#مـنـحـرف_وأحـبـبـتـه
الـحـلـقـة (27)
گـتـابـتـي #Koka_Saleh
""""''""""""""""""""""""""
مش مسامحة حد ينشر روايتي من غير موافقتي وقبل ماتكمل الرواية
""""
طلع سراج الباته وحكاله الموضوع وباته وااافق
""
عالساعة 2روح سراج لقى سندس مش في الحوش استغرب ورن عليها وسندس ردت
سندس:الو
سراج;وينك مش في الحوش
سندس:في الفيلا تعال عشان الغداء واتي
سراج:ليش ماقلتي انك ماشية
سندس:مانحساب ان حتى الفيلا لازم ناخذ عليها اذن
سراج:مش هكي قصدي
سندس:المهم كان بتغدى تعال
سراج:اهو جاي توا وسكر
وجاهم في الفيلا وتغدو مع بعضهم وبعد الغداء روحو الحوشهم سندس رقت دغري الدارها وسراج حتى هو رقى الداره
سندس في الدار غيرت دبشها ولبست بيجامة وصلت الظهر وخشت السريرها وبترقد
سراج غير دبشه ولبس (شورت راب وتيشرت)وطلع مالدار ومشى الدار سندس ودق وخش
سراج:مازال واعية
سندس:كنت بنرقد توا كنك
سراج قمعز عالسرير:بنقدملك مساعدة ومش عارف تقبليها ولا لا
سندس:مساعدة ومنك حسني خفت
سراج بهزوة:انتي اتخافي اصلا😏
سندس شافتله عالجنب😏تبي نحكي ولا نرقد
سراج:اسمعي القصة ومافيها ان أنا فكرت في موضوع قطعة الأرض اللي حكيتيلي عليها والقيتلك وحدة كويسة وتقدري تشتغلي عليها وتاخذي مقاسات منها وكان موافقة نمشولها بكرا
سندس بفرحة:اكيدة موافقة بس ليش بكرا ليش مش اليوم
سراج:طبعا قطعة الارض اللي بنشيلك الها في مزرعتنا وانا قلت اكيدة بنقعدو كم يوم عشان تشتغلي براحتك واكيدة تبي صاحبتك معاك فشنو فكرت قلت نعزمو هل صاحبتك وهلك وهلي وبدل ماتقعد بس مشية تشتغلي فيها ومكسدة انديروها تغيرة جو شن رايك
سندس:والله هي فكرة بس مش عارفة هل رانيا ايوافقو او لا
سراج:الموضوع في مصلحة بنتهم وبدل ماانقوللولها بروحها وهما يرفضو يمشو حتى هما معاها
سندس:باهي كم بنقعدو
سراج:انتي كم ايسدك وقت تشتغلي
سندس:ممكن 3أيام هكي
سراج:خلاص يبقى 3أيام
سندس:باهي توا نحكي الرانيا وانخليها اتقولها الهلها
سراج:وانا حكيت مع باتي ووافق #Koka_Saleh وفي العشية انكلم عمي فرج ونحكيله
سندس:باهي تمام
سراج صبى;انخليك ترقدي توا وطلع
وسندس تمددت ورقدت
"""
الساعة 5العصر
گتابتي #Koka_Saleh مش مسامحة حد ينشر الرواية قبل ماانكملها
وعت سندس صبت غسلت وصلت العصر وطلعت وطيبت قهوة مع خشت سراج عليها في المطبخ
سراج:لنقنى وقتها
سندس:اهي وتت قمعز انصبلك
سراج قمعز:تعرفي وعتني بنتها
سندس:سراج بلاش كذب انا انطيب فيها في الدور الاول وانت راقد في الثاني ومسكر دارك
سراج يضحك:وسعتها واجد صح
سندس قمعزت:بكل اخرى
سندس صبت القهوة وقعدو يشربو
سراج:رنيتي علي صاحبتك
سندس:لالا مازال
سراج:باهي ترا شوفيها توا
سندس:باهي ومسكت فونها ورنت علي رنا اخت رانيا وطبعا رنا لما تلقى وحدة من صحبات رانيا تعطي فيها الرانيا دغري
رانيا ردت:اهلا دوسة شن جوك
سندس:تمام رنوشة شن جوك انتي
رانيا:بخير الحمدلله حبي
سندس:بنحكيلك علي موضوع قطعة الارض اللي حكيتلك عليه يومتها
رانيا;والله ماانسيته وحكيت البابا عليه بس مازال مالقالي نفس المواصفات اللي نبوهن
سندس:اليوم سراج لقالي وبنفس المواصفات لكن في مزرعتهم فقالي اعزمي هل صاحبتك وبيعزم هلي وهله ونمشو تغيرة جو ونحن نشتغلو براحتنا
رانيا:وكم يوم بنقعدو
سندس:انقولو 3أيام
رانيا:خلاص نحكي البابا وانقولك شن ايقول
سندس:رنوشة حاولي اتخليه ايوافق معش فيه وقت عشان اندورو
رانيا:ان شاءلله وبعدين انا بروحي محتاجة التغيرة جو بصراحة
سندس:خلاص نرجى رنتك اتقوليلي شن ايصير
رانيا:هو توا في الجنان يشرب في قهوته نطلع انشوفه وانقولك شن قال
سندس;تمام وسكرت
سراج:ها شن قالت
سندس:بتسال باتها توا #Koka_Saleh واترد اتقوللنا شن قالت
سراج:خلاص نرجو ردها كان باتها ووافق انكلم هلك توا سندس:تمام
"""
رانيا طلعت وحكت الباتها في الاول رفض فكرة ان يمشي مع ناس مايعرفهمش بس بعد فهماته ان مافيش وقت عالمشروع وان حتى هل سندس بيمشو معاهم وبحكم ان يعرفهم وافق ورنت رانيا علي سندس وقالتلها ان باتها وافق واول ماسراج سمع موافقتهم دغري رن علي بات سندس
