قلب ينبض في قعر الظلام | مكتملة.

14

أنا :  ااوووووه. . ميس  لييا 
لييا  (بتوثر ): hey  raghda  ... how. .are u doing
سلام رغدة ... كي..دايرة  ؟
أنا :  هههههه  fine fine .. good 
بيخير بخير  .... مزياااان                                       
لييا : سو  ... رغدة  أنا  .. عارفاك  مقلقة  مني  ولكن .. كنحلف  ليك اني كنت مضطرة 
أنا :  ow !!! Really  honey ؟  اوه  ..؟ بصح  ا حبيبة  !
لييا : رغدة 
أنا  (بدلت ملامحي  من ضحكة  لتتمريرة ):  لييا  just stay away from me okay. .؟ I don't need your friendship. . لييا  بقاااااي  بعيدة  عليا  واخا ؟؟؟ انا مامحتاجاش  ل صداقتك 
لييا :  but  i do  ... I really need it. .. you are  my best friend  raghda
ولكن انا محتاجاها...   حقا  محتاجاها  ..  رغدة  نتي أعز صديقة  ليا 
انا : "best friends "
.. know  you what does it mean ؟
"أعز أصدقاء "  همم واش  عارفة  اشنو  كتعني ... ؟؟
لييا :  رغدة ... خليني  نشرح  ليك 
أنا :  اش غادي  تشرحي  بلي آدم كان مسيفطيك  ليا  باش  توصلي  ليه  كاع  خباري  هادشي  لي غادي
تشرحي  هاه  ؟؟
لييا :  لطالما اعتبرتك  اختي واخا هادشي  لي قلتي  صحيح  ولكن  مكنتش  كانوصل  ليه  الخبار  عليك  حتى كيحكر  عليا  و كانقول  ليه  شي  حوايج  لي مغاديش  يهموه  أنا  كنت محتاجة  للفلوس  ا رغدة ...
أنا  (هزيت السبابة  ديالي  و بديت  مع كل كلما  كانقيصها  بيه  ف صدرها ): you are such a selfish fuck  ... you are such  a B I T C H  .. you know that ?
  نتي  مجرد  انااااانية  ... نننتي  مجرد  ع ا ه ر ة فخبارك !!
لييا  (نزلو دموع من عينيها و مسحاتهم ):  من حقك  و لكن خليني  نكمل هضرتي  .. ا نا .. كنت مريضة  ا رغدة  مريضة  كنت محتاجة  للفلوس  كان خصني  ندير  عملية  و لا غادي  نموت  كنت مضطرة  ...  معرفتش  آدم كيفاش  طاح  عليا  حتى جا عندي  واحد النهار  قاليا   انا غادي  نتكلف  ب مصاريف  عمليتك  و علاجك  كولو   فرحت فلول .. قلت  مزال  الناس  مزيانين  ف الدنيا  حتى قاليا  بشرط. .. غادي  تجي واحد البنت العام جاي  ل جامعة  سان دييغو  و غادي  تقربي  منها و أي حاجة  دارت  تكون ف علمي  .. حتى أنه  تكلف  ب مصاريف  الجامعة  ديالي  حيت  عمري  كنت نحلم اني ندخل نقرا  ف جامعة  بحالها               
ملامحي  من تكشيرة تحولو .. لملامح شفقة  ... آدم حمار استغل ضعفها زدت حقدت عليه كثر ما انا حاقدة. ....
أنا :  .. أنا ... متأسفة  ا لييا  ولكن معمر  صداقتنا  ترجع  كيف كانت .. حيت ماكانتش  حقيقية  كون غير  حذرتيني  و قلتي  ليا  ردي  بالك  منو  .. لا بالعكس  نتي غير  ماكنتي تشجعي  علاقتنا  بزوج 
لييا :  حيت  كنت مضطرة  ا رغدة مضطرة  ماتقدرش  نقولك
أنا :  واش  عارفة  كون ماعرفتش  ف الوقت  المناسب  اش كان ايدير  ليا   آدم  ..؟
لييا :  ش..شنو ؟
أنا :  كان باغي  يدخلني للحبس  .. يمكن  كان باغي  يلفق  ليا شي تهمة   المهم كان باغي  يدخلني للحبس 
لييا  (دارت يديها على فمها ):  ow Jesus   .. إلهي.  .
