لمن وعيت لقيت نفسي في المستشفى ومعاي يوسف وامي ،، وكنت شايفة الخوف في عيون يوسف وقال لي رفقة حاسة بشنو انتي كويسة ،، قلت ليهو اي بس الجابني هنا شنو ،، امي قالت لي قالو اغمى عليك في الجامعة وجابگ دكتور معاكم في الجامعة يوسف قال لي متأكدة ما في زول سألك؟,,قلت ليهو لالا بس جاني هبوط وكده ،، قال لي ما تكذبي علي قلت ليهو لا ما بكذب قال لي مع اني ما مصدق بس تمام😪،،ادوني محاليل وبعد خلصت رجعنا البيت واهم حاجة كانت في بالي اني بكرة لازم امشي الجامعة عندي حسابات لازم اصفيها وده اكتر وقت آمنت بمقولة الما بقتلك بقويك🙂 رسلت للشلة والغريبة أنهم ما ضربو لي خالص واتكلمت معاهم عادي وكأنو مافي حاجة حصلت ومشيت الموضوع .... وجاتني رسالة من رقم غريب قال لي السلام عليكم كيف امسيتي
رديت عليه وعليكم السلام بخير ....... بس انت منو ؟! ،، قال لي ليك حق ما تعرفيني لأنك ما حصل رسلتي في قروب الدفعة واتعرفتي على الناس قلت ليهو تقول منو ولا احظرگ 😒،، قال لي حيلگ حيلگ انا دكتور محمد قلت ليهو دكتور محمد😲 وكيف معانا في القروب????! قال لي ناس دفعتكم اصرو علي اكون معاهم في القروب قلت ليهو ايوا تمام ،، قال لي بقيتي كيف انتي ؟؟ قلت ليهو تمام الحمدلله بس عرفت كيف ؟قال لي ما تستغربي 😅انا الوديتك المستشفى وقلت لي ناس بيتكم كان عندها هبوط ما حبيت اسبب ليگ مشاكل مع انهم مفروض يعرفو بس احتمال انتي ما عايزة كده 😅،، قلت ليهو خير ما عملت يا دكتور،، قال لي من غير رسميات بالله نحنا مافي الجامعة😊 ولو حابة تحكي لي حاجة احتمال اقدر اساعدك اذا عندك مشكلة ،، قلت ليهو بصراحة يعني عندي مشكلة والله بس ما ينفع رسائل الا لمن نتلاقى ي دكتور سبحان الله اول مرة ارتاح لزول مع اني عرفتو قبل دقائق
(قررت أن اعطيگ جزءاً من همي لا ادري لماذا .. لأول مرة أشعر بكل هذه الفوضى وهذا الشعور اتجاه شخص ما... وكأنه يقول لي اعطني ما على اكتافك من اثقال لاحمله عنك فأنتي لا تستطيعين بل لا تستحقين كل هذا يا صغيرتي .. ولأول مرة أيضاً أشعر بالأمان ... ما كل هذه البعثرة....؟؟؟؟!😪💔🎶)
قلت ليهو بالمناسبة بكرة عندك محاضرة!؟،، قال لي لالا .. بس ممكن بعد بكرة😊قلت ليهو تسلم يا دكتور محمد وشكرا ليك،، قال لي تاني دكتور😕 قلت ليهو محمد ...ويلا تصبح ع خير 💗
الصباح في الجامعة لاقيت الشلة وسلمو علي زي العادي حقنا ،، ريم قالت لي رفقة يا كعبة أمس مشيتي وين وتلفونك ادانا خارج نطاق التغطية ،،قلت ليها اسيل ما ورتكم😕قالت لي تورينا شنوووووو ؟ وذاتها الليلة ما جات ما عارفاها مالها كمان قلت ليها لالا مافي حاجة
واليوم مر عادي وبفكر لي اسيل ما كلمتهم في حين أننا كنا قاعدين سوا لمن حسام ضرب لي وقلت ليها لو اتأخرت بكون عمل لي حاجة وتجي تساعدني ووصيتها تكلم باقي الشلة عشان ما يقلقو لكن مااااالها💔؟
رجعت البيت على كده واتصلت ع اسيل ما بترد قلت امشي ليها البيت تاني غيرت رائي حنتلاقى اصلا بالليل كده دكتور محمد رسل لي قال لي اها ي رفقة على اتفاقنا صاح
قلت ليهو اي ان شاء الله واصلا بكرة عندنا محاضرة معاك قال لي نتكلم خلاص بعد المحاضرة قلت ليهو تمام ونمت ع كده 😴🎶................
