قلب ينبض في قعر الظلام | مكتملة.

20

انا :  😳😳😳 
سفيان (كيشوف فيا  بنظرات نارية) : فين  الملف
انا : شنو .. ؟؟؟ اشمن مم..لف ؟ 😳
سفيان (لاح داكشي لي فيديه و جا شدني من دراعي ) : فييييييييين الملف ا رغدة .. فييين ؟؟؟
انا: اي .. سفيان طلق مني طلق اهئ والله ماعرفتك علاش كاتهضر
سفيان : ا ا اههعععع رآآآغدة ماتجهليش والدين مي فييين الملف فين درتيه ما كاين تا حد من غيري و غيرك ف هاد البيت
انا : اهئ اهئ سفيان طلق مني وا والله ماعرفت علاش كاتهضر اهئ طلق مني ضريتتيني ف ييدي
سفيان (طلق مني بنترة) : رغدة يلا كنتي كضحكي معايا بلاش منو ضحك  كان هنا واحد الملف ف الاحمر فين هو ؟
ملف حمر ..ملف حمر .. تت مايمكنش هو الملف لي هزيت و درت بيه السبة باش نخرج ولكن فين خليتو .. معقلتش .. ناري عند آدم  اويلي ليو يدبحني سفيان ليوم
سفيان: معاك كككككانهضر فين هو ؟ سرطاتو لرض
انا : الصمت
سفيان : نتي ؟ ياك نتي !!! فين هو فيييييييييييييين (رجع شد فيا مزير عليا)
انا : ا..م..معرفتش
سفيان : آآش ماعرفتيش ا ا ا ا ش ؟؟؟
انا : دابا... (الصمت)
سفيان : عطيتيه ل آدم ؟
انا : اااا  😳 شنوووو؟؟؟  شكاتخربق ؟؟؟؟  فين كانخرج انا باش نشوف شي آدم
سفيان : فين هو اذن ؟؟؟
انا : ..دابا نهار كنتي غا...تغتصبني ياك ... باش نهرب ..
سفيان : اهآآآآآآآه  كملي باش تهربي ؟؟؟
انا : باش نهرب بديت نقلب على اي حاجة ندير بيها السبة باش نخرج بان ليا ملف هزيتو .. قلت ل مريم راك نسيتيه و قلتي ليا نهبطو ليك ...
سفيان : طلقييييينا فآاينو ؟؟
انا : الصمت
سفيان : رغدة عرفتي و تكوني عطيتيه ل آدم ..
انا (كانفكر باش نجاوبي ... تنترت منو و هربت ل جيها اخرى ) : ن..نقولك ولكن .. ماضربنيش
سفيان: هضري دغيا مرضتيني
انا : حلف ماضربني
سفيان : هووووووفففففففففف صافي والله مانضربك
انا : امم .. لاوحتو
سفيان : ش..شنووووووووووووو ؟؟؟؟ فيييين لاوحتيه فيييين
انا : ف..  الزبل .. ديك الحاوية لي كاينة ف راس الزنقة ..
سفيان (شد على راسو و جلس) : تت .. رغدة اش درتي .. شدرتيييي ؟؟؟؟
انا : و..والله ماحسابلي انا مهم ... علاش اش فيه ؟؟
سفيان : ايلا طاح فيدين شي حد غانمشي فيها
انا : و هادي مدة طويلا غالبا دابا مشا مع الزبل و تحرق و ولا غبار ( و يعرفني خليتو عند آدم يقتلني)
سفيان : .. عندك الزهر مني لاوحتيه ف الزبل .. اما كون .. تت اففففف
أنا : امم..  شنو ف الملف  ا سفيان  ؟؟
سفيان (ساهي)  :  الصمت 
انا : سفيان  ...
سفيان (تلفت ليا) : و نتي مااااالك  دخلي ل سوق  مخك دايراها قد راسك  و زايداها  ب الهضرة
مزيااااان  غزا  فيك الله...  غير  ذنوبي  هادوك   ولكن بما انه قلق  لهاد  الدرجة  يعني  فيه  شي  حاجة   خطييييرة  ... زعما يكون  مزال داك الملف عند آدم  ولا لاوحو  معرفتش ....