أنا  (ضحكت باستهزاء  ): ههههههههههه  شتي  على شنو  كنتي مغطية  .. ولكن معليكش  ..  It was nice to know u lea   متشرفة  بمعرفتك  لييا  ...
زدت  و خليتها  مشيت  ف حالي  للفندق   ... تلاحيت  على الفراش  و بداو  شي  أفكار  يضورو  ليا  ف راسي  .... نااااري  رغدة خوي  عقلك من هادشي  ... لا لا خصني  ندير هادشي. .. تت راااااسي   اوووووف
نضت  ديك  ساع  لبست  حوايجي  ثاني  و نضت  .. بغيتو  تعرفو  فاش  كانفكر  ... مضربونيش  عافاكم   غادي  نمشي  ل دارو بغيت  ندخل   و نقلب  على  السبب  د هادشي  ربما  نلقى شي حاجة   ..  انشوف  شي   طريقة  باش  ندخل ... فحالة ايلا ماكانش فالدار  .. حتى يلا كان  بغيت  نقول  ليه  شي  هضرة  ضاراني  ف قلبي  .. 
خرجت و خديت  طاكسي  حطني  قدام  الدار   .. بقيت  كانشوف  كانسمع  شي  ضحك  ديال  الدراري  الصغار  ... جاي  من الفيلا  ديالو  .. طليت  من واحد البلاصة  كيبانو  ليا  واحد الناس اااخرين  ... شنو زعما مابقاش  ساكن  هنا   ... يلاه انا ضايرة  غادة  فحالي  و انا نسمع 
-Heeeeeeey
انا  تلفت .. كانت  واحد المرأة
المرأة : who are u ؟؟ شكون نتي ؟؟؟
أنا : أنا !!I'm  ... I'm  .. I'm  adam's  girlfriend ؟ انا ... أنا .. أنا صاحبت  آدم  ؟ 😳
معرفتش  كيفاش  خرجات  ليا  هادي  اوييييلي  حاااي  ههه حتى الطريقة  باش  قلتها بتسائل هههه
المرأة  : ااااه. .. إذن  نتي هنا باش  تاخدي  الأمانة  قاليا  غادي  نرسل  ليك  لي غادي  ياخدها 
أنا مفهمت  تا لعبة  ولكن نسايرها  و نشوفو  فين نوصلو
انا :  اوه ... اه اه .. هو لي رسلني  و قالي  ناخدها  من عندك
المرأة  : تسناي  انا غادي  نجيبها     ..
بقيت  كانتسنا. . حتى هبطات. . و هازة  معاها  صندوق
صغير    ...
المرأة : ها هي  ... بلغي ليه سلامي 
انا :  يوصل  ... ابتسمت ليها  مشيت  خديت  طاكسي  تاني  .. طريق  كاملة و انا  نشوف  ف هاد الصندوق. .  اش فيه زعما  حتى وصلت  و طلعت  للغرفة  مع سديت  الباب  .. حليتو  ... كانت فيه  ورقة  ..
صافي ... ورقة  ؟؟  حليتها  كانت  مكتوبة  بالإنجليزية ( انا  غادي  نترجم  ليكم ههههه
<< ابني العزيز.. 
