سمعت الباب تحل و انا نقفز ... بقيت ملوية ف ليزار ديالي .. و نضت ...
أنا :س.. سفيان... هادا نتا ...
سمعت لي قال : اممممم
اويلي يمكن جاي سكران علاش عطاوه أصلا الكارط باش يدخل ...
أنا :سو... فيااااان بقا تماك ...
أنا مزال كانقرب للخرجة فين كاين الباب ... و هو يجرني من يدي .. و دفعني لصدرو
أنا : هءءءءء تفووووووو الله يعطيك شي مصيبة خلعتيييييني
آدم : ههههههههههه كاينة شي مصيبة كبر منك نتي
أنا :خ تفوووو گنس قصيييف منين جاءك الكارط
آدم (بقا غادي ل جيهت البيت لي كانعس فيه و تلاح على الفراش ب كل اريحة) : الفلوووس ا بنتي لفلوووس
أنا : شكادير هنا ياك مشيتي ياك قلت لك خرج من حياتي
آدم : لحد الآن هاه شوفي .. مكاااالمي ... سو بدلي طريقتك د الهضرة ولا غادي نشعل معاك تا انا
أنا (دوزت يدي على وجهي كانفخ) : هووووفف ياااا ربي تعطيني الصبر
آدم :ااااميييين يا ربي
أنا :آدم....
آدم (ماخلانيش نكمل هضرتي و هضر) : رغدة .. I won't give up on us... (ماغاديش نتخلا علينا) غادي تكوني فعلا مكلخة يلا يحسابلك راني مشيت فحالي... راه بالله لا كنتي ليه
أنا : آدم .. عافاك عييييت والله ما فيا لي يعاود الاسطوانة د البارح
آدم : بغيت نعرف واحد الحاجة مني ماباغاهش لاااااش ا لالة مزوحة بيه و كاطيري من المقلة ريحي حطي قاعك لرض غير قولي ليا شقالك عقلك
أنا (بتعنت) : و شكون قالك ماباغاهش هم ؟؟
آدم : ههههه دابا مثلا انا وياك مزوجين جايين شهر العسل واش ادخلي نتي ل سويت و انا لسويت واش مني اندخل عليك غادي تخلعي ههه و هانتي گاع ياك كنتي مخلوعة حسابلك هو مني شتيني رتاحيتي
أنا : 😒😒😒 غا جاب لك الله
آدم : هههه اوكاي
أنا : واش شارب
ادم: اجي شمي واش فيا ريحت الشراب
مشيت على نيتي حنيت انشمو ... حتى جرني دارني تحت منو و جا فوق مني...
آدم : شبان لك... ! هه سكران ؟
أنا (بديت ندخل و نخرج ف الهضرة) : هاه.. ا.. لا.. تت انا لي سكرانة هف... آدم ... عافاك (غمضت عيني )
هبط بوجهو كيشم لي ف عنقي... آدم : توحشششتك..
أنا (مزال مغمضة عيني) :آدم .. عافاك ...
نزل بشفايفو .. لشفايفي.. بلا مايحطهم على بعضياتهم غير كيدوز بيهم... حتى كانحل فمي ... و كيبعدهم
أنا : آدم ... ع.. علاش كاتعذب فيا ..(نزلات دمعة من عيني)
آدم (ناض من فوق مني) : و علاش حتى نتي كاتعذبيني... علاش هو و انا لا علاش فضلتيه عليا ا رغدة ..
أنا (تقاديت ف الجلسة ): حيييت هو ا ادم... (دقان) ششش.. ايكون سفيان ..آ آدم تخبا تخبا
آدم (عااااد خدا راحته و تگلس) : ما عندي مناش نخاف
أنا : آدم عافاك الله يسهل عليك ماقادرة على صداع .. تخبا
آدم : Emm ... N O P E اممم.. أ لا..
أنا : عاااافاك آدم اهئ اهئ.. واش باغي تحمقني
آدم (وقف ): اووووفففف شحال فيك د البكا صافي ...