سراج:خير ياعمي فرج شن اخبارك
فرج:بخير الحمدلله شن اخبارك انت وشن دايرة فيك سندس
سراج:والله ياعمي متعبني السانها اشوي
فرج يضحك:عارفها لكن عاد تحملها
سراج:حتى انا متحملها
سندس اتفنص فيه وسراج يضحك
سراج:المهم انا رنيت بنقولك بكرا بنمشو للمزرعة عشان مشروع سندس فقلنا انخلوها تغيرة جو وتمشو معانا انتو وهلي وكلمنا هل صاحبة سندس ووافقو انت شن رايك
فرج:والله ماعندي مشكلة غير علي هالشغل
سراج:بنعرف انت وباتي امتى اتريحو مالشغل راه العمر يكمل والشغل مايكملش استمتعو بحياتكم خير ماايفوتكم القطار
فرج يضحك:والله صدقت خلاص باهي توا نمشو معاكم
سراج:تم ياعمي انتلاقو
فرج:سلملي علي سندس
سراج:يوصل وسكر
سراج;خلاص اهو كلهم وافقو معناها وتي روحك المشية بكرا
سندس:باهي تمام
سراج صبى:انا بنمشي للفيلا انسق مع باتي عشان ايجهز اللي نبوه
سندس:تمام وانا انوتي دبشي بشويش عشان ننسش شيئ
سراج:سلام وطلع
سندس لمت فناجيل القهوة وغسلتهن ورقت الدارها اتوتي في الدبش
سراج مشى للفيلا ولقى باته وامه في الجنان يشربو في قهوة
سراج:اوووو الحويج والحويجة في قعدة رومانسية
محمد:سراج تحشم علي وجك😒
سراج:والله منظركم زي عصافير الكناري
محمد:وانت تعرفهن عصافير الكناري
سراج:نسمع بيهن سمع
عفاف:قمعز انصبلك قهيوة
سراج:توا غير شربت
عفاف:وين دوسة كنها ماجت معاك
سراج:سيبتها اتوتي في الدبش عشان مشية بكرا
عفاف:اي مشية
سراج:كيف عفوفة الشايب ماحكالك
محمد:والله جيت تاعب انسيت
سراج:سندس عندها مشروع وبتشتغل عليه وتبي قطعة ارض اقترحت عليها نمشو للمزرعة وقلت بدل مانمشو بروحنا نمشو كلنا وانغيرو جو لنا فترة عالمزرعة
عفاف:والله فكرة بعده الواحد مل من القعدة في نفس المكان بيطلع اشوي اينفس علي روحه
سراج:والله صدقت عفوفة ماادهور فيها بكل ولااتسفر فيها طلعها مسكينه خليها اتحق الدنيا وانت مكمل عمرك في الشغل
محمد;وكان سافرت وادهورت المن انخلي الشغل عليك انت ياللي اتكمل فيها في المكتب حرام مانهضتني بحاجة
سراج:مش ساكنلي عالشغل اهو اشتغلت ماادورنيش ساد اني نوعى بدري
محمد:لا مش ساد لازم اتعلم الشغل كيف ماشي
سراج:باتي جوي سمح مااتعكرش مزاجي جاي بنقولك ان كلهم وافقو علي المشية#Koka_Saleh يعني بكرا في الصبح نمشو كلنا
محمد:باهي وانا شن بندير
سراج:قلت انقولك كان عندك تجهيزات بتجهزهن في المزرعة اديرهن ماليوم
محمد:لا ياشاطر انت صاحب الفكرة انت اللي شوف المزرعة شن ناقصها وامشي جيب كل حاجة اتسد للايام اللي بنقعدوهن
سراج:بس انا عمري ماجهزت الرحلة مانعرفش شنو اللازم
محمد:وتعلم وبعدين مش الفكرة فكرتك خلاص تحمل المسؤولية اشوي
سراج:يعني شنو توا
محمد:يعني انت اللي جهز الحاجات انا مش فاضي عندي شغل
سراج:بس والله مانعرف
محمد:مش شوري بيك انا مش فاضيلك
سراج غمتله:تم وطلع من جنبهم
عفاف:انت عارفة مايعرفش ليش اتحملة مسؤولية اكبر منه
محمد:خليه ايتعلم لعند امتى بيقعد هكي وبعدين توا هو اللي مصمم عالمشية معناها حيتحمل المسؤولية غصبن عنه
عفاف:بس خايفته ماايجيبش كل حاجة وبكرا ايحشمنا
محمد:مااتفكريش انا حنجهز كل حاجة كان القيت اللي جايبه ناقص حنخليهم ايجيولنا اللي مجهزة انا
عفاف:اذا هكي باهي
"""
سراج طلع بالسيارة وهو غامتله ورن علي فيصل وفيصل رد
سراج غامتله:باهي اللي رديت
فيصل:كنك ياراجل كنت راقد
سراج:باهي صبي بنتكي عليك نمشو
فيصل:وين بنمشو
سراج:بنوتو المشية بكرا اصلا عمك محمد سكر راسه دبيني انا اللي خططت يبقى انا اللي انجهز وانت عارف مانعرفش شيئ في تجهيز الرحلات
فيصل:خلاص تم يانصي كون هاني الموضوع شوري
سراج:خلاص صحصح علي ماوصلت فيك
فيصل:تم وسكر
وصل سراج في فيصل ولقاه مجهز روحه وطلعو دغري وقعدو ايجهزو في الحاجات اللي يبوهن كلهن واللي ايكفنهم المدة 3 أيام
""