_______
من البعيد واقف و كانشوف ف دار سفيان .. بان ليا سفيان خارج من الدار ولكن .. كيف دايما رغدة عمرها خرجات من الدار لما يقارب شهر كل نهار كانوقف باش نشوفها يلا خرجات و نهضر معاها .. حتى من حد مها و باها ماكاتمشيش عندهم هوما لي كيمشيو عندها ..حاولت نتاصل بيها مرارا وتكرارا...  ولكن ماكاتجاوبش طفات  حتى الفون لي عطيتها...  عارف .. لا بل متأكد من سبب لي خلا رغدة دير هاكا سفيان هددها بيا .. ولكن لي مابغاش يتفهم ليا هو علاش رغدة استجبات ل تهديده على الاقل تخبرني .. واش ماكاتيقش فيا ؟ كنت انلقا حل انلقاه .. ف جميع الاحوال و لكن الشي لي مصعب عليا الامور حاليا هو عدم تواصلي معاها خصني ضرووي نهضر معاها و نخبرها انه نهار ديتها ل دارهم  نسات عندي ملف .. ملف مهم بزاف بزاف و غادي ينفعنا ضد سفيان فيه شي حوايج عليه ايدخلوه للحبس .. مانقدرش ندير خطوة كيما هادي و نسلمو للشرطة حيت متأكد ان سفيان عندو عليا شي حاجة ..خصني نحيد ديك الحاجة و ديك الساعة غادي نسلم الملف ديالو للشرطة ... ماشي غير هو لي كيعرف يغذر لقيت صاحبو  مستاعد يدير اي حاجة على ود الفلوس و هو نيت لي عاوني نهار تهجم سفيان على رغدة اتصلت بيه قلت ليه قولو يجي ضروري الشاف بغاه داكشي لي خلاه يخرج ... ولكن حاليا خصني ضروووري نحكي مع رغدة .. مقلق منها و بزاف حيت دغيا تخلات علينا ب مجرد ما هددها استسلمت ماحاولاتش تقاوم ..
ولكن انا عاطي لها عهد و عاطيه ل نفسي عمري انخليها بين يديه واخا على حساب روحي ... لذلك يلا ماخرجاتش هي من الدار انا لي اندخل عندها ..
بان  ليا واحد الولد يكون ف عمره ديك 10 سنين او 11 .. غادي كيلعب و انا نعيط ليه
الولد : نعام ا عمي
انا (جبدت 100 درهم من جيبي) : بغيتي هادي ؟
الولد : اه اه اه
انا : بشرط دير واحد الحاجة ... و ماتقول تا حاجة هادشي ايبقا هنا بيني و بينك اوكاي ؟
الولد : اه اه ا عمي ماتخافش
انا (شير ب صبعي ل جيهت الدار ) : شتي ديك الدار
الولد : اه مالها ؟
انا : غادي تمشي .. كاينة تماك المڭانة د الما .. عرفتيها ؟
الولد : اه عرفتها ..
بديت نشرح ليه اش يدير و عطيتو الفلوس .. طلبت منو يخصرها  شرحت ليه بالتفصيل اش يدير   بقيت مراقبه من البعيد ..حتى سالا .. بقيت واقف ل مدة 30 دقيقة  حتى كانرمق شخص لابس  وزرة زرقاء.. متجه نحو دار سفيان اكيد البلامبر ..
معرفش  كيفاش  خرجت  ليه  فوجه  و داير ابتسامة  نصر...
