#مـنـحـرف_وأحـبــبـتـه
الـحـلـقـة (2)
گـتـابـتـي #Koka_Saleh
""""""""""""""""""""""""""""""""""""
عند سندس ورانيا ورويدة كملن محاظراتهن والتمن وقاعدات يفطرن واتهدريز وجو مالاخر
سندس تاكل في هامبرغر:قاعد متغير هامبرغر الكفتيريا مش زي من قبل كان أحلى من هكي
رانيا:عساس سيبتيه حتى وهو مش سمح
سندس:قتلك من قبل أحلى ماقلتش مش سمح وبعدين انا مهما كان الهمبرغر ناكله ناكله
رويدة تضحك:مش بس الهامبرغر وحياتك كلا انتي الخضر واليابس
سندس تاكل:بالك ناكل من رزقكن
رانيا:أنا انموت ونعرف الوكال هذا كله وين يمشي انا انزيد اوكال اشوي نقعد برميل وهي تاكل الدنيا كلها مااتزيد حتى كيلو
سندس:خمسة خمسة في عيونك عن مرض
رويدة:الف صحة ياقلبي مطرح مايسري يمري رانيا حاستدك علي جسمك
سندس:نجك ليا ياعنوني هذوما الناس اللي تفهم مش زي هالكلبة
رانيا:مرض قرنتن الراس عليا ان شاءلله سم انتن الاثنين سندس ورويدة قعدن يضحكن
سندس:حسني متشوقه للمشروع اللي عطوه لنا
رانيا:حتى انا لكن خايفة رؤوف ماايوافقش عليه
سندس;وعنه ماوافق هو من اصلا عشان ايوافق ولا يرفض وبعدين هذي قرايتك
رانيا:عارفه قرايتي لكن غابية فيه ماايحبش جو الاختلاط وانا مانبيه يزعل لان بعد يزعل مايرضش بالساهل
سندس:وعنه مارضى ينعن جد راجل يقعد متحكم فيا وحق ربي انتن بلا عقول
رويدة:اووي فهمني القصة راه قعدت زي الأطرش في الزفة
سندس:هذا ياحنة قالولنا بعد فترة بيجيبو قطعة ارض كبيرة شوي وايقسمو الطلبة اللي في سنة التخرج ويعطوهم مشاريع وكل مجموعة تشتغل علي مشروعها واديرله تصاميم وخرائط وايقيمو شغلنا ورانيا الهبلة خايفة سي رؤوف ماايخليهش(بنات مااتركزنش هذا خيال مش وحدة تقرا في الهندسة اتقول مافيش هكي)
رويدة:تقعدي غبية لو رفضتي فرصة زي هذي علي رؤوف هذي فرصة لكي عشان اتكوني مهندسة شاطرة رانيا:عارفة لكن خوك عارفتيه
رويدة:عارفته لكن خليه يزعل وبعدها توا يرضى بروحه بس قرايتك اهم منه
رانيا:صح معاك حق لكن كان زعل ساعديني انراضيه
رويدة تضحك:حاظر بس تعرفن ياعوينكن فيه جو المشروع اللي بيديروه ياريتني مازلت معاكن في القسم ياريتني ماغيرت
سندس:منك بروحك ياحنة هذا كله علي خاطر معاذ اللي مايندري عليك لعند توا
رانيا:خطرها مافيش اي تطور معاه
رويدة بحزن:ولا مايندري عليا حية ولا ميته علي مااندير في روحي مانيش فاهمة ونبيه يشرحلي ايجي ويشرحلي من غير ماايعبرني ومعتبرني صديقته بس
سندس:مازلتي اديري في الحركات العبيطة هذينا تي انتي اشطر من 10زية وتبيه يشرحلك
رويدة:شن بندير هذي الحاجة الوحيدة اللي اتخليني انقرب ونحكي معاه اندير في روحي مش فاهمه وانا المنهج بالنسبة ليا تافه
سندس;وحق ربي عبيطات
تعالو نعرفو قصة رويدة وانردو الاول يوم الهن في الجامعة مع بعضهن من 4سنين فاتو
رويدة:بسرعة يارؤوف تأخرت عالمحاظرة
رؤوف;وووه عليك سكنان من اول يوم وانتي اتعيطي
رويدة:تأخرت حرام عليك
رؤوف:اهو خلاص طلعت وطلعو ومشو شور الجامعة وهما في الطريق سندس اترن علي رويدة