عارف  راسي  انك من نهار  تزاديتي  و انا معاطيكش  حقك  ف الحنان و الاهتمام  لي خص  أي  أب يعطيه  ل لولدو  .. حاليا  غاتكون  درتي  18 سنة  .. و غادي  يكون مر  على الموت  ديالي  مايقارب  ثمان سنوات. .  عمرني  بغيت نكون هاكاك  أب  عديم  المسؤولية  من ناحيت  ولدو  ولكن .. أي  حاجة درتها  كنت كانبني  لك نتا  مستقبلك  باش  مني نموت  نتا  لي تشد  زمام  الأمور  و لكن موتي المبكر  ماغاديش  يبدل  هادشي  ...  هجر  عارف  أنها غاتكون  ف مقام  الأم  ديالك  و اتبغيك  بحال  ولدها  و اتعطيك  الحنان  لي تحرمتي  منو  هي لي شدات  امبراطوريتي  من بعد موتي  باش  ماتهدمش  و دابا  النوبة  عليك  خصك  نتا لي تكلف  بيها  و تخلي  إمبراطورية عائلتنا  تكمل .. كنت عارف  ايجي  واحد النهار  غادي  نتشد  داكشي  علاش  كاع الأملاك  و أي حاجة  كانملك  درتها  بسميتك  نتا باش  مايحيدوهاش  ليا  مني نتقبط  .. ولكن قبل من هادشي  كلو   يلا بغيتي  ماماك  و باباك يرتاحو  ف قبرهم  خصك  تاخد  لينا  حقنا  .. واحد الشخص  سميتو  غالي  العمراني  دابا  تقولك  عليه  هجر  هاد الشخص  هو لي اعتقلني  و دخلني  الحبس  و هو نفسو  لي قتل  ماماك   بغيتك  تنتاقم  لي منو و من عائلته  باش  نرتاح  ..  بغيتهم  يعرفو  أن لعنة  حاتم غادي  تبقى  تابعاهم  حتى  لآخر  نفسهم .. و عمرك  تنسى  انك ولدي  من دمي و لحمي  و بغيتك  كتر  من روحي  .. السلام .>>
لا لا لا لا لا ماااايمكنش  هادا  هو لي كانو  ديما  يهضرو  عليه  ماما و بابا  هو هادا .... بابا  مايمكنش  يقتل  ماااايمكنش ...  مع آخر  كلمة نزلات  الرسالة  هاوية  على الأرض  ... ما قادراش  نتيق  .... بديت  نسترجع   اش سمعت  شحال هادي   مني بابا  و ماما كانو  كيهضرو  قالو  بلي  حاتم انتحر  حاتم بات  آدم .. ذكروه نهار  تضربت بالموس  بابا  قتل ماماه  و اعتقلو و انتحر  ... داكشي  علاش  بغا ينتاقم  مني ...  ولكن بابا  مايقدرش  يديرها  بابا  مايقتلش  ... ولكن شنو  اصلا أساس  هاد الصراع  لي بيناتهم   دخت ... شي  حوايج  كيكون  من الأحسن  عمرنا  نعرفوهم  دابا  أنا  اشداااااني  نمشي  شدااااني  كون معرفتش  هادشي  حسن ليا  .... منين  انرجع  للمغرب  غادي  نسول  ماما حيت  نهار  طرا  المشكل  و شفت الشريط  لي فيه  ماما قالي  بابا  كون قلتها  ليه  بوحدو  .. باش مانجبدش الصداع  حتى دابا  غادا  ندير  نفس  الشي  انقولها  غير  لماما  هووووووف  ... راسي  راسي  ايتفركع عليا  لي دعى فيا  انا يمكن مات  ...  واش  آدم  عندو الحق  ف هادشي  و لا لا !
عييت  ... أوف  رغدة  ماتنسايش  اش كان باغي  يدير  فيك كان باغي  يدخلني  الحبس  ما عمرو  ما بغاني   ..ماخرجت بحتى  جواب  و مخرجت ب حتى قرار  ... من غير  حتى نرجع  للمغرب   و ماما  توضح  ليا  كلشي  ..
دوزت أسبوع هنا بقا ليا  3 يام باش  نرجع للمغرب  ... ليوم  و انا خارجة  من الجامعة   يلاه  خارجة  من الباب  ... مع الزحام كأنه  تهيئ ليا  آدم قلبي دار بووووم  بقا  يضرب بجهد ... كان  واقف  حدا سيارته بان ليا  لاباس  جاكيت  د الكوير  بحكم هنا دغيا  كيجي  البرد  ...  بقيت  كانحقق ماحدني  نقرب  حتى كانشوف  عينيه  مفيكسين فيا  .... هولي  شييييت  ... بقيت  نرجع بخطوات  اللور   و ضربتها  ب جريا  ... و خرجت من باب  آخر  بقيت  كاندخل  بين  واحد  الشوارع  و كاندور  راسي  حتا وقفت  و بقيت  نشوف  مورايا  ... اووووف  سخفت  بالجرا  مع الضورة  لي غادي  ندور تزدح جبيني  مع شي  حاجة قااااصحة
أنا : هءءءءء 
آدم :  Good afternoon
انا (تعقد لي لساني ): آ..آدم  ...
آدم :  رغدة  ..