أنا :تقدر  تعاوني  ؟
___
خرج سفيان و خلاني ف حيرة من امري  .. بقيت جالسة مدة .. كانفكر اش ندير اش .. واش نقولها ل آدم .. ولكن تت ايلا قلتها ليه  كاين احتمال اني نعرضو للخطر تت .. مانقدرش .. اووووف يا ربي عاوني اش ندير اش .. قررت ناخد دوش باش نرتاح شوية .. جمعت حوايجي و دخلت .. يلاه قربت نسالي  كاندير بان دوش للحمي .. تقطع الما .. عييت مانحل و نسد ف روبيني و وااالو  خرجت من تحتو و مسحت بفوطة حتى نشف لحمي بقيت كاندهن لحمي ب زيت جونسون  مولفة ديما من مور كل دوش نديرها .. قاديت مسائلي على خاطري  و لبست حوايجي  .. بيجامة دافية حيت  حاليا حنا ف اوائل فصل الشتاء بدا البرد ..  نشفت شعري ب فوطة شوية .. خليتو مطلوق تا نخرج ..  مع الخرجة لي غانخرج .. تزدحات صنطيحتي مع شي حيط لا لا هادا ماشي حيط اووييييييييييلي منين خرج
انا : ه ءءءءء آآدم ش.. شكادير هنا
آدم (سد ليا فمي ب يديه ) : ششش .. بشوية راه بزز باش طلعت بوحدي لهنا
انا : امم .. اوكاي .. و اش هاد لباس لابسو ؟
آدم : شتي الحالة لي وليت فيها بسبابك وليت ندير راسي بلامبر  باش نجي نشوفك
كان لابس طابليا زرقا و داير  واحد طاڭية
انا ؛ وشنو جاي دير ا آدم واش باغي تحمقني ولا شنو انا وياك صافي وصلنا ل واحد الطريق مسدودة راه يلا جا دابا سفيان .. تيقني غاتكون ف الحبس
آدم : مغاديش نهضر معاك على هادشي حيت راني محلف عليك .. و ماعنديش بزاف د الوقت  خلعك داك **** بزوج كلمات واش كانبان لك انا ماشي راجل باش تخافي عليا شغلك ا لالة ندخل لحبس و لالا حريرتي هاديك غي خبريني و ماتخلينيش كانطير وننزل بحال الحمق
انا (عيني عمرو دموع) : ياك ا آدم هذا جزائي حيت خفت عليك ياك ؟ هذا هو ؟  حيت مابغيتكش تعذب ب سبابي
آدم : انا باغي نتعدب ب سبابك اشنو مشكلتك  ؟ راه يلا درنا يد فيد غادي نهنيك منو خليتي عندي داك الملف و فيه شي وثائق كيخصو سفيان يغرقوه
انا : امم عرفت يالاه ليوم ساق لخبار ليه و شك ففيا
آدم : سو ..اش قلتي ليه ؟
انا : قلت ليه راه لاوحتو ف زبل ماحسابليش
آدم : مزيآآآآآن .. هاكا نبغيك . .دابا خصك بعدا تردي الفون لي عطيتك حيت انرجعو نهضرو
انا : ولكن ا آدم .. راه هددني قاليا يلا عرفنا مزال كاتشاوفو و لا كانهضرو غادي يدخلك للحبس
آدم : مزيان داكشي لي بغيت تا انا
انا : لالالالالآ ا آدم لا .... مانقدرش والله تا نحماق و طرا ليك شي حاجة
آدم (شد وجهي بين يديه) : رغدة كاتيقي فيا ياك
انا : اه .. ولكن ..
آدم : ماكاين ما ولكن  انا عارف اش كاندير .. دابا خصني ننزل باش مايشكو ف والو
انا : اجي كي درتي تا دخلتي
آدم : عطيت لفلوس لواحد الولد باش يخسر المڭانة د الما و عرفتهم ايعيطو ل بلامبر .. مني عيطو ليه و كان جاي  عطيتو تا هو الفلوس و دخلت معاه  على اساس  مساعد ديالو سيفطني باش  نصاوب الحمامات الفوق زعما واخا ماكاين مايتصاوب
انا: هممم .. و دوك الحمارات د خوتو ماشافوش فيك .. زعما ... ماعجبتيهمش
آدم : ههه ماعرفت ولكن ديك الصغيرة فيهم لسقاتني بغات تطلع معايا تا حمر فيها باها
انا : حمارررررررة دابا نوريها تشوف فيك
آدم : وا لي فيك مامهنيك .. المهم الفون مابيناتنا ..
