الصباح اتذكرت انو دكتور محمد كان مرسل لي رسالة ما قريتها دخلت عشان اقراها كاتب لي فيها بكرة ضروري تجي الجامعة عشان نخت حد لأي حاجة وتأخدي حقگ تالت ومتلت بعد قريتها جهزت بسرعة ومشيت الجامعة وما كان عندنا محاضرات عشان كده مشيت مكتب دكتور محمد طوالي قال لي صباح الخير بأخر نفس قلت ليهوصباح النور😅قال لي يعني قريتيها ما اتخيلتك لمن قربت انسى الفكرة 😒قلت ليهو بعتذر يا دكتور بس أمس كنت زهجانة وما كان قصدي حاجة قال لي اوك ... في زول حيتصل وبعدها حنتحرگ قلت ليهو تماام😊 قال لي طيب في المسافة دي عندي ليك كم سؤال عن اسيل عن شنو قلت ليهو اتفضل...قال لي بتعرفيها من وين ومن متين؟ قلت ليهو اسيل كانت صحبتي من الثانوي بتذكر رحلو جنبنا لمن كنت في ثانية ثانوي ونقلوها مدرستنا من الوقت داك صحبتي شديد وفي ثالثة عشان ما نفترق خططنا نقرأ نفس الجامعة ونفس المجال يعني عشرة 3 سنوات بالدنيا وكانت بتقيف معاي لمن البنات يضايقوني وكانو بحقرو بي ونسبة لي اني ما محتكة بي زول كانو مسميني المتوحدة واحيانا المنفسنة وبجي مارة بجنبهم المنفسنة جات بس من جات وقفتهم في حدهم قال لي طيب ما شفتي منها حاجة كده ولا كده قلت ليهو لالا ... لكن في فترة انقطعت مني وما بتجيني في بيتنا نهائي قلت احتمال عندها ظروف خاصة بيها وما سألتها 💔 قلت ليهو انت متأكد من انها اسيل صاح من ضمن شلة حسام ده ما مجرد شگ💔قال لي ما متأكد والله بس حبيت استفسر قلت ليهو طيب انا كمان عندي سؤال😅 قال لي اسألي قلت ليهو انت لي بتساعدني ؟ قال لي بجاوبگ بس ما اسي 😊قطع كلاامنا تلفون دكتور محمد..بعد خلص قال لي يلا يا رفقة مفروض نتحرگ وجهزي نفسيتگ لاي حاجة وخليگ قوية قلت ليهو ان شاء الله ،،اتحركنا على العنوان الرسلو الراجل لمحمد وفي اثناء ما نحنا متحركين اتصل على الشرطة ووصف ليهم المكان .. وصلنا ولقينا الشرطة وصلت قبلنا وكان عبارة عن مبنى كبير كده من منظرو تحس بيهو ما تمام
بقينا واقفين والشرطة بتطلع في الناس بس انا اصريت ادخل .. يلا المنظر ما بتوصف والصدمة اسيل معاهم ومعاها حسام وكمية من المخدرات والكوكايين والحبوب وكلهم كانو ما واعيين قلت لي محمد قول لي انا بحلم دي اسيل😫قال لي ياهاا ي رفقة واجهي الحقيقة وما تحاولي تكذبي عينك ابدا كده حتعتبريها انها ما كانت في حياتگ يوم حتى هي ما بتشبهك واحمدي ربگ ... احتمال كان تستغلك وتاخدك معاها في نفس السكة دي ما لاحظو لينا الا لمن الشرطة طلعتهم ..
حسام قال لي دي انتي ... يا ريت لو قتلتك ما كان ده حصل بس حسابك عندي قلت ليهو حساب شنو يا حسام انت انتهيت اسيل قالت لي رفقة انا بكرهك بكرهكم كلكم ،، قلت ليها اسيل اصحي انا رفقة بتكرهيني لي حرام عليك عملت ليك شنو 😢💔ما ردت علي بس بتردد بكرهكم كلكم ،،ركبوهم في عربية الشرطة وكلنا مشينا المركز ولقينا يوسف برضو في المركز طلع عارف بأي حاجة والخطة دي رسموها هو ودكتور محمد بس جريت عليه وحضنتو قال لي ظهر الحق ،، واستغرب جية اسيل مع ناس حسام قلت ليهو تصدق معاهم يا يوسف 💔قال لي اي بصدق وما متفاجئ شديد بس انا افتكرتها اتعالجت واتصلحت 💔قلت ليهو قصدك شنو انت قال لي اي كنت عارفها مدمنة بس ما افتكرتها منحطة للدرجة دي قلت ليهو انت بتقول في شنو 😳قال لي مدمنة مخدرات من زمان لمن كنتو في تالتة بس الحاجة العارفها انها اتعالجت وبقى بحكي لينا قال في يوم كنت جاي من السفر وفي الشارع لمحت مجموعة اولاد معاهم بنتين وشبهت واحدة فيهم بأسيل بركنت العربية ونزلت قلت أتأكد فعلا كانت هي ولبسها غريب وفي وضع ما تمام واظنهم كانو بتعاطو برضو لمن شافتني هي زاتها اتخلعت وبقت تقطع في الكلام وما فهمت حاجة بس جربتها من يدها وكبيت فيها موية عشان تفوق وتفهمني الحاصل شنو ودخلتها العربية قلت ليها اسيل ممكن افهم ده شنو
قالت لي زي ما انت شايف ما محتاج فهم😏 شفت كل حاجة بتعاطى وما عندك فيني دخل 😏قلت ليها كيف يعني ما أتدخل وانتي زي رفقة اختي قالت لي عمري ما كنت زي اختك ولا حأكون انسى😪قلت ليها انتي لازم توقفي الهباب ده ولو ما عايزاني أتدخل بكلم اهلگ وهم بعرفو يتصرفو قالت لي تهديد يعني .... اصلا كده كده ميتة ،،قلت ليها ما تعاندي كلو لمصلحتگ انتي كده حتتأذي 💔 قالت لي بتهمگ مصلحتي يعني بتحبني مش 😃حتى لو ما كده انا بحبك ما عرفت ارد عليها كنت عارفة ردة الفعل دي اصلا تعاين لوحدة زي لشنو وما بقدر اصل لمرحلتكم دي ابدا💔💔💔قلت ليها عندي شرط واحد لو بتنفذيهو ح اطلبك من ابوگ بس بعد تنفذي ،،لازم تدخلي مركز إعادة تأهيل وتتعالجي وترجعي لينا اسيل الزمان قالت لي موافقة ما دام انت معاي وده طلبك ،،،،، والحاجة العرفتها انها اتعالجت وقطعت علاقاتها الكعبة كلهااا
.....................
