قلب ينبض في قعر الظلام | مكتملة.

16

اول مرة نشوف آدم فهاد الحالة  .. معصب  لدرجة  متصوروش عينيه كانو كأنهم شاعلة فيهم شرارة د النار  .. خرجت من الحمام و خليتو  فيه  .. كان مزال الضو  مقطوع  كانشوف  كلشي  شاعل  فلاش لايت  ... و كانسمعهم كيقلبو  عليا  .. مشيت  كانجري  للبيت  لي كايبدلو  ليا فيه...  شي 5 دقائق  و هو يرجع  الضو  ..  بان  ليا  مايك  آب  .. قاديت  شوية  راسي  حيت  كنت كانبكي  مني  كنت  مع آدم و فمي كامل تمسح منو ليبس ستيك بسباب القبلة  ... دغيا  دغيا صاوبت داكشي   ... و قاديت  شعري  جاب  الله ماكنتش  دايرا  مشطة  مجموعة  كانو  دايرينو  ليا  مطلوق  و بوكلي  ...  حتى دخلو  عليا  ... سفيان  و بابا  و ماما
سفيان :هووووففف  ... تخلعنا  عليك 
بابا : بنتي فين  كنتي لاش  جيتي  لهنا
انا : ا.. انا مني تقطع  ضو  معرفت  فين نمشي  تا لقيت  راسي  قدام  الباب  ...
سفيان  : كون بقيتي  حدايا 
أنا  صافي  ها انا ما طرا  ليا  والو  ...
ماما : هممم..  يلاه خصكم  تخرجو دابا   دابا  ...
انا  :اهم...  واخا ..
حسيت  ب ماما  گاعما تاقت  شافت  فيا بنظرات  تشكيك...   دخلو  النگافات..  و الكوافورة...  قادوني  شوية .. و خرجت  تاني  انا و سفيان  ... كان مازال خصهم يفرقو الگاطو ..  ضورت  وجهي .. شفت  آدم  مربع يديه  من البعيد  و حاضيني  ... سفيان  ثاني  بغا يبوسني...  كانشوف  انا غير  آدم  .. مخنزر  فيا   نظراته  كيختارقوني  .. متقدرتش  نخليه  يديرها  .. عطيت  ل سفيان  حنكي و هضرت  ليه  ف ودنيه
أنا :سفيان ماشي هادشي  علاش  تافقنا 
سفيان : خصنا  نبينو  داكشي  حقيقي ..
زفرت  .... و بعدت  عليه  ... من بعد قالو  ليا  نلاوح  البوكي د فلوغ  ... داكشي  لي درت  ... و من بعد نزلنا  انا وياه  وودعنا  الناس  و ركبنا  ف لوطو  .. سفيان هو لي ساگ...
أنا :فين  انمشيو  دابا.. ؟
سفيان : امم..  واحد صاحبي  عطاني  سوارت  د الفيلا  ديالهم  .. قال ليا  ندوزو فيها  الليلة اللولة
انا (ضحكت باستهزاء ):الليلة اللولة   ههه
سفيان  : راكي  عارفة  .. كيحساب  لهم..  زواج حقيقي 
أنا (تنهدت) : عرررفت  ...
سفيان :رغدة..  ماتبقايش  هاكة  .. ياك انا مابززت  عليك والو  .. عرضت  عليك  الزواج  و نتي وافقتي  ماشي  حطيت  السلاح  عليك و قلت ليك يلا ماوافقتيش  انقتلك 
أنا : ماقلت  ليك  واااالو  ا سفيان  .. عارفة  انا لي وافقت  ...
سفيان : بغيت نسولك..
انا: سول  ...
سفيان : واش كاتبغي  شي  حد ؟
أنا (خرجت فيه عيني ): واااات  .... اش كاتقول نتا..  تت ك.. كيفاش دابا هاد الهضرة  هااه ؟؟؟
سفيان : تكالماي  ا رغدة  .. سؤال  عادي  انا غير  سولتك علاش  نفاعلتي !!