مشا دخل للحمام ... سديتو و مشيت مسحت دموعي و كانخربق ف شعري زعما و كانضرب ف حناكي باش نبان كنت ناعسة ...
مشيت و حليت الباب ... نيت كان سفيان... بديت نحك عيني زعما كنت ناعسة
أنا : همم.. سفيان ..!! شواقع
سفيان : أمم.. لا لا والو غير قلت معا راسي ندوز عندك نجلسو
انا (خرجت عيني ) : شنوووو ؟؟ نجلسو
سفيان : ايلا بغيتي..
أنا : هاه ... لا لا لا
سفيان : اذن يلاه نخرجو
أنا : والله تا عيانة خلي تال غدا و نخرجو ... اوكاي ؟
سفيان (بحزن) : صافي لي بغيتي ...
أنا : يلاه باي...
سديت لباب و بقيت حاطة عليه راسي مدة ... اوف يا ربي مع الضورة و انا نخرج فصدر آدم
أنا : حماااار مالك ماكاديييرش الحس
آدم : تت شقلنا .. كلب حمار تفو ممنوعة
أنا : 😒😒 (تخطيتو و زدت فحالي)
دخلت للبيت و هو تبعني ...
آدم : رغدة قولي ليا علاش هو ؟؟؟ جاوبيني علاااااش هو و انا لا
أنا : حيت هو عتقني من الموت ا آدم .. نتا راك ماعارف والو
آدم : را نتي لي ماعارفة والو ا بنتي
أنا : نتا لي ماعارف والو... مافراسكش بلي عتقني المرة اللولة من واحد باغي يخطفني و المرة الثانية تبرع ليا ل دمه عتقني من الموت ا آدم كاتفهم
ادم: وااااات ... و حق الرب يلا ما هادا أكبر ولد ال*** شفتو فحياتي
أنا : ماتخصرش الهضرة شو هو اش دار على ودي نتا اش درتي .. اصلا لي ضربني قال نتا لي رسلتيه
آدم : ز*** عرف يلعبها ... واااا النم انا سفيان درتو يحضيك حيت كنت خايف عليك .. راه انا لي درتو باش يحميك ا المرض استغل قضية د التبرع بالدم لصالحه.. انااااا لي عطيتك الدم ماشي هو... اما انا راه غير درتو ف الواجهة
انا (شفت فيه بعدم تصديق) : تت... كذاااب
آدم : أنا كداب ... دابا اتييقيه هو و تكذبيني انا ... اوكاي رغدة اوووووكاااااي .... ناض غادي خارح تبعتو كانجري و شديت ف يديه
أنا : آدم ..سمحلي مقصدتش... ولكن عافاك شرح ليا راه ما فهمت والو
آدم (نتر يديه) : مني ولات لالة رغدة تكدبني و تتيق سفيان .. مابقات هضرة ... حيييدي من قدامي قبل مانصدق مفوت فيك شي دقة خايبة من صباح وانا شاد ليك الخاطر
داز فيا وكمل طريقه ... بقيت انا غير نبرقق ف عيني و نضور فيهم ماعرفت ماندير ... شوية و هي طيح عليا فكرة
أنا (شديت على جنبي) : آي.. أي... آآآي اهئ اهئ ايييي جننننبي آدم .... عتقني اهئ
آدم (دار بالزربة و جا كيجري لعندي) :babe.. What's going on... A.. Are you okay ... Raghda ... Are you okay baby ؟ بيب... شنو واقع... واش نتي بيخير ... رغدة .. بيخير ا حبيبتي .. ؟
هزني بين يديه شفت الخوف ف عينيه ... كيفاش يمكن ليه يكري عليا باش يضربوني ولا يقتلوني... حطني فوق الفراش
مني جا يطلق مني شديت ليه بجهد
أنا : آااااادم ... قول ليا الصراحة
آدم : خراااا ماتبقايش ديري هاد الضحك د البراهش خلعتيني عليك ...
أنا : ايوا.. كان هادا هو الحل ... وا قول ليا قول قول قول... بلييييييييز ... عافاك..
