تحل و دخلات السكرتيرة هازا واحد الساشي .... انا حشمت و جيت انوض و هو المسخوط مازال كيبوس ... ساعة تبتني فوق منو و زير عليا باش مانوضش ... و بقا على نفس الوضعية ديك السكرتيرة حشمات و حنات راسها حطات داكشي فوق البيرو و خرجات .... بقيت حاضياها حتى خرجات .... آدم جر داك الساشي و جبد منو واحد واحد البواطة ما كبيرة ما صغيرة .... و حلها .... عيني ولاو على شكل قلب 😍 كانو زوج د الخواتم واحد رجالي ... و واحد انوثوي ... ليا و ليه.... فرحت بزااااف درت يدي على فمي و ضرت كانشوف فيه ....
آدم : مايمكنش تبقاي بلا خاتم .... آري يديك ....
سرحتها قبط يدي و دار فيها الخاتم جاني عبار.... عنقتوووو و انا فرحااااانة
أنا : اوووووه.. شكراااا ا حبيبي ... شكرا ليك بزاف فرحتيني بزاف ....
آدم : تا حاجة ما تغلى عليك ا حبيبتي تا حاجة ....
أنا (بعدت عليه) : تا نتا لبسو .... باش لي تشوف ف يدك تعرفك راااك مززززوج . . و تجمع عينيها
بقا كيضحك و هزيت الخاتم حققت فيه بان لي من لداخل منقوش اسمي .... يعني حتى ف خاتمي ايكون منقوش اسمه... لبستو ليه تا انا بفرحة ... بقيت جالسة عندو و متكية على صدرو و هو كيخدم و كيقرا و يقاد ف شي وراق و مرة مرة يهز يديه يدوزها على شعري و لا على حنكي بحنان و لا يقبل جبيني ... حتى بدات تديني عيني ... و غفيت ماعقلتش على راسي .. ماحسيت بيه حتى كان هازني و كيحل الباب و غادي يحطني عاد بديت نحل عيني ...
أنا : أممم.. آ آدم...
آدم : babe .. (كيدير ليا حزام الأمان و مشا حل الباب ديالو و طلع )
أنا: امم.. شحال وانا ناعسة ؟
آدم : شي ساعة و نص هاكاك
أنا : كون فيقتيني... نزلتي هازني قدام كلشي ؟
آدم : كان كلشي خرج هادي راه ال 5 د العشية
أنا : اااه... ايوا الحمد لله
آدم : و حتى كون كانو و من بعد ؟ .. كنت غادي نهبط هازك ...فين الاشكال
أنا : 😐😐 ماكاين اشكال... هاني ساكتة
ديمارا و كسيرا بجهد ك عادته ماكايمشيش بشوية ف الطريق رجعنا للفيرمة .... كملنا اليوم بروتينو المعهود ... و نعسنا بليل مخشييين ف بعضياتنا كيشد فيا بحالا خايفني نهرب اللاغد ليه نفس الشي فقت وجدت الفطور فطرت انا وياه جلسني عندو و كيوكلني و يضحك معايا ... كينسيني ف گااااع المشاكل و انا بين يديه جمعت الدنيا قلت ليه يعيط ل خالتي نعيمة يقولها بلا ماتجي ليوم خليني انا بغيت ندير كلشي و نيت الملل .... و غير كانتهرب منو شوية لا يشدني ف شي قنت كاتشدو الحالة من صباح ل صباح.. و مازال مسخسخة من لبارح ... جمعت الطبلة و جمعت شوية الدنيا واخا كان كلشي مقاد و لكن دغيا كاتغبر الدنيا ... بقيت نفكر اش ندير ليه ف الغدا ... اش نديييير ... قررت ندير أكثر حاجة كانتقنها و اكثر حاجة كاتحمقني و هي لازنيا ..... و جدتها و وصل و قت لغدا .. تغدينا و سالينا ... جمعت كلشي و خرجنا للجردة جلست انا وياه ف داك الكرسي لي كيطيش هو متكي و انا متكية عليه و كحركو برجليه حيت اكيد ماغاديش تقدو هاديك كاملة فيه ميترو و كدا و تسعين ههههه طويل العجالات و حنا جالسين كانذاكرو انا وياه و كيلعب ليا ف شعري و شوية يقلبها بوسان و عضان .... حتا كاتبان ليا و احد الرينج داخلا من الباب.... هووووولي شيييييت ... هولي فاااااك الطوموبييييل د بااااابا 😨
__
جالس و داير رغدة ف حضني ... كانهضرو ... حتى كانشوفو واحد السيارة داخلة رغدة قفزات من بلاصتها
رغدة : ه ء ء آدم آدم... بابا بابا .... ناري قفرتها ....