عالساعة 11 سراج روح للحوش لقى سندس في المطبخ #Koka_Saleh
سراج:خير
سندس:خيرات
سراج:في شنو اتلبزي
سندس شافتله بالجنب:انلبز😒
سراج:والله حوسة واجد مافهمت شيئ بجديات في شنو اديري
سندس:كيكة مثلجة
سراج:وهذي سمحة
سندس:اتجنن😍
سراج:باهي ذوقيني منها
سندس:مازال مش توا تتاكل لازم انحطها في الفريز كم ساعة قبل
سراج:يعني امتى بناكلوها
سندس:بكرا عشان بناخذها معايا غادي
سراج:يعني دايرة جو وبتاخذي معاكي حاجة
سندس:القيت روحي فاضية قلت انديرها
سراج:باهي فيش عشاء
سندس:كيف انت تبيش تطلع
سراج:وين بنطلع
سندس:قلت مرات بتسهر مع اصحابك
سراج بخبث:وانتي تبينيش نسهر ولا كيف
سندس:لا مش هكي بس اصلا توقعتكش اتروح توا بكل فنحسابك مازال طالع
سراج:لالا مش طالع نمشي نسهر معاهم انطول ماانروح وبكرا ورايا وعية بدري ونبي نقعد مصحصح
سندس:اوكي فهمت
سراج:باهي راه ميت مالجوع نبي عشاء
سندس:اصبر انكمل اللي في يدي قبل
سراج:لنقني مانقدر نصبر هو شنو اصلا العشاء
سندس:اكيدة خفيف
سراج:عارفك ماعندكش غيره خلاص انتي كملي اللي في يدك وانا انوتي العشاء
سندس بصدمة:تعرف
سراج:انتعلم اصلا هو يوم العلم من اوله
سندس:خلاص طلع الاجبان والخضرة مالتلاجة وانا توا اندير الدحي بس انحط هذي في الفريز
كملت سندس الكيكة وحطتها في الفريز لقت سراج مطلع الحاجات اللي يبن تطليع مالتلاجة وهي بدت بدير دحي وخذت الطماطم بتقصصه خذت الموس وبدت اتقرض فيه وعيونها علي سراج اللي ايوتي في الطاولة وهي اتقرض للأسف جرحت صبعها
سندس:اح😔
سراج:كنك
سندس:جرحت صبعي
سراج:ترا وريني ومسك يدها وشاف صبعها
سراج:ساهلة غسللها صبعها تحت المية وطلع بيها للصالة وقمعزها عالكنبة وخذا معقم ولزقة وقمعز علي ركبية وقعد ايعقملها في الجرح وبعدها خذا اللصقة وقعد ايلصقلها فيه وسندس اتشوفله ومبتسمة
سراج شافلها;اهو خلاص هكي لا ايتلوث ولا عاد يحرقك
سندس;شكرا
سراج:العفو وقعد ايشوف العيونها وهي اتشوفله
سندس فطنت الروحها وانحرجت:حي انسيت العشاء وصبت ومشت للمطبخ وردت بتقصص الطماطم
سراج:خليه توا انكمله انا
سندس:مرات ماتعرفش
سراج;ماعليك انا انقصصه وانحطه في الطاجين وانتي كملي الباقي
سندس:باهي
قصص سراج الطماطم وبعدها كملت سندس دورة الدحي ووتو العشاء وقمعزو ايتعشو وبعد كملو لمو مع بعضهم الحوسة وحطو العوايز في الغسالة ولمو المطبخ #Koka_Saleh وخشو بيرقدو
سراج:قبل ماترقدي بنخش للدار انوتي دبشي
سندس:وتيته لكي مبدري
سراج:تحكي جد
سندس:مش عارفة اجرأت ودرتها معليش كان زعلاتك
سراج:بالعكس ريحتيني
سندس:خذيتلك الدبش اللي ديما انشوف فيك تلبس منه
سراج:تمام اصلا اللي في الدولاب كله جديد ونلبس فيه
سندس:القيت حاجات مازال مالبستهن بكل مازال جدد
سراج:انا هكي انحب نشري ديما ونشري حاجات واجد بصراحة نكره انكرر اللبسة اكثر من مرة
سندس:بس هكي مش حرام
سراج:هذي مالحاجات اللي تعودت عليهن وماعرفتش انغيرهن
سندس:والدبش اللي معش تبيه شن اديرله
سراج:مش عارف انا كنت انقول العفوفة معش نبيه وهي مش عارف في شنو اديرله
سندس:اسمع اول حاجة حاول اتغيرها العادة هذي عشان هذا اسمه تبذير وربي يرضش بيه وبعدين الدبش اللي معش تبيه فيه جمعيات خيرية انتبرعو بيهن له
سراج ابتسم:انتبرعو اول مرة تحكي بصفة الجمع بيني وبينك
سندس انحرجت:مش قصدي انا كنت نحكيلك بس
سراج:حاظر اللي معش نبيها انتبرعو بيها تمام هكي
سندس:تمام
سندس:خلاص انا نعست وبنرقد
سراج:تصبحي علي خير
سندس:وانت بخير وخشت الدارها وبترقد
وسراج خش الداره دوش وطلع وتمدد في سريره وحاول يرقد بس كانت سندس مسيطرة علي باله وايدور في سبله يمشيلها صبى ومشى الدارها ودق وخش
لقى سندس في سريرها وماسكة اللاب
سندس:شن فيه
سراج:مازال واعية
سندس:اها اذكرت حاجات قلت انعدلهن ونرقد انت تبي حاجة
سراج:جيت بنشوف اذا صبعك ايوجع فيك او لا
سندس:لا تمام فيش شيئ
سراج:باهي وقعد مصبي
سندس:فيه حاجة سراج
