بذرة أمل بقلم سهاد الجبوريه الناشربارق العراقي

البارت ٢٢

#قصةبذرة_أمل
#البارت_الثاني_والعشرون
#بقلم_سهاد_الجبوريه
#اalnasheraliraqi9

سناد ....
اني مكان قصدي  ما اعرف  شلون طلع مني اسم سرمد حسام آذه نفسه  واباوع شلون امه واخوانه يتوسلون بي حتى يأخذوا للمستشفى....
وهو  مايقبل ولاول مرة احس نفسي اخاف عليه  طلعت خالتي والولد من الغرفة....
وخالتي صاحتلي بغرفتها  رحت وراها مثل المذنب  كعدت  وكالتلي اكعدي يمي.....
كالت بنبيتي اني اعرف انتي جاي تعودين نفسج حتى تتقبلين حسام يمة اني من خطبتج اعرفج انتي شنو    وادري بوضعج... +
وهسة. تكولين ليش خطبتوني وتدرون بيه شنو ليش تقدمتوا....
ماراح اكلج هالشي ما اكدر اكوله وبعدين تعرفين  يمة اني وليدي اريد  اشوفه سعيد ومرتاح  وياج....
كتلها خالة والله مو قصدي صدكيني  اني  تعبانة لاعندي ام اشكيلها اختي سافرت  بس فاطمة....
كالت لا يمة اني ما اريد اعرف شنو بينكم لكن ادري بي مايطلع من طوره ولا يصير عصبي هيج اله  شي ماذي وجارحة ولا تحجين هيج اني وين رحت...
اني امج وانتي وحدة من بناتي انتي هسة خلي يهده لاتحاجي بس الي اريده منج  لا تخلي يضل زعلان وداوي جرح كلبه قبل جرح ايده.....
حضنت خالتي وكمت ابجي   واشهك  هيا ضمتني اكثر لحضنها  ودور كالت تعالي يمة تعالي مددي هنا بفراشي انتي تعبانة....
ياله هاي المرة شايلة كمية حنان مو طبيعية  ابد ماأنسة فضلها عليه هي الي شكد نصحتني وعلمتني وبفضلها استمر زواجي بحسام....
   تمددت بغرفة خالتي واني حسبة تجيبني َوحسبة توديني   شلون بيه وشلون  اواجه حسام بعد ربي والله اني دا اتعذب   جنت اتمنى حسام عصبي ما يحترم  حتى الكه بي غلط اقنع نفسي بي   بس  يمكن  لان صار هواي ما رايحة لقبر سرمد والبارحة ذكرته  غلطت بأسمه  دور حسيت بطني كامت توجعني...
  وعلاج التقلصات يمة بالغرفة شلون بلوة هاي...
ضليت تقريبا  ساعتين  بغرفة خالتي وضميري يأنبني  على حسام خصة هو ما قبل يعالج  بين ما افكر اني طبت خالتي كمتلها اني وكتلها ها خالة بشري....
تعبان يمة  وداوينا ايده  واخذ براسيتول ونام بالاستقبال لان الجرباية كلها كزاز    كتلها اوك. كمت طلعت من غرفة خالتي وصعدت لغرفتي التحفيات مكسرة مكياجي كله من على الميز شامرة ومكسرة كمت  رتبت الغرفة ولميت الهوسة بطني وضهري  كامن يوجعني لان من الصبح اني واكفة على رجلي  ودور المشكلة هبطتني  رحت سبحت  اباوع ضوة الاستقبال بعد مشتغل رحت دنيت على كيف والباب جان شوية مفتوح شفته كاعد بعده وبيده الجكارة وصافن والمنفضة ممليه وكوب الجاي يمه  انقهرت اكثر....
رحت سبحت واخذت علاجي و ومن التفكير ما ادري شوكت نمت ...
حسيت على فتحة الباب  بس اني بعدني نعسانة ضليت مغمضة عيوني  حسيت بي تقدم  وصار قريب مني لزم شعري شمه ومسح على خدي وكال...
اوف ليش ما تحسين بيه  يا سناد بس مو صوجج صوج كلبي لي صار سنين  متعلك بيج وحبج  بس اني مو حسام اذا ما خليتج تتمنين مني نضرة وكلمة  وحق كل حسرة ذبيتها عليج....
سناد...
انسي سمعت هيج واني  جسمي كله تقلص شنو يحبني من شوكت والي قلقني حجيه ادري بي رغم ما طيب وحنون بس  ياذي ما ينساها اله ....
   بدل  وحسيت بي طلع... درت وجهي  وبجيت  وكرهت نفسي وكلت سناد شوكت ترتاحين شوكت تفاركج الدموع شلون افهمه اني مو قصدي    شسويله هو يريد يعوفني بعد احسن....
بس لا شنو بعد احسن  هو حنين وطيب وياي وهذا الطفل شلون وفوك هذا طلع يحبني اوف. ربي شوكت اشوف الاستقرار والراحة....
حسام....