أنا : رغدة ... Just calm down.. Okay ؟ غير تهدني واخا ؟ ... تهدني ماتخافي من تا حاجة و انا معاك....
رغدة : لا لا لا... يلاه نهربو ا آدم بابا ... اهئ بابا ايقتلني
أنا : ماغادي نهربو ل تا بلاصة غير تهدني ..
شتها بدات كاترعد و فيها البكية .. قبطت ليها ف يديها و بقيت واقف كانتسنى باباها حتى يوصل ..... وصل و نزل من اللوطو ديالو و كانشوفو من البعيد داير ضحكة د الاستهزاء و غادي و كيقرب لينا درت رغدة مورايا و تقدمت بخطوات قليلة تا قربت نوصل ليه
غالي : هههههه كاااااتخبااااااي ههههه ماعندكش الوجه لي يشوف فيا ياك ؟
رغدة زيرات ليا على تي شورت خشات راسها فيه تا بديت نحس بيه فازگ بدموعها ....
أنا : رغدة دخلي ...
غالي : لا لا غير خليها ههه
أنا : رغغغدة دخلي للداااخل قلت لك...
طلقات مني و مشات كاتجري .... تسنيتها تا دخلات لداخل و التفت ل عند باباها ... زدت خطوات تا مابقات تفصلنا غير سنتيميترات قليييلة ... كايشوف فيا ب تخنزيرات و كانبادلو نفس النظرات
أنا : لا كاين شي مشكل غادي تحلو معايا انااا رغدة معندها ذنب ف هادشي انا لي بززت عليها كلشي
غالي (بعد عليا و مشا جلس ف الطبلة و دار رجل على رجل و بدا كيضحك باستهزاء) : الصراحة ههه واخا كنت نعيا نفكر ماكانتش طيح ليا ف دماغي اتكون نتا لي شريتي هادي واااو لعبتيها مزيان والله هههه (كيصفق) براااافو ولكن ماكنتيش عوال عليا انلقاك هه !!
انا : هههه كون مابغيتكش تلقاني والله لا لقيتيني كون خرجت من البلاد و نخلي ليك الريح و لكن انا ماشي شماتة باش نتخبا غير درت الخاطر ل رغدة اما انا ماخاسر والو رغدة مراتي و ماعند تا حد الحق يبعدها عليا لا شرع ولا قانون انا لي خليتك تلقاني لبارح مني دزت من البلايص لي فيهم الكاميرات و كنت كانتسناك غير وقتاش تجي...
