بابا : رغد .. خليهم بوحدهم
ماما : اهم ..
ناضت و خرجات هو و بابا سدو علينا الباب و خلاونا بزوج
سفيان : .. علاش هربتي
انا : الصمت
سفيان : سمعي مزيان ا رغدة انا راه راجل ماشي مونيكة قدامك ماشي تمشي معا راجل اخر و انا نبقا ساكت لك
انا : مامشيييييييتش معاه ا سفيان
سفيان : شكنتو كاديرو بزوج ل داخل كاتسبحو و لا كاتقراو القرآن
ناري زمتني ف هادي بقيت غير نشوف
انا : نتا دابا كاتشك فيا راه ماطرا بيني و بينو والوووو
سفيان : هه وا ف هادي مانقدرش نحكم ماكنتش معاكم ..
انا : سفيان من لخر يلا عاودتي حاولتي تقرب ليا غادي نعاود كلشي ل بابا
سفيان : و شنو غادي تقولي ليه راه راجلي بغا ينعس معايا و مابغيتش هههههههه
انا : غادي نحكي ليه كلشي بلي كذبتي علينا و ماشي نتا لي تبرعتي ليا ب الدم و تزوجت بيك غير باش نرض الجميل و راك عارف فاين خدام بابا غادي يطلقني منك ف رمشة عين
سفيان (جمع الضحكة ) : و شنو غادي تكون ردة فعله يلا عرف بنتو المصونة كاتخون راجلها و عندها صاحبها ها ؟
انا (بقيت ساكتة .. عاد هضرت) : .... اوكاي التعادل نتا مغاديش تقول ليه و ماتقربش ليا و انا ماغانقول حتى حاجة مزيانة ... ؟
سفيان : بشرط .. غادي نديك عند الطبيبة و نشوفو واش مازال بنت ..
ماهمنيش شكه فيا حيت ماكيعني ليا والو
انا : ههه واخا
سفيان : الطبيبة لي بغيت انا ماشي نتي
انا: ماعنديييش المشكل
سفيان : حاجة ثانية اتنسآآآاي آدم و مايجي منو و ايلا عرفتك مازال كاتلاقاي بيه ب ربي حتى تشوفيه ب عينيك داخل للحبس و عمرك تحلمي بيه ايخرج و كاع هاد الاتفاق لي درنا غادي يتلغى فهمتي
انا( درت فيه نظرات الاحتقار) : شمن نوع من البشر نتا هاه ... ؟ كيفاش تكلخت و تقت فيك كيفاش طاوعك قلبك تكذب عليا و تستغل مسألة الدم باش نتزوج بيك و تغذر انسان تاق فيك أمنك على انسانة غالية عليه و تطعنو ف ظهره كيييييفاش قدرتي دير هاكا و دابا .. كاتهددني باش نتفارق عليه ولا تدخلو للحبس .. تت كنت عمية و ماشفتش حقيقتك
سفيان (قرب ليا) : رغدة سمعي .. انا ماشي كيما كاظني .. بصح درت حوايج خايبين و لكن هادشي كولو من حبي ليك .. اه كانبغيك و بزاف ماشي لخاطري من نهار عتقتك و انا كانبغيك يقدر يجيك هادشي جنوني ولكن كانبغيك .. مانقدرش نخليك ل آدم اصلا مايستاهلكش .. انا لي نستاهلك .. انا لي درت المستحيل باش تكوني ليا و عمرك تحلمي اني غادي نخليك ل آدم عمرك ... واخا على حساب روحي واخا نبقا انا وياك بحال الخوت حياتي كاملة ماغاديش نطلقك فهمتتتتيييي
بقيت حالا عيني بصدمة فيه مالقيتش باش نجاوبو هادا حمق والله تا حمق
سفيان (وقف) : كلامي كان واضح .. اختاري تستمر علاقتك ب آدم .. و تفقديه للابد .. و لا تعرفيه عايش مرتاح واخا مامجموعينش .. شنو قلتي
انا : الصمت ..