أنا : ااااانا  نفاااعلت ؟؟؟ اناااا ؟؟ لااا  غير  جاب  ليك الله نتا حماقيتي  يمكن.. 
سفيان (شاف  فيا و عاود  شاف ف الطريق ): اوكاي  ا لالة  انا حمق.. 
سكت من بعد و حتى هو سكت...  وصلنا  للفيلا لي قال  ... هبطت من اللوطو  .. جبد هو لي فاليز  لي كانو  لور  و حل الباب  ... دخلنا  .. و طلعنا  للفوق  كانو  بزاف  ديال الغرف  حليت انا اللولة  و شعلت  الضو  هوووولي  فاك ما هذا يا هذا...  لقيناهم مزوقين  الفرشة  و داكشي  ...
سفيان :احم.. آ المهم نتي بقاي  هنا و انا غادي  نمشي  نعس ف بلاصة  أخرى  ..
أنا  : امم واخا ...
سفيان : ها الفاليز  ديالك  ..
انا : شكرا  ...
خرج و خلاني  بوحدي  ...   سديت الباب و بقيت  نشوف  ف انحاء الغرفة  ... عيني  عمرو  بالدموع... تكيت  على الحيط و بقيت نازلة  كانبكي  ... حتى  جلست  على الارض  ... علاااااااش  كانعدب  فراسي  علااااش  علاش  مامكتابينش  ل بعضياتنا  علاش  اهئ اهئ اهئ..  علاش ا ربي علاش  انهاريت  بالبكا  ... مابقيتش  قادرة  نتحمل  گاع  داكشي لي كنت مخبياه  ف قلبي  دابا  عاد كيخرج
#
بقيت  مراقب  رغدة ف العرس  ... شافتني  . . درت  فيها  شوفات  بمعنى  يلا قرب  ليك  غادي نقلب دابا  هاد العرس سفاه على علاه  ... عطاتو حنكها  ... واخا  حتى  حنكها مابغيييييتوش  يقرب لها مابغيييتش صبعو  ينزل  عليها  .. آه كانغير  عليها ... كنغير و بزاف  ... سالا  العرس  و نزلو  بزوج  طلعو  فاللوطو  .. و بقيت  أنا تابعهم بديالي...  حتى وصلو  ل قدام  واحد الفيلا  ... نزلت  السيارة  بعيدة  و بقيت  كانشوف فيهم .. دخلو  و انا نقرب  بقيت  كانشوف  ف الشراجم  ... حتى شعل  واحد  البيت  بقيت  مدة واقف  .. شوية  و هو يطفى  الضو  يا ربي مايكونش داكشي لي فبالي....  شعلات فيا العافية  .. أش ندير  أش ندير ... بقيت غادي  ماجي .. هزيت  الفون  و عيطت  ليه  ب رقم بريڤي  ... بقا يصوني  شحال عاد جاوب  ... هضرت  معاه  و انا كانشوف  ف البيت  واش  غادي يشعل الضو  ...
أنا : ههههه سفيااااااان  congrats bro
قطع..  هههه يااااك بقيت  كانعيط  ليه  مايجاوبش  ... رسلت ليه ميساج 
"جاوب  يلا سميتك راجل ا الز*** "
عاودت  الاتصال  بيه  و هو يجاوب  ... حاجة عادية   اي واحد تستافز رجولته او عفوا ...  تت ههه هادا  مايكسابهاش 
سفيان : شششبغيتي
أنا : ههههه وايلي ا *** تزوجتي  و ماعرضتيناش  حشومة نوليو  نجيبو  الخبار  من عند البراني 
سفيان : آدم  شبغيتي 
أنا : سمع ا الكلب يلا سميت  مك  راااااجل نزل  عندي  داااااابا  ... كاتفهم داااابا يا **** يا الشماتة 
سفيان : هههههه راجل على مك مالك ماحملتينيش  حيت  انا لي ختارتني ياك ؟
أنا : وا ماتخباش  ليا ورا السلوكة  خرج لعندي دراااااع قول  هاد الهضرة  ف وجهي  يا ولد *طيط*
سفيان : جايب  الحمية  ههههه
أنا :  ههه حسابلك  انا سميتي سفيان..  نزل ولا غادي  نطلع نجبد  والدين  مك من تماك
سفيان (من بعد صمت) : واخا  انا هابط.. 
