ف المطار ..
فلاش باك ..
نزلت من الطائرة و عندي وجهة وحدة لي هي القاعة فين كاين عرس رغدة كاتسائلو فين كنت حتى ل دابا .... نهار رجعت لامريكا مور الإصابة د رغدة .. قررت نتعالج ... هادي اول حاجة و فعلا كيما قالت ليا رغدة ماكنتش مريض بديك الحدة لي كنت كنظن ... حصص قليلة و بدات حالتي تحسن ... حتى تعالجت .. و مابقيتش كيف كنت... عاد وليت فعلا إنسان إجتماعي ... بعت الدار لي ساكن فيها بغيت نغير شوية من نمط حياتي.. بغيت نولي إنسان اخر من جميع النواحي ... تواصلي مع سفيان ماتقطعش... كنت ديما نسولو على رغدة شنو كادير.. كان كيقولي الدنيا هانية .. كنت مطمن عليها نوعا ما... و بقيت مشغول بأمر العصابة كان خصني نتخلص بآخر سطوك عندي د الهيروين و لي كنت باغي نرسلو للمغرب ... درت بزاف د العمليات و كانو كاينجحو بتدخل سفيان ... حتى ساليت ... و نهيت أمر العصابة و كاع دوك الفلوس تبرعت بيهم و درتهم بيهم أعمال خيرية ... حتى النهار بدا يدخلني الشك ... مني رحلت نسيت الصندوق لي فيه رسالة د بابا تماك ف الدار و كانت كاتتصل بيا السيدة لي بعت لها الدار ماكانش عندي الوقت باش نمشي عندها حتى قلت لها غادي نرسل ليك شي حد ياخدها . . و مع ذلك نسييييت حتى دازت زوج سيمانات رسلت ساندي هي لي تجيبها ليا ... حتى كانتفاجئ
ساندي :سيدي .. راه قالت ليا السيدة انه جات واحد البنت قالت من طرفك و خداتها
انا : وااات ؟؟؟ صافي صافي رجعي للشركة انا غادي نتكلف...
هزيت سيارتي و اتجهت عندها
السيدة : جات واحد البنت اللغد ليه منين هضرتك معاك و قلتي ليا انسيفط لك لي تجيبها
أنا : هم.. و شقالت لك ؟
السيدة : she told me that she's your girlfriend
قالت ليا بلي هي صاحبتك ..
أنا (خرجت عيني) : whaaat !! my girlfriend ؟؟
شنوووو !! صاحبتي ؟؟؟
السيدة: يااااس ..
انا : اوكاي وصفيها ليا..
السيدة: امم.. متوسطة الطول.. بشرتها بيضا.. شعرها طويل شويا كان بين البني و الاسود.. عينيها رماديين
زعما تكون رغدة ؟؟ و اش جابها لهنا وعلاش ماقالهاش ليا سفيان
أنا : امم.. واش عندها تحت حاجبها خالة ؟
هي : اااه اه... كانت عندها خالة تحت حاجبها ..
رغغغغدة .... علاااااش ا سفيااااان ماقلتيهاش ليا علاش.. اتصلت بيه ديك الساع
أنا: سفيان..
سفيان :آدم..
انا :بغيت نسولك... وقتاش غادي تجي رغدة ل أمريكا ... جاتني عجب خصها على الاقل تجي تطل هنا
سفيان :هاه.. اه اه راه قالت ليا غادي تجي تال شهر خمسة ..
أنا :ماي ... اوكاي...