سفيان : اختاري ... القرار بيديك
انا : .. راك عارف اشنو غادي نختار بلا ماتبقا تعاود هاد السؤال
سفيان ( ابتسامة شريرة ) : .. مزيا ا ا ن كايعجبوني الناس لي كيضحيو على قبل الناس لي كايبغيو .. .. بالنسبة لهادشي راه ايبقى هنا ايلا عرف شي حد و لا ايلا فكرتي ف الطلاق نساي آدم.... مزياااان دابا زيدي نمشيو
رمقته ب نظرات كون كانو يقتلو كون مات .. وقفت و هو زاد و تبعتو .. خرجنا من البيت و لقينا ماما و بابا ..
بابا : فين غاديين ؟
سفيان : حلينا المشكل .. انمشيو بحالناا
بابا : ا لا بنتي ماعندها فين تمشي و نتا مزال ماتفاهمت معاك.
~~~~~
سفيان : ش..شنو ؟؟
بابا : مازال ماتفاهمت معاك .. مازال ماتزاد هذا لي يضرب ليا بنتي ...
سفيان : و..ولكن راه صافي حلينا المشكل ..
بابا : تبعني ..
بابا دخل لبيتي و تبعو سفيان و سدو عليهم ..
ماما : شنو قالك ؟؟
انا : امم .. صافي تافقنا ثاني مايقرب ليا حتى نبغي انا
ماما : اممم .. رغدة !!
انا : همم .. ؟
ماما : هو دابا انا ماشي ماتيقتكش تيقتك والله و لكن شي حاجة مازال مابغيتيش تعاوديها ليا و هي اساس المشكل
انا : ش..نو ؟؟ شكاتقولي .. تتت ماكاين والو من هادشي ا ماما غير تهيئ لك و جاب لك الله
ماما : على خاطرك بغيتي تقولي .. هانا كانسمع ليك و ماكاينش لي غادي يعاونك من غيري
انا (عنقتها) : ماتخافيش ا ماما كون كانت شي حاجة غادي نقولها لك
و انا مازال معنقاها بديت كانسمع غوات بابا .. كايغوت عليه ..
انا : نا ا ا ا ا ر ي يا ماما عنداك بابا يضربو
ماما : يضربو يا بنتي و يفوتها لهيه
انا : نآاررري صافي بلاش منو صداع يخرج و نمشيو بحالنا
ماما : محال باك يخليك تمشي
انا : ياك :/ ..
ماما هزات حاجبها بمعنى آه ..
تحل الباب وخرج سفيان كيبان ليا صا ا ا ا عر ..
انا : امم .. نمشيو ؟
بابا : ماعندك نتي فين تمشي .. ريحي لرض
انا : ولكن ...
بابا : رغدة هضرت معاك .. ياك جيتي هنا هربانة جلسي هنا ماتزادش لي يمد يدو على بنتي
سفيان : رغدة غدا نجي عليك ..
انا : امم .. واخا
خرج صاعر و زدح باب الدار
بابا : و نتي هاد المرة ماشي يطرا مشكل تجي هربانة راه زواج هادا ماشي تفلية كون دار كلشي هاكا كون الناس كاملة طلقات
انا بقيت ساكتة و حنيت راسي .. مابغيتش نهضر ..
بابا : و ماشي ثاني حيت علمتك تدافعي على راسك تنوضي ضربي ف بنات الناس
أنا : ولكن ا بابا .. رآه والله هوما لي جبدوني و نتا عارفني دغيا كانتعصب ماشتيهمش اش دارو ليا
بابا : واخا هاكاك ماضربييييهاش هضري بفمك
أنا (كنبركم) : اودي كون كان يفهمو كاعما نضربها
بابا : شنو ؟؟
أنا : والو ا بابا ...
دخل هو للبيت و انا بقيت نضور ف عيني و هي تشوفني ماما
ماما : مالك ؟
انا : فيا الجوووووع 😟
ماما : لا حول و لاقوة الا بالله لي فيك مامهنيك ..
انا : واراه ماكليت والو ا ماما نهار كامل 😞
ماما (اتجهت للكوزينة) : زيدي زيدي ...
تبعتها و جلست ف الكرسي ... كانتسناها تحط ليا ...
ماما : رغدة ... !!
أنا : نعام ا ماما ..
ماما : غيييير كاتخربقي ا بنتي و الله مافهمتش أنا هاد قلة عقلك منين ورتيها لا أنا لا باباك كنا هاكا ... كون تعرفي اش دزنا منو ...
