#مـنـحـرف_وأحـبـبـتـه
الـحـلـقـة (32)
گـتـابـتـي #Koka_Saleh
"""""""""""""""""""""""""""
عند رانيا خذت محاضرتها وطلعت لقت رسالة من فيصل مكتوب فيها( صباح الخير لما اتروح سندس رنيلي عشان انجيك ونشرحلك اللي مش فاهمتيه)
رانيا رنت عليه وفيصل رد
فيصل:صباح الورد
رانيا:صباح النور
فيصل:روحت سندس انجيك
رانيا:هي ماجتش اليوم بكل قالتلي تاعبة اشوي
فيصل:تمام خلاص حنجيك توا
رانيا:خلاص نرجى فيك قدام المكتبة
فيصل:تمام وسكر
وصل فيصل للجامعة وخش ومشى للمكتبة دغري ولقى رانيا مقمعزة علي مقعد قدام المكتبة
فيصل:اهلا
رانيا:اهلين
فيصل:شن اخبارك
رانيا:تمام شن اخبارك انت
فيصل:تمام
فيصل ابتسم:من توا بنقولك انحب طالبتي تقعد شاطرة نشرح الحاجة مرة وحدة راه
رانيا تضحك:حاظر استاذ فيصل مش حنتعبك وحنقعد نبيهة وشاطرة
فيصل يضحك:ايوا هكي تعجبيني هيا انخشو
رانيا:هيا وجو بيخشو مع جيت
رؤوف بعصبية:رانياااا
رانيا لفت وبصدمة وخوف;رؤووف
رؤوف بعصبية:من هذاا وليش مصبية معاه
رانيا ارتبكت:هذااا
رؤوف بصوت عالي:هذا اللي ماتبيش تمشي معايا عشانه صح
رانيا:رؤوف واطي صوتك وفكنا مالفضايح قدام الناس
رؤوف بعصبية:مازال ماحقيتي شيئ مالفضايح بتسيبيني عشان واحد اخرى وتبيني نسكت
رانيا:انا ماسيبتكش عشان حد انت عارف كويس اللي صار وبعدين اللي تحكي عليه هذا استاذ وبيشرحلي مافيش بينا اي شيئ
رؤوف بصوت عالي وعصبية:تضجكي علي وليد صغير لو استاذ بس ليش ماخليتيه ايجيك في حوشكم
فيصل:اسمع ياشاب انا مقدر وضعك ومانبيش ندخل بس اللي ادير فيه غلط لو اتحبها راك خايف علي سمعتها مش كل يوم جاي دايرلها حفلة هنا
رؤوف قرب من فيصل وحط صبعه في وجه وبتهديد;انت مادخلكش بينا #Koka_Saleh
رانيا:معاه حق يارؤوف لو اتحبني جديات راك مااديرليش هكي شوف كيف الطلبة ايشوفولنا
رؤوف;بعد هذا كله طلعت ماانحبكش
رانيا:اللي ايحب واحد ايخاف علي سمعته وماايديرلش هكي
رؤوف:كان تبيني معش انجيك ومعش انديرلك هكي تمشي معايا توا
رانيا:رؤوف انت عارف رأيي في الموضوع هذا واني مستحيل نمشي معاك وانسيب هلي
رؤوف بعصبية:مش بجوك بتمشي معايا غصبن عنك
فيصل:وسع بالك ياشاب وعيب اللي ادير فيه مافيش حاجة بالغصب
رؤوف بعصبية:انا قتلك ماتدخلش
رؤوف بصوت عالي:رانيا قتلك هيا معايا توا احسنلك
رانيا بعصبية وترعش:وانا قتلك مش ماشية معاك
رؤوف عصب عالاخر وقرب منها وكرها من يدها وبياخذها بالغصب
رانيا تبكي:اطلقني قتلك مش ماشية معاك
فيصل فك رانيا منه وحطها ورا ظهره:تي تحشم علي وجك وخلي البنت في حالها
رؤوف ضرب فيصل بوكس:وانا قتلك ماتدخلش
فيصل عصب منه وهجم عليه وقعدو يضاربو وجا أمن الجامعة وحزوها بينهم وفكوهم من بعضهم وقعدو ايطلعو في رؤوف برا
رؤوف كان محصل ضربات ووجه دم
رؤوف بعصبية:والله ماني ناسيها لكي والله انوريك عليها وانتي والله ماهو واخذك راجل غيري وحتمشي معاي غصبن عنك وتوا اتشوفي
فيصل ماسكينه الشباب وحتى هو محصل ضربات علي وجه وخشمه ايدمم
فيصل بعصبية:لو راجل حاول اتقرب منها مرة اخرى وشوف شن ايصيرلك
رؤوف طلعوه الأمن وهو معصب وايهزب وفيصل جا الرانيا اللي كانت تبكي وحالتها حالة
فيصل:خلاص عدى والله مايقدر يقربك مرة اخرى
رانيا تبكي:انا تعبت كل يوم مفضح بيا قدام الناس ومحشمني ياريتني مابديت في الجامعة بكل
