الجزء11
اليوم التاني طلعو دكتور محمد من العناية بس كان لسه ما فتح وقالو محتاج ل24ساعة تاني عشان يفتح وكنا قاعدين في المستشفى وفي اليوم البعدو اول ما صحى طلب يشوفني. دخلت ليهو وبقيت ببكي وقلت ليهو محمد انت كويس😭قال لي بشوفتگ احسن الحمدلله 💕 قلت ليهو الحمدلله قال لي ما عايزة تعرفي الإجابة قلت ليهو إجابة شنو؟؟قال لي سؤالك.. لي انا بساعدك؟ قلت ليهو ما وقتو بعد تقوم بالسلامة 😔💔قال لي انا سلامتي بيك وده وقتو وانا شايف كده قلت ليهو طيب لي ساعدتني وكنت حتموت بسببي😭💔قال لي لأنگ روحي .... ،اول مرة في القاعة انقذتگ اناا بس كنت ما بعرفگ وكواجب مني لقيتك مغمى عليگ في القاعة وساعدتگ قلت ليهو يعني كنت انت ؟ قال لي وفي المرة الثانية كان عندي حاجات مفروض اجيبها من المخزن وبرضو لقيتك هناگ وحالتگ كانت صعبة واتعرفت على الشخصية وحسيت بأنك في مشكلة وقررت اساعدك فبحثت عن ملفاتگ وعرفت اسمگ وكنت مفتكرك حتجي الجامعة بس اتفاجئت بأنگ جمدتي السنة بس في حاجة جواي كانت عايزة تساعدك وانا لي سنة كنت بفتش فيك بس للاسف ما لقيتك لكن برضو ما فقدت الامل💔 والصدفة طبعا لعبت دورها تاني لمن في القاعة مع صاحب حسام وحمدت ربنا والحمدلله اني قدرت اساعدگ 💚 ما عارف اقول ليك شنو بس حسيتك جزء مني حقيقةً وما قدرت اتجاوزك 💗قلت ليهو وانا كمان ما عارفة اقول ليگ شنو 😭الحمدلله عليك قال لي اي زول طيب وبحب الخير ربنا بوقف ليهو اولاد الحلال دايما ،،بعد اسبوع من الكلام ده خرجو دكتور محمد من المستشفى وحالتو اتحسنت بكتير ويوم مشينا ليهو زيارة في بيتو يوسف قال ليهو اوووو دكتورنا الانتحاري بقيت كيف؟ قال ليهو في احسن حال والحمدلله .. اتفضلو قلت ليهو والله يا دكتور ما عارفة اشكرك على شنو ولا على شنو قال لي اصلا مافي داعي ي رفقة ده واجبي ودي اقل حاجة أقدمها ليك
يوسف قال ليهو فعلا والله يا دكتور ما قصرت ☺️وامي قالت ليهو ربنا يقدرنا على جزاگ قال ليها برفقة💚يوسف قال ليهو شنو؟؟؟!