حل الباب و خرج ...
معرفتش لاش كيخطط آدم بالضبط ولكن فعلا خايفة عليه مابغيتوش يتآذى من غلطة ارتكبتها انا ..باش كان قدامي مانكدبش عليكم تمنيت نعنقو و نبقا مخشيا فيه و كون زعمت اكيد آدم مغاديش يمانع .. ولكن تت مايمكنش مغاديش نعاود داكشي د شحال هادي ... مابغيتش ندي  الذنوب  ... بلااااتي خصني  ننزل نشوف  لا شي  كلبة  فيهم  تشوف فيهم  ... غغغ نغززها بسناني 😬 نزلت كانجري  بان  ليا  آدم  كان  عاطي  ب الظهر  .... ف جيهت  الكوزينة  و البلامبر  كيصاوب  شي  حاجة  .... مريم  غادي  تاكلو  بعينيها  اويلي  لحسك  جمعي  عينيك  دابا  نطيرهم  لك  ماااااتشوفيش فيه  هاداك  ديالي  أنا بوحدي 😒😒😒  صفة  جديدة  اكتشفتها فيها  عمرني  حسابلي  راسي أنانية و مغيارة   .. عاد  حسيت  ل آدم  مني كانكون انا مع سفيان  و كيغير  و يتعصب  ...
أنا  احم احم  ...
كلشي  تلفت  ليا  كايشوف  مزيان  باش  نشتت  انتباههم  ... آدم  شاف  فيا  و شداتو  الضحكة  و لكن حاول  يجمعها  مشيت  أنا وقفت  حدا مريم
أنا : شواقع ؟؟؟
مريم ( كاتشوف ف آدم  و عينيه  خارجين  منهم القلوب  ): هممم....  تقطع الما
أنا : اهااااا  !!! 
مريم : اممم 😍😍
حمارة  هادي  😠😠😠😠 عصباتني  آدم  تلفت ل جيهتنا و ضحك ناري ناري ناري  هادي  غادي  يحساب  لها  راه  عجباتو   خنزرت  ف آدم  ...
أنا : عجبك  ؟؟
مريم : هااا!!!  😳😳
أنا : راني  بنت ف حالي  ف حالك غير  دوي 
مريم : ف الصراحة  ااااه  بزاف   شوفي  شوفي  تيتيييييز  يا ختي تيتيز  ماتقوليش  مغربي  هاد الزين  كامل  بلومبيي  .... ااايييي  شوفي  كي كيشوف  فيا  وااااقيلة  عجبتو
أنا : شنووو عجبتيييه  كح كح كح
مريم : مااالك  سم الله عليك   يا كما حسدتيني 
أنا (شفت  آدم  طااالق ودنو  كيتصنت  علينا  بغا يعصبني  ها انا  انعصبو  نيت) :  هههه شنو نحسدك  لا لا ا حبيبتي  عندي  سفيان(صفر الكمارة على قولتكم هههه)  و نحسدك  على هاد فار  الطحين 
آدم (شاف  فيا و خنزر ) : احم....  المعلم انا خارج  ( شاف  ف مريم  و غمزها) 
مريم : اححح غمزني  انا غا نتبعو  يمكن  بغا نمرتي 
لعععععمى  لييييكم بزوووووج  ختفو  جنس  قصييييف  شتهم داروها  بصح  .... يلاه نوات  تبعو  و لنا ننقز
أنا : احم عمي  ويلي حشومة وصل السيد  حشومة 
عبد الكريم : اااه  والله ايلا نسيت ... تسنى ا ولدي  ...