غالي (ضغط على يديه و خنزر) : غااادي طلق رغدة و غادي ندي معايا بنتي ليوم مانخليييهاش مع ولد عدوي مافهمتش كيفاش لعبتي لها ب عقلها... و لعبتو كاملين بيا طيحتو سفيان بين يدي باش نطلقها منو و تزوجك نتا... ولكن ماتخافش ههه تا حاجة مادوز عليا هضرت مع سفيان و عاود ليا كلشي ... حتى انه عندي الوثائق لي يغرقوك كاتعرف داك المثل د "من شابه اباه فما ظلم" .... فحاااالو دابا خرجتي لباك ههه
أنا : بصح بابا كان خايب ولكن انا ماشي بحالو خدمت خدمتو اه ولكن ماشي لخاطري على قبل حبي ل رغدة سمحت ف كلشي ... سمحت ف حياتي تماك و جيت لهنا على ودها و هي عارفة هادشي كامل.... مابغيتيش تيق شغلك هاداك ولكن دير ف بالك ماغاديش نطلق من رغدة ... و ماعندك باش تهددني حيت كاع الوثائق حرقتهم
غالي : راني مبرد على قبل رغد مراتي و واعدتها مانقصيك لا نتا لا رغدة ... كانهضر بفمي معاك... و بالنسبة للوثائق واخا ماخصنيش نقولها ولكن رغد تكلخاااات نهار جات تبدل داكشي ديالك مع د سفيان نسات ما لاحت الملف ديالك و لقيتو غير بالصدفة ... يا ايما اتطلقها و مريضنا ما عندو باس و داك الملف انحرقو قداامك و لا دخل لحبس ؟
أنا : مااااكيييهمننييييش لا كنت اندخل للحبس ف جميع الاحوال نستاهل عقاب على داكشي لي كنت ندير ولكن والله ماغادي نطلق رغدة ... نتا كون كنتي بلاصتي كنتي ادير المستحيل باش تجمع نتا و مراتك و عندي فكرة على حبكم شحال كان قوي .. انا كانبغي رغدة بنفس الشكل ولا يمكن كثر و ما غانتخلاش عليها ولا على حساب عمري .. قتلني ماتقولش ليا نخليها تفكر اصعب محنة دزتي فيها نتا و رغد و اضطريتي تخليها ... واش تخليتي عليها طلقتيها بكل سهولة ... درت المستحيل باش نتجمع انا وياها و ماشي تا وصلت لآخر الطريق عاد نتراجع.. ماغاديش نخاف من الحبس ...
غالي (بقى ساكت مدة كيشوف فيا بتكشيرة عاد نطق) : اصعب محنة دزت منها انا و رغد كانت بسباب باك ... ديك البنت لي نتا كاتقول كاتبغيها واحد المرة كانت كاتبكي كل نهار عليا بغيت ماما بغيت ماما فين ماما... و انا ماقادرش نقولها ماماك ماتت خطف ليا مرتي و فقدها الذاكرة و دخلها معاه للعصابة كون ماكانتش رغدة بنتي كنت انقتل راسي باش نتهنى من العذاب .. هادشي كامل بسباب تريييكت نتا ، ماساليناش من هادشي و جا ولدو و منكد علينا حياتنا بغيتي بكل سهولة نتيق انك كاتبغيها... ؟؟ اشنو معنيتها دابا هاد الدار لي كانت ديالنا و شاريها نتا .. علاش شاريها نتا هاااا !! هادي كلها صدفة ؟؟ الشركة لي كانت د بابا و عاد اكتشفت انها دابا ملكك نتا.. تا هادي صدفة نتااا جاي بهدف الانتقااااااام
أنا : ااااااه كنت باغي ننتاقم درت هادشي كاااامل كنت باغي ن آذي رغدة بغيت ندوقها و ندوقكم العذاب حيت بابا كذب علييييا كبرت ف كذبة نتاااااا ماعارف وااالو ماعارف تا حاجة عشرسنين و انا كانشوفك قتااااال اشنو هو ذنبي تا انا ؟؟؟ شنووووو
غالي : قتااال ههههه ؟ مالي انا لي قلت ل باك نتاحر
أنا : ظنييييتك نتا السباب ... ظنيتك نتا لي قتلتي ليا ماما كذب عليا و هجر كبراااتني ف كذبة ل درجة حتى ختي ماعرفتها ختي الحقيقية تال مؤخرا ايلا بغيتي دخلني الحبس غير دخلني و لكن دير ف بالك انك غادي تقتل بنتك بييييديييك .. ماعندي تا حاجة نعيش على ودها من غيرها ماعنديش لي يتسناني كل نهار مني ندخل للدار ماعنديش ام لي تكون مخلوعة عليا ماعنديش اب لي يكون ف جنبي ماعندي حد.... عندي غير رغدة ... هي لي مجموع فيها كلشي هي لي نهار غادي تتعطل اتخلع هي نهار انكون ف اسوء حالاتي أتوقف ف جنبي ايلا غادي تفرقنا .. عرف راسك انك غادي دير حد ل حياة زوج د الناس كيبغيو بعضياتهم و واحد فيهم طرف منك .. لا بغيتي تقتلها بيديك و تقتلني فرقنا...