أنا (بديت نرجع باللور ): ش..شنو  بغيتي  مني ؟
آدم :  يلاه معايا 
أنا :  علاش ؟؟؟؟
آدم :  رغدة  هادا ماشي  طلب  أمر  غادي  تزيدي  قدامي  دابا. .
انا : who the ff.. قبل  مانكمل  ديك  د الفاك  جمعها  معايا  
آدم :  ااااااخر  مرة  نسمعك  كاتخصري  الهضرة  قدامي 
أنا  بقيت  شادة  على نحكي  و كانشوف فيه
من بعد مدة استوعبت  اش  دار   يلاه هزيت  يدي  تا انا غادي نرضها  ليه  شكون يحساب  ليه رااااسو  بااااابا  و مكايضربنيش  بابا  لي بابا  ....
آدم  (حبس  يدي ف السما  و جرني  دارني  فوق  كتفو ): ماااكااتسمعييييش  الهضرة  هادا هو المشكل اااااه  منك ا رغدة  اااه 
أنا :  نزلني  ... ا الكلب  نزلني  واش  مابغيتش  تبعد  مني تفرق  مني ... مكاتفهمش
آدم :  حتى نتفاهمو  على هاد الكلب  من بعد ...
بقا  غادي  بيا  حتى وصلنا  لواحد الزنقة  دارني  ف اللوطو  و  ركب  هو
أنا :  آدم طلقني  نمشي  فحالي  .. واش مازال بيناتنا  شي  حاجة بعد مني كرهتك 
آدم (شاف فيا ): هههه واش متأكدة  انك كرهتيني  ههههه
أنا: واش نتا بعقلك ؟؟؟
آدم: تت حمق 
أنا: آدم .. شوف انا وياك مانصلاحوش لبعضياتنا
آدم :let's check  and see if we're still. . Bad for each other .. يلاه  نتأكدو  و نشوفو  واش  مازال  مانصلاحوش  ل بعضياتنا  ....
قال  هادشي  ... و طار  على شفايفي  ... اه ا البنات  ضعافيت  و غمضت  عيني  توحشتو  .. توحشتو  بززززززااااااف
- هئئئئئئئ
   ... نضت  من النعاس  مفزوعة  ... و دايرة  يدي  على قلبي  ... كيضرب ف ل 100 ... هففف الحمد لله  كان  غير  حلم .. كان غير  حلم ا رغدة ...  نضت للحمام ... كانغسل  وجهي  و نشوف  ف المرايا  ... تذكرت    .. مني  تجاوبت  معاه ... هذا يعني  اني  مزال كانبغيه. .. اااخ  منك  ا رغدة  ... و من مور  هادشي  كامل و مازال كاتحلمي  بيه  لا و تيقت  الحلمة  من نيتي  اصلا مالي  على هاد الكلخ تصرفات   آدم  ف الواقع ماشي بحال هاكاك  ... ماكيضربش  .. ماكايضحكش  بزاف من نيتي  زعما اووووووففف ... من النهار  جيت  تاني  لهنا و راسي  مربج  ... الحمد لله  منهنا يوماين  انرجع  فحالي  و غادي  نتزوج ... و غادي  نبدا  حياة  جديدة  مع سفيان.
ا
All passengers group 1 On Royal Air Morocco  Flight 186  to Casablanca International airport must go to the gate. The plane will begin boarding  in 15 minutes  .
سمعت  هاد النداء و اتجهت مباشرة  للطائرة  ... كا العادة ديما كاننعس  و كانفيق   مني كايديرو ليسكال  ...  حتى وصلنا  لقيت  غير  ماما و جاد لي كي تسناوني  .. بابا  كان مزير  بالخدمة   عنقتهم  بججججهد  مابقيتش  نقوى  على فراقهم. ..   شدينا  الطريق  من الدار البيضاء  للرباط  ... لقينا سفيان  كيتسنا  قدام العمارة  ب اللوطو  ديالو  ... ماما و جاد  دخلو  الفاليز  ديالي  و انا بقيت  واقفة  غير  شافهم  دخلو  ... طار  عليا  ب تعنيقة 
سفيان : توحشتك  بزااااف  ا رغدة
أنا  (درت  الضحكة الصفرا هي لي كاتنفعني  معاه ): أ ... ههه يتوحشك  الخير  ..