تكيت  على الحيط ديال  الباب  و درت رجلي  عليه..  دازو  دقائق عاد حل الباب  مع الحلة  شنقت عليه  و دخلت فمو بدماغ  رعفتو 
أنا : ههههه هانتا طحتي بين  يدي ا الشماتة  ههههه نتا راجل نتا هاااا  ل ق*** مك  نتا راجل
مع قصير  عليا حكمتو  مزيان  هزيتو من عنقو  و كاليتو  مع الحيط  حتى رجليه  بداو  يفركلو ف السما
سفيان (تخنق) :ه.. كح..  كككح ه.. آدم  .. آ..... دم 
أنا :  نتاااا  دييييرها بيا  انا ؟؟؟؟  نتا ديرها  بيا  ا ****  تشمتني  الله ينعل *طيييط*  د *طيييط*   د مك (كلام فاحش 😂)
سفيان : آ..... دم...  ا.. نموت 
شتو  تزير  و لا حمر  .. زدحتو مع الارض
سفيان : كح كح كح ...  هههه ماحملتينيش ياك حيت بغاتني حيت انا لي ديتها...  نااااري  مانقولكش شحال حلووة دابا  راك هزيتيني من فوق منها
أنا (بديت نطلع النفس بجهد و نخرجها ): ق***ها ااااعععع
نزلت عليه بالعصى  ... ماعويييتش  براسي  .. خرجت فيه  كلشي  ... حتى كله ولا دمايات  .. و غيب  .. وقف  و بقيت  كانتنفس  بجهد  دفعت باب  الفيلا و دخلت للداخل..  و بديت  نعيط  بجهد
أنا : راااااااغددددااااااااا  ... نززززليييي .. رغددددة
شفتها  نازلة  من الدروج  كاتجري  ... طلعتها  من راسها  ل رجليها  باش  نشوفها  اش لابسة  كانت لابسا  بيجامة  شورط..  قصصصيور  و الفوق  بلا كمام  غير  سميطات... 
رغدة : اويلي  اويلي  اش  كادير  هنا .. آدم  واش  باغي  تحمقني  سير  فحالك باغي  تشوهني
أنا : هادشي  لابساه  حدااااه  عاجبك  الحال تساراي حداه مقزبة 
رغدة (بدات  تدفع فيا ): آدم  خرج  منها خرج واش  شارب  ولا واكل شي  موصيبة 
كانت كادفع فيا ظنا منها اني غادي نتحرك  ساعة هي  كانت  بحالا كاتحرك  شي  تمثال د الحديد  ماكيتحركش
أنا :رغدة زيدي  قدامي  ..
رغدة :واش  نتا  صاڤا پا   كيفاش زيدي قدامي   ماكاتفهمش  انا وياك  سااا..
قبل  ماتكمل ديك الكلمة قاطعتها
انا: رغدة ششش ماتقوليييهاش  عافاك  .. عافاك  ا رغدة  راه لي فيا  مكفيني راه.. راه ماقادرش نتخيلك  معاك  راه مجرد التفكير  كي خليني  انحماق
رغدة (قبطات فيدي) : آدم..  دير عقلك انا دابا  مزوجة..  كاتفهم مزوجة  ..