مريم (شافت  فيا  ب تخنزيرات  ):  درتيها  بلعااااااني 
أنا :  سكتي  سكتي قبل  مانقولها  ل سفيان  (ميقتها  و زدت  فحالي) 
والله ايلا قالت  لك عجبتو  هههه طلعت فحالي  للبيت  و جبدت  التيل  لاخور  شعلتو  .... مع الشعلة  وصلوني  فيه  بزاف  د ليزابيل و لي ميساج  من عند  آدم  ... هضرت  معاه  .... و هو يجاوب  ديك  الساع  ف الواتس 
آدم : دابا  نوري  لملتك  عندي  سفيان  و فار  الطحين  كيدايرة  تا طيحي بين  يدي
أنا : ايوا  نتا لي  عاااجبك  الحال  كاضحك ليها  تستاهل  عبرت  عليك 
آدم : سمعي  دابا  خلينا  من هادشي  ..
أنا : هممم...  شنو ؟؟
آدم : غادي  ديري  هادشي  لي غانقولك  بالحرف 
أنا : قول  ...
آدم : ........
أنا : تت مايمكنش  .. . 
آدم : مابغيت  حتى اعتراض  ا رغدة  يلا بغيتي  تطلقي  منو غادي  ديري  هادشي
أنا : ولكن ا آدم  ...
آدم : ماكاين  ما ولكن....   ماشي  شغلك  ديري  اش كانقولك  و رجعي  اللور  ..
————-
آدم : خص سفيان  يعرفك رجعتي  ليا
أنا : تت مايمكنش  .. . 
آدم : مابغيت  حتى اعتراض  ا رغدة  يلا بغيتي  تطلقي  منو غادي  ديري  هادشي
أنا : ولكن ا آدم  ...
آدم : ماكاين  ما ولكن....   ماشي  شغلك  ديري  اش كانقولك  و رجعي  اللور  ..
أنا  : 😞😞😞
آدم : غادي  تخليه  حتى يكون  داخل  ولا شي  حاجة  ديري  راسك   عاد  اتقطعي  بيني  ليه  انك  كاتهضري  معايا
أنا :آدم  ... رآه...  رآه  عندو  عليك شي  حوايج  ايدخلوك  للحبس
آدم : تا انا  عندي  عليه  شي حوايج  ايدخلوه للحبس   ...  أنا  عاااارف  شغلي  و ضارب  حساب  لكلشي  .... غادي  نكونو  سابقينو  بخطوة ...
أنا : كيفاش  سابقينو ب خطوة ؟
آدم : دابا  تعرفي  المهم...   نتي ديري  اش  قلت  ليك 
أنا  آدم  ايلا وقعات  لك شي  حاجة  معمري انسامح  راسي 
آدم : ضابط اموري  يكفي ديري  اش  قلت ليك...  اوكاي  ؟
أنا :اهم اوكاي  ... وقتاش  ندير هادشي 
آدم  : غير نقاد  واحد  الحاجة ليوم  ... غير  نعطيك  الضو الخضر  و ديري اش قلت لك
أنا : واخا  لي بغيتي.... 
طفيت  الفور  جي  و مسحت  محادثنا  ...و حطيت  التيل  يتشارجة  يلاه  تكيت  و هي تم داخلا عليا مريم 
انا : هيييه هيه  مالنا  !!! داخلا ل كوري ؟؟؟
مريم : درتيها  بلعاني  ييياااالك 
أنا : ههههه واش  من نيتك  سيري ا حبيبتي  سيري سيدة  دغيا  طاحت  على زنافرها
مريم  : انا غاندمممك
أنا : يااالاه ورينا  حنة يديك  راكي عارفاني  مكانخاف لا منك لا من غيرك  و دابا  نوضي  تگعدي  عليا  منهنا  راسي  كايضرني و نتي جيتي تكملي  عليا 
خلييييتها  غااااتاكل  جناااااابها  خرجات  و زدحات الباب
انا (كانسمع ليها الهضرة)  : الهررس ف دوك  اليدين  ان شاء الله
ايوا صافي هادي لي باقا ليا ف الحساب .. بقيت النهار كامل ماكاندير والو ك العادة حتى وصلني ميساج من عند آدم باش ندير داكشي لي قال ليا .. كانت ديك الساع شي 9 د ليل الوقت لي غايجي فيه سفيان .. خرجت  من البيت طليت سمعتو كيهضر لتحت دونك جا ... خبيت التيل لي كانهضر فيه مع آدم .. و درت ودني على الباب كانسمع خطواته  الله يدوز هادشي على خير والله ماعارفا لاياش باغي يوصل هاد آدم هفف ...  بعدت على الباب و عطيت لسفيان بالظهر و هزيت التيل دايراه ف ودني كانهضر زعما  مع الحلة لي حل هضرت
انا : صافي ا آدم بسلامة خصني نقطع يقدر دابا يجي ... (ضرت عندو) ...