أنا (بحزن) : حتى واحد ا ماما ماكيتحكم ف طبعه ... أنا هاكة .. مكانفكرش عارفة راسي متهورة و ديما كانندم ف اللخر
ماما : يكفي انك تسمعي لكلامي ... رجوعك من امريكا و نفورك منها مافهمتش سببه ولكن جيتيني رجعتي نادمة حيت مشيتي لأمريكا ... و انا من النهار اللول رفضت مابغيتكش تمشي عاندتيني ... و مشيتي و دابا زواجك شحال وأنا نقولك رغدة ماتسرعيش ا بنتي... ولكن تت نتي لي فراسك فراسك و داكشي لي كيدور فيه هو لي كاديريه و كاتندمي ف اللخر
أنا (نزلات دمعة من عيني) : و ها أنا كاندفع ف كل مرة ثمن تهوري و كانتحمل مسؤوليتي راسي و ماكاندخلكمش معايا ف هادشي
ماما (جات لعندي و هزات ليا وجهي بيديها) : واخا ماتدخليناش... لداخل ديالنا ربي لي عالم بيه .. ف نظرك دابا اشنو إحساسي و انا كانشوفك كاتعذبي و ماقادرة ندير لك وااااالو.. شنو احساسي ؟؟؟ كانتعذب كثر ملي كاتعذبي ... ماغاديش تحسي بهادشي لي كانقولك حتى تولي أم
درت يدي على وجهي و بقيت كانبكي
أنا : اهئ اهئ والله ا ماما ما لخاااطري اهئ.. بلا ماتزيدي تكملي عليا ..... كانتحرق من لدااخل ... اهئ والله تا كانتحرق وليت نتمنى غير يرجع بيا الوقت لور شويا مانعاودش نفس الأخطاء لي درت ولكن أنا ف كل مرة كانطيح ف مشكل كانجي نحلها.. كنكحلها كانعميها ... كانكفسها ... اهئ اهئ اهئ... أش ندير ااااش
ماما (كاتمسح ليا دموعي) : رغدة... رغدة شوفي فيا ... شوفي
أنا : اهئ اهئ اهئ
ماما : بنتي... سمعي ديري راسك كأنك غادي تهضري مع نفسك صارحيني ... ووعد مني غادي نحاول نعاونك ايلا قدرت ندير شي حاجة انديرها غير صارحيني
أنا :اهئ اهئ ماااانقدرش ا ماما ... مانقدرش ..
ماما : رغدة ... أنا غير باغا تعاون ا بنتي
أنا : اهئ اششش نقولك ا ماما أش نقوووول بلي كانبغي ولد العدو ديالكم هااه ؟؟؟
ماما (عينيها تحلو بصدمة و رجعات ببضع خطوات للوراء) : شش... نو ؟؟؟؟؟
أنا : اهئ اهئ شتي.... شفتي ا ماما ها علاش مابغيتش نقولك
ماما (مازال مصدومة) : ب.. بلاتي رغدة... (غمضات عينيها و عاودات حلاتهم) شرحلي ... ليا مافهمتش و.. واش ولد حاتم.. داك لي بغا يقتلك ؟؟
أنا : تت ماشي هو ا ماما ماشي هو لي بغا يقتلني .. آدم كيبغيني مايقدرش يآذيني ...
ماما : و باش عرفتيه بلي فعلا كايبغيك... و ماشي هو لي حاول يقتلك ؟؟؟
أنا : بحال ايلا سولتك انا باش عرفتي بلي بابا فعلا كايبغيك ... و ماشي هو لي حرض عليك حاتم يخطفك
ماما : شدا شي ل شي ؟؟؟؟
أنا : ماما آدم كيبغيني و انا عارفة هادشي مانقدرش نتبت لك ولكن كيبغيني والله ... كيبيغيني يمكن كثر ملي كامبغيه أنا
ماما : و مني كاتبغيه علاااااش تزوجتي ب سفيان علاش ؟؟؟ نتي لي بغيتي تعذبي راسك ب راسك
أنا : الصمت ...
ماما : علاااااش ؟
أنا : ... حيت .. حيت حسابلي بصح هو لي تبرع ليا بالدم هو لي عتقني ... حسيت براسي مديونة ليه ب حياتي .. هادشي علاش
ماما : يحسابلك ؟؟؟
أنا (حركت راسي بآه) : ... ماشي هو... لي تبرع ليا بالدم ... آدم
ماما (دارت يدها على فمها بصدمة ) : ... كيفاش قدر يديرها ... كيفاش
أنا : الأمور معقدة ا ماما .. آدم أمنه عليا يحضيني ولكن هو غذر بيه و استغل هادشي باش يتقرب مني و نتزوجو ...
