بذرة أمل بقلم سهاد الجبوريه الناشربارق العراقي

البارت ١٦

#قصةبذرة_امل
#البارت_السادس_عشر
#بقلم_سهاد_الجبوريه
#اalnasheraliraqi9

سناد.......
سمعنه الباب اندكت ودخلت خالتي...
سلمت عليها لخاطر سرمد هو وبكبره والى اني نويت لساني ما يطخ لسانها ....
كعدت قدمت الها فاطمة ماي وجاي رفضت خفة وراحة واذا رفضتي....
شوية   وكالت عيني اريد مفاتيج بيت ابني   اريد اخذ غراضه وملابسه اتبرع بيهم..
اني بذيج اللحضة ما هامتني ملايين الدنيا....
كتلها تمام يجرالج.....
لكن سعاد وكفت وكالت لحضة الغراض اعتقد مو كلها من سرمد الله يرحمه اختي هم كانت تجمع  واشترت اغراض للبيت من الفلوس الي جنت ادزها الها والفلوس الي يطيهم جهاد الها ......
فنروح وياج والي الكم الكم والي الها الها وملابسها كلهن تأخذهن...
خالتي اعترضت وكالت لا عيني شنو قابل انتو مليارديرة هو البناء والتجهيز كلهن من ابني.....
كالت سعاد...
خالة  احنه من ريد مشاكل البنية مثل ما شوفيها وضعها تعبان وحالتها النفسيةزفت....
  خالتي بسرعة ردت طبعا  هو راح من ورة كصتها. الفكر....
اني سمعت هيج وشكو وجع بكلبي هاج وسكوت  سبع ايام   لان اني كمت صرت اتصور سرمد كاعد وياي ويحجي وياي ويوعدني  بالزواج فما احجي اريد بس صوته وصورته كبالي....
كتلها اني فكر  وبومة ونحس  انتي شنو شنو انتي المفروض انتي اكثر وحدة متأثرة مو جايتني وبعده ما صار اله عشر ايام  طالبين بغراضه  ولج اني لو يكلولي نأخذ روحج ونرجعه اكلهم ميخالف قابلة شنو من ام انتي....
  كالت يمة العيار ةيمة ....
كتلها اريد اعرف ليش انتي تكرهينه مثل الي طلبينا بثأر......
باوعتلي وكالت اي اي اكرهكم اطلبكم واطلب امكم ابوكم  بثأر....
اني جنت احب ابوكم وهو راح خطب امكم  رحت كتله اني احبك ضحك وكلي بنيتي اني  هم احبج ومن اخذ سلوى اجيبج يمنه  اني لو مزوج من زمان بنتي بطولج بس غير انتضرت ابوج يحن عليه وينطيني بته. 
يعني اعتبرني طفلة و دا اشاقه.....
رحت لسلوى...
كتها سلوى اني احب مصطفى كالت وهو هَم يحبج  وكال شتشترين الج اشت ي الها ...
حقدت عليهم اثنينهم وما قبلت اروح وياها لا بزواج ولا غيره....
وحقدي زاد اكثر من بعد شكم يوم خطبني لاخوه....
وكال احنه يتامه ونريد  نكون عوائل ونسند بعض....
ما يدري اشوف دم سنوني ولا اشوف عمكم...
تحجي ودموعها تصب  وتحجي بحركة  جن واحد شايل جبال هم ويريد ييذبهم من على ضهره...
وجدكم  بسطني وغصبني هو بيبيتكَم حتى اقبل بي و بيوم الزواج جدكم وعمكم كطعوني  لان ما قبلت اسلم نفسي اله وربطوني بالجرباية ...
وكالوله شوف شغلك  انته مو رجال هسة تدخل وتراوينه بياضها وطلعو من غرفتي   ...
ليش ما ترضى تسلم روحها...
تعرفون شنو يعني  يعني اهلي شكو بيه بشس ما حجوها بالقلم العريض.....
كالت وحقدت بعد من شفته شلون مدللها من جابت جها د.... ورا سعاد..
وباذاك الوقت الرجال ايده والضربة لكن هو مدللها مثل  الماي بصينية ...
  ومن مات ابوكم تمنيت لوهيا ميتة ولا هو جان عفت عمكم واخذته  ومن ماتت امكم  وكفت وكتلها هسة اله تموتين  هسة.......
بعدها جنت كل يوم اشوفكم اذكرهم وتمنيت لو ميتيتن ويه امكم وابوكم....
وبيوم الي احمد اعتده على سعاد اني ادري السبب من ابني بس جنت اشوفج سلوى بذيج الساعة وشلت السجينة واني اصيح موتي موتي خلصيني.....
و دور  احمد حبها لسعاد... وبيوم زواج سعاد انتحر والله ستر وزوجته حتى ينساج بس شلون ينسه وهو حتى زوجته بالشهر مرة يمكن يتقربلها  وهيا تشكي وتبجي وتدري بي جان يحب وحدة وزوجت بس ما تعرف منو ....