درت راسي قطعت و شفت فيه ب صدمة
انا : سف..سفيان
سفيان ( كان كيشوف فيا و صدرو كيطلع و يهبط بجهد ) : نتي لي قلبتي عليها ا رغدة ..
انا : سف..سفيان
سفيان ( كان كيشوف فيا و صدرو كيطلع و يهبط بجهد ) : نتي لي قلبتي عليها ا رغدة ..
انا : سفيان .. تت سفيان لا لا عافاك ماشي داكشي لي ف بالك
سفيان (نتر ليا تيل من يدي) : اااااري هادا
انا : سفيآآآآن عافآآك
سفيان (شدو و بدا كيشخش فيه) :  دابا شوفي فين تهضري معاه
انا : سفففففففففيان حرام عليك اهئ اهئ والله مانعاود
سفيان : س ا ل ي ن ا حذرتك ا رغدة دابا تحملي العواقب د هادشي ماشي شغلي  .. (هز التيل ديالو عيط ل شي حد) ....
انا : لمن كاتعيط ... ؟؟؟
سفيان : ههههه ها نتي اتشوفي هههه  ... الو عمي غالي . . مسالي هاد ليل ؟ ... لا لا ماطرا والو بغيت غير نجيب لك شي حاجة .. اه للدار... واخا 
انا : تت سفيان كاضحك عليا لا لا لا  سفيآآآن ..
سفيان : ههههههه  باباك بيدو غادي يدخلو للحبس
انا : اهئ اهئ سفيان شدرت لك انا شدرت باش تعدبني هاكا  شدرت ... اهئ
غالبا آدم ماكانش ضارب احتمال لهادي طحت على ركابي ديالي كانبكي
انا : اهئ اهئ شدرت شددددددددددرت
سفيان (جرني من شعري) : سمعي مزيان انا ماشي من داك النوع لي ايلا بغا وحدة  يتمنى لها السعادة انا بغيتك نتي و يهون عليا نقتلك و لا نشوفك معاه فهمتتتتتتتتتي  حمدي الله لي مآديتكش نتي  يا انا  يا بلاش سمعععتي يلا مكنتيش ليا  والله لا كنتي ليه
انا : اهئ اهئ الله ياخد فيك الحق ا سفيان الله ياخد فيك الحق
زدحني مع الارض  وحل الباب  كيعيط
سفيان : مريييييييييم احلام كوثر ... اجييييييو ...
مريم : نعام نعام ها انا ... شنو ؟؟؟
سفيان : سمعو  ماتخليوهاش تعتب  على باب البيت ها السوارت قطعو الفيكس  و ايلا قالت لكم بغات تهضر مع شي حد ماتعطيوهاش التيليفون صافي ؟؟؟؟ مفهوم  ؟
احلام : كون هاني ا خويا .. ماتخافش ..
سدو عليا الباب مشيت كانفرع فيه و نغوت
انا : حلوووووووووووو حلو عليا حلو اهئ اهئ اهئ
مريم : هههههه تماك بقيتي... 