سفيان: ماتبقايش تبعدي عليا .. ماكانصبرش 
أنا :  امم .. يلاه نطلعو  .. 
سفيان  (بفرحة ): يلاه
بعض الأحيان كنحس كأني غادي نظلمو  معايا  و أحيانا  كانقول  لا خصني  نعطيه  فرصة  كيبغيني  و مستعد  يدير  أي  حاجة  على ودي  ..  طلعنا جلس  معانا  شوية  و مشا 
أنا : ماما واخا تجي  معايا  للبيت
ماما : واخا ا حبيبة  سبقيني  ... أنا جاية  ..
دخلت للبيت  و جلست  نتسناها  حتى جات ...
أنا :  اجي  ا ماما قدامي 
ماما (جلسات): الله يسمعنى خير 
أنا :   مابغيتش  نعاود  الغلط  ديال ديك المرة  و قصدتك  نتي  سو  بليز ا ماما بليييز  ماتكذبيش  عليا  و قولي  ليا  الحقيقة 
ماما :  بنتي علاياش  كاتهضري
أنا :  ماما شكون حاتم بن جلون  و شنو  علاقتكم  بيه ؟
ماما  (لونها  تخطف و نظراتها  تبدلو ):حا..تم !
أنا :  سؤالي  واضح ا ماما حاتم بن جلون شكون ؟
ماما :  رغدة ...  ش... شكاتخربقي  نتي ؟ شكون حاتم
أنا :  ماما بلا تكدبي  عليا  عافاك جاوبيني  و لا غادي  نسول  بابا  و غادي  ينوض  صداع كبييير
ماما :  رغدة هاد  الشغل ماشي  شغلك   نساي  هاد الموضوع  ماعمرك  تعاودي  تجبديه  لا ليا  لا لباك (ناضت غادة  فحالها )
أنا :  ماااما  ...  واش  بصح بابا  قتل. .. مرات  هاد حاتم ؟
ماما تبلوكات  ف بلاصتها  لمدة  ... و عاد دارت
ماما :  رغدة ... شششكاتقولي  اش هاد الهضرة  منين  جبتي  هادشي 
أنا : هي  بصح !! بابا  قتلها 
ماما (بصرامة  ): رغدة كاترتاكبي  نفس  الغلط  د ديك  المرة  هاد الهضرة  ماكايناش  و معرفتش  منين  جبتيها ايلا غالي  سمع  هاد  الهضرة  ...  ماغاديش  يعجبك  الحال
انا :  اوكاي  ماما قولي  ليا  الصراحة  عافاك  انااا  عييييت  ا ماما خصني  نعرف 
ماما :  رغدة  غير  قولي  ليا فييين  عرفتي  هادشي  واش  اداك  شي  حد  مني كنتي  تماك
أنا  (بقيت  ساكتة  كانشوف  اش  نقولها ):الصمت 
ماما : شكون قالك هادشي
انا : اممم  ... ماتقلقيش  مني ياك ؟
ماما :  لاا  غير  هضري 
انا :  سمعتك  شحال  من مرة  كاتهضري  نتي و باابا  ... و داك النهار  باش  تضربت  دخل ليا  الشك شكون هاد الناس  ا ماما
ماما تنهدات  قبل ماتبدا  تعاود  ليا  ...