أنا (نترت يدي) : ماااتقووووليهاااااش ششششش رغدة....  والله حتى ندير  شي  حاجة لي نخليك  تكرهيني حياتك  كاملة...  زيدي  معايا  بلا صداع و لا غادي  نديك  ب طريقتي
رغدة : ...  آدم  ... سير  .. فحالك  بعد مني صااااااافي  عييييت  أنا من هاد المرض  عييييت  اهئ اهئ
قربت ليها  كانمسح دموعها : رغدة...  شوو...
مازال  ماكملت الكلمة  معقلتش  اش  طرا  من بعد..
—
من بعد ماتخشيت  ف الفراش  ... يلاه بغيت  نعس  مابغاش  يديني  .. نعاس  سمعت  شي  صداع  .. قلت يمكن غير  تهيء ليا  ... مع الصداع د العرس قلت داكشي  رجع عليا...  يلاه  بديت  كانكمع...  حتى  كانسمع صوت  ادم....  ناااااري  يااااا ربي  نكون كانحلم  ... واش  حماااق  يلا شافو  سفيان  مشيت  فيها..  هبطت كاااانجري  لقيتو  داير حالة  بوحدو ... قاااالي  غادي  تمشي  معايا  بزز...  بقيت  نتناگر  معاه  ... شوية  آدم  على طولتو طاح....  هزيت  عيني  ب صدمة  ....
انا:. سو.. سفياان  .. شدرتي ؟؟؟ 😨 شددداااااارتي
كان سفيان  جاي  حالتو  حالة  كولو  دم   ملامحه ماواضحينش..  بقوة الدم  هاز واحد العصى .. لي عطا  بيها  ل آدم  لراس  . ماشتوووش   مينين كان جاي  حيت  آدم  طويل  و عريض  عليه. . مابانش  ليا  .... نزلت  على ركابي  ديالي  .. كانوض ف ادم
أنا :آ.. ادم..  ادم اهئ ادم نوض  اهئ أهئ 
سفيان : واش مابانتش  لك هاد الحالة  لي دار  فيا  هااااا  شوفي  كيف  ردني  ...
أنا :سكاااااات  اهئ سككككت  سكت  اهئ ادم ....نوضض نووووض
سفيان(غوت): رااااغدة  مااااتطلعييييش ليا  الخرا  للراس  صااااافي  دابا  ينوض
وقفت  و تميت غادا ليه و عيني  عامرين  دموع هزيت  صبعي لوجهو 
أنا : مااااتتتغووووتش علييييا  سمااااااعتي  مااااتغوتش  عليا  .. عرفتي  و طرا  لآدم  شي  حاجة  كانقسم لك فمي  بالله ا سفيان  اتشوف  رغدة لي عمرك شتيها  ف حياااااتك
سفيان (زفر) : و مني كاتبغيييييه  علاش  ماقلتيش  ليا  بلي  ماكاين  حد ف حياتك  علاااااش  وافقتي  عليا
أنا (كانهضر  ب الغوااات) : حيييييت  أنا  مدينة  لك بحيااااتي  نتا عتقتيني من المووووت  كنت مضطرة  اني  نتزوج  بييك  ولكن بالله و تطرا  ل آدم  شي  حاجة حسب  راسك  كأنك  قتلتيني  ا سفيااان  ...
خليتو  مصدوم  فيا  و مشيت حدا ادم...  هزيت  راسو  انزلو  على رجلي  .... حتى كانجبد يدي  كلها دم...
هزيت يدي  بصدمة  كانشوف  ف يديا بزوج..  مخرجة عيني  فيهم  ....
أنا : الد ...م .. دم....  سفياااااااااااااااان  ...