انا : الله ياخد فيكم الحق ... اهئ اهئ الله ياخد فيكم الحق
احلام (من مور الباب ) : تي والله لا عتبتيها والا عتبتيها  هههههههه
سمعتهم مشاو .... مشيت كانجري و هزيت التيل لاخور دخلت للحمام و عيطت ل آدم ..  بقيت نتسناه  حتى يجاوب
انا: اهئ اهئ آدم اهئ
آدم : رغدة ماااالك ؟؟؟؟
أنا : اهئ اهئ صاااافي كلشي  سالا  كلشي
آدم : رغدة مااافهمت منك تا حاجة  شنو لي سالا هضري  ماتجهلينيش
انا : مشينا فيها مشيييييييييييينا
انا : شكاتخربقي ا رغدة هضري مزيان
رغدة : سفيان ..سفيان ايعطي داكشي ل بابا  ايعطيه ل بابآآآآآآآآ اهئ اهئ اهئ
انا : نو..واي رغدة ... are u sure واش متأكدة
رغدة : اهئ اه  ا آدم اه .. يلا طاح ف يدين بابا والله مايرحمك بابا و انا عارفاه
انا : هفف .. عارف ..اصلا باباك ماكايحملنيش و ماغاديش يتردد يدخلني للحبس 
رغدة : الصمت
انا : آلو رغدة .. معايا ؟؟؟
رغدة : ماما
انا : ماماك ؟ مال ماماك ؟
رغدة : آدم ماما .. ماما هي لي غاتقدر تعاونا ..
انا : شنو ... راه ماماك يلا عرفاتني انا ولد العدو ديالهم مغاتبغيش تعاونا
رغدة : لا لا ماما عارفة كلشي .. عاودت لها كلشي و مستعدة تعاوني باش نطلق من سفيان ..
انا : عطيني نمرتها انا نتصل بيها .. سيفطيها ليا ف ميساج دابا  ماتعطليش
رغدة : همم  .. اوكاي ..
قطعات و تسنيتها ترسل ليا النمرة .. ماكنتش متوقع من سفيان خطوة كيما هادي .. ظنيت اني ضابط اموري .. بحيث اني تافقت مع الشاف  ديال سفيان حيت قلت انه غادي يعطيهم ليه نيشان .. لا بل كنت متأكد 100% من هادشي ..  بقا لينا دابا حل واحد هو رغد مامات رغدة .. كانتمنى تعاوني و الا غادي نغرق و نغرقه معايا ... وصلاتني الرسالة من عند .. رغدة فيها الرقم د مها ... اتصلت بيها بقيت كانتسناها تجاوب ..و والو ماجاوباتش .. كررت الاتصال و بدات تقطع كانظن بلي كيحساب لها شي حد كيتفلا .. اولا ماكاتجاوبش على لي كان .. داكشي علاش اضطريت نرسل لها ميساج
انا : انا آدم .. ولد حاتم محتاج ل مساعدتك ...
عاودات الاتصال بيا ديك الساع ..
رغد : ا..آلو  !!
انا : خصك تعاونينا ضروري ..
رغد ؛ شنو واقع واش بنتي طرات لها شي حاجة .. ؟
انا : نو نو نو.. رغدة بخير
رغد : و شنو واقع راك خلعتيني فاش انعاونكم ..
انا : كانظن رغدة حكات ليك كلشي .. انا كانبغي بنتك بزاف و مستعد ندير اي حاجة باش تطلق من سفيان
رغد : اه اه .... ف راسي كلشي و آخر حاجة عرفتها هي .. انه هددها بيك
انا : اه .. و هذا هو المشكل .. سفيان دابا راه جاي عندكم و جايب شي حاجة  كاتخصني ل غالي .. و نتي عارفة راجلك ماكيحملنيش .. ماغاديش يتردد باش يدخلني الحبس ..
رغد : اهم ... و شنو المطلوب مني فاش  نقدر نعاونك يلا كان بامكاني ندير شي حاجة نديرها
انا : ياك مازال ماجا سفيان ... ؟
رغد : لا لا  مزال
انا : مزيا ا ا ا ن داكشي لي بغينا انا قريب لكم شوية ..  5 دقايق و نكون قدام عمارتكم غادي تنزلي و انقولك اش ديري و  انعطيك واحد الحاجة ..
