في الفترة الكنت بتكلم فيها مع محمد الكوابيس اختفت وعرفت يعني شنو احلام وبقيت بصحى وانا بضحگ حتى ناس البيت استغربوا قالو جنت وقعدت اتونست معاهم لمن الزمن أتأخر جهزت بسرعة ويوسف وصلني وللأسف المحاضرة كانت مع دكتور محمد وقلت كرامتي حتتهان الليلة بس دي اهم محاضرة وقفت قدام باب القاعة ومجهزة نفسي للذلة قال لي رفقة اديني سبب اجيبك متأخرة😒 قلت ليهو المواصلات (كذابة😹 والله كنت مساهرة بتكلم معاگ في الواتساب في داعي😏😹) محمدابتسم وقال لي ادخلي بس دي اخر مرة القاعة كلها بقت عاملة كده 😲😲 عشان دخلني وكمان مبتسم
بعد المحاضرة بقو بتهامسو ومنهم الجاء سألني انتي الدكتور ده عامل ليهو شنو ياااخ يوم في الذاكرة واول مرة تحصل قلت ليهم ولا حاجة بس ربنا قادر 😅جاني واحد قال لي دكتور محمد طالبگ في مكتبو مشيت ليهو في المكتب قال لي اتفضلي قلت ليهو خير ي دكتور قال لي تفكيري طلع صااح وعندهم نشاطات خارجية مخدرات وشقق مشبوهة بس عايزين نتأكد ويقبضوهم بالجرم المشهود
قلت ليهو تمام ياا دكتور كتر خيرگ قال لي ما كنت حابي اقول ليك لحدي ما أتأكد بس لازم تعرفي بس صحبتگ اسيل شافوها هناگ 💔
قلت ليهو منووو؟؟؟ لا مستحيل دي صحبة عمري دي ما هي 😢قال لي ما متأكدين للان بس ما تظهري ليها حاجة خليگ عادية قلت ليهو ان شاء الله يكون كذب😢💔 دي اسيل ما بتأذيني وتطعني في ضهري💔 قال لي ما عارف اقول ليك شنو .... بس خليگ عارفة أحيانا الخيانة بتجي من اقرب الناس 💔
«عندما تأتي الطعنة من اقرب الاقربين اليگ تگون أعمق ما يگون وستدرگ حينها المعنى الحقيقي للخذلان والألم... طعنة واحدة فقط يبقى أثرها طوال العمر 💔✊»
محمد قال لي سرحتي وين يلا امشي واتصرفي عادي عشان مافي زول يشگ قلت ليهو طيب،،،طلعت لقيتهم قاعدين بس نظراتي كلها كانت موجهة لي اسيل وهي حست المهم اتونست معاهم عادي زي ما قال دكتور محمد 😪
رجعت البيت متأخر شديد لقيت امي بقت تسأل فيني كتير ما رديت ولا على سؤال بس قلت ليها يوسف وين ؟ قالت لي في غرفتو مشيت ليهو في الغرفة لقيتو شغال باللابتوب بقيت بتأمل فيهو ياااخ ملامحو حلوة شديد حلبي وشعرو كتير وعيونو عسلي بس بلبس نظارات طبية يعني كسار 💗 بعد مسافة لاحظ لي اني واقفة وقال لي الغرفة نورت 💛قلت ليهو يوسف عايزة اتكلم معاگ عندي شوية أسأله 💔قال لي طوالي هو انا لاقيگ وين تعالي ،،قلت ليهو ممكن اقرب زول لينا يخونا ويطعنا في ضهرنا ؟؟؟💔،،قال لي عادي يا رفقة وممكن يقتلك عديل عشان مصلحتو الشخصية ومن ضمنها يكون عايز انتقم منك ،،قلت ليهم طيب هم ما بفكرة قبل ما يعملو كده ولا ما عندهم قلب😢قال لي في حاجة اسمها الحقد دي بتعمي على قلوبهم وعيونهم 💔 وانتي قائلة كل الناس زيگ برئية وقلبها ابيض لالا يا اختي عشان كده ثقتگ ما تديها لاي زول لانو الوجع أحيانا ع قدر مكانة الزول والثقة الاديتيها ليهو 😪بقيت ببكي بس وما قادرة اتكلم ،قال لي رفقة مالگ عايني لي هنا قلت ليهو ما عارفة يا يوسف مااااا عارفة تصبح ع خيررر💔قال لي بتكلم معاگ انا .... مالگ؟قلت ليهو بحكي ليگ اي حاجة بس في الوقت المناسب 💔قال لي الله يجازي الكان السبب في دموعگ 😪💔
م
شيت غرفتي وفتحت الواتس لقيت رسالة من دكتور محمد بس ما قريتها حتى ،بس ختيت في حالتي
؛"كرهت الحب ما أريده دمرني طيب اني وادري. طيبي لها الحال وصلني 💔 كل يوم صدمتة اقوى من القبلها انا واصل بالشدايد شدة ما حد واصل لها .. ما حد وقفلي من كنت محتاج وقفة .. الصلابة بها الناس ما ادري هااي الدنيا صعبة .. دخيل الله من الدنيا من العالم ربي خلي هذا همي بنهاية كل ظالم"؛
من أغنية موجوع قلبي 🌚🖤
ما استنيت زول يشوفها أو يرد طلعت وفجأة تلفوني اتصل والمتصل دكتور محمد قعدت زي دقيقة استوعب انو ده هو حتى رديت وما اداني فرصة حتى ارد قال لي ع فكرة الدنيا ابسط من كده بس نحنا بنعقدها برانا بتصرفاتنا وكوننا بندي اي حاجة اكبر من حجمها ونزرع جوانا الاكتئاب والإحباط وكل السلبيات وده كلو عشان حاجة ما بتستحق شنو يعني زول خذلنا ع فكرة ده درس لينا وبنتعلم منو وثقتنا نحتفظ بيها لي نفسنا لأنها وحرفيا كده مصدر قوتنا .... وشنو يعني اذا زول جرحگ ع فكرة الجرح مصيره يلتئم فعلا حنتألم بس للحظات وبعدها حيكون حاجة عادية وحننساه وده بعلمگ ما تتعاملي بعفوية مع اي زول واعتبريهو اختبار من ربنا .... مش اذا احب الله عبدا ابتلاه بس ده كل الحصل ابتلاك عشان بحبگ وعايز اشوف صبرگ ومدى احتمالگ وشكرگ ليهو وحمدگ وانتي ابتلاك بأقرب الاقربين فخلي الصبر أساس حياتگ 💛 وهمك حيزول 🖤🎼
وقفل على كده ما اداني فرصة ارد عليهو بس كلامو فرحني شديد يعني نصيحة في شكل عتاب والظاهر انو قرأ حالتي وبعد كلامو ده حذفتها وكتبت«الحمدلله الذي وضعگ في طريقي» ونمت وفيني كمية من الطمأنينة وانو الجاي كلو خيررر .......