ماما : غدا غادي ترفعي عليه دعوة د الطلاق ... تتت ماااايمكنش
نزلو دموعي و حركت لها راسي بالنفي
ماما : كيفاش لا ... رغدة ماتحمقينيششش
أنا : مانقدرش ... مانقدرش ا ماما اهئ اهئ اهئ
ماما : اش... ماتقدريش هادا هو الحماق بعينيه ؟؟؟ انا فجنبك و باباك فجنبك ماعندك مناش تخافي
أنا : مانقدرش ا ماما مانقدرش ... سفيان ... سفيان عندو شي حوايج على آدم ايدخلوه الحبس ف حالة ما فكرت نطلق منو و لا شافني مع آدم ... هددني بلي ايدخلو الحبس ليوم ... و انا مانقدرش ا ماما نعرض حياة آدم للخطر مانقددددرش اهئ اهئ اهئ
عنقااااتني ماما بجججهد كاتسكت فيا..
ماما : شششش صافي ... ا بنتي صاففي .. صافي
بابا : رغد ... رغدة!!!
صافي ... مشيت فيها مشيييييت .
___
بابا : رغد... رغدة ؟؟؟
ماما : غ... غالي
شفنا ف بعضياتنا انا و ماما .. و رجعنا شفنا فيه ب خوف
بابا : مالك ... ثاني ا رغدة كاتبكي ...
ماما (كحزات عليا و مشات شدات ل بابا ف يديه) : خليها على خاطرها ... بغات تفش قلبها ... (غمزاتو) يلاه... نخليوها بوحدها
اوف الحمد لله بابا ماسمع حتى حاجة .... مابغيت ندير والو ... وليت مضطرة نسمع لسفيان ... باش مايدخلش آدم للحبس ... مضطرة نقطع علاقتي بيه ..... مانقدرش نشوفو كيتآذى بسبيي ... عمري نسمح ل راسي عمري ... خرج بابا هو ماما ... بقيت ساكنة ... لمدة حتى بردت ... نضت كليت و مشيت ل بيتي ننعس .... تكيت على الفراش .... و تغطيت ... كانفكر ... حتى صونا الفون ديالي ... هزيتو كان آدم ... سمحلي ا حياتي سمحلي ... وصلنا لنهاية الطريق .. و انا وياك عمرنا نكونو مع بعضياتنا .. مكتابيناش ل بعضياتنا ... مكتوب عليا نكمل حياتي مع واحد كارهاه تقدر ... تنساني مع الوقت ... و تقدر تلقا لي تنسيني فيك واخا مجرد التفكير ف هادشي كايعذبني... ولكن على الأقل نعرفك فرحان ف حياتك ... كانتمى ليك السعادة ... و كانتمى ل راسي التعاسة لآخر يوم فحياتي ... بغيت نتعذب كل نهار كل ساعة كل ثانية على الخطأ لي درت حيت نستاهل ... قطعت عليه .... وبديت نبكي نبكي نبكي ... حتى داني نعاس و الدموع على خدي .... ضرباتني الفيقة على آذان الفجر... ربما هذا انذار ليا باش نبدل حياتي ... نتقرب من الله و قدي قداش ماكانصليش ... جاني واحد تأنيب الضمير.... خايب ... نضت للحمام و توضيت و رجعت للبيت لبست واحد العبائة د الصلاة شارياها ليا ماما... ديما كانت كاتقولي نصلي... كنت ندير لها خاطرها و ننوض نصلي ... باش نرضيها و صافي ماشي باش نرضي الله كنت نصلي ايلا طولت 3 د سيمانات و نقطع ... اليوم غادي نصلي لربي لي خلقني ... صليت و دعيت الله يغفر ليا اي ذنب درتو ف حياتي و يعفو عليا... بقيت كانبكي ... حيت كنت مبعدة على طريق الله؛ دعيت الله يدير ليا لي فيها الخير ايلا كان سفيان هو لي فيه الخير ربي يجمعنا ... وايلا كان فيه الشر ربي يبعدو عليا ... فشيت قلبي لاول مرة فحياتي ... و اول مرة نحس بهاد الراحة النفسية ... عطيت وعد لنفسي و ل ربي ... عمرني نقطعها .... زولت العبائة ... و رجعت ننعس .... اول مرة من بعد كاع هاد المشاكل لي تكبو عليا كانحس براحة حيت عارفة ربي ماغاديش يرد ليا دعوتي ... و غادي يقبلها و لي فيها الخير هي لي غاتكون .