كلكم تعرفون الطريقة الي زوجنا بيه  ورفض سناد الي  بس من انطيتها كل المحبة والحنان وعاملتها مثل طفلة واني أبوها شفت شوية شوية كامت تتقبلني  واليوم زواج اختي الصغيره شمعة البيت شفتها طالعة كمر هيا وبطنها جنها العافية تكل للكمر غيب  واني بمكانك  طبت للغرفة شفتها تعبانة كلت خل اشاقه وياها....
شفتها انجذبت الي وذابت بين اديه   فرحت  وكلت اي حسام نلت الي تريده  الحمد لله تالي ضربتني ضربه  دمرتني وجرحت كرامتي ولو  قاتلتني بذيج اللحظة ولا كايله اسم سرمد انا اعرف شلون جانت متعلقة بي ...
بس مهما ما يكون اني رجل وكرامتي ما تسمحلي زوجتي تذكر رجل غيري...
انهاريت وكسرت المراية والتحفيات ومكياجها كله وجرحت ايدي بس مو مثل جرح كلبي  طلعت من الغرفة وما ردت اشوفها  ما ردت ااذيها خفت لا أضربها فطردتها من الغرفة تقربت رادت تشوف ايدي صحت بيها  حتى تطلع وهيا نزلت يم أمي...
واني اخوية ضمدها الي لان ما قبلت اروح للمستشفى لو مضمد  بقيت بالاستقبال وللصبح مانمت يمكن باكيتين جكاير شربت  ....
صعدت الصبح لكيتها منضفة الغرفة ونايمة على الجرباية  اوف ولازهامج نايمة...
واني احترك ويه كل جرة نفس اتقربت عليها  لابسه دشداشة قصيرة ومبينة معالمها الرجلين والزنود كطن  والشعر حرير نازل على وجها  بلعت ريك ورجف كلبي...
تقربت شميت شعرها ولمست خدها و كتلها موصجج صوج كلبي الي عشكج بس وحك حركة كلبي اله اخليج تتمنين النضرة مني  وقهر سنين اطلعه منج وطلعت من الغرفة والبيت كله احس ضاق النفس بيه...
سناد ورا ما طلع كمت بسرعة واحس كلبي يوجعني  صفنت وطالت صفنتي وما اعرف لوين اوصل...
كمت لبست ملابس وطلعت من الغرفة تلكتني خالتي صبحت علبها وبستها  ولكيت البنات يمنه مثل ما اتفقت خالتي وياهن خطية كالبات البيت  ومنضفاته  اضاهر من الصبح جايات ...
محد سألتني على شي  طبع عدهم حلو محد يدخل بمشكلة ويحشر نفسه رحت للمطبخ ما اكدر اكل  ما اشتهي بس عالمود علاجي لازم اكل  شربت شوية جاي  واكلت لفة جبن   اني واكفة حتى ورحت  أسأل خالة شسوي للغدة اريد احجي وطب  حسام اباوع ايده ملفوفة يمكن  رايحة معالجها...
اباوع عليه يمكن  عبالك اول  مرة اشوفه طلوله حلو لا كصير ولا طويل   وجسمه حلو كرش زغير يا دوب مبين  وأكتاف عراض    عيونه كبار خشمه حلو حلك ويه اللحية والشارب احلى من بوراك التركي...
    طب هو  سلم على البنات تحمدن اله  مرة اخوالحمدلله ما موجودة جان حتى الجيران دروا لان ما شاء الله اذاعة الشرقية مو مثلها....
سمعته كال الهن مابيه شي انجرحت ورحت داويتها....
  هذا كله واني صافنة عليه  لمن خالتي صاحتلي اله انتبهت هيا كامت تبتسم وكالت روحي يمه شتردين تسوين سوي وهو حتى ما شال عينه وباوعلي...
رحت ا للمطبخ واني بالي كله مشغول يعني بدأبالحرب الباردة وياي ...
اف جان من اطب  لمكان هو بي لو أحجي ما تنزل عينه مني.....
كملت الغده ما اعرف شلون سويت برياني  وتشريب دجاج ولبن وزلاطة  وخضرة  ورحت حضرت السفرة بين ما يكملون صلاة الضهر ونتغده  كملوا صلاة  وصبيت الهم الغدة ورحت للمطبخ حطيت القوري على الطباخ  وكعدت على الكرسي بالمطبخ  سمعت  خالتي صيح رحت كتلها نعم  كالت تعالي يمة تغدي انتي حتى ريوك ما تريكة وموزين عليج  شفت شال راسه  ورجع نزله الضاهر خالتي متقصدة كتلها خالة ما اشتهي اني...
كالت لعد تعالي سوي لفات لرجلج ايده هو خزر امه  بس انحرج من خواته وسكت  اجيت كعدت يمه  وكمت اسويله لفات وانطي تقرب همس يم أذني كال اكلي وبطلي هل السوالف  (ضربنني وأشتكه وغلبني بالبكى  ورجع) كال مو لخاطرج ها لخاطر ابني....
اكل لكمتين وكلي كافي شبعت.....
شربوا الجاي وكعدوا كلهم سوا  واني  مدري شبيه بس اريده يصعد للغرفة حتى احاجي وهو يضحك ويه خواته بس من تصد عينه عليه يخزرني....
______________________________________