آدم : 😒😒😒😒
أنا : 😇😇😇
آدم : هوووف... سمعي مني كنتي ف امريكا .. كانو كيهددوني بيك عرفوك معايا .. نتي عارفة خدمتي .. كانو المافيات باغييني ندخل معاهم ولكن انا كنت كانرفض ... و شحال من مرة بغاو يآديوك ... كنت داير واحد الشخص موراك ماكايخلي تا حاجة تآديك .. و فعلا راك معمرك حسيتي ب شي حاجة .. مني نزلتي للمغرب درت سفيان... و النهار تضربتي بالموس انا لي عطيتك الدم ماشي هو...
أنا : وعلاش ماقلتيش ليا هادشي قبل ا آدم .. علاش كان غادي يغيير شحال من حاجة .. انا حسيت براسي مدينة ليه ب حياتي .. داكشي علاش مني طلب مني الزواج وافقت .. ماقدرتش نرفض...
آدم :حيت كاطيري اجي و تزوج ... صافي عطاك الدم نوضي تزوجي بيه
أنا : تت.. و علاش دار هاكا !!
آدم : حيت والدين مو ز***
أنا : هوووفف باراكة من الكلام الخاسر
آدم : زيدي جهلي ف دين مي .. 😤😤😤
آدم : دابا مني الامور وضحات.. غادي طلقي منو
أنا : واو... حل زوين ... 😑😑 ماشي بها السهولة آ آدم .. أولا هو ماغاديش يبغي ... ثانيا ...
آدم : شنو ثانيا
انا : ثانيا... ثانيا بابا عمرو غادي يوافق عليك ... انا وياك آ آدم رآه.. رآه الحب المستحيل وحق الله
آدم : علاااااااش علااااششش
أنا (كانغوت) : 'cuz my moooom has been kidnapped by uuur dad !!!
(حيت بااااباك خطف مامااااا)
آدم (جاوبني ب نفس الطريقة) : And my dad was arrested... Your father arrested my father
... بابا تشد ف الحبس ..... باباااااك شد بابا ... التعادل... صافي؟
yes I know I know .. My dad wasn't a good person.. But ..
... اه اه.. عاااارف بابا ماكانش شخص مزيان ... ولكن... ولكن كيبقى بابا ا رغدة بابا ... ماعندي ماندير واش نقطعو انا من الحالة المدنية .. انا ماشى فحالو
انا (شفت فيه بحزن) : مع الأسف بحالو.. درتي جهدك باش تنتافم منا...
آدم : اوكاي حطي راسك بلاصتي باباك مات و نتي صغيرة مافاهمة والو حتى ماماك ماكايناش ماتت.. رباتك واحد السيدة واحد النهار عطاتك رسالة فيها فلان قتل مك و شد باك و باك نتاحر اشنو غادي ديري هاه!!! و المشكل هو انه السيدة لي رباتني عمرات ليا راسي بالكدوب . اشنو بغيتيني ندير ... و مع ذلك ا رغدة كانقسم بلي خلقني و خلقك من اول نهار جات عيني ف عينك ... و كلما كانبغي ندير داكشي لي كنت ناوي .. كانفشل ... بغيتك بلا ما نحس... كان بإمكاني نطبق داكشي ف الشهر اللول .. و لكن لا... انا بغييييتك ا رغدة .. و ايلا شي حد بغا يآديك انا نقتلو و مانرحموش
أنا (من بعد صمت) : باش نكونو مع بعضياتنا.. خص بزاف د الحوايج يتبدلو .. ولكن مايمكنش شوف الخدمة ديالك ... كاتقتل الناس و التجارة ف المخدرات
آدم : عمرني قتلت شي حد و ربي شاهد عليا الهضرة لي سمعتي ... فهمتيها بالمقلوب.. عمرني قتلت شي حد عمررررني..