سراج:لالا مافيش شيئ بس كان قعدتي ساهرة علي قرايتك وقعدتي تبي حاجة راه مازال واعي رنيلي
سندس سكرت اللاب:لالا بنرقد توا خلاص
سراج:باهي تصبحي علي خير
سندس:وانت بخير
طلع سراج ومشى الداره وتمدد في سريره
وسندس حطت اللاب جنبها وتمددت علي سريرها وقعدت اتفكر في تصرفات سراج اللي معش فهمت اذا اعجاب ولا عنده غاية معينة بيوصلها عشان بالنسبة الها سراج اخر انسان ممكن توثق فيه
""
صباح ثاني يوم وتحديدا الساعة 9 #Koka_Saleh
وعت سندس دوشت وصلت الصبح ونزلت وتت الفطور وجت بتوعي سراج لقاته واعي ومجهز روحه ولابس(تيشرت دمي علي جينز بيج وكاويش دمي وبنت عطره اللي معبيه الدار) نزلو فطرو وبعدها لمت الفطور ورقت الدارها بتجهز روحها ولبست(جينز ازرق وعليه بلوزة سحابي هادي وجاكة جينز ازرق وكاويش ابيض في الوردي ووشاح وردي)ونزلت ولقت سراج مركب الشناطي في السيارة خذت كيكتها وطلعت بيها وركبت مع سراج وطلعو خطمو عالفيلا ولقو بات سراج وامه يركبو في السيارة بيطلعو وراهم
وهي في السيارة رنت علي رانيا قالتلها انهم بيطلعو توا بس باتها يبي الوصف خذا سراج الفون وحكى مع بات رانيا ووصفله المزرعة وبعدها سندس رنت علي امها وقالتلها انهم طلعو والوصف متاع المزرعة خذاه باتها من عمها ومشو كلهم وكانت المزرعة بعيدة شوي قعدو ساعة في الطريق وبعدين وصل سراج وسندس أول وحدين ووصلو الكل بعدهم نزلو عاد وقعدو ايسلمو علي بعضهم وخشو للفيلا ودارو الفطور في أجواء حلوة العيلات انسجمو مع بعضهم الصبايا كانن جوا في المزرعة والرجالة #Koka_Saleh قاعدين برا
بعد الفطور بات سراج رن علي امه وهي ردت
محمد:ها طمنيني ولدك الفالح جايب كل حاجة ولا فيه حاجات ناقصات
عفاف:لا مشاءلله عليه وليدي جايب كل حاجة ماهو منقص حتى حاجة
محمد:متأكدة ياعفاف راكم تقرضونا مع العرب راه نحن عازمينهم في وجوهنا
عفاف:متأكدة يااحميدة مافيه شيئ ناقص
محمد:غريبة لكن انقص ايدي انكان ماطلع واحد مساعده وهو اللي مجهزله
عفاف:وووه وانت ماعاجبك شيئ سوا هو ولا غيره اهم حاجة اللي قتله عليها دارها
محمد:باهي باهي خلاص سكري خليني نمشي للرجالة
عفاف:اوكي وسكرت
سراج كان وراها ويضحك
سراج:اكيدة راجلك مش مصدق اني انا اللي وتيت الحاجات
عفاف تضحك:باتك غابي فيه عمره ماوثق في حاجة اديرها
سراج:ربي عالظالم يظلم فيا وانا درت كل حاجة يبيها
عفاف رفعت حاجبها;سراج اطلع منهن الابواب هذينا انا متاكدة ان فيه واحد ساعدك انت ماتعرفش اتجيب هذا كله
سراج:والله بروحي
عفاف:ماتحلفش بالله اللي جايب هذا كله واحد متعود علي شيل المسؤولية مش انت
سراج:تي قلتلكم انا لكن توا تلقوه ظلمكم ليا هذا
عفاف:باهي باهي خلاص اطلع بلا كلام زايد فيه صبايا جوا
سراج:خاش نبي مراتي مانبيكمش
عفاف:مراتك طلعت تدهور
سراج فنص عيونه:ماخذتش اذني
عفاف شافتله زيين:وعليش بتاخذه الاذن لما بتدهور في المزرعة مع صحباتها
سراج:مش انا راجلها المفروض ماتطلع لين اتقولي
عفاف:سراج بطل طروح البنت جاية تدهور مااتنكدش عليها خليها تنسجم مع صحباتها
سراج:ماشي وجا بيطلع
عفاف:سراج ماتلحقهش واتحشم بيها قدام صاحبتها راه عارفة عينك الزايغة بعد اتروح كلمها واحكي معاها
سراج:تي مش ماشيلها خلاص وانتي زقبتي
عفاف:راه اتقولي لحقتها نهارك
سراج:مش ماشيلها خلاااص وطلع وقمعز علي كرسي قدام المزرعة ورن علي فيصل وفيصل رد
سراج:صباح الخير يانصي
فيصل;صباح النور
سراج;شن جوك
فيصل:حال الشغل انتو تدهورو ونحن هنا نشتغلو
سراج:بلاش طروح كأبة بكرا اتجيب امك وروان وريان واتجو هنا
فيصل:عليش بنجيبهم مش اتفقنا انا بس
سراج:لما انكلمك بروحك عيني عينك وراها حاجة خليك ذكي اشوية
فيصل يضحك:قالها اللي الذكاء عنده مقطع بعضه
سراج:تي عيب يانصي #Koka_Saleh نعجبك😎
فيصل:خلاص بكرا انجو
سراج:تم نرجى فيك وسكر
مع جية سندس ورانيا ورنا وبيخشن جوا
سراج:سندس تاعلي نبيك
سندس:خشن بنات اشوي ونلحقكن خشن البنات
سندس:ها كنك
سراج:هاااا عليك اسلوب عندك
سندس:سراج احكي شن تبي