نضت  ليه  كانضرب ف صدرو   و نبكي  ... كانضربو بكل ما أوتيت من قوة
أنا : قتتتتتلتيييييييه  قتلتيييييييه  اهئ اهئ اااادااااااااام  اهئ ادم اهئ اهئ  قتاااااااال 
سفيان (قبط يدي باحكام) : رغغغغدة  رييييحي  مااااطرا  ليه  والو..  طلق مني و مشا  ل جيهتو... كيشوف نبضات قلبه  و كيقيص  العروق  لي فعنقو 
سفيان : هاااه  .. يالاه ها هو عايش  ... رتاحي
مشيت  كانجري... و نزلت  ودني  على  قلبه  ... الحمد لله كان  قلبه  كيضرب  .... ابتسمت  ابتسامة  مخلطة  بالدموع  .. لوهلة  ظنيت  اني خسرتو  مدى الحياة  ... بقيت  متكية  على صدرو  و كانبكي  .... 
سفيان  كان كيشوف  فيا  و معصب  .. لاوح  ديك العصى  لي كان  هاز  و مشى  دخل للحمام  ....
أنا :آدم  فيق...  فيق  ماتخلينيش  اهئ اهئ ايلا طرات  لك شي  حاجة نحماق  اهئ اهئ اهئ.... عافاك..  فيييق
بقيت  كانبكي  على صدره و انا  ناعسة  عليه  ل مدة  .... حتى حسيت  ب...
حسيت  بيديه  كادوز  على ظهري  عليت  فيه  راسي 
أنا :آدم...  فقتي  ا حبيبي 
آدم (ضحك  غير بزز ) : ههه على الأقل قدرت نسمع منك كلمة  حبيبي 
أنا (ضربتو  ل صدرو) : تفوووو عليك  تخلعت  عليك  ..
آدم : غفلني  ولد ال*طيط*
انا: تت.. آااادم 
ادم (بدا  يتگعد بشوية ):  مال  مك حتى نتي  عجبك  الحال مني ضربني  ياك
أنا : شكاتخربق  نتا ؟؟؟
آدم : هادشي  لي  بان  ليا  (دار  يدو  على رقبتو كيشوف  الدم)
أنا : واش مابانتش  لك هاد الحالة لي راني  فيها زايدها  بطنز  شتي فين  وليتي دابا  ... علاش جيتي كون قتلك ولا قتلتيه ا ادم
آدم (ركز عينيه ف عينيا) :  ماكايهمنيش  ... ايلا قالو ليا نموت على ودك والله حتى نموت  لي ماغاديش يموت على الواحد لي كيبغي  راه ماكايبغيييش  ... ايلا كان على ودك انا مستعد نسلم روحي  من هاد اللحظة
أنا : آدم  ... پليييز...  ماديرش فينا  هاكا...  (مسحت دموعي  و قاديت  جلستي)  آدم  .. Listen ... It's too late  now...  سمع...  دابا  راه فات الفوت ...  انا وياك وصلنا لواحد الطريق  مسدودة  اه كانبغيك  ولكن..  ماااايمكنش  انا وياك  شي  حاجة مستحيلة  ... فنظرك  گاع  حتى كون ماتزوجتش  بابا  غادي  يقبل  بولد العدو ديالو  هاه...!!  حبنا اكبر  غلطة  درناها لا انا لا نتا...  و بغض النظر عن هادشي  كامل...  نتا اكثر  واحد اديتيني   اشنو ذنبي..  لنفرض  انه بابا  بصح  قتل ماماك  انا مالي  ف هادشي  باااااش  اديتك باش تنتاقم  مني ... عندك  حساب  مع بابا  واجهو  بيه ماكانش  عليك تدخلني  ف هادشي  ... (هزيت  يدي ) يلاه شوف  فين  ولينا شوف وليت  كانبغيك  ... و وليتي  كاتبغيني  ولكن داكشي  لي درتي  قبل  دمر كلشي  .. حتى اني مانقدر  ندير  والو...  انا مزوجة...  خرج  من حياتي  ا آدم  .. كانواعدك حبك  ايبقى  مدفون  ف قلبي ولكن انا وياك  تت. . مايمكنش  دابا  تلقا  شي  وحدة لي تبغيك
آدم (جرني  و حط راسي  على راسو  و بدا  يتكلم بحال شي ولييد صغير باغا  تحرميه  من شي  حاجة عزيزة عليه) : no .. no..  no...  رغدة....  I can't ...   مااااانقدرش  مانقدرش نبعد عليك...   لا لا لا (كيحرك راسو  بنفي)  ... قتليني  ... قتليني  ا رغدة و ماتقوليش  ليا نخرج من حياتك...  نتي..  الوحيدة  لي لقيت فيها داكشي  لي كنت محروم منو ف صغيري  ن... نتي  ماانقدرش..  نتي لي بغاها قلبي  عافاك  ا رغدة
انا (مازال  منزلة  راسي  على راسي  و دموعي  كينزلو  شلال) : آدم  ... عاااا.. عااافاك  ماتصعبش عليا الأمور  ... Go...  سير  ...