قطعت عليه... شنو مخبي عليا ا سفيان شنو ... سيفطت لي يبحث ليا و يشوف واش فعلا جات لهنا و فعلا... رغدة جات... كنت باغي نهبط ..للمغرب باش نتفاهم معاه.. ولكن فعلا كنت مضغوووط بالخدمة... كان خصني نقاد شي أمور ف الشركة باش نبيعها و نهبط ل عند رغدة.. حيت كانو شي حوايج ضروري يتقادو و نمضي عليهم انا و كان خصهم الوقت داكشي علاش.. كنت مقرر نبدا انا و رغدة من الزيرو .. ايكونو عندي الفلوس باش يعيشو ولاد ولادي ... هادشي لاش كنت مخطط.. بقيت على اتصال بسفيان حاولت نبيين ليه انه
مافراسي تا حاجة باش مني ننزل.. عندي معاه كلام ااااخر .. تدهيت بالخدمة... ولكن بقا الشك داخلني ... حتى لاخر لحظة وصلاتني الخبار بلي غدا كاين عرس رغدة
.. حسيت بحالا شي حد صرفقني عمر شي ولد المرا مادارها بيااا تال هاد ولد ل**** .. مابقيييييت كانقشع تاااا حاجة قدااامي سنيت ديك الساع العقد ديال البيع و جمعت حوايجي... و مشيت للمطار لحسن حظي كانت الرحلة ديك الساع و الا كنت غادي نمشي ف طائرة خاصة .... وصلت للمغرب بليل .. مني كانو كايديرو الاجراءات حتى جا الامن د المطار
الامن : سي ادم عافاك تفضل معانا
أنا : امم.. سمحولي.. شنو المشكل ؟
الأمن : تفضل و غادي تعرف
مشيت معاهم... ماعطاوني حتى شي راس خيط غير كيعطلو فيا و خلاص ... تعصبت كانقولهم خليوني نمشي خصني نمشي دابا حتى قلت لهم غادي نتاصل بالسفارة عاد طلقوني ... كنت ديجا داير مع واحد الوكالة تجيب ليا سيارة حدا المطار كريتها.. ركبت فيها و شديتها من كازا حتى للرباط ... و مع الدخلة .. كي وصلت قدام الباب ... سمعت صوت رغدة قالت اه. . قابلة ... حسيت بقلبي تكسر .. بقيت واقف بصدمة.. الناس كاتصفق فرحانة ... سفيان فرحااان ... انا لي حمار تقت فيه امنته عليها.. فلخر تزوج بيها.. سرقها ليا.. خدا ليا حب حياتي ... دخلت ديك الساع للحمامات.. بقيت كانشوف ف راسي ف المرايا بقا صدري كايطلع و يهبط بجهد... جمعت يدي على شكل قبضة
انا : اااااعععععععع
ضربت يدي مع المرايا حتى كلها تشخشخاااات و يدي كاملة عمرات دم... ماكنتش حاس بالالم لي فيدي كثر من لي حسيت بيه ف الداخل ديالي كانحس بالناااار شاعلة فيا... النااار ... يا نتا يا انا اسي سفيان ايلا ماقتلتكش .... قتلني ديك الساع نتا.....
دخل شي حد ديك الساع للحمام... خرجت... قبل مايسول اش واقع هنا...
مع الخرجة كانو مخرجين رغدة.. جات عيني ف عينيها..
جات عيني ف عينيها.. بدات كاتحقق.. و مع الناس جاو قبالتها ماقدراتش تشوف انا ف ديك اللحظة مشيت ل جيهة اخرى ... و بقيت نشوف فيها من لبعيد .. كانت كاتقلب عليا ب عينيها... عارفها مازال كاتبغيني ... و الا ماغديش تدير ديك ردة الفعل.. ماعرفتش اش قالها سفيان باش تزوج بيها ولا باش دوخها ولا شمن كذبة طلق عليها ولكن غادي نعرف ... طال الزمان و لا قصار ... شتهم فين دخلو يبدلو ليهم.. بقيت حاظيهم حتى خرجو من داك البيت.. و دخلت لقيت داك اللباس لي تلبسو العروسة ماعارفش سميتو ... قشطان ولا شي حاجة هاكة... بانت لي لاغوب و انا نمشي نمشي حداها كانشوف .. هادي كان خصها تلبسها ليا ماشي لييييه ... هزيت يدي كانت مزال تقطر بالدم ... و انا نقطر فوق لاغوب... باش ماتلبسهاش ... و خرجت... فحالي... من داك البيت