فيصل:معقولة تحكي هكي هذي قرايتك واتجيها غصب عن كل واحد
رانيا تبكي:هذا مش حيسيبني في حالي حيقعد كل يوم ايديرلي هكي هو عارف ان ماعنديش خوت يوقفو قدامه وعارف ان بابا راجل كبير مش حنخششه في مشاكل ومانقدر نحكيله اللي قاعد ايصير وقعدت تبكي
فيصل:ماتبكيش وانا جنبك ومعاك واعتبريني خوك والله دبيني حي مايقدر يلمس منك شعره وحدة ولعند مااتكملي امتحاناتك حنقعد كل يوم هنا ومش حنخليه ايقرب منك
رانيا:وانت شن ذنبك اندخلك في مشاكلي انا قاعدة محروجة منك بسبب اللي صار توا
فيصل:نحنا اصدقاء وانا انقولك اعتبريني خوك وانتي اتقولي هكي راه والله نزعل منك
رانيا كانت منزله راسها ورفعاته وشافت فيصل
رانيا:حي وجك دم
فيصل:حاجة بسيطة فوتي #Koka_Saleh
رانيا:شن فوتي خشمك ايدمم استنى اشوي
فتحت رانيا شنطتها وطلعت منها مناديل ومدتهن له
رانيا:خوذ امسح بيهن الدم
فيصل خذاهن منها وقعد يمسح في الدم وايشوفلها
رانيا طبست راسها
فيصل:هيا انخشو للمكتبة عشان نشرحلك اللي مش فاهمتيه
رانيا:لالا خلاص فوتها اليوم اكيدة خشمك ايوجع فيك روح تريح
فيصل:لا ايوجع لا شيئ خشي نشرحلك واسمعي كلام استاذك ومااتعبينيش معاك
رانيا:حاظر
وخشو هو ورانيا للمكتبة وطلعت شيتاتها ووراته اللي مش فاهمته وقعد يشرحلها #Koka_Saleh
""
#عند_سندس
طبعا عاودت رقدت بعد قررت انها ماتمشيش للجامعة وكانت غامتلها بكل وبعدها وعت عالظهر صبت غسلت وصلت وفطرت ولمت حوشها وقمعزت في الصالة وهي اتفكر اترن علي سراج او مااترنش وبعدين قررت اترن علي رانيا تحكيلها اللي صار وتاخذ رأيها شن ادير
""
#عند_رانيا
كمللها فيصل الشرح ولمت شيتاتها وطلعت وهي مازال مصبية هي وفيصل قدام المكتبة وقاعدة تشكر فيه رن فونها
رانيا طلعاته:هذي دوسة اكيدة بتسأل شن خذينا وردت وفيصل مازال في عقله كلام قعد امصبي عشان يحكيه
رانيا:ايوا دوسة شن جوك توا كويسة
سندس:تمام الحمدلله
رانيا:قلتيلي تاعبة شن اتحسي كنك #Koka_Saleh
سندس:لا تاعبة لا شيئ متضايقة من هالبارد
رانيا شافت الفيصل:قصدك سراج كنه شن دارلك
سندس:امس بعد روحنا وقعدت تحكيلها في القصة
رانيا:مش عارفة ماانقولك بس تصرفك سليم باهي اللي مادرتي زي مايبي
سندس:بس هو زعل امس طلع وماروحش الا 3 في الليل اكيدة ماشي ساهر مع بنات
رانيا;وانتي متضايقة عشان هكي
سندس:شن رايك يعني صح انا معجبة بيه بس لكن مهما كان ماانحبش يمشي يسهر مع بنات اتضايق فيا الفكرة هذي
رانيا:دوستي راه مش بس اعجاب شكله حب
سندس:والله ماعاد فهمت حاجة قاعدة متلخبطة وحايرة نبيه معايا بس مش وهو هكي نبيه ايتغير
رانيا:لو خليتيكي علي مبداكي هذا وماخليتيش يوصل للي يبيه صدقيني حيزيد ايحبك وايتغير
سندس;كيف حيحبني وهو كل يوم مع وحدة شكل
رانيا:صح كل يوم مع وحدة شكل بس بالنسبة له ولا وحدة فيهن زيك وكلامه لكي اكبر دليل الراجل مشاعره متحركات وهو في العادة عمره ماصارله هكي وعشانها تجربة جديدة عليه حيقعد يبي ايعيشها وقولي رنوشة ماقالتلك
سندس:ياريت تعرفي شن في خاطري خاطري نمشيله في المكان اللي يسهر فيه وانشوف شكلهن البنات اللي مش قادر ايسيبهن يعني الهدرجة مهمات عنده
رانيا:طاح سعدك من جدك بتمشي المكانات زي هذينا
سندس:شن بندير بنعرف الميزة اللي فيهن انا لازم انعالج الموضوع من جذوره
رانيا:فوتي الفكرة خيرلك المكانات هذينا مش لكي
