اسيل قالت لي يلا اسمعيني بكرة من الصبااح تمزمزي 😍 وتتحدي الناس كلها،، قلت ليها ما مااشة خليني اشم هواء ما ممكن😭ما بنزل،،، قالت لي جد انتي هبلة ياا اخت انتي وراك رِجاالة 🙂✌️،، يوسف كان سامع نقاشنا وجاء قال لينا معليش ع التدخل بس ي رفو انتي ما براك وعارفة كده لو في زول فكر اتعرض ليك طول ما انا عايش ح اكون جهزت قبرو وقبري لاني ما بقدر اشوفگ منكسرة واتجاوزي الموضوع يا ستي ولو حابة اسي اشري ع الجامعة الدايراها ،، قلت ليهم عاينو ما مشكلة ح انزل طالما انتو معاي مافي حاجة بتخوف وبتقوى بيكم💗
الصباح اسيل بقت بتصحي فيني بالقوة قلت ليها ما تخليني ادعيك من الصباح يااخ 😑 قالت لي ع فكررة الليل كلو كنتي بتتكلمي كلام ما مفهوم ،،، قلت ليها اه ده العادي كده😪 قالت لي خلاص قووومي خلصينا وبعدين نشوف حل للكوابيس دي،،،جهزنا وطلعنا الجامعة لمن وصلنا لقينا الباقيين مستنيننا
رم قالت لي رفو بقيتي كيف ؟!،، قلت ليها والله احسن الحمدلله،، ويوسف كان واقف لسه ما اتحرك قال لي لو احتجتي لحاجة اضربي لي 💗،،من دخلنا الجامعة لقيتو في وشي وسامعاهو بتكلم مع صحبو وبأعلى صوت قال ليهو انت عارف يا محمد في واحدة قالت إنها ما بتخاف وطولت لسانها علي تصدق ما عملت ليها حاجة بس جبت سيرة ابوها افتكر انها بعد طلعت برا ودوها المستشفى😏،،ريم سمعت كلامهم كلو وحبت ترد عليه بنفس طريقتو قالت لينا انتو عارفين في ناس كده محتاجة اغيرو ليهم كلمة ذكر في البطاقة حقتهم واختو انثى لكن تصدقي انثى زاتها كتيرة عليهم وبعدين لمن زول افكر اهين بت قدام الناس وكمان فخور بالحاجة دي ده لا لامي في الرجال ولا النسوان حاجة قرف خالص😏حسام قال ليها يا بت انتي احترمي نفسك احسن ليك 😒 قالت ليهو احترم نفسي بالنسبة لشنو وانت الاتكلم معاك منو ولو جينا للاحترام انت المحتاجو والله والفي راسو ريشة براه بتحسسا 😏
حسام جاء جنبي وقال لي والله يا فوفتنا بقى عندها مدافعين،، قلت ليهو ما بخصك كتير وع فكرة جيب بطاقتك انا متبرعة بأني اغيرها ليك كواجب من اخت😏قال لي ماشي بنتحاسب انتي والمعاك بس ابقي قدرو بعدين😒قلت ليهو عاين ي انت اعلى مافي خيلك اركبو ،،،ودخلنا محاضرتنا عادي بس عقلي كان في مكان تاني واكتر سؤال كان في بالي انو حسام حيعمل شنو وقصد شنو لمن قال ابقي قدرو ؟؟!عملها قبل كده وما غريبة عليهو😞
بعد المحاضرات كلها خلصت رجعت البيت لقيت يوسف جاء وحكيت ليهو الحصل معاي كلو والتهديد ،يوسف قال لي ما بقدر اعمل ليك حاجة خليك عارفة .... ومش ايمانگ قوي قلت ليهو اكييد❤️،،يلا خلي في بالك لا يصيبنا الا ما كتب الله لنا قلت ليهو ونعم بالله.... ما عايزة ارجع لحالتي الاولى تاني ما عايزة مستشفيات (كنت بتابع مع دكتور نفسي وقعدوني فترة كان في المستشفى سنة كاملة لاني كنت معذبة نفسيا قبل اي شئ) عايزة اعيش طبيعية زي الناس😭 قال لي اوعدگ تعيشي احسن عيشة ودي كلمتي ليگ ويلا امشي اكلي وارتاحي،،قلت ليهو ما لي نفس بس عايزة انوم تصبح ع خير
الصباح جهزت للجامعة بفتور وما عندي نفس امشي بس كفاية ضياع الايام والسنين لازم الحياة تستمر ،،في الجامعة اليوم كان عادي وخلصنا محاضرتنا زي الساعة 5 كنا لسه في الجامعة ضرب لي رقم غريب رديت عليه بس مافي اي صوت قلت اه شكلو زول حابي اتهابل وكنت عايزه افصل بس رد وقال لي لا لا دقيقة ما تفصل،، قلت ليهو معاي منو قال لي