من بعد ما قبلت سنيت .. دابا وليت زوجة سفيان السليماني... كلشي سالا كلللشي.... مابقى حتى امل اني نكون مع ادم واخا عمره ماكان... كانتقطع لداخل ديالي كانتقطع... باش كانو مخرجيني نبدل ... ف الباب شفت آدم ... ولكن فجأة اختفى عرفت راسي اني تخلخلت ب البياااااان مني وصلات بيا ل درجة يتهيئ ليا ... راني ف السطاج لخر د الحماق ... تخلعت ف اللول و لكن مني عرفت راسي غير تخايل ليا رتاحيت ... دخلت بدلو ليا ... لبست اللبسة الثانية ... و رجعو خرجوني انا و سفيان... جاو الناس كيتصورو حدانا .. كانشوف ف سفيان كاتبان ليا الفرحة خارجة ليه من عينيه ... كيفاش كنت غادي نحرمه من هاد الفرحة و هو عطاني حياة جديدة .. لوهلة ماندمتش.. ربما هادشي فيه خير .. و حنا داخلين للمرة الثالتة باش نبدل.. كانتصدمو ... لقينا لاغوب كلها مقطر عليها الدم... بقيت انا غير كانشوف اش هادشي .... النگافات دارو بزاف د الإتصالات باش تجيهم غوب جديدة و نلبسها كملت كانلبس ف التكاشط... وصل وقت العشا ... مانكذبش عليكم هه ماحشمتش عيات النگافة ماتنغز فيا .. ولكن راه كنت كانموت بالجوع
( و هادي رسالة ل گاع لي عندهم العرس مستقبلا ماتحشمووووش كووووولو و لي هضر معاكم نقيو ليه ودنيه)
لبست من مور العشا زوج لبسات .. و جا وقت لاغوب .. كانت وصلات وحدا جديدة ... لبستها .. و جا بابا هو لي خرجني من البيت حتى بابا كان فرحان بقا غادي بيا حتى وصلني ليه ... و قبل جبيني قبلة حنينة ابوية و عطاني ليه
شفت ف سفيان كان لابس بدلة انيقة ... عاد مازات زيناتو ... خصو غير حاجة وحدة يزيد يطوال شوية بصح طويل عليا انا.. ولكن مقارنة مع ادم ؛ آدم طويل عليه بزاف .. حتى كاع مني وقف حداه بابا بابا بان عملاق حداه.. عطاو سفيان الخاتم.. و لبسو ليا .. ... و جا وقت نقطعو الحلوى قطعنا طريف وكلني و وكلتو "زعما زعما 😒 " ... فجأة تطلقات موسيقى تمنيتها ماتطلقش حيت هادي ديالي انا و ادم.. اغنية "symphony " شداتني البكية ... مابغيتش نرقص عليها معاه.. هادي ديالي انا و ادم 😢 ولكن... دخلني فيها ... و المشكل راه ماكانعرفش نشطح ااااولاد العبد ماكانعرفش ... ولكن كون كان ادم... كان ايقولي نزلي رجلك على رجلي .. غمضت عيني تمعنا فكلمات الاغنية ... كانسمع ف الداخل ديالي نبضات قلبه لي سمعتها اول مرة و حنا كانرقصو حتى سالات الأغنية شوية .. بدا سفيان كيقرب ل فمي احاااا هادا جهل ماشي هاكا اتاففنا... كانشوفو كيقرب شفايفو و انا ماقادراش نكحز عليه ياااااا ربي طرا شي معجزة ... ياااااا ربي ...... فجأة تقطع الضو 😳 دعوتي تقبلات ف البلاصة 😳 كانسمع الهضرة د الناس و تا حد ماكيقشع شي حاجة معرفتش فين سفيان ... حتى حسيت براسي تهزييييت و شي يد تدارت على فمي ... باش ما نغوتش...
انا :امممممم... امممممممم ممممم
الشخص : ششششششش .....
يااااا ربي نكون كانحلم.... ريحة د ادم هادي مايمكنش... مايمكنش ... 😳
بقيت من البعيد متبع كاااع مراسم العرس ... حتى وصل وقت الرقصة .. انا لي قلت لهم يطلقو ديك الاغنية باش تفكرني ... حيت بزوج عارفين انه ديك الاغنية كاتخصني غير انا وياها ... رسلت واحد الشخص .. خلصتو باش يقطع الضو و يرضو حتى نقولها ليه... بقيت نتسناه... كنت نحسب الثواني .. قبل مايحط سفيان شفايفه على شفايف رغدة... و هو يتقطع الضو ... فرحت حيت ماقربش لها ... مشيت و هزيت رغدة و سديت ليها فمها بيدي باش ماتغوتش
رغدة : اممممم... أممممم
دخلتها للحمام قلت ل هاداك لي يقطع الضو يخلي د الحمام دخلتها و سديت الحمام ب السوارت
رغدة :هءءءء .. آ... آدم ش.. شاكدي... ر هنا
أنا :شكاندير هنا... ؟؟؟؟ رااااغدااااا علاااااااش درتي فينا هاكاااا علاااااش
كانت هي متكية على الحيط و انا واقف قدامها و مكاليها ضربت يدي المجروحة بجهد مع الحيط و بدات تنزف ثاني
رغدة (بدات كاترمش عينيها بالخلعة .. و هي تشوف يدي) : ا.. أدم مالك فيديك ماااالك..