رويدة:ايوا سندوسة المحاظرة بدت
سندس:هذا عليش رنيت بنخشو توا انتي وين
رويدة:حي عليا من اول يوم بنتأخر خلاص اهو في الطريق
سندس:خلاص تمام اهو الدكتور خش بسرعه تعالي
رويدة:تمام وسكرت
رويدة:بسرعه هيا الدكتور خش
رؤوف:بلا سكنان الدنيا زحمة مانبيش انطير عشان تاخرتي اشوي
بعد اشوي وصلو للجامعة وكانت رويدة مرتبكة لانها اول يوم في الجامعة ولانها متأخرة خذت شنطتها ونزلت دغري وخاشة ومش عارفة وين بتلقى رقم القاعة في هالجامعة اللي عمرها ماخشتها كانت حاسبة انها تلقى صاحباتها بس مش زي ماحسبت لقت وهي خاشة بسرعه وماسكة فونها وادز في رسالة السندس عشان اتوصفلها المكان
في نفس اللحظة معاذ طالع بسرعة لان رنو عليه من حوشهم وقالوله ان امه تاعبه وماسك فونه وايرن علي دكتور امه وفجاة وبدون مقدمات هوووووووب طاااااف في بعضهم رويدة خبطت في صدر معاذ وطاح فونها رويدة انحرجت وفي نفس الوقت تعقدت لانها تأخرت ومعاذ دغري طبس وقعد ايلم في الفون اللي كل حاجة قعدت في تركينه وبعد لمه لقى شاشته مكسورة
معاذ مده الها;تفضلي ياانسة وباين ان تعطل
رويدة رفعت عيونها وقعدت اتشوفله وقلبها كان بيطلع من مكانه اول مرة ايصير معاها هكي
معاذ:ياانسة تسمعي فيا خوذي فونك
رويدة خذت فونها وهي مصدومة واتبحت فيه وفي شكله وتسمع في دقات قلبها بقوة
معاذ:معليش عطيني الطريق لاني مستعجل وطلع وهو ماسمع من رويدة ولا حرف
رويدة مصبيه ومصدومة وماسكة فونها وحظناته وحست كأنه الوقت وقف وقعدت مستوهة اتفكر في معاذ وشكله وريحة عطره اللي في دبشها وفي المكان واتفكر في طوله وعيونه الزرق وطريقته في الدوة وذايبة قدمت اشوية وقمعزت علي مقعد قريب مالباب وقعدت مستوهة واتفكر في معاذ وحتى محاضرتها نستها
رانيا وسندس كملن محاضرتهن وطلعن
رانيا:الفرخة رويدة وين كنها ماجت مش امس قالت بتجي
سندس:قبل ماانخش للقاعة رنيت عليها وقالت في الطريق توقعتها اتخش ونحن في المحاظرة
رانيا:زعمك ماعرفت مكان القاعة
سندس :وكنها ما دزت رسالة راه وصفتها الها
رانيا:مش عارفه توا انرن انشوفها ورنت عليها كان فونها مقفل
سندس:حي زعمك شن صاير امعاها
رانيا:هي قالتلك مع من جاية
سندس:تقريبا رؤوف
رانيا ابتسمت:ازعمك انرن عليه انشوفه
سندس:بصفتك من وانتي ادوري في سبلة عشان اترني عليه
رانيا:كنك ماتفهمي عاجبني يانا عليا عليك شخصية
(طبعا رانيا في سنة اولى جامعة مازال مادارت علاقة مع رؤوف بس عاجبها مالثانوي وميته فيه دارت معاه علاقة في سنة ثالثة بعد تمت تعزقله في نظارات وحركات بعد اتجي الرويدة فقال الرويدة تحكيله معاها وهي ماصدقت ودارت امعاه علاقة)
سندس:سكري فمك وخلينا نمشو اندوروها بالك راه جاية ومش عارفه المكان وفونها طافي وقعدن يبرم في الجامعة لين ايسن انهن يلقنها ومشن للكفيتيريا وكانت الكفيتيريا مش بعيدة مالباب
رانيا:اهي رويدة وجنها يجرن
سندس:دا ان شاءلله كنك ماخشيتي للمحاضرة
رانيا:عن مرض انتي هنا ونحن قالبين عليك الدنيا
رويدة:--??