فقت على خاطري .. هزيت التيل كانت 9 و نص... خرجت من البيت لقيت ماما جالسة كاتفطر بوحدها
أنا : ماما... جالسة بوحدك
ماما : امم.. جالسة بوحدي ا حبيبتي
أنا : فين لخرين ؟؟
ماما : جاد قاري و باباك راكي عارفة الخدمة ...
انا : اممم.. ايوا جاب الله لي يونسك هههه
جلست كانفطر ... بقيت كانهضر انا وياها حتى جبدات ليا الموضوع د البارح ..
ماما : اشنو اديري دابا
أنا : اش ندير ؟؟ مولاها ربي صافي .. لي مكتبة عليا غادي تكون
ماما (قبطات ف يدي) : انا اكثر وحدة غادي تكون معاك سواء كانتي ظالمة ولا مظلومة ... معرفتش انا كون كنت ف بلاصتك اش ندير ولكن... مكنتش نتخلا على باباك بهاد السهولة ...
أنا : درت حوايج خايبين ف هاد المدة اللخرة ... مابغيتش نزيد ف الذنوب و الله كون غير كنت مامزوجاش ... انا مزوجة ... كيفاش غادي نبقى مع واحد آخر
ماما : استغفر الله واش انا قلت ليك سيري..... اتقوليني شي حاجة مخرجاتش من فمي الله الله
انا : هههههه لا لا ماقصدتش ا ماما... ولكن ... هففف معرفتش المهم صافي ماغادي ندير والو و لي مكتاب هو لي مكتاب
ماما : كاتهمني فقط سعادتك ا حبيتي ....
أنا (قبلت يديها) : الله يخليك ليا ا ماما ...
عنقاتني... بقيت تا انا معنقاها ... حتى سمعنا الدقان ف الباب..
ماما : شوفي شكون ا رغدة ...
مشيت للباب و شفت ف العوينة .. كان سفيان ... رجعت عند ماما كانجري
أنا : ماما سفيان ... شوفي عاااافاك ماتقولي ليه وااالو تعاملي عادي اوكاي
ماما : تت... مايمكنش نتعامل عادي ..
أنا : ماما عااافاك ماتخلينيش نندم حيت عاودت ليك ..
ماما : هففف.. صافي سيري قبل مايفرع علينا الباب ...
رجعت طاااايرة و حليت الباب ...
سفيان (بلا سلام بلا كلام) : واجدة ...؟
أنا : بلاتي راه يلاه كنت كنفطر ...
سفيان : يالاه سربي راسك
ماما : صباح الخير ا سفيان .. شتك مبكر
سفيان (اسطنع الابتسامة) : ههه.. صباح النور راك عارفة ا خالتي يلاه تزوجنا و مانبغيهاش تبعد عليا
ماما : همم... واخا هاكاك راها ماشي ف الزنقة ... راها ف دار باها
أنا : امم.. ماما اجي معايا .. سفيان هانا جاية نبدل ونرجع
جريت ماما من يديها و دخلنا ل بيتي
أنا :مااااما ... واش هادشي غير وصيتك
ماما : مااابقييييتش انا كانحملو و مكيتسرطش ليا ...
أنا (قبطت فيديها) : خطأ بسيط مني يقدر يدخل آدم للحبس سوو بليييييز ... ماتديريش شي حاجة لي تخلي سفيان يشك
ماما : هفف... واخا واخا ا بنتي واخا ... انحاول واخا ماكانحملش ننافق الواحد
أنا (بعينين عامرين دموع) : مضطرين ا ماما ... مضطرين ...