قال ليهو جازوني برفقة بس وطالب يدها منكم رسمي يوسف قال ليهو الرأي رأيها قلت ليهم افكر 🙂(نظام تقيلة وكده 😂)يوسف قال ليهو ونحنا لاقينك وين يا دكتور وامي قالت لي وبعدين يا بتي تفكري شنو يعني مثلا حترفضي يااخ ده عريس زي الفل زي ما بقولو هايش وهباب درايش ، حمش وفي النار بمش بجي واحد في الدستة قلت ليها طبعا ما ح ارفض محمد قال لي😂😂😂عروس واضحة وصريحة قلت ليهم خلونا نمشي قال لي دقيقة😂 رأيكم شنو نعقد يوم الجمعة خمسة أيام بتكفي عشان تجهزو اي حاجة امي قالت ليهو كدي شد حيلك اول يا ولدي انت طلعت من المستشفى ليك اسبوع بس قال ليها انا كويس يا خالتي 💚يوسف قال ليهو خلاص عديلة يا دكتور ،،بعد رجعنا البيت امي تشيل وتشكر فيهو قلت ليها امي خلاص
يوسف قال لي راجل بتها خليها تفرح قلت ليهو بالمناسبة رأيك شنو عقدنا يكون سوا😁
قال لي على منو ؟؟؟! قلت ليهو ما تعمل فيها غبي على ريم قال لي الفيهو خير ربنا بعملو 🙂مشيت غرفتي وكان مافي موضوع دخلت الواتساب وطوالي محمد رسول لي قال لي مرتي كيفك قلت ليهو بس انا ما مرتك 😑قال لي لكن حتكوني كده بعد كم يوم قلت ليهو تصبح على خير😑
لقيتو خاتي في الحالة حقتو
«'احب ذاگ الخجل الذي يعتريها عندما اتحدث معها بكل عفوية واحب برائتها ... وقلبها الذي يشبه قطعة السكر .. احب كل حركاتها وسكناتها .. ماذا لو قلت احبها بگل تفاصيلها .. هي وگفـــى❤️🎶 '»
ورديت عليهو برضو بحالة
«'وكيف لا احبگ وانت من انتشلتني من ذلگ الهلاگ وكنت بجانبي دائما وجعلت لحياتي لون بعد أن كانت سوداوية ومظلمة ... جئت على حين غرة وانرتها .. سأختصر كل هذا في كلمتين فقط فأنت كفايتي ❤️.. انت وكفى 🖤🎼'»
الصباح يوسف وافق على كلامي واعترف انو عايز ريم ولازم عقدنا يكون في نفس اليوم 😍وطوالي اتصلت على ريم وقالت لي رفقة الكعبة قلت ليها ريم بطلي قالت لي سمعتي بأسيل صالح قلت ليها اي😪💔في السجن هي وحسام قالت لي لا انتحرت أول دخلت في حالة نفسية وودوها المصح وانتحرت هناگ أما حسام حكمو عليهو بالاعدام لانو متهم بجرائم قتل كتيرة😪 ربنا نجاگ منهم قلت ليها الحمدلله وانسينا من الموضوع ده ماضي واتمحى كنت عايزة أسألك واخد رأيگ في موضوع قالت لي اها قلت ليها يوسف اخوي قال عايزك وجاي اتقدم ليك بس العقد يوم الجمعة طوالي معاي قالت لي يوسف منو وعقدك انتي ده شنو ده قلت ليها عقدي انا ودكتور محمد😀ويوسف منو يعني اخوي قالت لي يوسف اب دماً تقيل😮 هو ده بترفض اكييد موافقة
الحمدلله اي حاجة تمت على خير وكنت ما عايزة حفلات وكده بعد العقد طوالي محمد ساقني بيتنا وريم كمان نفس الشئ وواصلنا دراستنا عادي ومحمد كان رسمي جداً في الجامعة ..
-مافي يوم مر علي حزين بعد كده كل الهلوسات اختفت حتى الانطواء انتهى اتعلمت اعيش واضحك وحياتي بقت اكتر من طبيعية ومحمد ما قصر معاي ابدا وكل ما يلاقني مكتئبة بحاول يطلعني من الجو وده وموج الذكريات ومقولتي الثابتة ليهو "الحمدلله عليگ ♥"❤️❤️✨
النهاية☹️🎶🖤
______________________________
كفىٰ خذلاناً وكفى تناقلاً لعبا بالارواح .. كفى اعطاء ثقة لكل من هب ودب ..كفى تخاذلاً وانتقاماً .. كفى نفاقاً وتنكراً بأسم الحب💔💔
...متى نكف عن كل هذه الادعاءات والشائعات؟😔💔
متى ما استطعنا أن نكف عن كل هذا سيكون للحياة معنى آخر ونصبح اكثر الناس نقاءً
........كفــــــــــىٰ وفقط 🖤✋🏿Is enough