سندس:تي ردي كنك مستوهة وكنه الخارب اللي في يدك مقفل
رانيا:بسم الله البنت كنها
رويدة حاظنة فونها وساكته ورانيا كراته منها
رانيا شهقت:فونها مكسر
سندس:هذا عليش مصدومة ومااتصلت خلاص ساهل دودي ياخذ سوك
رانيا تضحك;مرعوشة البنت هذي عرفتها لازم ادير مطب اول يوم الجامعة اصلا حتي في المدرسة اول يوم لازم ادير كارثة
رويدة:--?
سندس قمعزت جنبها:دودي كان زاعله عالفون ساهل حبي نعطيك فوني(لانها عارفه دايرته جديد وفارحة بيه)
رويدة:طووووويل بكل يابنات
رانيا:لا فونك مش طويل
رويدة:وعريض ايهبل
رانيا:تي اهو فونك مش هذينا مواصفاته تي كنك مطرشقة انتي
سندس:ترا سكري فمك شكلها ماتحكيش عالفون كملي دودي وشن اخرى
رويدة:عضلات وعيونه زرق وصوته مازال في وذني لعند توا
رانيا:اشي اشي ومن هذا ياحنة
رويدة:اللي كسر فوني
رانيا طاح سعدك:وكنك ماكسرتي عضامة
سندس:دودي وحدة وحدة احكيلنا اللي صار
وبدت رويدة تحكي اللي صار معاها
سندس:دا عليك قلة ذوق كسر فونك وطلع هكي
رانيا:لنقنه الا وقح الواحد حتى ايتأسف
رويدة:يابنات مش هذي مشكلتي توا زعمك يقرا هنا ولا لا
سندس ورانيا وبصوت عالي;وانتي شن دخلك بيه
رويدة حطت يدها علي وجها:شكلي كبدت
سندس بعصبية:لا انتي مش هكي ومش لكي الكلام هذا
رويدة:مش بيدي عمره ماصارلي هكي وماعمري في حياتي عجبني شاب ولا لفت نظري
سندس:وانا عارفتك لاني انا وانتي نفس التفكير شن تغير توا
رويدة:مش عارفة اول ماشفته قلبي قعد ايدق بسرعة ومعش تحكمت في نفسي وقعدت امبلمة عيوني فيه وخلاص شخصيته اتهبل اعيونه يسحرن
سندس:ووووه كنت في مطرشقة وحدة توا قعدتن اثنين
رانيا:هذا اسمه حب شن عرفك يامعقدة انتي احكيلي دودي وانا حنفهم شعورك
سندس:بلا هبال وكلام زايد وتعالن ناكلو وانتي يادودي مازلتي تحت تاثير صدمة الخبطة بعد ناكلو حتنسي وصبت وصبتهن ياكلن
بس للأسف ماكان تاثير صدمة بالنسبة الرويدة كان فعلا الحب دق بابها قعدت طول الوقت مستوهة واتفكر في معاذ ومعش تمت رويدة اللي قبل تضحك واتبصر وهمها في بطنها زي سندس حتي معاهن تغيرت وطول الوقت تحكي عليه صاحباتها رأفن بحالها وقعدت اسبوع وهنا ايدورن فيه في الجامعة وماعرفنش ولا عرفن وين يقرا
(معاذ كان شاب علي 5بنات وبوه متوفي وامه كانت تاعبة صح حالتهم كانت كويسة بس معاذ هو اللي كان شايل مسؤولية امه وخواته معاذ م 91 وكان شاطر في قرايته بكل بس بسبب موت باته ومرض امه والمسؤولية اللي عنده وقف قيده وتوا رد يقرا وماقدرش يقرا تخصص صعب عشان كان بيكمل بسرعه وخش قسم إحصاء)
سندس ورانيا ورويدة طلعن من محاظرتهن وقاعدات يفطرن يشربن في عصير وياكلن في شكولاطة سندس ورانيا متعاركات عشان سندس اتهزب في رانيا علي تكبيدتها في رؤوق ورويدة ساكتة واتشوف بعيونها ايمين وايسار وفجأة شافت معاذ وشرقت في العصير قعدن البنات يخبطن فيها وايشربن فيها في مية وهي اتشير بإيدها عليه وبعد كملت شرقتها لحقنه وقعدن وراه وراه لين خش القسم الاحصاء
رويدة بصوت عالي:يقرا في الإحصاء
سندس:واطي صوتك دا راه يسمعك
رويدة:لازم نعرف اسمه وسنة كم وخشت