ضماتني ليها حتى سمعت سفيان كيعيط... عزيز عليه يخسر اللحظة ... لبست شي حوايج بقاو هنا... و خرجت عندو ... ركبنا ف اللوطو ماهضرتش معاه ف خطرا ... حتى هضر هو
سفيان : عنداك تنساي اتفاقنا.. غادي نبينو على اساس زواج حقيقي قدام دارنا انقولو لهم غير تناقشنا لبارح و صافي واااااياااااك و يغرك الشيطان و تقولي ل شي حد هادشي لي بيناتنا فهمتي... و كنأكد على آدم نسااااايه... ايلا عرفت انك كاتهضري معاه ولا تشاوفتو ... راكي عارفة اش غادي يطرا
أنا (من بعد صمت طوييييل) : فرحان ؟
سفيان : شنو ؟
أنا : سولتك واش فرحان ؟
سفيان : ماحدك بعيدة على آدم غانكون فرحان ... واخا انكون فرحان كثر ايلا نسيتيه
أنا (تنهدت) : ماتخافش ماعمري انعاود نشوف ادم.. و لا نهضر معاه غير رتاح
سفيان (ابتسامة نصر) : داكشي لي بغيت
بقينا غاديين ف صمت حتى وصلنا للدار ... نزلنا من اللوطو قربنا للباب و هو يشد يدي و شابكهم مع يديه ... شافت فيديه و ف وجهو
سفيان : باش مايشكو ف والو
حل الباب و دخلنا .... لقيتهم كاملين مجموعين عاد كيفطرو ...
زهور (كاتطنز) : على السلامة
أنا (متمرة) : الله يسلمك...
سفيان : ماما .. الوليد .. البنات داكشي لي طرا البارح مابغيتوش يتعاود صافي ... مييكو على رغدة واخا ؟؟ و خليوها على خاطرها و على راحتها تا واحد مايدخل فيها ايلا بغات شي حاجة عطيوها لها و ايلا بغات تدير شي حاجة ديرها ماشغل حد فيها
بقاو خواتاتو كيطلعو و يهبطو فيا .... تا انا بقيت مفيكسيا عيني فيهم ب معنى ماخايفاش منكم ..
أنا : هانا طالعة للبيت ....
نترت يدي منو ... و طلعت فحالي و انا مزال ف الدروج سمعت هضرتهم...
أحلام : واش نتا كاتريگل علينا هااا ؟؟؟؟ لبارج گالس علينا ديرو لها و فعلو لها و دابا ماتقربوش ليها
سفيان : لبارح كنت معصب ... كنا مدابزين داكشي علاش
مريم : أنا ماشي شغلي اتجبدني انعطيها علاش تضور
سفيان : بالله ا مريم و ديري لها شي حاجة حتى نتفاهم معاك صافي نساو داكشي بحالا ماقلت ليكم والو
زهور : تا نتا هضر معاها تشد تيقارها رآها ماساهلاش شو كي بوقلات ل ختك راسها ..
كملت طريقي ... هضرتهم خااااوية و لكن المهم رآه عرفو راسهم معامن ماغاديش نسكت ليهم ... دخلت للبيت طفيت تيل لي عطاني آدم باش مايعاودش يتصل بيا ... و خبيتو ... جلست و خديت تيل ديالي كانلعب بيه حتى دخل عليا سفيان ...
سفيان : يلاه ؟
أنا : فين ؟؟؟
سفيان : غانديك للطبيبة
أنا : واش من نيتك رآه قلت ليك أنه ماطرا بيني و بينو واااالو
سفيان : خصني نتأكد أنا باش غانعرفك واش كاتكدبي و لا لا
أنا : ماعندي حتى مصلحة باش نكدب عليك ... و لا صافي يالاه زيد نمشيو ..
سفيان : هي دابا ... ها أنا سبقتك لتحت ...
خرج هو .... بقيت كاندير شهييييق زفيييير .... خصني نولي نتحكم ف اعصابي معاه ... و إلا غادي يترمى عليا تا انا السكار فحال ماما ... هوفففف ... تبعتو ديك الساع .... و طلعت للوطو بقا غادي حتى وصلنا قدام واحد العيادة ....
سفيان : يلاه نزلي...
ميقتو و هبطت ....دخلنا ل واحد العمارة طلعنا ف المصعد .. حتى تحل و دخلنا لعندها ....
المساعدة : السلام ... واش واخدين موعد ولا عاد اتاخدوه ؟
سفيان : لا لا واخدينو ... سفيان السليماني
المساعدة : آه ... تفضلو إذن ...
دخلنا لعندها لداخل الظاهر أنها هي وياه كيتعارفو ... عنقاتو و سلمات عليه و بقاو مدة كيحكيو مع بعضياتهم....