أنا :اوكاي .. نقولو تطلقت من سفيان .. مانقدرش نعيش معاك ف الظلام ... ماااانقدرش شوف انا بابا فاش خدام و نتا فاش
أنا : انا خليت كلشي مورايا كللللشي.. ساليت القضية د التجارة ف الممنوعات... بعت الشركة ... كنت جاي و انبدا معاك من الزيرو ا رغدة
أنا (تنهدت) : صعيييييب الحال صعيييب خصنا نتخطاو شحال من حاجة ...
آدم : رغدة .... واش كاتعرفي المعنى ديال نتي روحي ... عقلي قلبي .. حياتي... ماقادرش نتخيل حياتي بلا بيك خصك غير تبغيي تطلقي من سفيان و كلشي عليا
أنا : تت تت.. مايمكنش
آدم :رااااغدة .. داااااك الخرااا لي كاتقولي عليه راجلك أكبر ز**** غدرني حسابلي راجل .. امنتو عليك ساع ولد لق*** غدرني غدرنننني ....
كنت محتاجة باش نعنقو .. عرفتو كيبغيني لواحد الدرجة لي يمكن عمرني تخيلتها .. تلاحيت عليه ... عنقتو ..
أنا :اادم ...
باداني العناق .. و خشاني وسط ضلوعه.. و دار وجهو ف عنقي... كيستنشق ريحتي... قابلت وجهي مع وجهو... النفس ديالنا كاتخلط مع بعضياتها.. و نيفو كيداعب نيفي .... مايمكنش نكون أنا وياه بهاد القرب.. و شفايفه مايتجرؤش .. ينزلو على شفايفي. .
بدينا بقبلة ... هاااادئة كيقبل ... شفتي السفلية بهدوء.. و حنية حتى ... ولات قبلة فرنسية... كيدخل لساانه لداخل د فمي .. انا مع الأسف غيبت.. مابقيتش واعيا أش كاندير ... نسيت كلشي.. لي عارفة دابا هو كاينين غير أنا وياه ... وصلنا لواحد الدرجة .. عمرنا وصلنا لها قبل ... خشا يديه تحت البيجامة ديالي كيتحسس ظهري ... زول تي شورت ... و رجعنا نكملو القبلة ديالنا.. كانتحسس صدره الضخم وسط القبلة ... كانتحسس عضلاته السداسية.. حتى زدحني على الفراش..
آدم (كيشوف فيا و كينهج) : what are you doing to me ؟ (شنو كاديري فيا)..
مافكرتش ف هادشي لي كاندير فيه ماشي مزيان .. ولكن تيقوني كنت غايبة على الوعي .. كانشوفو غير هو قدامي..
رجع تلاح عليا... و زول ليا الفوقاني د البيجامة .. و هبط ب قبل .. من عنقي .. تا وصل لشق صدري ..وصل ليه... حسيت شي حاجة كاتنغزني بين فخاضي .. وانا ندفعو و نقزت من بلاصتي و غطيت راسي ... 😳
أنا :آدم ... شكانديرو ؟؟؟؟؟ 😳
آدم (كايشوف فيا ... و فراسو) : i.. i... أنا ... انا
أنا : هولي فاك .... هولي فاااااك آدم كنا غادي نطيحو ف الحرام ...
بقيت دايرة يدي على فمي بصدمة آدم ... ماجاوبش... اكتفى بالصمت و كيشوف ف انحاء الغرفة... هبطت عيني ... شفت لي مايعجب ... طلعت عيني و نعلت الشيطان .. اعوذ بالله آدم كان وجهو عرقان و كيطرع النفس بجهد و يخرجها ..
آدم (جبد من جيبو سوارت د اللوطو) : ... هففف.. رغدة نزلي لتحت غير بركي على ريموت لي غادي تشعل الضو حلي الكوفر جيبي ليا ما نلبس انا داخل ندوش
أنا :اهم.. اوكاي ...
