انا الليل كلو بفكر انا جبت الشجاعة دي من وين وح اتصرف كيف في الجامعة دي تاني اتفلسفي يا انا قال أواجه قال☹️💔 بس على الله .. وشلت التلفون اضرب لي اسيل دي دفعتي وبت جيرانا اقول ليها اتكلمت معاها وقلت ليها بكرة جامعتكم حتنور ،، قالت لي جايبين لينا لمبه جديدة لا سمح الله 🐸،، قلت ليها غلطانة انا البضرب ليك وعلى العموم بكرة نازلو الجامعة ،، قالت لي في انتظارك كلنا والله وفعلا حتنور ،،، وقفلت منها على كده
الصباح طلعنا انا ويوسف وبقى بعاين لي ما فهمت نظراتو بس حسيت بيهو زعلان أو شفقان علي بس انا حبيت أثبت ليهو اني قوية وقدر كلمتي ودعنا امي وطلعنا وقلت ليها ادعي لينا 💗
لمن وصلنا الجامعة يوسف قال لي انزلي ولا غيرتي رأيك قلت ليهو لالا،،بعد نزلت قال لي رفووو في امان الله ❤️في البوابة اشوف ليك اسيل في الاستقبااال قالت لي ووووين يا مفترية نسيتينا عديل لا حس لاخبررر قلت ليها بخلعة اسييييييل❤️!!!!!؟قالت لي ياها زاتها نسيتيني يعني☹️ قلت ليها وربي مشتاقين مريت بظروف صعبة عشان كده 😪 وباقي الشلة وين والحاصل معاكم قالت لي كلنا كويسين
( اسيل بت جيرانا وصحبتي الروح بالروح وما بتعرف عني حاجة بطبعي كتومة وكانت بتجيني بس فترة انقطعت مني 💔وبنتواصل بالتلفون بس )
وبما انو اول يوم في الجامعة في ناس كتار ما بجو وباقي شلتي من ضمنهم كلهم متسيبات😹 شبهينا واتلاقينا😂
وحسيت بإطمئنان من الناحية دي وكنا ماشين ع القاعات بس اتفاجأت بي انو اسيل ماشة معاي قاعتي 😃قلت ليها ي الاخت انتي سرحانة ولا شنو دي قاعتي انا 😃قالت لي لالا واعية 😂 ما وريتك اناا😃 كلنا ربتنا 😃😂قلت ليها وانا مصدومة شنوووو؟!😲وكلكم كمان قالت لي تتخيلي 😂 بسبب دكتور كان مقابلنا وطولنا لسانا معاهو ويا فرحة ما كملت 😹✌️قلت ليها خلاص قدامي 😂😂👋
دخلنا حضرنا ومر اليوم اكتر من عادي ولفينا في الجامعة ورجعنا البيت بعد العصر
......
لقيت امي قاعدة في البيت براها قالت لي اها ي بتي اليوم كان كيف ؟ قلت ليها ظريف ي امي ☺️ويوسف وين؟قالت لي في السوق وامشي ارتاحي داب اجي ،،قلت ليها كوويس. ح اصلي وانوم وما تصحوني
صحيت بعد العشاء لقيت يوسف جاء وقاعد في غرفتي اول حاجة لاحظت ليها في كيس كبير فخم كده😲 ويوسف قاعد اظن كان بعاين لي وانا نائمة واظن كان ببكي لاحظت لباقي دموع في رموشو 😪وما حبيت احسسو،، قلت ليهو يوسفي ياااخ والنبي الكيس ده فيهو شنو قال لي في حاجة اسمها امسيت كيف ؟ أو السلام عليكم قريتي وين انتي😒والكيس ده ليك،،قلت ليهو والله العظيم انت حبي الوحيد🤤قال لي لمن تعرفي فيهو شنو اول 😹
الاخ طلع جايب لي السوق كلو وعن كمية السعادة الدخلها فيني 😭مشيت ليهو في غرفتو قلت ليهو صدقني ما ح اعرف اجازيك العملتو معاي كتير😭 قال لي انتي هبلة😃 ياخ انتي روحي جزء مني لو طلبتي حياتي بديك ليها🤗 وامشي نومي بكرة عندك جامعة
قلت ليهو حااضر❤️ مشيت غرفتي ودخلت الواتساب قلت لي اسيل ضيفيني في قروب الدفعةة بالله 😃 البت تقول مستنياني في ثواني لقيت نفسي في القروب😂 وعملوني موضوع ده منو العضو الجديد وما ادراك في النهاية عملت ليهو كتم اشعارات وختيتو في الارشيف(باقي نفسنة😹) ونمت ع كده
صحيت الصباح وشربت الشاي وبديت اجهز
امي قالت لي ي بت اجهزي بسرعة اخوك ده عندو مشوار ،، ركبت معاهو واصلا انا من أمس سمعتهم بتكلمو عن انو مسافر قلت ليه يوسف بجد انت مسافر قال لي اااااي واسي ماشي اقابل لي ناس،، قلت ليه يومين 😒ما كان تجي طيب💔قال لي الشغل بس لكن اوعدك بجي اقعد معاكم كم شهر
من نزلت شفت الشلة كلهاااا قدام البوابةاما ريم دي تشيل وتكورك لي وتصفر (محمد ولد😹) يوسف ده بقى عامل كده 😲قال لي دي صحبتك ولا صحبك😲 قلت ليهو مفروض صحبتي😹،، نزلت من العربية اول حاجة سألت ريم من التصفير ده شنو
قالت لي خطيبك قرضة 🤤 قلت ليها ده اخوووي ي سجم ويوسف سمعهالمن خجل ودور،،،اسيل قالت لي ده يوسف جاء متين هه☺️ قلت ليها لو بتجيني كان عرفتي ومفروض ندخل الزمن ،،اسراء قالت لينا انتو عارفين المحاضرة حقت منو بررري ولا بجرب بحرجني ساااي☹️✌️قلت ليهم دكتور محمد ما بصدق انا كمان ما بدخل ☹️
اسراء قالت لي وبتعرفيهو من وين انتي؟😲
قلت ليها بعرفو وخلاص مع انو ذوق بس صعب
كلنا خفنا ومشينا الكفترياا واكتر حاجة ما عايزاها تحصل حصلت يااخ اتمنيت اختفي بس اتذكرت كلام يوسف اني لازم أواجه خوفي ....