.اوعديني انك ما تفصلي بعد تعرفي انا منو
قلت ليهو اوف يااا اوعدك قال لي انا حسام ما تقفلي اسمعيني ،، قلت ليهو انت😨 انت عايز مني شنو قال لي ولا حاجة بس حابي نتصافى ونبقى زينا زي اي اخوان مليت من الحكاية دي وبعدين الانتقام ما بغير حاجة
قلت ليهو يعني مفروض اصدقك انت لاااا مستحيل،،قال لي خلينا نبدأ صفحة جديدة وخلي عندك ثقة فيني قلت ليهو ده منو البتكلم عن الثقة بالله لخص عايز شنوقال لي الموضوع كده مابتحل وعارفك في الجامعة تعالي في القاعة حقتنا الزمان ديك😏 ونتفاهم قلت ليهو القاعة😨😨 العايزني يجيني في مكاني ،، قال لي اعتبري الطلب ده من اخوك الحابي يتغير والقاعة كانت بداية مشكلتنا وحابي ندفنها هناك ،، بقيت بفكر ي ربي 😪امشي ليه طيب لو كانت خطة منو انا اعمل شنو .... بس في نفس الوقت عايزة حياة طبيعية انا ح امشي وزي ما قال يوسف لا يصيبنا الا ما كتب الله لنا قلت ليهو خلاص انا موافقة مع اني ما مطمئنة ليك ،، قال لي حلفت ليك بأغلى حاجة عندي امي الله يرحمها بعد كدهةما عندك كلام ،،قلت ليهو تمام جاية،، حسام بهناك بقى بقول هي البت دي هبلة والله وقعتي ي بت محمد😏
وصلت القاعة وكان فيها حسام وصحبو الكان معاهو أمس جنب البوابة،، من دخلت قال لي أختي الصغيرة نورت ادخلي ،، قلت ليهو لا ما بدخل وفجأة اتذكرت اي حاجة حصلت وفي نفس القاعة دي وحسيت بسذاجتي بس قلت اتشجع قلت ليهو ووين باقي اصحابك ،، قال لي كلهم مشو بيوتهم وزي ما قلت ليگ الموضوع حيكون بينا عشان نقدر نحلو
،، حسيت كلامو مقنع شوية بس برضو ما مطمئنة من نظراتو هو وصحبو بس فجأة صحبو مشى نهاية القاعة وبتكلم بالتلفون وحسام لاحظ لي متابعة مع صحبو وحاول اشتتني،، قال لي حابة نفتح صفحة جديدة صاااح قلت ليهو امممم😕 على حسب ،،قال لي حسب شنو ؟! قلت ليهو حسام انت جادي صاح نفسي عايزنا نعيش زي باقي الناس ..حياتنا كل ما ليها ماشة أسوأ ما رد علي بس جاء صحبه اداهو التلفون وقال ليهو في زول عايزك،، واستأذن وطلع بره وقبل ما يطلع ابتسمو لبعض ابتسامة ما قدرت افهم معناها ،،شوية كده تلفوني ضرب وطلع المتصل حسام،،قال لي حياتگ ياتها الماشة لي أسوأ وحياتي انا شنو 😕 لا يا ستي حياتگ يا داب ممكن تبدأ تكون أسوأ وصحبي ده من أمس شافگ وقال عجبتيه واتهني يااا حبيبة اخوك كان نفسي اشوفك بتتدمري قدامي بس عندي حاجات اهم سلاام وادفعي تمن سذاجتك دي😏،، قلت ليهو حسااام لااااا😲 انا وثقت فيك انا اختك 😭،،صاحب حسام قال لي حتى وانتي بتصرخي وتبكي طالعة حلوة ونظراتو كانت خبيثة ،،مسكني من يدي وبقى اقرب علي وجرا لي طرحتي بس جريت لي باب القاعة ولقيتو مقفول بي بره بس بقيت بصرخ وانا ما واعيةوفقدت الامل في انو زول يسمعني لانو الجامعة شبه فاضيه ولسه كنت بصرخ وبقرا قران بعد كده بقيت ما فاهمة حاجة شبه فاقدة الوعي بس كنت حاسة بالبحصل حواليني وفي زول فتح الباب وشالني وقال لي الولد حسابك معاي بعدين وفقدت الوعي ما حسيت تاني بأي حاااجة .....
"وبعضهم يأتي على هيئة عقاب 💔"