دخل هو لبست دغيا و زدت عليا قبية .. درت القب هبطت بالسلتة باش مانتلاقاش سفيان درت داكشي لي قال بانت ليا اللوطو لي دارت السينيال... حليت الكوفر لقيت فاليز ديالو .. جبدت ليه بوكسر اصلا عليه نايضة القيامة 😑 و تي شورت.. وسروال ... و طلعت بالجرا نيشات للمصعد ... دخلت لسويت ... كان مزال ف الدوش .. جلست ف الفراش هزيت الفون حليت الواتس و صلني ميساج من عند سفيان ..
سفيان : شنو كاديري..
شنو كاندير 😑😑😑😑 ألهلا يوريك أش كنت ندير ماجاوبتوش و خرجت من الواتس كانضور ف الانستاغرام .. حتى سمعت باب الحمام .. تحل طلعت عيني و حليتهم... خارج لاوي غير فوطة على نصو .. شعرو كيقطر بالما على صدره... ابتلعت ريقي ..
أنا : استغفر الله و... واش نتا ما... ماكتحشمش
آدم (كيهضر باستهزاء) : علاش مزال عاد غادي تحشمي مني من مور هادشي تت ماااايمكااانش ههههه
أنا : آداااااااام 😤😤😤😤
آدم : ااححح هههه على شوية و كنت نشوف كلشي (غمزني)
أنا (تزنگت) واش ماغاتحشمش 😳😳😳 (شيرت عليه بمخدة)
آدم (حط يديه على الفوطة ايزولها) : تت
أنا (غمضت عيني) : هدا هدا هدا .... حمار تسنا غير حتى نغمض عيني
آدم : ههههههه ماعنديش المشكل أنا بغيتي تشوفي هانية خودي راحتك اصلا هادا راه رزقك غير هو من الأحسن خليك مغمضة عينيك نخاف عليك
خشيت راسي تحت المخدة ...
أنا : تفوووووو عليك تفوو ...
آدم :شهادشي جبتي ليا ؟؟؟
أنا (مزال مخبية تحت المخدة) :شنووو 👀👀
آدم : واش أنا غادي ننعس بهاد السروال ؟؟؟
أنا (نضت) : هاااااا كيييييفاش تنعس ؟؟؟؟
آدم : علا اش يحسابلك ... راه فينما تضوري راسك اتلقايني حداك
ولد الحرام هادا باغي يحمقني جا تخشى حدايا و تغطى
آدم : طفي معاك الضو
أنا :😳
آدم : معاك كانهضر طفي ضو
أنا : وا المرض نوض تگعد عليا منهنا شمن طفي ضو باغي تشري ليا الصداع
آدم (تگعد و جر ليا فكي مزير عليه) : ا ***** مااااتعايرييييش و ماتغوتيييش و ماتهزيش عليا صوتك فهمتي (طلق مني)
أنا : اهئ اهئ اهئ حگاااااااااار والله تا نقولها ل... (سكت )
آدم : هههه لمن اتقوليها ؟
أنا : آه... ل بابا ؟؟ 😐
آدم : خليني نعس ...
أنا : آدم بشرط الصباح تغبر ...
آدم : مانضمنش ليك..
رجع تكا ... ماكاملاش تا 5 دقائق و هو يغييب ... نعس ... بقيت نشووووف فيه ... تكيت حداه ... بعيدة عليه و بقيت ساهية فيه ... معقلتش وقتاش غفيييت .... ونعست حتى كانفيق على الدقان ... حليت عيني .. كانلقى راسي ناعسة فوق من آدم و معنقاه .. و هو داير يديه على ظهري ...
سفيان : رغغغغغدةةة ..واش .. واقعة ليك شي حاجة .... انا غادي نعيط لهم يجيو يحلو الباب
أنا : 😳😳😳😳😳 هولي شييييييت .... ااااادم ... فيييييق 😳😳😳😳
آدم : واااات ... مالك المرض خالعاانا على الصباح
أنا : آدم نوووض رآه سفيان جا
آدم : ويجي راه قلت لك ماخايفش منو يعاودها ل ***
سفيان (كايدق) : رغدة ...