سندس:توا خليه الكلام هذا انا كلمتك عشان حايرة في موضوع
رانيا:شن هو
سندس:كل يوم في الصبح انا اللي كنت انوعي فيه ونفطرو مع بعضنا قبل مايطلع اليوم وعيت بنوعيه القيته مش قاعد وطالع بلا فطور قاعدة انفكر انرن عليه يعني نظام انقوله شغلتني وهكي بس مش حنجيب سيرة امس بكل انتي شن رايك #Koka_Saleh
رانيا:عادي مافيها شيئ ديري روحك عساس مشغولة عشان مالقيتيش وقوليله انك توا غير روحتي مالجامعة ردبالك اتوريه انك مامشيتيش عشان متضايقة منه
سندس:تمام فهمت
رانيا:واسمعي كان حاول يحكيلك في موضوع امس سكريه بأي طريقة تمام
سندس:تمام واوكي توا خليني انكلمه وسكرت
فيصل:كنها
رانيا:قعدت تحكيله في الموضوع
فيصل:بس تعرفي احسن انها دارتله هكي
رانيا:حتى انا قلتها الها
فيصل:بس فيه حاجة هي قالتلك امس ماروحش الا الساعة 3 وهو ماكانش معانا في الشقة حتى رنيت عليه قالي مش جاي بنرقد
رانيا:غريبة وين كان
فيصل:هذي اللي لازم نعرفها
رانيا;اتصدق دوسة مفكرة اتجيكم للشقة
فيصل:لالا ردبالك اتخليها اديرها موضوع زي هذا كبير وبذات ان سراج قعد ايحبها وشيئ زي هذا حيخليه يكرهها وايحسها زي باقي البنات
رانيا:حتى انا قلتلها ماتمشيش وحنرد انقولها الها مرة اخرى لين اتحول الفكرة من راسها
فيصل:ايوا احسن مش وقت انردو النقطة الصفر من جديد
رانيا:والله صدقت
رانيا:فيصل عادي نسألك سؤال
فيصل:اكيدة تفضلي
رانيا:توا انت ديما مع سراج وتسهر معاه وهكي قصدك انت زيه
فيصل ضحك;قصدك زير نساء كيفه
رانيا:اها
فيصل:لا انا مش زي سراج انا نسهر انهبج ناخذلي كاس مرات بس البنات لا ماعنديش فيهن والله حتى الوضع هذا مش راضي عليه بس انا نمشي عشان سراج نبي انكون معاه لحظة بلحظة واول ماايتغير سراج المواضيع هذينا كلهن بنفوتهن مااتجيش الواحد ايصلي ويعرف ربي وايدير هكي بس والله من اول ماقررت انساعد سراج عشان ايتغير وانا عاطي وعد الربي ان ايتغير سراج الحرام هذا كله معش انجي شوره
رانيا:احسن ماادير اصلا انحس في الجو هذا يمشيش معاك
فيصل:عليش مايمشيش معايا #Koka_Saleh
رانيا:هكي من اول ماعرفتك انحس فيك عاقل وتعرف تصرف مش طايش وراجل امتاع شغل وهكي يعني مش زي سراج مستهتر وضارب الدنيا في الصفر
فيصل:انا عندي اخيين وباتي عمره ماربانه هكي بالعكس ربانه عالقيم والأخلاق وأنا كنت طالب ذكي ومانعرفش شيئ الا القراية بس انا يوم اللي تخرجت فيه وقعدت مهندس باتي دارلي حفلة كبيرة اتقول فرح وكان فرحان بيا بكل ثاني يوم جاته جلطة وتوفى وقعدت كم شهر وانا مكتئب كنت انحب باتي بكل اتصدقي اكثر حتى من امي كان مش بس بات كان ليا اخ وصديق وبعدها تعرفت علي سراج وخشيت عالجو هذا بس والله ماكنت راضي عليه ولما شربت شربت بس عشان ننسى ان باتي مات بس يشهد الله خاطي الشرب اي حاجة حرام اخرى ماجيتش شورها
رانيا:وان شاءلله حتى الشرب اتسيبه واترد زي ماباتك رباك لان لو عايش مستحيل يرضى انك اتكون هكي
فيصل:اكيدة ويشهد عليا ربي ليا كم مسيب الشرب ولما نقعد مع سراج اندير في روحي نشرب ونمشي للشقة بس عشانه
رانيا:ان شاءلله ربي يهديه وايتغير
فيصل:ان شاءلله #Koka_Saleh
أنت تقرأ
منحرف واحببته
Romantikكانت تلك الإختلافات سبب جمعنا لنكمل قلوب بعضنا💗 These differences are the reason why we gathered to complement each other's hearts