غالي (توثر ... و تخربق ماعرف واش يتيقني ولا العكس) : لا.. لا.. ماشي بصح نتا... نتا... هاااععععع (قرب وعطاني ب بونيا لوجهي) كذاااااب
أنا (بقيت جامد ف بلاصتي) : كون كان شخص آخر ماغانترددش نرضها ليه و لكن.. نتا كنتي تكون ف عمر با و متابة الاب ديالي منقدرش ... سو.. اوكاي ... انا كذاب دخلني للحبس ..
غالي : اوووووففف ... اووووف علااااااش دخلتي ل حياتنا علااااش ... علاش دخلتي ل حياة بنتي دمرتيها كنا بييييخير عمري شفت دموع بنتي عمرررررني... حتى جيتي نتا .. خليتيها تعصى باها دارت لي عمرها دارتو بسبااااابك خسرات علاقتها ب باها
أنا : الحل بين يديك دير اللازم... يلاه اتصل ب الشرطة I'm waiting انا كانتسنى ..
غالي : هااااااعععععع ( ضرب الطبلة بيديه تا تلاحت و تشتتات) شديييييتيني من اليد لي كاتحرقني عارفني ماغاااااديش نبغي بنتي تعدب عاااارف هي نقطة ضعفي ... حيت واخا يديرو الولاد لي يديرو ل واليديهم مايقدرووووش يغضبو عليهم مايقدررووووش يخاصموهم
انا : ماااااشديتك من حتتتتااااا يد نتا لي عارف اش خص يدار... دييييير لي كاتشوفو مزيااااان ايلا بنت لك كذااااب و خصني الحبس دخلني ليه يلااااه
غالي (بقى غادي ماجي ساكت....) : الصمت
أنا : يلاااه...
غالي : ايلا كنتي بصاح كاتبغيها و ماجيتيش باش تنتاقم و ماشي رجل عصابات خصك تبت ليا ...
أنا : انا مستعد ندير أي حاجة
غالي : مزيااان .... سمعت من سفيان بلي كنتي اتخدم مع واحد المافيا كبيرة ..
أنا : ماكنتش انخدم معاهم... طلبو مني ندخل معاهم تا انا و لكن رفضت و هددوني شحال من مرة ب رغدة مني كنت ف امريكا و لكن ماخليت تا حاجة تآذيها ..
غالي : همم... مزيان ... بغيتك تدخل معاهم و تطيحهم ف الفخ... و نلقيو عليهم القبض نتا عارف ديك المافيا كبيرة و عندها فرع ف المغرب غادي تقتارح عليهم تخدم ف الفرع لي كاين هنا ايلا وافقتي غادي نسامحك نتا و رغدة و غادي نعرف انك كاتبغيها من نيتك و مستعد دير اي حاجة على ودها... غادي تكون عميل سري لينا و اعتبر هاد الوثائق ديالك ماكاينينش ... تحرقو ..
أنا (بدون تردد) : موافق .
بقا كيشوف فيا مدة ... حتا ربت على كتفي ....
غالي : مزيان ... مزيان ا.. ولدي..