رغد : صافي انا كانتسناك ... بلاتي بعدا . .  انا ماكانعرفكش ف وجهك
انا : غير مني اتنزلي اتلقاي واحد جاڭوار ف البلاك اتلقايني فيها اوكاي .. ؟
رغد : اهم اوكاي ..

هزيت الملف لي كيخص سفيان و هزيت السيارة ... و مشيييييييت طاااااييييير لعندها ... ماكاملاش حتى 5 دقايق و كنت قدام عمارتهم .. رسلت ليها ميساج هبطات كاتجري .. و ركبات حداية
انا : مزال ماجا ؟
رغد : تت لا مزال
كحزت لوطو شوية اللور ف واحد الجيهة بلاصيتها تماك باش لاكان سفيان جاي نشوفوه حنا مايشوفناش هو ..
انا (هزيت الملف ) : هذا فيه  شي معلومات كيخصو سفيان يقدرو يدخلوه للحبس .. المهم لي بغيتك ديريه هو  تشوفي كيديري و تخلي غالي مايحلش داكشي لي جاب ليه سفيان  ف ديك الساع سواء كان ملف ولا كان ولا فلاش درايفر USB   .. شوفي كيديري عافاك كي تبدلي الملف ديالو ب ديالي ..

رغد (كتفكر ) ؛  همم ... وايلا كان فلاش درايفر ؟ ..
انا : الصراحة كانستبعد هاد الاحتمال ..  حيت بما انه سفيان كان محتافظ ل راسو ب هاد الملف .. و ملف كيخصو .. يعني غادي يكون نفس الشي دايرو بالنسبة ليا و خاصة ف هاد القضية انا متأكد انه محتافظ بملف حيت عارف نوعية الوثائق لي فيه .. خص ضروري تكون اصلية .. و الا مغاديش تاخدها الشرطة بمحمل الجد و يقدرو يشكو فيها مزورة ولكن .. ف حالة كان عندو فلاش درايفر  كنظن نتي ادرى ب هاد المجال تقدري  تسكاني هاد الوراق لي ف هاد الملف  .. و  تمسحي داكشي ديالي و ترومبلاسيه بيهم
رغد  : اممم فهمت ..
انا  : عافاك ديري جهدك .. مابقيتش قادر نبقا مبعد على رغدة  ... بغيت نخلصها من هاد الجحيم  لي عايشة فيه
رغد ( نزلات يدها على يدي ) : حيت عارفة شنو كيعني الحب الحقيقي غادي نعاونك .. بغض النظر على انك ولد العدو ديالنا . . ولكن باينة فيك قلبك بيض ماشي بحالو..   و كاتبغي بنتي كثر ملي كاتبغي راسك .. و مكاينش لي غادي يسعدها من غيرك .. مابقيتش انا براسي متحملة نشوف ف عينين بنتي و نشوف داك الحزن و داك الالم .. قلبي كيحرقني عليها و انا مابيدي ماندير .. ولكن مني دابا  قادرة نعاونها .. ثيق فيا داك الملف .. مغاديش يشوفو غالي ..
انا ( ابتسمت ليها) : شكرا ليك بز ا ا ف .. عمري نسا خيرك ..
رغد (بادلاتني الابتسامة ) : كون هاني قريب تجمعو نتا و رغدة ...
حلات الباب و خرجات كانتمى من كل قلبي مايشوفش غالي داك الملف حيت فعلا غادي نمشي فيها ..  ماكايهمنيش راسي كثر  ماهاماني  رغدة .. واخا ڭاعمى نتزوجو المهم هو تطلق و ماتبقاش معاه واخا تكون آخر حاجة انديها ف حياتي هي هادي نديرها ديك الساع نموت  ولا نتشد ف الحبس ماكيهمنيش والله ماكيهمني .. يلا خلصتها من الحبس لي عايشة فيه هاديك هي الدنيا و مافيها .. كانتمى دابا غير هادشي ينجح حيت مني غادي يشوف غالي داكشي على سفيان  مغاديش يخليهم مزوجين حتى دقيقة من بعد ..