سراج:كيف طلعتي من غير مااتقوليلي
سندس بعصبية:سراج راك زودتها ماشية ندهور شن هالصماطة اللي فيك
سراج;ماحكينا شي كنتي دزيتي بنطلع ندهور
سندس ماردتش ومسكت فونها وبعبشاته
سراج:نحكيلك ردي وجاته رسالة علي فونه سراج شافها وكانت من سندس مكتوب فيها(معليش بعد اذنك بنطلع ندهور مع صحباتي)
سراج:شنو هذا
سندس:مش دوارتك في رسالة اهي دزيتها لكي اقراها لين تبطل وخشت
سراج قعد مصدوم من تصرفها:والله انوريك ياام السان توا اتشوفي وطلع وقعد يدهور في المزرعة
""
وتو الغداء وتغدو في أجواء حلوة وبعد الغداء الكبار خذو قيلولة بعد الغداء اما رانيا ورنا وسندس قعدن مقمعزات في البلكوني اللي في الدور الثاني وايتفرجن عالمزرعة من فوق
أما سراج فكان مقمعز برا سمع هرجتهن ولما شاف حقهن في البلكوني
سراج:والله انكد عليك ياام السان مسك فونه ودزلها رساله(نبي مالكيكة اللي درتيها أمس)
سندس شافت الرسالة وردت عليه( بنحطوها في العشية مع القهوة)
سراج دزلها(انا نبي منها توا مش شوري بيكم)
سندس دزتله(الكيكة انا اللي دايرتها وتوا مش حاطتها قتلك في العشية)
سراج دزلها(تم بنخش ناخذ منها توا)
سندس دزتله(اقربها وشوف شن انديرلك)استنت رد سراج ومعش رد عليها عرفاته خش للمطبخ
سندس:بنات اشوي وانجيكن ونزلت تجري وخشت للمطبخ واول ماخشت سراج كان منطمر وطلع فجأة وفجعها
سندس مالفجعة قلبها قعد ايدق بسرعة وقعدت اتهزب فيه;يابارد ياحقير ياتافه في واحد عاقل ايدير هكي
سراج ميت عليها ضحك
سندس معصبة:عليك الصامط وقاعد تضحك اخرى
سراج يضحك:فيها جو اتخوف واااحد
سندس معصبة:ثقيل وصامط اصلا اخرلك مرة ادير هكي وجت بتطلع
سراج برفعة حاجب:رديتها لكي الحركة اللي مبدري حتى انتي عصبتيني بيها
سندس لفت:اي حركة
سراج:انا نحكيلك وانفهم فيك ادزيلي رسالة واتقوليلي اقراها لين تبطل
سندس:وشن بنديرلك اصلا معش عندي جو انتعارك معاك بذات نحن معانا ناس مش وقت مشاكل بكل
سراج:المهم رديتها
سندس:مااتخفش مردودة وطلعت
سراج بصوت عالي:نرجى فيها وطلع مالمطبخ وهو يضحك وفرحان ان عصبها #Koka_Saleh
""
في العشية وعو كلهم ودارو قهوة وبعدين عصرية وطلعن الصبايا والبنات يدهورن في المزرعة وبعدها روحن وكانو مخططين العشاء شوايات وفرشو برا والرجالة استلمو العشاء وخلو الصبايا متريحات وهما قعدو ايجهزو في كل حاجة طبعا سراج مش شوره الموضوع قاعد مقمعز علي كرسي زي المدير وكل مرة اينابش واحد واكثر وحدات اينابش فيهن سندس وعفاف
دارو العشاء وتعشو في اجواء ضحك وهدرزة وجو سمح وطبعا المزرعة كانو فيها خدم لمو الحوسة هم والباقي قعدو ايهدرزو
سندس:رنوشة انسجمتي
رانيا;جو ايهبل بكل والله تغير جوي 180 درجة
سندس ابتسمت:فرحتيني ياقلبي
رانيا:بجد عمك وعمتك عليك جو فيهم
سندس:اها ايهبلو بكل
رانيا:حتى سراج دمه خفيف بكل مش عارفة ليش تكرهيه هكي انتي
سندس:اصلا مش شايفة الا الوجه هذا انتي مش شايفه الوجوه لخرى
رانيا:حرام عليك والله باين عليه كويس غير انتي ظالمتيه تي جوه ايهبل تقعدي معاه ساعة اينسيك كل حزنك غير شوفي كيف علاقته بهله كأنهم اصحابه مش باته وامه
سندس:هكي ديما انا من كلامه لين ننحرج المشكلة الحركات هذينا تخيلي حتى مع جده ايدير فيهن ماايتحشمش بكل
رانيا:بالعكس هذا الحلو فيه شخصيته سمحة
سندس:ريتي انا في شنو نحكي وهي في شنو تحكي خلاص اسكتي وفكينا من سيرته
رانيا ضحكت علي سندس وسكتت
""'
عالساعة 11 بدو الاول الاول ينعس وايخش بيرقد خش اول واحد فرج وبعده بات رانيا وبعده محمد رقدو مع بعضهم
وبعدها خشت سمية ووراها سعاد رقدن
قعدن برا عفاف ورانيا ورنا وسندس بس الجو صارتله تسقيعة خشن للدار وقعدن ايخرفن هنا وعفاف عشان كان جوها شبابي وحلو وقعدت رانيا تحكيلها في قصتها وللي صار معاها وعفاف قعدت تحكيلها وتنصح فيها
وبينما وهنا يحكن جت رسالة السندس من سراج مكتوب فيها(ام السان رقدتي)
سندس دزتله(اها رقدت وحاليا اندزلك مالحلم😏)