-احم  احم
هزينا  راسنا بزوج  ... سفيان بعدت  على آدم  دغيا  و وقفت  و مسحت دموعي 
سفيان : نوض  ت**** من هنا قبل مانعيط  دابا  لبوليس  و عمرك  تعاود  تحلم  تخرج 
آدم (تگعد وقف وقرب  ليه  و حنا راسو  حيت طويل  عليه حتى مابقى  يفصلهم غير سنتيمترات قليلة) : سير ت*** نتا و داك البوليس  ديالك ماخايف  لا منك  لا من غيرك  (دفعو) كون كنتي رااجل ماضربنيش ف ظهري  (هز يديه ايبدا يضرب تاني)
أنا (وقفت  بيناتهم قبل  مايبداو  يدابزو) :  بااااارااااكة بزوووووجكم  .... آدم  سيييير  بحالك...  ماتزيدش  تكبر الموضوع  و تعذبني  ... سير  فحالك
آدم (شاف فيا  شوفة مطولة  .. ): ... اوكاي  رغدة...  Good bye. 
سفيان : عقل  عليااااااااا  مزيااااااااان  ...
آدم  ماعاودش  شاف  فينا  ضار  فحالو  و خرج...  و انا ننهار  .. طحت على رجلي  كانبكي 
أنا : اهئ اهئ اهئ  he's gone  ... Heeeeeeeeee's  goooooooooooooone  اهئ اااااااادددددددداااااااام  اهئ اهئ... 
سفيان :  نسااااااايه  ا رغدة  نسااااايه  ...  صافي نتي دابا  مرااااتي 
انا : اهئ نتا ماا... ماعاااارف  والو  اهئ اهئ...  مااااااعاارفشش اهئ
سفيان (جرني بزز) :  رغغغغغغدددددة  مااااااتخلينيش نتعصب .. صبري  غادي  يتقاضى  ... نوضي دابا  نعسي  تال غدا و نهضرو  ....
بقا  مجرجر  فيا  حتى وقفت  على رجلي و طلعت  ف الدروج  ووصلت  للبيت  .... حليتو  و دخلت  تلاحيت  على  الفراش  .. صافي مشا  ... آدم  مشااااااااااا
__
ضرباتني  الفيقة  على اشعة  الشمس  .. لقيت  راسي  ناعسة  على الوضعية  لي كنت فيها البارح باش كنت كانبكي  .. ماعقلتش وقتاش غفييت  ... نضت دخلت للحمام  .. لقيت  عيني  منفووووخين  ب البكا  ... خديت دوش  و خرجت  ...  خديت  فوطة  صغيورة  و درت  فيها الما بارد و بديت  نكمد عيني..  بداو  يتفشو  شوية  درت  مايك  آب  خفيف  .. نشفت شعري  و خرجت  من الغرفة  ...  معرفتش  شحال  ف الساعة  رجعت  نشوف  كانت العشرة د الصباح شميت  ريحة  د الفطور  ... هبطت لقيت  سفيان  موجد الفطور  ....