____
غير شفت بابا طاح فيا النص قلت ليوم يقتلني و يشرب من دمي ... مني قربو لبعضياتهم عرفتيو بحال الضو كيضرب و هوما كيشوفو فبعضياتهم قالي آدم ندخل و دخلت كانجري و بقيت نطل عليهم من الشرجم ماسمعتش اش كانو كايقولو كنت غير كانشوف حركاتهم .... بان ليا بابا كايضحك داك الضحك د الطنز ... هزيت التيل و عيطت ل ماما ماكاتجاوبش ... جاد نفس الشي حتى عيطت للفيكس عاد جاوبات ...
أنا : آلو ماما...
ماما : رغغغدددة
أنا : ناري بابا راه جا ... قفرتها قفرتها
ماما : كنت باغا نعلمك ولكن غالي دا لي الفون و جاد ماكاينش نسيت الفيكس اما كنت نعلمك....
أنا : ايقتلني ا ماما مافيييهاش
ماما : سمعي ا حبيبتي ماعندك مناش تخافي انا حكيت ليه كلشي و رطبت قلبو شوية ... و حلفتو باش ماقيييسكش و مايدير لكم والو ... ماتخافيش ماغايدير لك تا حاجة
أنا : هم.. زعما 😩
ماما : ثيقي فيا ...
أنا : على الله... ناري عام الله اش كيقولو بابا تعصب ....كيبانو ليا غير يديهم كيتشايرو
ماما : ايكون آدم كيوضح ليه كلشي
أنا : هاه ... ناري بابا ضرب آدم ويلي ويلي كون كان شي حد اخر كون آدم دفنو و هو حي
ماما : مالك حمقة يضرب السيد قد باه راه اكيد ماغايدير والو
انا : بلاتي .... ماعرفت اش كيقولو تسناي نشوف ...... بابا ربت على كتف آدم هء 😳😳
ماما :صافي ايكونو تفاهمو
انا : ناري ا ماما 😳
ماما : مالك ؟؟؟؟
انا :آدم دار ليا بصبعو اجي
ماما : ايوا سيري ... يلاه بسلامة تا تعاودي ليا ....
قطعات عليا و بقيت نشوف ف آدم ... درت ليه زعما واش انا ؟ و هو يدير ليا بحال هاد الوجه " 😑" بمعنى واش كاين شي حد غيري ... ااااخ منك ا رغدة .... خبيت التيل وخرجت بشوية من الباب و حادرة راسي...
آدم : رغدة اجي لهنا...
انا : لا خليوني هنا... حسن
آدم : ررررغدة اجي ... (مخنزر)
انا : واخا واخا .... قربت حداهم و بابا كيشوف فيا تا هو مخنزر ... بقيت حادرة راسي والله ماعندي الوجه لي يشوف فيه
آدم : طلبي السماحة من باباك
أنا : هاه 😳
آدم : طلبي السماحة من بااااك ماكاتسمعيش
أنا : اممم... بابا سمح ليا بزاااااااااف بزاف بزاف عارفة ماكانش خصني ندير هاكا ولكن راني تحطيت بين نارين ... 😔 و انا متأكدة كون كنتي بلاصتي ادير نفس الشي لا نتا لا ماما ...
كانتسنى شي تصرفيقة تجيني من السما تنزل على هاد الوجه لي فرحانة بيه .... حتى كانلقا بابا ضامني ليه ..... دموعي بداو يهبطو ديك الساع و اخيرا بابا سمح ليا ... اخييييراااا
بابا : مااااعمر الاباء ماكيخاصمو ولادهم نتي طرف مني و بنتي و حبيبتي لي كانحماق عليها كنت غير خايف عليك ماشي العكس ...
زدت عنقتو تا انا و بقيت كانبكي ليه ف كرشو ..... آدم نساحب بلا مانحسو بيه ... غالبا تزير حيت تا هو ماكرهش يكون عندو اب لي يضمو بحال هاكة ....