رانيا وسندس:تعالي هنا اصبري ماردتش عليهن خشن وراها وقعدن هنا الثلاثة قدام الباب
رئيس القسم:انت سنة اولى وموقف قيدك كنت
معاذ:اها وماالاسبوع اللي فات جيت هنا عشان انسجل من جديد ونبدى نقرا
رئيس القسم:تمام هذي ورقة موادك والقراية تبدى مالاسبوع الجاي
معاذ:تمام شكرا وطلع وشاف رويدة قدام الباب مشي وبعدين رد عليها
معاذ:معليش انتي البنت اللي يومتها خبطت فيها صح
رويدة وقلبها ايدق بسرعه:اها انا😊
معاذ:سامحيني عاللي صار والله كنت مستعجل ومالحقت نعتذر منك لان تليفونك تكسر بسببي
رويدة:لا عادي ولا ايهمك بسيطة
سندس ورانيا ايبحتن فيها زين ومصدومات عالادب اللي نزل عليها فجأة😱😂
معاذ:بجد انا اسف ولو تقدري اتقوليلي نوع تليفونك وترجيني بس نص ساعة انجيبلك واحد زيه توا بزبط لان والله يومتها كان عندي ظرف وطلعت بسرعه وحتئ شن نوع فونك ماركزتش
رويدة:لالا والله مااتحس بالغلط ولا اتاسف كان غلطي انا وانت نحن الاثنين كنا خاشين بسرعه
معاذ:معناها نعطيك حقه توا لان والله حاس بالذنب ومن هذك اليوم وانا انفكر وجعتني حتى اني مااعتذرتش وكنت قليل ذوق
رويدة;حاشاك لكن والله قتلك غلطنا نحن الاثنين وخلاص شريت فون جديد مش مستحق الموضوع وعيونها كاانن قلوب قلوب وقلبها ايدق بسرعة ومن التوتر اتحرك في ايديها علي بعضهن
معاذ:بجد اسف وشكرا انك تقبلتي اسفي
رويدة:العفو المواقف هذينا ديما ايصيرن
معاذ مد يده بيسلم عليها:انا معاذ نقرا قسم احصاء
رويدة مدت يدها وهي ترعش:وانا رويدة سنة اولى معاك في الإحصاء
رانيا وسندس انصدمن وقعدن ايبحتن فيها زيين
معاذ:يبقي معايا فرصة سعيدة ان شاءلله ولو احتجتي اي مساعدة في القسم انا جاهز ماايغركش اني سنة اولى انا شاطر في تخصصي والمفروض متخرج بس عندي ظروف خلني انوقف ولو حابة مساعدة جاهز كتعويض عالخراب اللي صار بسببي
رويدة في عقلها:انت مش بس خربت تليفوني انت لعبت حتى في قلبي😭
معاذ:فرصة سعيدة رويدة
رويدة;انا اسعد ولو احتجت مساعده اكيدة حنقولك
معاذ:تمام وعدى
رويدة اتبحت فيه لين طلع مالقسم وهي عيونها قلوب😍
سندس قرصتها:تقدري اتقولي عليش كذبتي وقلتي في قسم الاحصاء
رانيا:من جدك توا يعرف انك تكذبي ويكرهك يااحمارة
رويدة:ومن قاللكن اني نكذب
سندس:وكيف هذي ترا فهميني ونحن نقرو في الهندسة
رويدة:بننقل إحصاء
سندس ورانيا شهقن:شنوووووو😱
رويدة:زي ماسمعتن بننقل معاه احصاء
سندس:وحلم المهندسة اللي مالطفولة تحلمي بيه بتسيبه عشان وهم وحب وكلام فاضي
رانيا:من جدك بتخلي علي طموحك
رويدة:الوهم والحب هذا والشعور اللي توا حاسته عمري ماحسيته انتن عارفات كويس ماعمري عجبني شاب ولا لفت نظري اي راجل بس هذا يفرق اللي صارلي معاه ماصارليش من قبل
سندس:فكري كويس ياهبلة
رويدة:فجاة لما قالي نقرا احصاء طلعت مني تلقائي اكيدة ربي لهمني واكيدة فيها خير ليا
سندس:من جدك بتمشي ورا قلبك راه ايضيعك
رويدة:ديما نمشي ورا عقلي واول مرة قلبي ايوريني طريق انا بنمشيها للاخر بنقعد قريب منه ومعاه انا متأكدة فيه حاجة مميزة خلتني ايصير فيا هكي من دون كل الشباب لازم انعيش التجربة كاملة معاه خلاص انا قررت
