الصباح قمت متحمسة عشان الفارغة دي حتنتهي خلاص ولاقيت الشلة كلها والضحكة للضرس الاخير قلت ليهم صباح الخير عليكم رزان قالت لي صباح النور رفقة ومبسوطة كده
قلت ليها من الليلة اتعودو ع الحاجة دي ،، اسيل قالت لي صباح النورقلت ليها اسيل انتي عايشة بالله ..والله نورتي وعندي معاك كلام بعدين🙂ما قدرت ترفع رأسها تعاين لي
ودخلنا المحاضرة وبالي كان مع دكتور محمد مع انو محرج وصعب بس اسلوبو وتعاملو حلو شديد ومصاحب ناس الدفعة وده السبب في انو دخلوه القروب ♥♪دكتور محمد نادى بأعلى صوتو القاعة دي كلها صنت رفقة محمد عبدالله قلت ليهو نعم ،، قال لي ممكن لحظة
طبعا في اللحظة ديك بنات الدفعة جاهم شلل والشمار حرقهم طبعا دكتور محمد شاب عمرو 29 سنة اسمراني طويل وعندو سكسوكة وغمازة ومكسر بنات الدفعة،، مشيت معاهو مكتبة وقال لي اها حابة تحكي،،قلت ليهو ابدا ليك من وين ي دكتور ابوي ولا اخوي ولا صحبتي المفروض كان تنقذني هي بس لا حياة لمن تنادي قال لي من النقطة الحاباها انتي قلت ليهو طيب بصراحة الولد الكان معاي في القاعة انا ما بعرفو كل العارفاهو انو صاحب اخوي،قال لي خوووك؟؟؟!😲قلت ليهو اخوي ولد ابوي هو وابوي سبب مشاكلي كلها قال لي كيف يعني،،حكيت ليهو الحصل كلو لحدي وصيتي لأسيل بأني لو اتأخرت وكده تلحقني وانو حصل لي موقف مشابه لي ده وبسبب سذاجتي وقعت تااني 💔قال لي طيب اول موقف شنو
"باگ فلاش......في يوم كنا في الجامعة وشغالين عادي وما كنت بعرفو بس هو بعرفني وعرفني عليهو على أساس انو شخصية تانية وما قال لي انا اخوك وبقينا أصحاب واكتر انا وصلت لدرجة اني حبيتو واتصالات وغراميات وحسيت لأول مرة الدنيا حتضحك لي وفي زول حيعوضني عن الحب والأمان والسند الما لقيتهم في ابوي ...... بس في يوم مشيت ليهو في القاعة حقتهم كان قاعد هو وشلتو وبتونسوا وكلامهم تقريبا كان عني وفي واحد قال ليهو قدرت توقعها وواصل مهمتگ .. بقيت واقفة مصدومة وما قادرة استوعب بعد مسافة انتبهوا انو انا واقفة اتكلمو مع بعضهم واتغامزو في بينهم ..حسام وقفني اقيفي نتفاهم😏 وأوضح ليك الامور قعدت معاهو ع أساس يشرح لي بس فجأة اتغير حتى نبرة صوتو وشفت ملامح ابوي فيهو حتى الصوت بس كذبت نفسي قال لي بت محمد عبدالله 😏 والله ووقعتي معاي تحبي تفهمي واحكو ليك شنو من امي ولدتني لحدي ما انتحرت وخلتني وراها بسببكم وبسبب ابوك قلت ليهو انت بتقول في شنو😥 وابوي الدخلو شنو قال لي ما ابوك براگ للاسف😏قلت ليهو قصدك شنو يعني انت اخووي انااا كيف ده يحصل ؟ ولي عملت معاي كده 😭قال لي ببساطة كذبت عليك انا لسه ما عملت حاجة بس ح اعمل 😏قلت ليهو بس انا ذنبي شنو😭قال لي ذنبك انگ بت محمد 😏قلت ليهو حتى ابوي كان بكرهني😪 قال لي وانا اضعافو بكرهكم كلكم بسبب امگ ابوي نكر امي بتهددو بأنها تشيل ولدها وترحل وكانو بقولو عندو علاقات ولمن امي جابتني قال ليها ده ما ولدي واحتمال جايباهو من مكان تاني مع انو اول كان بوهمها بالزواج ووعدها بوعدو كتيرة بس ولا واحد ما وفى بيهو حتى حقي المفروض اخدو اخدتوهو انتواحلاام امي كلها اتبخرت ويئست لمن انتحرت ... انا شفت امي بتموت قدامي لانو اهلها صعبين وكده كده كانت حتموت وقررت تنهي حياتها بيدها ورباني خالي وانتو متهنيين بالعز المفروض يكون من نصيبي😡حسام ضربني وطلع حزامه وبقى يضرب فيني وكفتني وبعد انتهى قال لي دي فرصة اضان وترضية نفس بس ما اكتر 😏 كان ممكن اعمل فيك اكعب من كده لكن العافية درجات واوعدك حنتلاقى تااني ويلا سلام وخلاني بنزف 😢 .... وفعلا تاني اتلاقينا بس الحصل انو قفلني في مخزن الجامعة وعارف انو عندي فوبيا من الضلام 💔 وبسبب ده كلو انا جمدت السنة💔
دكتور محمد قال لي يعني اخوگ اوهمك بالحب💔 لا حولا ولا قوه الا بالله العلي العظيم في اخ كده مهما كان السبب ما ليهوحق يعمل كده 💔طيب عندي حل بدون تصرفات طائشة قلت ليهو شنوو؟؟
قال لي اصلا شلتهم دي معروفة انها ما تمام واكيد بكون عندهم نشاطات بره الجامعة فالأحسن نوزنها بالعقل لانو ديل احتمال يصلو للقتل عديل نتصرف بحذر نراقبهم ونعرف مكان تجمعهم ونشاطاتهم شنو ونبلغ عنهم
قلت ليهو فكرة برضو المهم يبعد من طريقي
قال لي بكرة بوكل لي زول يراقبهم قلت ليهو طيب مع السلامه انا اطلع بعد كده،،بعد طلعت لقيتهم كلهم واقفين لي بره ريم قالت لي رفقة😲دكتور محمد عديل كان عايز منك شنو
اسيل قالت لي اي ورينا قال ليك شنو قلت ليها ولا حاجة سألني من قرايتي ولي جمدت السنة وكده قالت لي ليكم ساعة بتتكلمو في كده بس،،قلت ليها اي يعني حنتكلم في شنو يا اسيل وعايزاك في كلمتين 😏💔قالت لي اها في شنو قلت ليها يعني ما عارفة في شنو... لي عملتي كده ولا كلفتي نفسك تكلمي ناس ريم ولا تسألي مني ...في شنو؟قالت لي جااتني مكالمة مهمة وانشغلت بس ما اكتر ... بالمناسبة انتي واخوك ده اتصافيتو؟😏قلت ليها اااي وبقينا سمنة على العسل قالت لي كويس ،،رجعت البيت وحسيت بي اسيل ما تمام كأنها ما صحبتي البعرفها
يوسف لاقاني في الباب قال لي حبيبتي جات اها كيفك ،، قلت ليهو بخير الحمدلله وين امي قالت لي انا قاعدة عاد بتسألي مني انتي قلت ليها عايزة اكل بس ☹️ اكلت ودخلت غرفتي وفتحت الواتس طبعا ولا رسالة 😅ما بحب اتواصل كتير بس دخلت في الحالات وشفت حالة دكتور محمد كان كاتب
«وهل سنكون بين زحام العاشقين ونخلد قصتنا .. اريد فقط الحصول على مكانة ولو صغيرة في قلبگ فهل لي بهذا الطلب؟ ♥♪»
«اعدگ بأنني سأمحي كل احزانگ وسأكون بجانبك دائما وابدا ....#احبك وكفى♥®»
رديت ليهو ربنا يخليها ليك يا دكتور قال لي امين كبيرة ياااخ احلى دعوة جاتني اليوم من احلى زولة قلت ليهو تسلم قال لي العفو ..... وع فكرة عينت الزول الحيراقب ومن بكرة حيبدأ قلت ليهو كويس .... وتصبح ع خير قال لي وانتي من اهلي 💛 ما رديت عليه تاني بس رديت في سري بآمين 💗