سراج رد عليها(ههههه المن في عيت الحانط)
سندس دزتله(صقع عليك تعرفهمش😝)
سراج دزلها(بلا صماطة وتعالي ندهورو اشوي)
سندس(توا😱ومعاك انت)
سراج دزلها(انا راجلك يافرخة تعالي)
سندس دزتله(معش اتقول فرخة😠😠)
سراج(بلاش صماطة وتعالي نرجا فيك ياام السان😛)
سندس ابتسمت
رانيا:اشي اشي قعدنا انتراسلو وانديرو في جو
سندس;وانتي عليش داكة خشمك معايا ياباردة
رانيا:حقيتك مبتسمة جاني فضول نعرف مع من تحكي
سندس:ضحكتني صماطته
رانيا:اها صماطته
سندس:رانيا بلا ثقالة
رانيا:باهي عدي شوفيه شن يبي
سندس:ماعنده مايبي فكيني منه مش ماشيتله
رانيا:مااتخليكش ثقيلة ومافيكش جو الراجل بكل جو سمح طلب ايخرف معاك عديله شن فيها
سندس:فكيني انخاف ايديرلي اي حاجة هذا تعرفيش انتي
رانيا:والله ظالمتيه انا حسيته كويس غير انتي مركبة علي روحك
سندس:فكيني منه ناعسة بنرقد جتها رسالة منه مكتوب فيها(تعالي ياظالمة بنخرف معاك مكسد بروحي كلهم ايشخرو وانا مليت ازح تعالي انكسد عليك اشوي)
سندس:ريتيه شنو انكسد عليك هذي
رانيا:شكله عاجبه جوك والسانك عدي هدرزي معاه مش خاصرة شيئ
سندس:بس
رانيا:بس شنو تي راجلك ماحد بيتكلم عليكم عديله ياثقيلة
سندس:باهي وانتي سكانه اكثر منه
رانيا:تعالي انسقملك شفاشيفك ماتطلعيلش هكي
سندس:لالا غير خليه هكي عاجبني وطلعت (كانت لابسة بيجامة لونها اخضر عبارة عن سروال وتيشرت طويل النص الفخذ هكي ولافة شعرها فوق بمساكة)
سراج كان مقمعز علي كرسي ولما شافها جاها
سراج:باهي اللي جيتي ياام السان
سراج:معش اتقولها راه انخش
سراج:توا انا كذبت فيها
سندس:سراااااااج😠#Koka_Saleh
سراج يضحك:خلاص معش انقولها مااتعصبيش بس
سراج:شن رايك انتمشو في المزرعة اشوي
سندس:باهي
وقعدو ايتمشو وعام الهدوء بينهم
سراج:كنك ساكته
سندس:انت اللي قتلي نبيك مش انا المفروض انت اللي تحكي
سراج;وااااو علي السانك عندك جواب الكل حاجة
سندس:اكيدة امالا ربي عليش عاطينه السان وبعدين كل البنات هكي عندهنش الا السانهن ايدافعن بيه
سراج:بصراحة علي ماشفت من بنات في الدنيا وحدة زي السانك ماعمري شفت
سندس بغرور:اصلا انا مني طرف واحد بس 😎
سراج:اوووف عالغرور
سندس:تعلمته منك😏
سراج يضحك:لنقني مغرور ومن حقي ننغر واحد طرف زيي والمعجبات عنده عرررم من حقه يقعد مغرور😎
سندس شافتله بنص عين:بنعرف شن عجبهن فيك😒
سراج:انوريك شنو اللي عاجبهن فيا
سندس:شكرا نبيش
سراج:سندس نسألك سؤال
سندس:سؤااااال 😟باهي اسأل
سراج:شن انطباعك عليا
سندس تضحك:انت عارفة انطباعي عليك من اول لقاء
سراج:عارف صايع ومنحرف باهي خاطي هكي يعني معقولة مافيش جانب كويس فيا بكل
سندس:بصراحة هو فيه ورغم اني مستغربة اني انقول فيك جانب كويس
سراج:باهي شن هو
سندس:انت شخصية مرحة ومضحكة وغالي عليك البصارة بس مرات البصارة تنقلب وقاحة
سراج بعصبية:سندس بلا قلة ادب 😠
سندس;مش انت سألت #Koka_Salehخلاص تحمل الاجابة ولا نسكت
سراج;باهي احكي لكن بلا طولة السان
سندس:مرات انحسك طيب ومرات خبيث ومرات انحسك انسان عاقل ومرات انحسك عندكش طشة عقل ومرات انحسك انسان راقي في تصرفاتك ومرات انحس انك اكثر شخص متخلف يعني بالنسبة ليا انت انسان متقلب مش عارفة نفهمك
سراج:يعني انا شخص غامض بالنسبة لكي
سندس:ايوا
سندس:باهي وانت قولي شن انطباعك عني
سراج:شن انقولك بالنسبة ليا انتي البنت قليلة الأدب وفي نفس الوقت محترمة انتي البنت اللي شخصيتك قوية ومااتخافيش من حد بس في نفس الوقت قلبها طيب وانتي البنت اللي ماتهمتش بنفسها ومااتحطش في مكياج زي باقي البنات بس في نفس الوقت سمحة يعني انتي كوكتيل مخلط من شخصيات واجد
سندس:وتهيالي هذي حاجة كويسة
سراج:بس انا ماانحبش هكي
سندس:مش مهم اهم شيئ انا انحب هكي
سراج:باهي عادي نسألك سؤال شخصي اشوي
سندس:أسأل
سراج:عمرك حبيتي
سندس بإستغراب:ليش تسأل
سراج:شي فضول بس
سندس:معناها حنجاوبك عشان انريح فضولك
سندس:اها حبيت من قبل
سراج:جديات تحكي
سندس:اها