سندس معصبة:بلا كلام زايد مافيش حاجة اسمها حب خليك في قسمك وريحي روحك بس احسنلك
رانيا:سندس البنت قررت وهي ماشية ورا قلبها ومش حيضرها والحب موجود انتي بس اللي مش مقتنعه بيه دودي عمري ماشفتها بالحالة هذي دودي حبت صح دودي غيري قسمك وتبعي قلبك وانا معاك
سندس بعصبية:انتن لثنين هبل شن حب شن كلام فاضي رويدة ردي عاللي في راسك
(حاولت سندس فيها وااجد بس رويدة كانت مقررة وغيرت قسمها وقعدت تقرا معاه وكانت شاطرة والقسم بالنسبة الها كان ساهل بكل وكل سنة تنجح بإمتياز ومكلة طول السنين اللي فاتن وكل مرة ادير روحها في حاجة مش فامهتا ومعاذ يشرحلها قعدت صديقتة هو معتبرها صديقة بس وهي كان قلبها مليان حب له وقبلت بالصداقة عشان بس اتكون قريبة منه وتوا هما لثتين سنة رابعة بس مازال في بدايتها)
نرجعو الفطورهن توا
رانيا:هي نشرو مية عطشت بكل وصبن وشرن مية وقعدن يمشن وايخرفن
""
سراج:ها شن صار شفتها
فيصل:شفتها وياريتني ماشفتها
سراج:كيف صار
فيصل يضحك:دبين قدامك خلا وانت تجري
سراج يضحك:قصدك شينة
فيصل:بككل تشبه هبة رجل الغراب
سراج:ينعن جد حظك
فيصل:هيا نبرمو برمة في الجامعة ونطلعو
سراج;تمام وقعدو يبرمو
سراج وفيصل راقين علي دروج الكلية وسندس والبنات نازلات
سندس بصدمة:انت
سراج بصدمة:انتي
سندس لوت بوزها ونزلت بسرعة والبنات وراها وبعد خطمت عليه قالت:حيوان
سراج مشى وراها وفيصل الحقه
سراج:شن قلتي توا
سندس:اللي سمعتها وجت بتمشي
سراج:كانك بنت بوك عاوديها
سندس وبثقة:اكيدة بنت بويا امالا بنت بو واحد زيك قتلك حيوان سمعتها حيوااااااان
سراج:ماحيوانة الا انتي واللي جابك
سندس بعصبية:احترم نفسك ومااتجيبش سيرة اللي جابني علي السانك لان اشرف منك ومن هلك اللي ماعرفو ايربوك
سراج رفع يده وبيضربها وقفه فيصل وبعده منها
فيصل:عيب ياسراج هذي بنت
سراج بصوت عالي:هذي وحدة مش متربية خلينا انربيها سندس تضحك وبصوت عالي:غير ربي روحك قبل انا صقع عليك
الدنيا التمت عليهم ورانيا ورويدة ايسكتن فيها ويبنها تمشي معاهن وجت بتمشي
فيصل:تي هيا ياسراج فكنا منها
سراج:غير اطلقي بنقوللها كلمة بس
سراج مشى وراها وجا قدامها:تعرفي انتي احقر واوطى بنت انشوفها في حياتي اتفو عليك💦
سندس:علي وجك البارد ياعيل ياتافه ياحيوان اصلا من تصرفاتك باين مش راجل والنبي شوف حد ايعلمك الرجولة
سراج مصدوم من جلاطتها وانها ماخافت منها ويبي يضربها ومسكة سراج وواحد اخرى يعرف فيصل اسمه وائل وطلعوه من الجامعة وهو ايسب ويشتم
ونفس القصة سندس خذنها البنات وهي اتسب وتشتم
هدى بنت تقرا معاهن:وووه عليك معقولة ماخفتي منه
سندس:وعليش بنخاف وانا امعايا حق
هدى:معقولة متعاركة مع راجل ماخفتي يضربك
سندس:هذا تحسبيه راجل وبعدين يضرب عينه تي صقع عليه ان يلمس حتى شعره من راسي
رانيا:سندس عارفينها ماعمرهش خافت من حد وبعدين هو غالط في حقها ويستاهل ماايجيه
رويدة:هذا واحد حقير ودوسة ماغلطت فيه
هدى:بس انتن مش عارفات هذا ولد من راه باته يده طايلة وتوقعي ايديرلك اي حاجة
سندس:ولد اللي ولده طز فيه وفي باته ماانحسش في حد انا