وسرمد حب سناد وحاربني  وكال بعد ما شوفيني اذا ما قبلتي بيها....
واخوكم عمكم بذات نفسة عرض بنتي عليه ورفضها....
ليش ليش انتنوا وامكم وابوكم لعنة وصابتني وما تفارقني للموت.....
بقينا مذهولين من كل الي سمعناه  كتلها وان يكن مالج حق تعاملينه هيج اني لو مزوج الله يرحمه غيري وعنده اطفال اداريهم بماي عيني.....
احبهم على حبه ضحكت كالت اي كون النار الي جوتني  جاويتج اني طالعة هسة وباجر نروح لبيت ويصفه....
  ضلينه وحدة صافنة بوجه الثانية وجهاد ما جان موجود  كالت سعاد معقولة شنو احنه بفلم  بمسلسل  راسي كام يوجعني بذاك اليوم محد فتح الموضوع بعد....
وثاني يوم كوة اخذتني سعاد...
كالت حبيبة خالتج وتعرفيها   لازم نفض هالسالفة وخل نروح  قبلهم. وصلنه اني وسعاد وجهاد ويانه....
واني طبيت شعندي بجي بجيته    وكلت لسعاد سعاد اني كلشي ما اريد بس ملابسي وهم انطيهم ما لريد كلشي.....
كالت خيتي هو احنه شنسوي بالغراض  احنه راح نطيهم لناس فقرة ما طول انتي ما الج نفس بيهم....
بدت سعاد بالملابس جمعتهم بجنط ونزلهم جهاد  اباوع الملابس كلها جديدة بجياستها   هسة المفروض البس وانزع فرحانة بيهن بس راح الفرح ويه الراحوا.....
   شوية  وندك الباب جايين احمد ومرته.....
سلم علينه وعزاني    ومرته هم سلمت عليه وبجت وياي  كالت مو بس انتي خسرتي احنه هم تدرين انتي شلون جان معتبرني اخته ويدافعلي من خالتج تأذيني.....
  بجت وكالت الله يرحمه...
  وسلمت على سعاد...
طبعا زوجة احمد جدا حبابة وعاقلة ومتحملة خالتي وزوجها....
   شفت احمد تقدم سلم على سعاد....
وعيونه بيها حجي هواي   ردت عليه سعاد عادي وطبت جوه....
  المهم من ردنه نطلع طلع ويانه احمد  سلم على جهاد وتعذر من تصرف امه...
هم اخذو االمفاتيح   وبقوا بالبيت واحنه طلعنه......
تمشي السيارة وعيني على البيت ودعته ودعت روحي وياه....
  اني بعد ما جبت الغراض وصارن كبالي تعبت اكثر ونفسيتي صفر ودوام ما قبلت اداوم    والليل كله أبجي.....
  طلع الاربعين وما رحت لبيتهم رحت بس لقبره وبجيت وعاتبته   وكعدت يم القبر حضنته كتله حبيبي انته دا تسمعني ليش عفتني ليش  عفتني باحزاني ودموعي واهاتي وحسرة ليلي ليش ما جاي تجيني بالحلم ليش اصورك واكف وتحجي وياي بس من اتقرب عليك ما الكاك...
جرني جهاد جر ورجع بيه للبيت باليل اجت سعاد يمي..
كالت حياتي  الموت حق والله سبحانه وتعالى كتبه علينه انتي من يوم ما مات للمرحوم ماكمتي صليتي ولا قريتي قران وهديتي اله  كومي توضي وصلي واشكي لربج يزيل همج  وينطيج الصبر ؤفرشت السجادة وخلت بيها القران وطلعت.....
اني بس عيوني تباوع وما كمت  نمت وجن بالحلم اشوف سرمد واركض عليه وكتله حبيبي وين انته مرتاح ....
كال اني زين وكلش مرتاح   شوفي بيتي ويأشر على قصر والخضار داير ما دايره وجن موشكله من مات تعبان وضعفان لا شلون قبل لا يتمرض واحلى..... بعدني اريد احاجي فزيت
سمعت الاذان كمت  سبحت لاني حتى نمت بتراب المقبرة وكفت صليت  وقريت قران وبحيت  هواي بس ارتاحيت لان شفته ولان صليت لميت السجادة وشلت القران   ورجعت نمت تمنيت ينعاد الحلم من ارجع انام بس ما نعاد... +
طبت سعاد الصبح باوعت لمكان السجادة عرفتني مصليه ابتسمت وكالت كومي تريكي وياي لان باجر لازم اسافر اجاتي خلصت وما قابلين يجددولي و سيف اتصل  كلي...
💕💕💕💕💕💕