سراج:باهي من وكيف ووينه توا وعليش تفرقتو
سندس:وعليش كل هالأسئلة
سراج;فضول بس
سندس:من مش حنقدر انقول بس هو كان شخص محترم بكل وكويس بكل وكان ايحبني ويبيني
سراج:وعليش سيبك😒
سندس:مش هو سيبني انا سيبته
سراج;وعليش
سندس:سمعت ان في يوم قعد ايبحت في وحدة
سراج:يعني حكى معاها
سندس:لا هو بحت فيها بس لكن انا ماانحبش الجو هذا واللي يبيني يقعدلي انا بروحي حتى في نظرته
سراج:ياساتر عشان نظره سيبتيه امالا كان خانك شن درتي
سندس:انا لما سيته نهيتها معاه في مكالمة وقتله السبب وحاول ايبرر ماعطيتش فرصة بس لو خاني حتى اني انكلمه وننهيها معاه وانقوله السبب خصارة فيه بنفوته فوت
سراج:اها ممكن وجهة نظر
سندس:وانت عمرك حبيت
سراج:كلمة حب مش في قاموسي بكل يعني فكرة الحب شن نهايته زواج والزواج شن هدفه معروف حاجة معينة وبما ان الحاجة هذي تقدر تاخذها من اي بنت وباي سعر يبقى ليش اتقيد روحك في زواج وقصص اخرى وانت عارف بفلوسك تقدر تاخذ اللي تبيه عشان كل البنات زي بعضهن ارخاص
سندس بعصبية:الفكرة هذي غلط البنات مش زي بعضهن
سراج:الفكرة هذي كنت واخذها من قبل بس بعدها غيرتها
سندس:وعليش غيرتها
سراج:تعرفت علي وحدة حسيتها غيرتها ليا بس حكيت معاها كلام ورديت فكرتي الاولة وان كلهن كيف بعضهن
سندس:اها بس فكرة غلط
سراج:انا مقتنع بيها
سندس:اصلا اللي ايدير في اللي انت ادير فيه طبيعي بتقعد فكرته هكي عشان الرخيص يعرفش الا الرخاص
سراج:رخيص??
سندس:اها
سكت سراج وسندس معش حكت معاه وقعدو يمشو
سراج:حي شوفي اللي غادي
سندس:وين
سراج:اللي غادي بكل شكله ذيب
سندس خافت:حي علينا ومشت تجري سراج يجري في جرتها
سراج:استني اشوي
سندس تجري;وين نستنى هذا توا ايجينا ونحن تباعدنا
سراج يضحك:ينعن شكلك نكذب عليك
سندس وقفت وقعدت تضرب فيه بالحيط
سراج ايتفادى في الحيط ويبيش ايطب فيه
سندس مازال تضرب بالحيط وهو ايحاول ايتفاداه بس كان ايقرب منها ومسكها ولف يدها وراها
سراج بعصبية:قلة الادب والجلاطة وتحملتها لكن طولة اليد لا
سندس:باهي اطلق يدي اتوجع فيا
سراج خفف مسكت يدها وقرب منها
سراج:معش اطولي يدك
سندس:باهي بس اطلقني
سراج كان ايشوفلها وهي خايفة
سراج:خاطري انشوف شعرك وهو مطلوق
سندس:سراج بلا صماطة اطلق يدي وخليني نمشي انا الغلطانة اللي جيت معاك مالاول
سراج فك مساكتها وشعرها نزل علي كتوفها
سراج ايشوفلها:شعرك ايهبل ليش مش ديما اتخليه هكي
سندس:سراج اطلقني بنروح
سراج:اوكي نطلقك بس اتخلي شعرك مفتوح لين نوصلو
سندس:باهي بس اطلق يدي
سراج:تم
سندس اول ماطلقها سراج مشت تجري وسيباته وسراج قعد ايناديلها مابتش اترد وبينما وهي تجري هوووووب طاااااحت #Koka_Saleh سراج جاها يجري
سراج بخوف:شن صارلك
سندس اتألم واتهزب:كله منك يابارد
سراج:وريني وين يوجع فيك
سندس:كراعي
سراج نزل وقعد ايشوفلها
سراج مدلها يده:ساهلة هي حاولي اتصبي عليها
سندس صبت بس كانت مش قادرة تعفس عليها وقعدت اتنطز علي كراع وحدة
سراج:سندس خليني انشيلك واعرة المشية هكي
سندس:لالا اشوي ونوصلو
سراج:بلا عناد مازال بعيد المزرعة
سندس:ماعليك فيا توا نوصل
سراج:مش بجوك هي ومسكها وشالها بين ايديه وهي اتعيط واتهزب فيه
سراج بعصبية:سندس اسكتي مش وقت الدلع متاعك توا
سندس انصدمت واستكت وبعدها فطنت
سندس:وانت عليش اتهزب فيا مش يكفي انت السبب
سراج:انتي اللي جريتي بروحك
سندس:لا منك انت
سراج:باهي مني واسكتي لين نوصلو مش وقت صداع وقعد شايلها وهما ساكتين سندس كانت لافة ايديها ورا رقبة سراج وهو شايلها بين ايديه كانو قريب من بعضهم بكل وكل واحد كان في قلبه شعور
سراج رغم معرفته البنات واجد بس الاحساس اللي كان حاسه وسندس في حظنه عمره ماحسه مع اي بنت ماللي قعد معاهن
اما سندس كان احساسها مخلط مابين خوف واحساس اخرى عمرها ماحساته رغم انها تكره سراج بس هالمرة مش كارهة قربه منها وكانت ذايبة في بنة عطره للي معبية دبشه كانت اتشوفله وهو شايلها ومش مصدقة اللي قاعد ايصير