أنا : سمح ليا ا بابا بزاف عاااااافاك اهئ اهئ اهئ
بابا : صااااافي راني مسامحك ا ودي هههه
بقى كيدوز ليا على شعري و مسح ليا دموعي ..
انا : سمحتي ليا من لداخل ؟؟؟ ياك
بابا : واش بغيتي نوض نعطيك شي قتلة عاد تفرحي
انا : لاااا 😳😳😳
بابا : وا الله اعلم هادشي لي بان ليا ...
أنا : بابا ... والله تا آدم راجل مزيان بصح كان باغي ينتاقم ولكن ... لداخل ديالو مزيان و كيبغيني .. شوف راه رد لينا الفيرما و كتبها ليا بسميتي انا باش تعرف انه ماباغي والو و الشركة تا هي كتب لي فيها نص و ناوي يكتب ليا نص لاخر ..
بابا : امم... بنتي سمعي انا كنت غير خايف عليك، نتي ماعارفاش اش دوز علينا باباه حاجة طبيعية نرفض ...
أنا : عارفة ... ماما عاودات لي كلشي قالت ليا انه خطفها و فقدات ذاكرتها لولاك نتا ماكانتش تسترجعها و لكن آدم ماكانش عارف و انا ف مكانه تا انا كنت انبغي ناخد انتقامي ... و مني عرف الحقيقة تراجع و مع ذلك معمرو آذاني مني كنت ف أمريكا ... كانتمى تفاهم نتا وياه
بابا : صافي ... تفاهمت انا وياه ومابقا بيناتنا تا مشكل ...
كملت حديثي انا و بابا و تراضينا بزوج خبرني انه ايمشي يجيب ماما و يرجع .... ودعته ... و دورت وجهي نقلب على على آدم ... مشيت للجردة لورانية مالقيتوش طلعت للفوق ف البيت ... ماكاينش بقيت نقلب غرفة ب غرفة حتى لقيتو فالمكتب عاطي ظهره للباب و داير يديه موراه و كيطل .. على الجردة ....
قربت ليه و عنقتو من اللور و تكيت على ظهرو
أنا : حبيييييبي مالك ... ؟
آدم ( تنهد) : والو ... والو ا حبيبتي
أنا : هممم متأكد ...؟ علاش طلعتي لهنا ؟
آدم ( دار و جلس على الكرسي و جلسني على رجليه) : بغيت نخليك نتي و باباك تاخدو راحتكم.. (خدا يدي و باس الداخل ديالها و استنشق ريحتها)
أنا : يااااي .... اخييييرا تصالحنا انا فرحانة ...
آدم (ابتسم) : الصمت
انا : كيفاش تا قنعتيه ؟
آدم : وضحت ليه الأمور و صافي ...
أنا : و صافي ؟؟
آدم : اه... صافي ... هادشي لي طرا
أنا : حبيبي ... زعما صافي ... كلشي تحل ... كلشي مزيان غادي نعيشو انا وياك أخيرا فرحانين ؟؟ من بعد هاد المعاناة كاملة ماقاداش نتيق بلي أخيرا كلشي سالا ...
آدم ( دخل النفس و خرجها بعمق) : there's no happy love.. و ختمها بابتسامة ...
بقيت ساكتة كانشوف فيه ... ماعرفت باش نجاوب ... لذلك قررت نغير الموضوع ...