هدى:هذا سراج محمد --- عيلته معروفه فلوووووس ويدهم طايلة والله معاداتك له انتي الخاسرة
سندس:هه قتلك طز فيهم وحتي انا من عيلة معروفة وهو يستاهل اللي جاه
هدى:هذا بدل مااتعاركي معاه المفروص راك كاسبتيه البنات كلهن يجارن في جرته وانتي اتعاركي معاه هبلة شكلك
سندس:وعليش يجارن ورا واحد حيوان زي هذا
هدى:ماشفتيش كيف طررف وفوق من سماحته علي فلوسه ياماما مازال لعند توا مااجوز وكل وحدة اتمنى انها اتكون سعيدة الحظ وتاخذه
سندس تضحك:قصدك تعيسة الحظ تي هذا انسان مريض تي هدا صايع فاشل بس ماانلومكنش البنات بنص عقل الحمدلله اللي ماانفكر زيكن
هدى:بس والله فكري فيها اكسبيه بدل مااتعاركي معاه احسنلك مرات ياخذك مش ايقولو مابعد محبة الا عداوة
سندس:ياريت ربي ياخذك انتي وبعدين ليش ماتاخذيه انتي يمشي معاك نفس بعضكم😒
هدى:ياريت يقتنع بيا يبقى طاقة القدر انفتحتلي علي قولتهم
سندس:اوووف اللهم طولك ياروح
رانيا:هدى يااسكتي ياعدي من جنبنا
هدى:اقعدن فيها وصبت
رويدة:مبرد دمها
سندس:تافهة وتفكيرها سطحي
رانيا;فوتيها حبي ووسعي بالك 🎗
وقعدن ايخرفن معاها وبينسنها اللي صار
""
سراج في السيارة ومازال ايهزب
سراج:ياريتك خليتني نضربها بس
فيصل:من جدك تضرب بنت تي كنك ياراجل
سراج:اتقولي مش راجل تي والله هي اللي مربيها مش راجل علي السانها التافهة اتقول نحكي مع راجل
وائل;وسع بالك البنت هذي نعرفها شخصيتها قوية بكل وبارزة في الجامعة
فيصل:هذي بنعرف صاحبها ولا خطيبها شن دايرين معاها بس تي جالطة بكككل
وائل:لا هي مخطوبة ولا مصاحبة شفت كم واحد معجب فيها فيه اللي جاتة جراءة ويحكيلها وهزباته مسحت بيه الوطا وفيه اللي ماجاته جراءة يحكيلها
سراج;تي من المطرشق اللي يعجب بوحدة زيها
وائل:لا عاد ماتضلمهش لنقنها بنت طررف اطلع طووول ولباسة وديما طلتها مميزة عن باقي البنات وشخصيتها مميزة بكل
فيصل:لنقنك صدقت الفرخة سمحة
سراج:انتو اللي ماتفهموش في البنات ماعندكمش ذوق عجبتكم هالغجرية
فيصل:باهي شن سبب انها مش مصاحبة ولا مخطوبة
وائل:مش عارف بس نسمع عليها انها معقدة
سراج ضحك:مريضة نفسيا يعني فعلا حسيتها والله باهي اللي ماضربتها علي قلة ادبها ليس على المريض حرج
ومشو تغدو في مطعم
اما البنات غيرن جو سندس وبعدها سندس جاها السواق روح بيها وقعدن رانيا وسندس في الجامعة
رانيا:دودي بابا مش فاضي بنروح معاك
رويدة تضحك:بابا مش فاضي ولا متفقة مع رؤوف
رانيا:لا ياصامطة والله بابا مش فاضي
اشوي وجاهن رؤوف وركبت رويدة من قدام ورانيا من لاورة
رؤوف:شن جوكن
رويدة;تمام حال الحمو شوفت عينك
رؤوف:شن جوك ياعسل
رانيا بخجل:كويسة
رويدة تضحك:دايرة روحها متحشمة لما انشوفك تحكي مع رؤوف انحسك مش رنوشة اللي نعرفها
رانيا ادير في طروح:انتي عارفتيني ديما هكي
رويدة:عليك طروح خليك علي طبيعتك راه بيقعد راجلك وبعدين حيشوف كوارثك كلهن
رؤوف;رويدة فكينا من السانك وخاطي رنوشتي عارفها ديما هكي هادية
رويدة:بكل هادية وتضحك
رانيا دزت الرويدة رسالة;والله انوريك ياكلبة ياتافة ياحيوانة مغير نوصلو بس وتعرفي اتوريه الرسالة انقوله علي سي معاذ امتاعك