نترت يدي منها بجهد.. و شديت فكها و زيرت عليه
أنا : سممممعييييني مزيااااان و بالرب المعبووووود كانحلف ا رغدة ... و تخليه يقرب ليك و برب العزة حتى نقتلو بالللللله (بقات غير حالا عينيها فيا و كاترعد) سمممممعتتتتتي ؟؟؟؟؟ (غوت)
رغدة (بقات ساكتة مدة عاد هضرات) : شكون نتا اااااصلا .. هاه (دفاعتني من صدري ) شكون نتاااا!! انا دابا مزوجة و كانبغي سفياااان كااااانبغيييييييه فهمها أنا وياااك سااااالينا سالييينا (كاتنفض بيديها) فهمتيها ..
أنا : كاتبغيه ؟؟
رغدة : ااااااه كانبغغييييييه .. و ليييييوم غادي نكون ليه.. ليوم انولي مرااااتو بمعنى الكلمة
هزيييييت يدي حتى السما و جمعتها معاها ... شدات ف حنكها بصدمة و عينيها عامرين دموع شدييييتها من شعرها و مزير عليها
أنا : عاااااودي قوليها .....
رغدة : اهئ أهئ طلق... طلق مني أهئ
أنا : عااااااااودي يااااالاه... شوفي فيا .... شووووفي
رغدة (هزات راسها فيا و هي مزال كاتبكي) : اهئ اهئ
أنا : نتييييي ... نتي ديالي أنا بوحدي فهمتيها ديال انااااااا و لي قرب لك نشرب من دمه وايلا داك الز**** قرب ليك غادي نقتلو و نجي نتبعك لييييه سمااااعتيي ... هضضضضضضااارت معااااااك جاااااوبي
رغدة : أهئ كانكرهك ا آدم ... كاااانكرهك بعاااااد مني بعاااد
واخا ... ها حنا غادي نشوفو واش مازال كاتكرهيني
طلقت من شعرها ... و هزيت راسها بشوية .. بقات كتشوف فيا بصدمة... مامتيقاش... كيفاش هاد الشخص ليوكان دابا كيصرخ عليها وضربها تقلب.. مسحت لها دموعها ... بدات تسرط ريقها .. حنيت و قابلت وجهي مع وجهها .. و درت جبهتي على جبهتها.. غمضنا عينينا بزوج
انا,: رغدة... كانبغيك كتر من راسي ... نتي هي روحي.. كاتفهمي رووووحي و قلبي ...
رغدة(بقات على نفس الوضعية و مغمضة عينيها ): و.. علاش بغيتي تآذيني ... نتا ماكاتبغينيش
أنا : كون بغيت نآذيك ... كون اديتك شحال هادي ... كون رآه درت بصح داكشي لي شفتي ... ولكن أنا مدرتش ... حيث كامبغيك... حلي عينيك و شوفي فيا ... رغدة... شوفي فيا..
حلات عينيها .. و شافت فيا ب عينين ناعسين عامرين بالدموع
أنا : شوفي.. ف عيني .. و غادي تعرفي شحال كانبغيك... شوفي
ركزات عيني ف عينيها ... بديت نقرب شوية .. بشوية حتى نزلت شفايفي على شفايفها... ودخلتها.. فقبلة ... بقات فاللول ساكنة مادارت حتى ردة فعل.. لكن سرعان مابديت نحرك شفايفي و ندخل شفايفها ... ففمي... تجاوبات معايا ... كانحس بقلبها غادي يخرج من بلاصتو.. كاليتها مع الحيط و زدت ف وتيرة التقبيل .. معقلتش على راسي.. كنت موحشها لواحد الدرجة متصورش و فنفس الوقت معصب ... من قبلة حنينة تحولات لقبلة عنيفة بديت كانعض شفايفها بجهد.. حتى ولا مذاق الدم ف فمي ... و هي تبعد عليا
رغدة : آدم ... ادم حبس هادشي لي كانديروه ماشي مزيان.... فهمها انا تزوجت دابا ... تزوجت
هاد الكلمة شاعلات العافية ف صدري....
أنا (نزلت راسي) :خرجي ..
رغدة :آدم...