أنا : اااااه سفيااان بلاتي انا عاد خرجت من الدوش نلبس حوايجي و نهبط تسناني لتحت
سفيان : واخا. . أنا غير تخلعت عليك
انا : تت ماعندك علاش تخلع ...
آدم (كايعيب فيه) : انا غير تخلعت عليك اوك باي
أنا : ااادم صافي نوض ... خليتك هاد النهار تبات اعتبرته بمتابة وداع عييت من الصداع ... انبقا كل ساع نعاود لك الهضرة انا وياك سالييينا صافي ...
آدم : المرض صبحنا على الله... صافي نوضي نوضي ...(نايض كيخبط و كيسب )
نضت دغيا انا كانلبس حوايجي و قاديت مايك آب ... خفيف .. و فزگت شعري شوية .. زعما كنت فالدوش و نزلت خليت ادم الفوق ... لقيت سفيان كيتسناني ف الريسطو د الاوتيل ... سلمت عليه ... و جلست باش نفطرو ...
مع الجلسة لي جلست ڤيبرا التيل ديالي ... هزيتو لقيت آدم مسيفط لي ميساج " جمعي حناكك عندك" بقيت كانضور وجهي ... باش نشوف فين هو...
سفيان : علامن كاتقلبي ؟؟
انا: انااا ! تت لا... لا ماكنقلب على حد بغيت غير نعيط لسيرڤور نقولو يجيب لي قهوة بوحدها... تشهيتها
سفيان : قوليها ليا ماتعدبيش راسك... كي صبحتي رتاحيتي !!
انا : امم... الحمد لله رتاحيييت ( واحد النعسة ماااشهيتك فيها)
سفيان :داكشي لي بغيت ...
فطرنا انا وياه .. و قال ليا غادي نخرجو نضورو من بعد انمشيو نتغداو ل شي جيهة .. انا غا مسايراه و صافي .... غادة و حاضية جلايلي ... خايفة لا آدم يخرج من شي قنت ... يديرها و يفوتها لهيه .. السيد بوراقيه ... حمق مدرع
مشينا نتغداو فواحد الريسطو زوين و جلسنا بقينا نهضرو .. و كانحاول نبين كلشي طبيعي
أنا : كي بقا وجهك ... ؟
سفيان (قاص دوك الضربات) : هانتي كاتشوفي...
أنا : خصهم يبراو ف اقرب وقت
سفيان : خص لي يداوييهم
بليد هذا كيدق علياا 😤😤😤
انا: تا ندوزو ل شي فارماسي و ناخدو شي بوماد ديرها باش تبرا
سفيان : اهم... داكشي لي غاندير اصلا... مني نساليو نرجعو لوتيل ... يلاه نزلي معايا لبيسين ... راه دايرين بيسين مغطاة
أنا : اهم... اوكاي
كلينا و سالينا و رجعنا للفندق ... طلعت لسويت المسخوط خلاها هاكا مرونة .. مازالين ملاوحين حوايجو ... مشيت جبد بيكيني و كسوة ... و دخلت للحمام لبستهم ... و خرجت ..
مع الخرجة تزدحات جبهتي مع صدرو
أنا (كانحك جبهتي) : المرض واااش ماكاتعلمش .. منييين كاتخرج منييين
آدم (طلعني من الفوق للتحت) : فين غادا
أنا :هابطة نعوم
آدم : واش نتي ممممريييضة ف مخك واش عوالة من نيتك تعومي
أنا : ايييه.. مالي ماشي بنادم تا أنا
آدم : هاكا و لي يسوى و لي مايسواش يتفرج فيييييك و يشوفك و داك **** تا هو يشوفك
أنا : مااالك معقد مااالك فين هي ميريكان زعما كبرتي تماك و اوپن مايند (عقلية متفتحة)
آدم : ا لالة انت عندي كلوزيد مايند صافي !!! انا معقد مانبغي تا حد من غيري يشوفك .. هادوك تماك نصارى حنا مسلمين
أنا (كانسد ف الكسوى) : اولا ماخصكش نتا تشوفني براسك ثانيا غدا يوم القيامة انتحاسبو على شنو درنا لبارح يا ربي تسمح ليا ثالثا.. عمرك صليتي ا آدم هههههه ؟
آدم : هممم... 😒😒😒
أنا : دابا مثلا بغيتي تصلي كيفاش دير تا تشد القبلة ههههه 😂
آدم : haha so funny 😑 نتي لي كاتهضري كاتصلي
أنا : يا ربي تعفو عليا كانصلي ونقطع ولكن على الأقل كانعرف القبلة فين جات
ادم : علاش كاتقارنيني بيك انا كبرت تماك و ف ظروف ماشي هي هاديك اولا ماما مسيحية .. و بابا مسلم و ماكانش معانا بزاف و ماتو و خلاوني بوحدي
مني قال هاد الكلام بقا فيا فهاد اللحظة ... باينة مادوزش طفولة عادية و تعذب ...
