بعد يوسف انتهى اسيل قالت ليهو يا سلام عليك 👏 يعني متذكر بس ناسي الباقي ولا متناسي ما ملاحظ انك متذكر الشرط وما نفذتو قال ليها كنت متخيل انگ تحت تأثير المخدر عشان كده اتماشيت معاگ ولمن رجعت قلتي نكون اصحاب وبس قالت ليهو فعلا لانگ ما اهتميت قال ليها طيب لي رجعتي للادمان تاني قالت ليهو اولا لأنك ما اوفيت بوعدك وثانيا متذكر لمن كنت بايتة مع رفقة وانت ناديتني عشان تأخد رأئي في ريم وأنك عايز ترتبط بيها وما راعيت لمشاعري من ساعتها قررت اني انتقم منگ وانساگ وبقيت بحقد عليكم والحاجة الوحيدة البتنسيني المخدرات قررت ارجع ليها وانتقم منك بأذية اكتر زول بتحبو واللي هي رفقة قلت ليها بس انا عملت شنو؟؟ قالت لي ذنبگ انك اخت يوسف وزائدا انو من المدرسة كانو بعايروني وبقولو مصاحباگ عشان قروشك وإني مقطعة وكل يوم كلام اشكال الوان وهدومك القديمة بتديني ليها كانوا مسمني وسخك 💔
حسام قال لينا انتهيتو من الدرامات والمهزلة الحاصلة دي 😏 رفقة كده حتعيشي مرتاحة صاااح وكمان اضمن ليك حيحكمو علي بالاعدام بس ما ح امووت براي ساااامعاني
وسحب سلاح من الشرطي الكان واقف جنبو وفي اللحظة الضغط فيها على السلاح فجأة طلع دكتور محمد قدامي والرصاصة جات فيهو هو 💔 بقيت بصرخ محمد لاااا ..ما تخليني براااي .. يوسف قول ليه ما يموت صحيهو وفقدت الوعي ودونا المستشفى لمن صحيت لقيت يوسف جنبي قلت ليهو وين محمد 💔قال لي دخلو العناية المركزة وسألت الدكتور قال حالتو مستقرة قلت ليهو عايزة اشوفو😭 كلو بسببي انا ..اي زول بحبو بتأذى💔 قال لي ما في طريقة الا بعد اطلعو من العناية وبعدين ده قضاء وقدر وانتي زولة مؤمنة ما تظلمي نفسگ ساااي قلت ليهو يوسف امي وين؟؟قال لي قاعدة بره قلت ليهو خلاص ناديها عندي سؤال كان نفسي اسألو ليها من زمااان بس ماا كنت بقدر 💔قال لي وعايزة تسأليها الليلة لشنو ارتاحي لمن نرجع البيت اسأليها قلت ليهو لا الليلة وفي اللحظة دي بس ،، امي جات لقتني ببكي قالت لي انتي كويسة مس ومالك بتبكي قلت ليها في احسن حال بي يا امي عايزة اسألگ ،لي ابوي كان بعاملني كده وكنتي عارفة قصة حسام دي من زمان لي ما حكيتي لينا ؟؟💔قالت لي ده لا المكان ولا الوقت المناسب للأسئلة دي
قلت ليها ما حتفرق كتير بس عايزة اعرف وهسي 😔💔قالت لي طيب البريحك بالنسبة لحسام كنت عارفة حتى قبل ما اجي على الدنيا وحاولت اقنع ابوك اتزوجها بس لا وقال ده ما ولدي وشك فيها ورماهم 💔💔💔قلت ليهاومعاملة ابوي؟؟😔قالت لي ابوك ما كان كده بس اعمامگ وعماتك لمن كنت حامل بيك بقو يوصلو كلام كلو كذب وأنك ما بتو وإني خنتو عشان هو عمل كده وحاولت انتقم منو. وبحكم انو ديل اخوانو صدقهم وجابو ليه شهود وهم الجيران ومن ضمنهم ام اسيل قالت ليهو انا كل يوم بشوف سيارات شكل بعد انت تمشي الشغل وبعد كده اتغير 360ْ درجة حتى طريقة معاملتو معاي انا اتحملت الضرب والإهانة والذلة وندمني اني اتزوجتو حتى يوسف شگ في انو ولدو💔
قلت ليها بس ام اسيل مصلحتها شنو😳؟؟ولي اعمامي وعماتي (العمري ما شفتهم) يعملو كده ؟؟؟💔وانتي كنتي ساكتة لي؟؟؟
سوسن: لأننا انا وابوگ لمن اتزوجنا اهلنا ما كانو راضيين وهربت معاهو ودي اكتر حاجة زلاني بيها💔 بس اهلو كانو بجو يعملو مشاكل ويمشو أما اهلي انا اتبرو مني وقاطعوني نهائي ولو اتكلمت واتجادلت ما عندي مكان امشي ليهو بس كنت بسكت قلت ليها حتى لمن بجي اسوقني بالليل ويقول ليگ يا انا يا هي في البيت وبرميني في بيت مهجور وين كنتي وقت الضرب طيب برضو لمن دفق فيني الزيت الحار الكنتي بتحمري بيهو 😔💔💔💔😭ياااخ انا اتعذبت عذاب نفسي اكتر من جسدي 😭😭😭😭 كنتي وووين💔قالت لي كنت مضطرة يا بتي انا كمان كنت بتعذب معاگ ولمن احاول اوقفو بضربني وبحبسني وبهددني بيگ يقول لي بقتلها وما كان في يدي حيلة اعفو لي يا اولادي ما وقفت معاكم وساندتكم كنت ضعيفة 😔💔يوسف قال ليها يا امي ما تبكي وبعدين مسامحنك لو ما انتي كان اتشردنا والفات مات 💔قلت ليها نحنا المفروض نطلب منگ العفو وزي ما قال يوسف الفات مات 💔
«احساس حلو جدا لمن يكون عندگ سند في حياتك يوجهگ ويحميگ ويقيف معاگ في المر قبل الحلو وزعلك من زعلو وفرحگ من فرحو ومتى ما ملت تلقاهو ساندگ💙 البحتويك في عز الحوجة »
وانا عندي بدل سند واحد تلاتة💙
.....