أنا : اممم ... آدم نرغبك رغيبة ؟
آدم : رغبي رغبي ا لالة نشوفو هاد الرغيب ديالك
أنا : واخا نعرض دارنا يباتو معانا ؟؟ توحشتهم بزاف
آدم : لا 😐 ... واش من نيتك هادا سؤال ؟ اولا هادي داركم نتوما ثانية مرحبا بيهم
انا : ااااايييي.... فرحتييييني (عنقتو و بقيت نبوس ف حنكو )
ادم : ماكيقنعونيش ف حنكي انا خصني هنا (أشار ل شفايفو)
أنا :نااااري شوف عندااااك و تمشي دير ليا شي شوها قدام دارنا
آدم : مرااااتي يااااااه لاش حنا مزوجين باش نبوسك و ن**** وقتما بغيت و وفينما بغيييت
أنا : آدم واااياااك ... رااااه بابا ا صاحبي راه كلشي تال بابا
آدم : دابا غييي جي نهضرو واش زعما عمر باك ما باس مك قدامكم...
أنا : و هو ف الصراحة .... دييييما و كاتجينا عادية بابا يبوس ماما ولفنا ههههه
آدم : شفتي هاد البلاصة لي حنا جالسين فيها علم الله اش دارو هنا
أنا : اااادم سسسسكت
آدم : مالي خلق كذبت ؟ ههههههه دابا من لخر وقتما اترشق لي نبوسك واخا تكووووني ماعرفت فين .... اححح أنا راه cannot resist those lips ( مانقدرش نقاوم هاد الشفايف) (قبلني فيهم.... ) عرفتي مجرد كاتكوني كاتشربي شي حاجة و بعفوية منك كاتمصيهم.... رااااه ... اوووففف مانقولكش اش كاديري فيا ...
أنا : تال هاد الدرجة 😳
آدم : و كثر ... تعقل على our first kiss... ؟ (أول قبلة لينا)
أنا : و على انا نقدر نساها ؟؟؟
آدم : كنت ساااااخط عليك و كنت كانحاول ف ديك الوقت نكذب مشاعري تجاهك ولكن مني رونتيها و بديتي تعضي ف شفايفك ماكرهتش كون غتاصبتك انا ف ديك اللحظة ...
أنا : مزيان مزيان عطيني نقط ضعفك باش نبقى نستعملهم ف اوقات الخطر
آدم (عاود قبلني ف شفايفي) : نتي كلك نقطة ضعفي ... يقيصوني ف عيني و مايقيصوكش ...u are my everything...
أنا :حبيبي ... سمع ... اعتبرني ماشي غير مراتك و حبيبتك ... ديرني ختك ماماك ... باباك ... كلشي ... اي حاجة ضراتك متخبيهاش عليا واخا ...
آدم : بنتي نتي بننننتي ... ...تا دابا واحد الحاجة ضاراني و مابغيتش نخبيها عليك ...
أنا : مالك ا حبيبي ... ؟
آدم : ماكرهتش شي مااااتش ف هاد الساعة
أنا : 😐😐😐
آدم : مالك ؟؟
انا : من نيتك ؟
آدم : والله
أنا : ماشي دابا ...
آدم : اممممم.... سو ... وقتاش ؟ 🤔
أنا : تال شي نهار 🙄
آدم : نووووض نبدل ساعة بخرا وااااقيلة واقيلة... والله ايلا قالت لك تال شي نهار
بقيت كانضحك و هو ناض هههههه عيطت ل ماما و هضرت معاها رغبتها باش يباتو معانا مابغاتش ف لول بديت نتمسكن عليها حتى بغات .... قالت لي ب العشية ايجيو ف الوقيتة د الگوتي ... داكشي علاش نضت بديت نوجد ف گاع داكشي البنين حتى وصلو و مشيت انا و آدم كانتسناوهم قدام الباب ...
أنت تقرأ
قلب ينبض في قعر الظلام | مكتملة.
Romanceقصة درامية تكميلية ل قصة أسيرة عيونك ... تدور حول ابنة ابطال قصة " اسيرة عيونك " لستم مضطرين لقراءة القصة السابقة كما اني سأذكر بعض التفاصيل من القصة السابقة .. قلب ينبض في قعر الظلام بقلم : يسرى . قصة بالدارجة المغربية تاريخ اول نشر للقصة...