وصلو للمزرعة وحطها عالكنبة تحت ومسك فونه
سندس:في شنو ادير
سراج:انكلم عفوفة اتجي اتشوف كراعك اكيدة عندها حل سندس:اكيدة راقدة ماتفجعهش
سراج:ماعليك عفوفة متعودة انرن عليها ديما في الليل ورن عليها
عفاف كانت راقدة وردت:شن فيه سراج
سراج:تعالي تحت نبيك
عفاف:باهي هيا اهو جايتك توا وسكرت
ونزلت تحت ولقت سراج وسندس
عفاف بخوف:كنكم شن صاير
سراج:مااتخافيش سندس بس طاحت وشكلها كراعها التوت قلت مرات تلقيلها حل
عفاف:ترا انشوفها ونزلت وشافت كراع سندس لقتها متورمة
عفاف:هذي ملتوية توا انديرلها مية ساخنة وملح تقعد كويسة
سراج:باهي ديرلها شكلها اتوجع فيها
مشت عفاف وجابت مية ساخنة وملح وحطت فيها كراع سندس لين سندس حستها قعدت كويسة حولتها الها ولفتها الها برباط
عفاف:هكي حتقعدي كويسة بس راه مش حتقدري ترقي عالدروج
سراج:خلاص توا انشيلها انا فوق وانحطها في مكانها
عفاف:البنات مرقدات في الدار كيف بتخش عليهن
سراج:باهي كيف الحل
سندس:خلاص توا نرقد عالكنبة هنا
سراج:عينك شن ترقدي في الطريق هنا
عفاف:صح ماايصيرش منها خلاص شيلها للدار هذي وتوا انجيبلها فراش ترقد عليه
سراج:باهي تمام
عفاف:لازم حد يقعد معاها مرات تبي حاجة وانا مانقدرش انسيب الصبايا والبنات بروحهن
سراج:ماعليك انا حنقعد جنبها
سندس:لالا شن جنبها
عفاف:الستر يابتي راجلك راه وتستعبط
سندس:عارفة لكن
سراج:بلا لكن لا شيئ زي ماقالت عفوفة
سندس سكتت وفي عقلها مش راضية عاللي بيصير بس اللحظة حست ان القدر ايدير هكي عشان ايقربهم
خذت عفاف فراشين وبطانية وحدة 😂 وحطتهن في الدار جنب بعضهم وقالت السراج ايجيبها للدار وسراج شالها وحطها عالفراش وغطاها وهو قعد مقمعز عالكنبة بعيد منها
سندس كانت مغمضة عيونها وبعدها فتحتهن لقت سراج مازال في مكانه
سندس:انت مش ناعس
سراج:ميت نعاس
سندس:وليش مااتجي ترقد
سراج يستعبط:حاسك ماتبينيش نرقد جنبك قلت انخليك براحتك
سندس:ومن امتى الذوق هذا
سراج:سندس بلا طولة السان
سندس:يعني بترقد فوق
سراج:اها
سندس:يبقى خوذ لبطانية الدار مصقعة
سراج:وانتي
سندس:مش مشكلة الصبح قريب #Koka_Saleh يطلع
سراج صبى وجا عالفراش اللي جنبها
سندس:كيف صار عليش غيرت رايك
سراج:عيل ورديت في كلامي😏
سندس ضحكت
سراج:اسف اني كنت السبب في اللي صار
سندس:لا مش مشكلة تعودت عالكوارث اللي ايصيرن بسببك
سراج:كان نقدر انقص من السانك شوي
سندس:هذي حاجة بعيدة عليك
سراج شافلها:اصلا مااتهونيش عليا😊
سندس بلعت ريقها وخافت:تصبح علي خير بنرقد
سراج ابتسم:وانتي بخير
غمضت سندس عيونها وهي خايفة ماللي حاسة بيه تجاه سراج
اما سراج كان عكسها ومنسجم بقربه منها وفرحان باللي حاس بيه تجاه سندس
""
صباح ثاني يوم وعيت سندس قبل سراج وحست كراعها كويسة رقت فوق غيرت دبشها وصلت ونزلت لقتهم يفطرو وبعد اشوي جا سراج وقعد يفطر معاهم وبعد الفطور حكتله ان ايشيلها هي ورانيا القطعة الارض عشان يبدن شغلهن وفعلا خذاهن بالسيارة وطلع بيهن ووصلو غادي لكن سراج ماخلاهن يشتغلن شغل مسقم بكل وطول الوقت يصمط عليهن ومافكهنش منه الا
فيصل:السلام عليكم
#يتبع
زعمك كيف حيكون لقاء فيصل ورانيا قدام سراج وسندس وهل حيقدرو ايلاحظو دوسة وسيرجو المعرفة اللي بينهم ولا مش حيلاحظو شيئ🙁
وقولكن شن حيصير من تطورات بين دوسة وسيرجو اخرى
وسندس كيف حتستقبل روان الجالطة 😂اصلا نفس بعضهن😉
طبعا كله حنعرفوه في الحلقة الجاية 😊
أسفة عالتاخير والله امس صارلي ظرف منعني نكتب واليوم كنت في الجامعة وروحت رقدت هذا ليش تأخرت💔
#ملاحظة بنات مش مسامحة اي وحدة ادز الحلقة لاي بنت ولا وحدة تنشر الرواية قبل ماتكمل ارجوكن تقبلن رايي❤
أسفة لو فيه لخبطة في الأسماء وأكيد رأيكن ايهمني😉
گـتـابـتـي Koka Saleh
أنت تقرأ
منحرف واحببته
Romanceكانت تلك الإختلافات سبب جمعنا لنكمل قلوب بعضنا💗 These differences are the reason why we gathered to complement each other's hearts