رويدة قرت الرسالة وقعدت تضحك
رؤوف:بسم الله كنك تضحكي بروحك
رانيا:هذي هبلة خليك منها اوفا
رويدة:خطر عليا موقف ضحكني بس
رؤوف:ربي ايثبت عليك العقل الحمدلله اللي رنوشتي مش زيها
رانيا ابتسمت وطبست راسها ورويدة ماتت ضحك بعد اشوي وصلو رانيا علي حوشها وهما مشو الحوشهم
""
مرو يومين هاديات بكل وكل واحد وحياته سندس تاخد في محاضراتها هي وصحباتها وايروحن وسراج امه قنعت باته ان معش يمشي للشركة واصلا هو عارفه حتى لو مشى مافيش منه فائدة ومكملها سهور وبنات وشرب وخلاص
""
جاء يوم بيان عصام خو رويدة وطبعا صاحباتها وهلهن كانو مالعيلة وكانو اول الحاظرين وبالنسبة الهل رانيا عندهم بس بنتين رانيا ورنا اصغر منها تقرا في ثالثة ثانوي
ورويدة كانت بنت وحيدة علي شابين عصام م90 متخرج من قانون ورؤوف 92 ويقرا في طب بشري ومازاله سنة وايكمل وطبعا هل رويدة كلهم عارفين بعلاقتهم وكلهم حابين رانيا بحكم يعرفوها ويعرفو هلها من هي صغيرة وام رانيا كانت عارفه بقصتهم وغالي عليها رؤوف وكلهم يرجو فيه بس ياخذ شهادته وبعدها يخطبوله رانيا رسمي
المهم مشو كلهم للبيان وكانت العروسة بنت عمهم وكان جو فوق الخيال زفة واجواء ايهبلن ورانيا في الزفة ركبت مع رؤوف وركبت معاهم رويدة ولما روحو للحوش سندس ياما هزبتها علي جرائتها
بعد روحو للحوش والمعازيم روحو بات رويدة مسك هل رانيا وهل سندس للعشاء
سندس ورانيا ورويدة في الكوجينة ايساعدن في امهاتهن في العشاء
رانيا;سندس مديلي التباسي من جنبك
سندس:مااتردش
رانيا:بلا صماطة خلاص حاجة صارت وفضت فكينا مالجو
سندس:الف مرة قتلك الحركات هذينا فوتيهن بعد يخطبك ديري اللي تبيها معاه
رانيا:باهي عارفة غلطت بس هو قالي زفي معاي ومانبييش انزعله ومعانا رويدة في السيارة
سندس:ان شاءلله معاك من غلط تركبي معاه وكلهم عارفين انكم اتحبو بعضكم بالله عليك شن منظرك قدام باته وامه ترا
رانيا طبست راسها:معاك حق
رويدة:ماما اتحب رانيا مستحيل اتفكر زي تفكيرك يادوسة وبعدين كلنا عارفين ان ايحبها وتوا هما في حكم المخطوبين عادي شن فيها
سندس:دودي اسمحيلي بعيدا علي ان خوك بس شن كلمة في حكم المخطوبين مازال مافيش حاجة رسمية مش لو ان واحد اخرى مش خوك كنتي هزبتيها معايا انا علي منظرها قدام الناس وهله نبيها تعقل ومعش ادير حركات طيش لين يخطبك رسمي
رويدة;صح معاك حق خلاص اخر مرة رنوشة معش اديرها
رانيا;وعد دوستي والله ماعاد انديرها
سندس:خلاص هالمرة عدت مرة ثانية اتشوفي تصرف مايعجبك
رانيا بستها:يانا عليا من عاقلتنا لولاك مش عارف شن درنا
سندس تضحك:لولايا راه انتي ماشية مع رؤوف من زمان والحامرة هذي معترفة بحبها من زمان
رانيا:خزي ياباردة
رويدة تضحك عليهن:حرام عليك دوسة كثرتي علينا راه
رانيا:خليها خليها هذي ديما هك
رانيا:خطرها يابنات امس حكيت مع بابا واتفقت معاه بما انه بعد بكرا خميس وعطلة كلنا قلت البابا يحجزلنا شاليه ونمشو كلنا وقتله يعزم هلكن اليوم
رويدة:احلفي
رانيا:وحق الله وأكيدة بابا حكالهم