ماما (تنهدات  بعمق ): كنت باقة  صغيرة  ... صغر  منك .. ف عمري  18 لعام ..  كنت فييينما  ندور  نلقا  واحد الشخص  .. كان زوين مع الصغر  يلاه حليت  عيني  على الدنيا  .. لعب  بيا  وضحك عليا  كنت كانبغيه زعما ههه   نهار غادي نتزوج بيه فآخر لخر  لحظة عرفت راسي  مزوجة داوني  للدار ف هرهورة ههه تصوري  مكنتش  عارفة باباك كانسمع سيد الغالي سيد الغالي  حسابلي  شي  حد شارف  .. هربت  من الدار و  تعرضو  ليا  واحد ولاد الحرام حتى عتقني  واحد .. ههه عرفتي  كان الظلام شفت  ف عينيه  نيشان  حسيت  إحساس  ماشي  طبيعي  .. داك الشخص  هو لي وصلني ل عند حاتم .. تسنيتو  حتى كانلقاه داخل مع صاحبتي  كيقولو  فشلات  الخطة  حتى شفت  منظر  لي كرهني فيهم  بزوج خرجت  كانجري  من عندهم  داك الراجل لي جابني  رضني   لاغد ليه  كانكتاشف  بلي  داك السيد  لي عتقني  ووصلني  هو باباك 
أنا :  اويلي  ماقتلكش  ؟؟؟
ماما :  ههههه ايوا مني ماقتلنيش  ديك الساع   عمرو  يقتلني  نكمل ليك ... كنت أنا وياه  كي  القط  مع الفار  حتى بغيتو  و بغاني  و اكتشفت  عائلتي  الحقيقية. . و  عرفت  مرضي  و حملت بيييك  حتى  قالو  ليا  هجر  تحرقات بيهم الدار  و شكون الفاعل حاتم بقات  فيا  واخا كاع مادارت  فيا  سمحت لها من كل قلبي  حتى كاتوصلني  الخبار  بلي  ماتت قلبي تحرق  عليها  ...
كملنا  حياتنا   انا و غالي  حتى جيتي  نتي  و درتي  3 سنين   معرفتش  واش  عاقلة  على واحد الحادثة  طرات  لينا !
أنا :  امم .. لا ..
ماما   : طرات  لنا حادثة  شي  حد قطع لنا الفرامل د السيارة   باباك  رجع  اللور  و عنقك  باش  ماتطرا  ليك  تا حاجة .. عقلتي  باش  قلتي  لينا أنا تخليت  عليك
أنا  (ابتلعت ريقي ): اهم  ...
ماما  (ضحكات  و فنفس الوقت  نزلات  لها دمعة  من عينيها ): تخطفت. .. سيفطو لباباك  جثة  مشوهة  على أساس انا  ختي رؤية  زورات  التحاليل  على أساس  انا ... أنا فقدوني  الذاكرة  مزال عاقلة  دارو  ليا  شي  حاجة  ف واحد الحقنة  فقت  ماعاقلاش  على راسي داوني  لأمريكا  داكشي  علاش  كنت خايفة  عليك من تماك ... دربوني  وليت  نسرق  و ندخل الحشيش  مايقارب 6 أشهر  حتى لآخر  عملية  كنت غادي  نسرق  الألماس  من واحد البنك منت ا نهرب  لهم بيه  باش ننتقم  من هادو  لي دارو  ليا هادشي  ساعة  هه تلاقيت  ب باباك   ماعرفنيش حيت كان شكلي  مغير  .. لون شعري  دايرة  عدسات  بنية  و خالة فوق  فمي  انا براسي  واخا فاقدة  الذاكرة  (نزلات يدها على قلبها )هادا حس  عمرني  حسيت  داك  الإحساس طول المدة و انا  فاقدة  ذاكرة  و كنت كل ليلة  كانسمع صوتك نتي وياه  ف ودني بلا ما نعرف  شكون مني تلاقيت  ب باباك  بداو شي  ذكريات  يرجعو  ليا
حتى فلخر د داك النهار  رجعات ليا ذاكرتي  بفضل  باباك  ... و شدينا  حاتم حيت هو لي كان خاطفني  اعترف  لينا  انه هجر  ماماتتش  و رؤية  ختي كانت مشاركة  معاه .. حاولات  تقتلني  تا هي  (بداو دموعها  يسيلو بزاف)   و هادشيى كاااامل  لي قلت  ليك غير  شوية  من بزاف   حيت  يلا جيت  نعاود لك قصتي  ماغاديش  نسالي  خصني  شهوووور  ...
ماجات ماما  فين تسالي  حتى  كنت كانشهق  و نبكي  ... غنقتها  بجههههد
أنا :  سمحيلي  بزاف ا ماما اهئ عاااافاك عافاك ... أنا .. أنا ظلمتك  بزاف  ديك المرة 
ماما  (شدات  وجهي  بين يديها ): حبيبتي  نتي ... بنتي .. روحي  ... قطعة  مني  .. كيفاش مانسامحش لك ؟. أنا مسامحة  ليك ... مساااامحة  ...