سفيان : المهم راكي عارفة شغلك ... انا كانتسنا على برا مني تسالي عيطي عليا...
الطبيبة : كون هاني ... (غمزاتو) مادام رغدة تفضلي ....
أنا : آنسة رغدة الله يخليك ... انا مازال بنت
الطبيبة : ها حنا غانشوفو ....
دخلاتني لواحد البلاصة طلبات مني نزول حوايجي التحتانيين السروال و داكشي... درت داكشي لي قالت ليا .... و جلست فوق واحد الفراش ... بقات كاتقلب فيا من جميع الاماكن و المناطق ... حتى سالات .. .
الطبيبة : يمكن ليك تنوضي...
أنا (كانلبس حوايجي).: تأكدتي ؟
الطبيبة (زولات ديك الكمامة ): رغدة... انا ماعندي دخل ف هادشي ... كاندير غير خدمتي و سفيان صديق عزييييز عليا بزاف ... مانقدرش نقوليه لا
أنا : شغلكم هاداك... انا عارفة راسي شكانسوا
سديت السنسلة د السروال و سبقتها خرجت للبيرو ديالها و جلست فوق الكرسي ... هي عاد لحقات عليا و هزات الفيكس و قالت للمساعدة ديالها تعيط ل سفيان .... ثواني قليلة و هو يدخل و يجلس
سفيان : امضرا ؟
الطبيبة : مزال بنت...
سفيان : اممم ماعمر شي حد قرب ليها يعني ... فهمتي
أنا : واااش نتااا مريييض ولا شنو ماكاتفهمش راه قالت لك بنت يااااا على اش بغيتي مزال
الطبيبة : هيه... ششش صافي تهدنو .. سفيان كون كانت شي حاجة ماغاديش نخبيها عليك ... ماعمرها دارت شي علاقة جنسية كون هاني ...
سفيان : صافي فهمت .... شكرا ليك بزاااف ... نتي يلاه زيدي
أنا : عندي سميتي واقيلة ....
وقفت و سبقو خرجت انا اللولة . . حتى لحق عليا نزلنا و طلعنا لسيارة
انا : رتاحيتي ؟؟؟
سفيان (بعصبية) : ااااه رتااااحيت
أنا (ضحكت باستهزاء) : ههه.. على سلامتك... كاتبقا فيا بزاف ... كانشفق على حالتك
سفيان : رغدة ... خليني مبرد معاك ولا ماغايعجبك حال
أنا : اوه (بصدمة مصطنعة) ياكما اتبغي تغتاصبني ثاني ؟
سفيان : رررغغغدة
أنا : ايلا راني معاك و ماطلبتش الطلاق ف غير حيت ماباغاكش تآذي آدم و الا مانجلسش معاك تا دقيقة
سفيان : مزياااان المهم راكي معايا مكيهمنيش كيفاش و علاش
بقيت سااااكتة .. حتى وصلنا للدار و طلعت فحالي .... من بعد معرفتش شحال دازو د ليام بالضبط حيت كنت بحال السجينة ... مكاندخل ماكانخرج .... آدم كل مرة كيعيط ليا برقم لا عل و عسى نجاوبو .... ولكن ماكانجاوبوش ... عارفاه غادي يكون غضبان مني... ولكن معندي ماندير .... كالعادة جالسة غير ف البيت حتى دخل سفيان بحال العجاج كيقلب بين الوارق لي عندو هنا و كيلاوح فيهم
أنا : اويلي مالك .. ؟
سفيان : المممممرض واش الارض سرطاتو ؟
أنا : الله يستر
كان كيقلب واحد الساع ضور وجهو بالعرض البطيء لجيهتي ... و شاف فيا بنظرات نارية
سفيان : فيييين الملف ا رغدة ....
أنا 😳😳😳
أنت تقرأ
قلب ينبض في قعر الظلام | مكتملة.
Romanceقصة درامية تكميلية ل قصة أسيرة عيونك ... تدور حول ابنة ابطال قصة " اسيرة عيونك " لستم مضطرين لقراءة القصة السابقة كما اني سأذكر بعض التفاصيل من القصة السابقة .. قلب ينبض في قعر الظلام بقلم : يسرى . قصة بالدارجة المغربية تاريخ اول نشر للقصة...