سندس:الله عليك جو لنقنه وقته البحر توا
رويدة:مش غير وقته
وبعد العشاء بات رانيا حكالهم عالبحر وان حجز شاليه ووافقو كلهم عالمشية وقعدو ايخرفو وايجهزو للبحر وشن بياخدو والاجواء الي بيديروهن
"""
فيصل عند سراج في الحوش ويلعبو في سوني (بليستيشن)
فيصل:لنقنك غشاش
سراج:تي ملح كل مرة انفوز عليك واتقولي غشاش انت اللي ماتعرفش تلعب
الخدامة خشت جايبتلهم العشاء
فيصل يضحك:هذا شنو كنها هكي
سراج:عمك محمد جايب جميع الخدامات اللي هنا هكي كبار في العمر وسووووود وخشومهن كبار عشان انا ماانجيش شورهن
فيصل يضحك:شعف بعد قصة الخدامة هذكي
سراج:تي والله مادرتلها حاجة هي اتبلى عليا غير تبي فلوس
فيصل:ياراجل انا عارفك مااتحملش والبنت كانت سمحة واكيدة صح معتدي عليها وانت شارب
سراج:والله ماجيت شورها انت عارفني نشرب لكن بالمعقول عمري مافقدت وبعدين انروح من سهرة سمحة شن نبي فيها تي والله ماقربتها زعميتني متحشم كان لمستها راه قلتها
فيصل:صح عارفك عمرك ماتحشمت لكن زعمك تبي فلوس صح
سراج:تي واضحة تبي فلوس اول ماباتي عطاها فلوس سكتت مغير كان جت قالتلي راه عطيتها الفلوس من غير هالطروح كلهن وبلا مقابل
فيصل:عيني في عينك كان جت تطلب منك تعطيها بلا مقابل
سراج يضحك:لنقني مانعطي بلا مقابل لكن هي خذت فلوس من غير ماانطق في شيء وشهدرت بيا كان طلبتي وطقيت منها حاجة وعطيتها فلوس ولا من شاف ولا من دري وبلا هالفضايح
فيصل يضحك:واطي يامان
سراج يضحك:بكل اخرى😂
فيصل: خطرها يوم الخميس حاجز شاليه وماشي للبحر امي والبنات ععشلي يبن ايصيفن
سراج:ريت الفرخات مايطلع منهن مشن كلمتهن عليك
فيصل:تي هالمفعوصات انت ماتعرفهن توأم الشر هذينا لما يسكنن علي حاجة خلاص ينفخن راسك
سراج:لنقنه فيهن جو مش عادي بذات روان غضيبة بكل فيصل;انت و ريان مش اصحاب
سراج:بروحها كل مااتحقني تقعد تجلط عليا كبيدتي روان انا
فيصل:حتى انت غالي عليها ديما مصدعة راسي بيك
سراج:شريرة بكل الفرخة هذي
فيصل: بكل المهم ها تمشي معايا
سراج:بيات قصدك
فيصل:اها
سراج:لنقنه ماعندي الها جو
فيصل:بلا طروح انا انمل بروحي والله تمشي معايا مكسدين مكسدين
سراج:والشركة وشغلك
فيصل:خذيت اذن من عمي محمد وحتى هو لما عرف عشان روان وريان وافق
سراج ضحك:حتى باتي ايحبهن
فيصل:اها لكن قولي تمشي
سراج:قتلك ماعنديش جو عدي كسد انت وانا خليني زايط في العسل هنا
فيصل:حتى غادي هياجة وبحر وبنات وحياه واضحك
سراج:زعمك
فيصل:والله خيرلك تغيرة جو
سراج:انفكر فيها وكان قعدت بنمشي انقولك بكرا
فيصل:خلاص تم
سراج:تم وهيا صقع العشاء خلينا انتعشو
فيصل:بعدك ميت جوع
سراج:انتعشو ونطلعو كلمني عدي قال اليوم جايات بنات لبنانيات طرووووف بكل
فيصل:معناها انتعشو بسرعة انلحقو عليهن
#يتبع
زعما حيمشي سراج مع فيصل للبحر وكان مشى شن حيصير بينه وبين سندس من تطورات كله حنعرفوه في حلقة بكرا ☺
گـتـابـتـي Koka Saleh
أنت تقرأ
منحرف واحببته
Romanceكانت تلك الإختلافات سبب جمعنا لنكمل قلوب بعضنا💗 These differences are the reason why we gathered to complement each other's hearts