عمرني  ظنيت  أن ماما عانات  هاكا ... كنت نقول  انا كانعاني  .. ولكن مني سمعت  قصة  د ماما  حسيت  ب قصتي  قدام قصتها  والو ... آدم .. أنا لي كان خصني  ننتاقم  منك على اشنو  دار  باباك  ف  ماما اناااا  ماشي  نتا ...
بعد مرور  شهر  ...
انا  عافاك  بلا ماتكتري  ليا بغيت  داكشي  خفيف 
الكوافورة : وييييييلي  حي  راكي  عروسة  مايمكنش  خصك  تباني
أنا (نفخت): هففف  صافي  ديري  لي بغيتي 
نعم..  ليوم عرسي  .. حاليا  أنا  ف بيتي  و الكوافورة   كاتقاد  ليا  ... عارفة  ان اليوم  غادي  ندير  خطوة  لي غادي  تغيير  حياتي  واخا كلشي  غادي يكون حبر  على ورق ولكن...  ماغاديش  نبقا  د راسي  .. نكذب و نقولكم فرحانة تت..  مافرحاناش  ب العكس  حاسة  بغصة  ف قلبي...  و لكن فات الفوت..  هادشي  لي مكتب  عليا..  ولكن حتى كون رجع الوقت  و عاود  سفيان  عرض  عليا  الزواج  كنت غاادي  ناخد  نفس  القرار  .. كنت غادي  نقبل  حيت باش  تشوفو  إنسان  كاتهمه فقط سعادتك  .. تقدري  تهنيه  و تضوري  فيه  ... كيرجع و يرغبك  إنسان  عتقك  من الموت  ماشي  مرة  وحدة..  زوج د المرات  إنسان  عطاك دمو باش  تعيش .. أي  وحدة ف مكاني و تحطات ف نفس الموقف كنظن  أنها  كانت اتاخد نفس  القرار  ... وانا كانقول هادشي ف قرارة نفسي  ... تنهدت  بعمق  ...
الكوافورة : مالكي ؟
أنا : انا ! .. تت لا لا ماماليش
هي :كاتبان فيك  مافرحاناش  ..و يا حسرة هادا  عرسك
أنا : هه لا لا غير جاب  لك الله
هي : ايوا  راه ماشي اول مرة  نقاد  لعروسة  كايكونو  طايرات بالفرحة  .. الا نتي كانحس  بيك فشكل
أنا: امم..  لا غير  حيت  مخلوعة  يمكن..  هه راكي عارفة  غانكون انا  محط الانظار و كلشي  يشوف  فيا
هي (من بعد صمت ) :... واش  داركم ايزوجوك  بزز ؟
انا : اويلي  على بزز بالعكس  انا ماما و بابا  مايبززو  عليا  تا شي حاجة
هي : كنتمى  ... الله يفرحك و يسعدك
أنا (تنهدت): امييين يا ربي  ..
سالات  ليا  و قادات  ...  دخلات  علينا  ماما
ماما (عينيها غرغرو) : ما شاء الله
عليك ا بنتي .. (قبلات راسي )الله يحجبك من العين..  منين  كنتي  صغيرة  و انا نحلم بالنهار  نشوفك  فيه عروسة 
انا : مااااما  غادي  تبكيييني  و انا على سبة   (بداو عيني  يغرغرو)
الكوافورة : لا لا اويلي  غادي  ضيعي  لينا كلشي  (بدات كاتنفخ ف عيني  باش ماتهبطش الدمعة)
انا (بديت نريح بيدي) : هههه صافي  صافي  ها انا
ماما :هههه صافي  ها النكافة دابا  غادي  تدخل باش  تبدلي 
أنا : اهم واخا.. 
دخلو النكافات و لبسوني  التكشيطة  اللولة كانت  ف الابيض..  المهم قادوني و جات الكوافورة دارت  ليا  التاج  فوق  راسي 
رجعو  كاملين  اللور  و بقاو  يشوفو  فيا و مبتاسمين... 
أنا :أويلي  مالكم
هوما : ماااا شاء الله..   قليل  فاش  كانشوف شي عروسة  كاتطلع  زوينة فحال هاكة
انا(ابتسمت بخجل ): شكرا  ..  عافاكم واخا تخليوني  بوحدي  واحد الخمسة  ديال الدقايق
النگافة : واخا ولكن  ماتعطليش  راه دابا  الشوية  العريس  غادي  يجي  باش  تمشيو  نيشان  للقاعة 
أنا : اهم..  واخا... 