أنا : صافي .. ماتخافش مانعومش ...
آدم : لبسي شي حاجة طويلة
أنا : وا مااااتعيقش ..
آدم :فخبارك راك محسوبة مراتي انا ماشي مرات داك المخنت
أنا : ههههه والله تا لقيتيني كانقولها مع راسي كانشوفك كثر ملي كانشوفو هههه
آدم (شد دراعي) :ايوا سمعي بربي و ماتبدلي هاد الكسوة لاهبطتيها ولا عتبتي على باب السويت
أنا : اعوذ بالله ا ويلي واش نتا مازاال عندك هاد انفصام الشخصية
آدم : انفصام ل**** نوضي تگعدي عليا
أنا : طلق...
آدم (طلق مني) : يلاه سيري بدلي عليا هاد التقزيبة
أنا : 😒😒😒 أنا لي واقيلة حمقة مخلياك تحكم فيا بعد مني
آدم (دار ليا واحد الابتسامة مستفزة) : you are mine (نتي ديالي)
أنا :I'm noooot 😠😠 I'm miiiine لااااء انا ديااالييي
آدم : لغة جديدة هادي... نوضي نوضي بدلي .. كون جيتي عليا انا بقاي معايا و خودي راحتك لبسي بيكيني ولا ماتابسيش گااااع والله تا هاااانية يلا كنت غير انا خودي راحتك ا بب
أنا (تلاحيت على الفراش بلا مانجاوب و بقيت نشوف ف السقف.. و تنهدت) : الصمت..
آدم (جا تكا حدايا و بدا يلعب ب خصلات من شعري) : مال حبيبتي
أنا (كملت على تنهيدتي) : كانحس بالخنقة... معرفتش اش ندير ... كنت متقبلة الوضع قبل زعما حيت ظنيته انه عتقني... ولكن مني عرفتو كذب حسيت بالشمتة ... تسرعت بزااااف .. ندمت
آدم : كون غير تهورتي و اتصلتي بيا و حاولتي تستفزيني ديك الساع كنت غادي نطير و نمنع هاد الزواج ... أصلا تعطت ب ثوان قليلة .. حبسوني ف المطار ولد الكلبة كان عارفني انسيق الخبار تال اخر لحظة ... وصى عليا باش يشدوني.. ويعطلوني ...
أنا (شفت فيه) : شنو خصني ندير دابا ا آدم ... بغيت نكون معاك نتا...
آدم : انا باغي كثر منك... واخا راك ديالي.. ولكن نبغي مني نقرب ليك تكوني ديالي .. حلالي مانحسش براسي اني كاندير شي حاجة خايبة .... الحل ف يديك .. ساهل غادي طلبي منو الطلاق
أنا : واش فنظرك بهاد السهولة شوف هو غير اش دار باش يتزوج بيا ..عاد يطلقني واخا يعرف على حساب روحو...