أنا : صباح الخير 
سفيان :صباح النور... 
شفت ف وجهو  ولا كولو  زرق  ....
جلست  ف الطبلة  ... كان فيا  الجوع...  كليت  داكشي  لي كاين  ف صمت و هو بقا  كيشوف  فيا...  حتى كسرت  أنا هاد الصمت.. 
أنا : اش  نديرو  دابا  .. مخصش العائلة  تشوفك  هاكا
سفيان (كيحرك القهوة ب المعلقة) : امم  .. عرفت 
انا: so...  ؟
سفيان : اتعيطي لهم اتقولي لهم را حنا شادين الطريق مسافرين
أنا : و اهاه و فين انمشيو  .. خصك  ترد  الدار  ل صاحبك
سفيان :غادي  نسافرو بصح انمشيو  ل مراكش
أنا : اها  !!
سفيان (شاف  فيا) : و شنو بغيتي  نمشي  قدام دارنا و داركم يشوفوني  ف هاد الحالة  ؟؟؟؟ هادا  تزوج  و لا مشا يتحارب  كلشي  بسباب داك...... صحيييبك 
أنا (خرجت  فيه  عيني) : يااااااك ولينا  دابا  ف المعيور  واخا ا سيدي  .....
وقفت غادا  فحالي  و هو  يشدني بزز من يدي  و جلسني
سفيان (ضاغط على سنانو) : منننني نكون كانهضر  معاك  جللللسي
انا (نترت بيدي) :  النااااس  كاتهضر  بفمها اااااخر  مرة  تمد يديك  عليا 
سفيان: رغدة....  كااااتستافزيني  ... انا ماشي  هاكا  عارفاني  كامبغيك  و كانموت عليك  ... ولكن لبارح  تعصبت واش انا لي راجلك ولا هو واش انا مونيكة  قدامك  تبقاي معنقاه  قدامي
أنا : ياك شتيني جريت عليه  قدامك  قلت ليه  يخرج من حياتي قداااامك  اشنو  باغي  كثر  .. سفيان  .. شوف  انا  لي فيا  يكفيني  ... انا متفهماك  حاليا  .. و متقبلة  ردة  فعاك حيت  اي واحد كان ف مكانك  كان  ايدير نفس  ردة  الفعل او كثر   ولكن حتى نتا ماتضغطش  عليا...  عاااافاك..  كلشي  ايتقاد  مع الوقت  ...
نضت  مخليتش ليه  الفرصة  فاين  يجاوب...  و طلعت للبيت  .. اتصلات بيا  ماما قلت لها را حنا شادين  الطريق  ل مراكش  ... لبست  حوايجي  و خبيت  داكشي  لي لبستو  ... حتى قال لي سفيان  انمشيو  و هبطت  ..
شدينا الطريق...  معقلتش  شحال درنا  بالضبط  حيت  كنت نعست  ... مني وصلنا لمراكش...  نزلنا  ف واحد الفندق  راقي  .. دخلت انا وياه  وقفنا  ف الإستقبال  .... بقا  يهضر  معاهم يلاه كيهضر  و انا نلقفو
سفيان : عافاك  بغينا  غر... 
انا (ماخليتوش  يكملها) : زوج غرف عافاك  ...
سفيان (ضار  كيشوف  فيا و دار  الضحكة  الصفرا عض شفايفو ب العصب  و غمض  عينيه  و دار  ثاني  عندهم) :ههه...  آه  زوج د الغرف
سجلو  داكشي  وعطاونا  لي كارت   د لي سوييت   كانو  بعيدين  على بعضياتهم سبقتو  انا خيليتو  كايغلي  ... و مشيت  لسويت  ديالي  حتا جابو  ليا  الفاليز  ديالي..
دخلت باش نرتاح تانا شوية من النعاس  المهم خصني نرتاح ايني وايز .. داز شوية دق عليا سفيان قالي نمشيو ناكلو حيت ماكلينا والو .. داكشي لي كان هبطنا ..
