جينا مارين بجنب شلة كلهااا اولاد ومعاهم بت واحدة ومعروفة في الجامعة كلها ومعروف أنهم فاشلين ... في واحد منهم وقف وبضحك
وبقى يقول لي رفووو رفارف قلبي ياااخ لو عارفين الغيبة بتبقيك حلوة كده كنا نصحناك بيها ما كنا جبرناك 😏قلت ليهو انت اخر واحد ممكن اخد منو نصيحة انصح نفسك اول😒قال لي اووووو بقينا ما بنخاف ،، قلت ليهو ارحم نفسك بالله ما بخاف الا من ربنا،،قال لي شكلك نسيتي حابة اذكرك 😏
وفجأة بقى جااي علي فعلا من برة كنت صامدة بس بجواي كنت خائفة شديد ،،، قال لي رفقة محمد ولا ده ما اسمگ😏 ابوك كان راجل طيب شديد 😏،،،،انا بقيت ما قادرة اتكلم ولا اتحرك ما عرفت ارد وباقي الشلة لاحظو لي الا اسيل مسكتني من يدي وطلعتني بره 😭،،اسيل قالت لي انتي الولد ده لسه بضايقك لا وكمان متذكرك مالو معاااك
رزان قالت لي اااخ انتي زاتك هبلة اشكال زي دي ما بتنفع معاها مسكنتك دي فكوني ليهو بس بربيهو من اول وجديد🌚
(نسيت اعرفكم ع شلتي كلنا خمسة اسيل ورزان رداحة الشلة😂 وريم وآمنة )
قلت ليهم عايزة ارجع البيت😩 قلت لي ريم اتصلي لي ع يووسف ،،، ريم اتصلت على يوسف وقالت ليه ممكن تجي الجامعة بسرعة
يوسف قال ليها انتي منو ورفقة مالها وهي كويسة ؟؟؟،، قالت ليهو انا صحبتها بس قالت عايزة تمشي البيت قال ليها طيب مساافة السكة😥،، يوسف وصل لقاني منهارة وببكي وبقى واقف مصدوم لاني كنت ببكي بطريقة هستيرية ما اتكلم بس ساقني ركبني العربية والباقيين كلهم ركبو معااي قالو ما بخلوني
،، وصلنا البيت لقينا امي قاعدة من شافتني بقت تبكي معاي وبتسأل في يوسف اختك مالها ،،،قال ليها اكيد الكلب داك عمل ليها حاجة اصبر لي بس يا انا يا هو😡،، امي قالت ليهو خليها تهدأ ونفهم منها ما تتسرع ،،،اسيل قالت لي اهااا ي رفو بقيتي كيف قلت ليها انا كويسة😭 بس خلوني برااااي 💔 ريم قالت لي لا والله ما بنخليك براك ما شايفة حالتك كيف😢رزان قالت لي تبكي عشان التافه داگ ياخ اخرو تديهو كف وخلاااص ،، بعد هديت شوية قلت ليهم عاينو خلاص انا بقيت كويسة والزمن أتأخر اهلكم بكونو مقلقين امشو البيت وبنتلاقى بكرة اسيل قالت لي انا عن نفسي بايتة وكلمت ناس البيت 🙂،،، اما الباقيين كلهم قالو حيمشوا،،، امي كانت قاعدة بره لمن شافتهم طلعو قالت ليهم يابناتي ما قصرتو والله اصبرو يوسف يوصلكم ريم قالت ليهم يااا خالتو رفقة دي اختنا قبل اي حاجة وبعدين يوسف كمان تعبان خليهو يرتااح بنركب مواصلاات ،،يوسف قال ليها مواصلات شنو والله لو خليتكم مشيتو بالليل كده براكم ابقى ما راجل ده ما صاح والله ،،، ريم اتراجعت عن موقفها وقالت ليهو تمام وصلنا
ريم ركبت قدام والباقيين بي ورا ويوسف كان مركز معاها شديد ،،قال ليها طلعتي زي البنات ما شاء الله،،، قالت ليهو قصدك شنو يعني ؟،، قال ليها بالنسبة للصفافير وكفكيف القميص ،،قالت ليهو ديگ حركات مع صحباتي بس والله😅💔قال ليها لالا كويس والله ،، يوسف وصل أي واحدة بيتهم وريم ورزان جنب بعض ،،ريم قالت ليهو شكرا ،،مافي داعي للشكر انتو في مقام رفقة واكتررر،،قالت ليهو يعني في مقام اخواتك صاح ،، قال ليها اي🙂
قالت ليهو خلاص تصبح على خير وما قصرت 🙂 رزان عاينت ليها كده وقالت ليها مالك ي بت اتنرفزتي كده 😏قالت ليها ولا حاجة بس مغرور وشايف نفسو😒
في البيت اسيل شغالة معااي استجواب لمن كرهتها،، قالت لي رفو حتوريني بقصة الولد ده ولا اكسر الحنك وانوم لاني قبل كده سألتك واتجاهلتيني،،قلت ليها اسيل ما بقدر لو حكيت ليك ح انهار اكتر 😢😭قالت لي احتمال ترتاحي بعد توريني ونواجهه سوا
قلت ليها يازولة اذا مصرة الولد ده يكون اخووووي😪 ،، اسيل بقت مخلوعة وبتعاين لي ،، قلت ليها عارفاك اتفاجأتي لكن دي الحقيقة الانا ولا زول في البيت ده متقبلها ،، قالت لي اخوك كيف يعني وبي وين وبعمل معاك كده كيف وبستحقرك قدام الناس ليه 😲قلت ليها اخووي ود ابوي😪 قالت لي ابوك كان متزوج قبل امگ ،، قلت ليها يا ريت 😪 ابوي كان عندو حركات وبشرب وبتاع نسوان بس ربنا يرحمو😭💔💔كنت ما بحبو ي اسيل ما بحبو،، قالت لي وامك اتزوجتو كيف؟😲 قلت ليها زيفو الحكاية ولمن جو طلبوها كان عامل فيها الشريف الرضي وصدقوه وزوجوها ليهو ولا حتى سألو عنو كأنهم كانوا عايزين يتخلصوا من امي وعرفت حقيقتو لمن كانت حامل بي يوسف اخوي فا ماقدرت تعمل حاجة غير الصبر لكن واجهتو بالحقيقة كان بضربها ويشتمها بس صابرة عشان ما تخرب بيتها وبتدعي ربنا يهديه 💔
قالت لي طيب ي رفقة اخوك ده بعمل معاك كده لي ،، قلت ليها ما سمعتي بالمثل البقول من شابه اباه فما ظلم 💔قالت لي حتى ابوك بعاملك كان كعب😲 قلت ليها ابوي ههه السبب في الهلوسات الكوابيس واي حاجة مريت بيها بسببو😪😭😭 قالت لي انا صحبتك واختك ما جربتي حتى في مرة تديني جزء من همك ولا مرة ي رفقة😭
قلت ليها ما بحب اتقل على زول😭😭سامحيني
"الاصدقاء الانقياء نعمة ، طوق نجاة من هول الغرق "💗🌸