انا (ضربت ف الحيط بجهد) : رغدة خخخخرررررجي .. شنووو بغيتي شنوووو هاه!!!!! قلتي مزوجة .. اوكاي مزوجة خرجي دابا ... ولكن ديري ف بالك أنه غادي يجي واحد النهار و غادي تكوني ليا .. شوفي أش ديري و ماتخليهش يقرب لك ولا بالله ماغاتعجبك النهاية د هادشي
رغدة : آدم ... كاتخلعني ب هاد الهضرة ديالك .. سمع.. انا وياك ف جميع الأحوال ماصالحييييينش ل بعضياتنا
خنزرت فيها و درت فيها شوفات كون كانو قرطاس كون ماتت جريتها بعنف و قبلتها ف شفايفها بجججهد و دفعتها على الحيط
انا :دابا صالحين ل بعضياتنا ... و بلا ماتستافزيني ولا بالله حتى نفرعك.. نغتاصب مك هنااااا ديك ساع عاد نرتاح
رغدة (شافت فيا بصدمة و عينين عامرين دموع) :علاش وليتي هاكا ا آدم.. مكنتيش هاكا
انا :حيت هاد الحمار لي قدامك مشا تعالج على ودك.. سمعتي على ودك باش لالة رغدة تبقى على خاطرها و مني جيت لقيتها كاتزوج
رغدة :للأسف .. عاد مازدتي حماقيتي .. كنتي حمق و دابا كملتي ..
انا خرجت عيني من الهضرة لي كاتقول لعبات ليا على الوتر الحساس ... تمالكت اعصابي .. مابغيييتش نفوت فيها شي ضربة خاااااايبة .. غمضت عيني بالاعصاب ..
رغدة : اشنو بغيتي مني ماقدكش داكشي لي درتي ليا ... مزال باغي تنتاقم ياك!
أنا : What the hell are you saying now ؟؟؟؟ اش هاد المرض كانقولي دابا هااااه!!! كون بغيت ننتاقم كون راكي دابا ف الحبس انا بغيتك من قلبي و ضغطت على راسي رغم كلشي لي كنت عارف
رغدة (كاتحرك راسها بنفي) : it wasn't true.. داكشي ماكانش .. بصح..
أنا :yeees.. Yes I knew that ... But ... اياااه ايااه ... عرفت ولكن...
رغدة (صغرات عينيها فيا ): ولكن شنووو!!! (بقيت ساكت)... كملات هضرتها بصوت مخنوق ب بالبكية : ادم... ا.. انا بغيتك بغيييتك من قلبي I.. I loved you.. But.. ولكن..
انا (جريتها لعندي و حطيت جبهتها على جبهتي) :شششش.. you still love me raghda.. مزال كاتبغيني ا رغدة.. مزال
رغدة (بعدات عليا ): اه مزال... كانعتارف مزال كانبغيك .. ولكن عمر انا وياك مانكونو ل بعضياتنا... الحاجة لي كاتهرس عمرها ترجع كيف كانت.. جرحتيني ... عذبتيني
أنا : اوكاي.. اه كانعتارف .. ولكن ماشي لخاطري ا رغدة...
رغدة (شافت فيا شوفة مطولة) : حتى دابا .. ماشي ل خاطري ا ادم.. Wish u all the best ... كانتمى لك.. الخير ..
ضورات الساروت و خرجات ... كي.. كيفاش غادي نقدر نعيش كيفاش ... تت مايمكنش.. يلا قاصها انقتلو ... رغدة ديالي بوحدي بووووووحححححححدي مايمكنش... مجرد التفكير ف هادشي كيخليني نجهل .. انا بوحدي لي عندي الحق يقرب ليها ... بوحدي لي عندي الحق فيها ... عارف رغدة مازال كاتبغيني.. ولكن تقدر كانتقام ليا تسلم ليه رسها ... آدم . ادم what the hell is going with you Adam.... What the hell ..
!! ااااهعع بقيت مدة كانهضر مع راسي حتى اتصلت بالسيد قلت ليه يرجع الضو ... انا عارف شغلي مع داك ال**** د سفيان ...
أنت تقرأ
قلب ينبض في قعر الظلام | مكتملة.
Romanceقصة درامية تكميلية ل قصة أسيرة عيونك ... تدور حول ابنة ابطال قصة " اسيرة عيونك " لستم مضطرين لقراءة القصة السابقة كما اني سأذكر بعض التفاصيل من القصة السابقة .. قلب ينبض في قعر الظلام بقلم : يسرى . قصة بالدارجة المغربية تاريخ اول نشر للقصة...