خرجو  و بقيت  بوحدي  وقفت  قدام المراية  كانشوف  ف راسي  .. كنت انكون فرحانة  كثر كون كنت انتزوج  ب ادم..  عارفكم اتستغربو  واخا كاع داكشي  لي دار  و داكشي  لي عرفت  مازال كانبغيه  .. اه كامبغيه  و بزااااف  ... شفت ف راسي  بحزن..  و درت  الطرحة  على وجهي  ... جيت  خارجة و انا نسمع ماما و بابا  كيهضرو  حيت كانو واقفين  حدا الباب  ..
بابا :رغد باراكة من البكا راك طيبتي  قلبك هاد اليوماين  .. خصك  تفرحي  بنتنا  كبرات  و غادي تزوج و ادير  دارها  ماتخافيش اتبقا  حداك  هنا ف الرباط
ماما : اهئ غالي  ماشي  على داكشي  راني  كانحس  ببنتي مافرحاناش  عندها شي  حاجة و ماقدراش تخرجها بنتي ما فرحاناش ا غالي  مافرحاااناش  اهئ اهئ
بابا : رغد راه  غيييير كيجيب ليك الله..  ايلا كانت ما فرحاناش  علاش  اتزوج بواحد ماباغاهش
ماما  : غالي  هاديك  بنتي و انا لي كانعرفها  و انا لي كانحس  بيها
بابا : وا باركة  من التخربيق  مالي  انا لقيتها  طايحة  ف الزنقة 
حليت  الباب ديك الساع قبل مايدخلو ف نقاش  آخر  ...
تلفتو  ليا  بزوج  و ماما مسحات دموعها
بابا : رغدة ...
أنا : بابا ..
قرب  ليا  و حيد الطرحة على وجهي  و قبل  جبيني  .. ابتسمت  ليه  و ردها 
النگافة  : يلاه يلاه..  ها هوما جاو..
هبطوني  ف الدروج ب الصلاه و السلام...  طلعت نيشان  ف اللوطو كانت نيت  ديال سفيان  من نوع رانج روفر  دخلت..  كان سفيان  جالس  .. لابس  لباس  تقليدي  .. ماننكرش  انه زوين  هز  يدي  و قبلها   .. وصلنا للقاعة  ... كان الباب  ديالها عامر  الناس  و الدقايقية  و المصورين  ... حلو  لينا الباب  و هبطنا...  طلعنا ف المصعد  ...  سفيان زول الطرحة على وجهي  بقا مبهور فيا ..  طلعوني  ف العمارية  ... اصعب  حاجة  هي  تمتل الفرحة  .. و تضحك بزز...   هبطوني من بعد و جلسنا ف الجلسة د العرسان  ...  حتى جا العدول  ..  كان السهات  ف القاعة  ... و كلشي كيتصنت  لاش  كيقول
العدول : السيد سفيان  السليماني  واش قابل  ب الانسة  رغدة العمراني  زوجتك على سنة الله و رسوله 
سفيان  (ضحك من قلبو): ااااه  قاااابل 
عطاوه مضى..  الناس  بداو  كيصفقو 
العدول :الانسة رغدة العمراني  واش قابلة  بالسيد سفيان السليماني زوج ليك على سنة الله و رسوله
ساد واحد الصمت ف القاعة.. كلشي  ساقل  كايتسنى الجواب ديالي  ...  بقيت ساكتة  كانشوف  ف الناس  لي فرحانين  كايتسناوني نجاوب  ...
العدول : الآنسة  رغدة..  كانكرر  واش قابلة بسفيان السليماني زوج ليك  على سنة الله و رسوله  بدون  ضغط
سفيان  شاف  فيا
سفيان  شاف فيا  بنظرة  قلق  كيتسنا  الجواب  ديالي  ...  بقيت  نشوف  جيهت الباب  بحالا كانتسناه  يدخل و يخرجني  و يقولي  رغدة كانبغيك  ...  رغدة..  متزوجيش بيه..  تنهدت  بعمق  ... و قربت الميكرو  ل فمي  ...
انا : آ.. آه  قابلة...