سفيان : احم .. رغدة خصنا نهضرو
انا : اهم .. شنو كاين ..
سفيان : المهم رغدة .. والله ماباغي نخسرك .. داكشي لي طرا لبارح كانتمنى مايأثرش  على علاقتنا حيت حسيت بيك وليتي كاتعاملي معايا فشكل .. اوكاي .. بصاح زواجنا ف الوراق ولكن خلينا نكونو انا وياك صحاب نهضرو .. نضحكو بيناتنا .. تعاودي ليا و نعاود ليك
انا (ابتسمت ليه) : ماتخافش .. راه هضرت معاك ليوم انا متقبلة ردة فعلك و كون هاني كولشي ايولي بيناتنا مزيان .. غير عطيني وقت ماتحكرش عليا اعصابي عيانة نقدر ف اي لحظة نقول شي هدرة ماشي تال تماك .. يعني تا نتا كانتمنى ماتديش عليا
سفيان (قبط  يدي) :  تت مانتقلقش منك .. اصلا مانقدرش
انا (ضحكت) : اذن كلشي مقاد بيناتنا .. مزيا ا ا ان
سفيان (حتى هو بادلني الابتسامة) : اهم .. مزيآن
انا : غادي نطلع دابا .. عييت خصني  نرتاح شوية
سفيان : هههههه وا نتي الطريق كاملة و نتي ناعسة و تقولي دابا عيتي هههه
انا : هوف هههههه تت ماكاتعرفنيش مزيان راني واحد النعاسة .. مانقولكش (كاناكل .. و نهضر)
سفيان .. سهى فيا للحظة و هو داير  يديه على وجهو و لحيتو هووولي فاك .. ماهذا الهراء ماهذ ال*راء جاني سو فاكينغ بلييييد
انا (كانشير ليه بيدي) : هيييلو .. ا سبحان الله
سفيان : هم .. لا لا هاني معاك غير سهيت
انا (مزال كاناكل ) : اييه .. باينا
سفيان ؛ شنو ؟
انا : تت والو .. ماديرش ف بالك  weeelll ... يالاه نخليك دابا هاڤ ا ڭود  داي ..
نضت وخليتو مازال جالس ف الطبلة .. اويلي حي واش هادا دار ليا السماوي .. تت كيفاش قبلت نتزوج علاش مافكرتش ف آدم..يا ربي رجعني غير نهار واحد قبل .. كيفاش انستحملو باقي حياتي .. رغدة رجوع الله رجوووع الله نعلي الشيطان .. ماتكونيش ناكرة الجميل شكون عتقك .. اييه اييه عندك الحق هو .. شكون تبرع لك بالدم.. هو مسكين هو .. ايوا هاكاك زييري معانا اش دار ادم على ودك ؟ بغا ينتاقم  .. يدخلك الحبس كان غادي يدير جلطة ل جدك كان غادي يموت .. رزاه ف شركته  رزانا ف الفيرمة .. آاه عارفة هادشي ولكن كانبغيييه اش ندير هو لي ختارو قلبي .. عارفاه مايسوى مايصلاح  و حمق و مريض بسيكوباط .. اناني كايبغي غير راسو و قتال من الفوق هادشي كامل .. و مزال العاطي يعطي ما خفي كان اعظم .. شنديييييير .. راه مني كايوقف قدامي كانسى كلشي .. كانسى حتى راسي .. آآآه  هاد الضمير ديالي ولد الحرام خطيير .. اويلي شاد معايا الحديث.. هففف.. يلا بقيت متبعة الهضرة د عقلي و قلبي ماعارفة لمن ندير الخاطر .. وصلت لسويت .. بدا يطيح الظلام .. و بدات تديني عيني .. تا كانسمع الباب تحل .. اويلي ياكما سفيان سكر ولا شي موصيبة و جاي يغتاصبني
-