آدم : هووووووفففف (دار يدو على وجهه)... مععععرفتش... شبان لك نغتاصبك باش يطلقك
أنا (شفت فيه بصدمة) : اويلي واش تصطييييتي
آدم : وا ف الصراحة ماكرهتش ولكن.. تت ماشي حل.. المهم غادي تدوزي دابا هاد السيمانة ... وشوفي ماتتتخلييييهش يتمادى ولايحاااول يقرب لك و الا غادي نوض نگهل مو عصى
أنا ( هزيت صبعي كاندوزو على لحيته) : اممم.. كاتغير عليا همم..
آدم (كايشوف فصبعي.. و يشوف فيا...) : راه الشوفة لي كيدير فيك كانبغي نجبد لوالدين مو العيييينين ديالو (جرني من يدي لعندو... جيت على صدره) نتي كاتخصيني غير انا I mean it.. uu are only mine... كانعنييها... نتي ديالي بوحدي أي حاجة فيك ديالي ... شتي ضفرك الصغير كيخصني فهمتي ....
انا (استنشقت عطره ... غمضت عيني و بعدت) : امم... فهمت...
آدم : سمعي .. متخليهش يدخل لعندك لهنا ولا يقرب ليك اصلا انكون هنا...
أنا : شننننو 😳
آدم : عنداك يحسابلك انخليك بوحدك كل نهاااار انباتو انا وياك هنا فوق هاد الفراش ..
أنا : حرااااام 😠
آدم : نحللوه ا لالة
نزلت من بعد ما بدلت حوايجي عند سفيان ... اعتذرت ليه قلت ليه مايمكنش ليا نعوم غالبا فهم زعما راه جاتني الدورة الشهرية.. ماحكرش ... بقيت انا جالسة غير تماك باش مانعيقش بلي كاينة شي حاجة... دوزنا سيمانة هنا... آدم ماتفاكش معايا ماكايخلينيش بوحدي و غير حاضيني ... و ايلا مشا تا شاف سفيان قرب ليا كايبغي يقتلو غير كانبقى نهدن فيه ... بليل كانمشي ننعس على الاريكة مني مانفيق كانلقى راسي ناعسة على صدر آدم .. شي نهار نفيق نلقا راسي درت الدراري .. المهاوش لاخر ...😒 فأي فرصة جاتو... ماخصوش يفلتها و يعنفج ليا فمي ... واخا منكدة عليا .. على الاقل مني كايكون قريب ليا كانحس بشوية د الفرحة واخا النهاية د هادشي مجهولة ... و ماعرفتش اشنو ندير ... آدم قاليا طلبي الطلاق ... ولكن راه ماشي بهاد السهولة متأكدة .. انه سفيان ماغاديش يبغي يطلقني ... و يدير المستحيل باش يفرقني انا و آدم ... خفت يلفق شي تهمة ل آدم .. بما انه ظابط يديرها داكشي علاش مابغيت ندير حتى شي تصرف نندم عليه من بعد .. ماقادراش حتى نصارحه و نقولو راني عارفاك كدبتي عليا ... وليت كانخاف منو اش نتسنى من واحد بوليسي و كيعاون العصابات ..آ اه بصح آدم منهم ولكن على الأقل عارفة اش كاين و عارفاه كيداير دخل لداكشي و هو مضطر و سمح دابا ف كلشي على ودي غير باش نكونو أنا وياه.. و كيما كان الحال ماكانش كيمثل انه كيحمي بلاده و من بعد يدير حوايج خايبين كيما سفيان شرطي مهنة شريفة ... كاتقسم بحماية الوطن ديالك.. هادا اش يدير غير ماكيزيد يفسدها وعاد زيد الكدوب لي كاذب عليا خالعني منو بزاااااااف..
أنت تقرأ
قلب ينبض في قعر الظلام | مكتملة.
Romanceقصة درامية تكميلية ل قصة أسيرة عيونك ... تدور حول ابنة ابطال قصة " اسيرة عيونك " لستم مضطرين لقراءة القصة السابقة كما اني سأذكر بعض التفاصيل من القصة السابقة .. قلب ينبض في قعر الظلام بقلم : يسرى . قصة بالدارجة المغربية تاريخ اول نشر للقصة...
