بذرة أمل بقلم سهاد الجبوريه الناشربارق العراقي

البارت ٢٣والاخير

#قصةبذرة_أمل
#البارت_الثالث_والعشرون_والاخير
#بقلم_سهاد_الجبوريه
#اalnasheraliraqi9

سناد...
استمر حسام يجاهلني من يريد شي ما يكلي  يعني يريد يسبح يروح هو يطلع ملابس يريد اكل يروح هو يصب مرة مرتين...
كلت هذا قافل كمت اني احضر كلشي قبل لا يكول  ومرات يعوف الملابس الي محضرتهن ويروح يطلع غير هن..
ما يطب للغرفة اله اني أنام نرات اكعد بليل الكاه حاضني بشس الصبحريكعد قبلي... ..
كل ما اخاول افتح الموضوع وياه يسكتني  وما يقبل أتفاهم وياه... +
مصروفي يخلي كل يوم الصبح يم راسي..
  اني هذا كله ما اريده تجاهله كام يأذيني اكل صرت اكل قليل  نفسيتي تعبت   وصرت اشتاقله اريد اكعد وياه ازيد ادلل عليه  ما اعرف كمت احسب الساعات شوكت  يدخل البيت. خالتي كل يوم تكلي خالة حاجي  مو حلو الزعل يطول...
كتلها خالة شسويله ما ينطيني مجال احاجي ...
كالت اوف يمة الله يهديكم بس دشوفي هوشلونه بس الةكاير والاعصاذ محد يكدر يحجي وياه...
َانته الوجه انكلب ازرك وجوه العيون سواد صاير...
اني بجيت كتله والله خالة دا احاول  كالت لا يمة لاتبجين مو زين عليج الله يهديكم اني شري غير اشوفكم مرتاحين....
كمت من يم خالتي لكيته يريد يدخل يما ضرنا اني وياه وجه بوجه واني الدمعة بعيني هو تقرب راد يلزمني وبعدين بعد ايده واني طكيتها بجية  ورحت
....
بس من طب يم خالتي رحت وكفت يم الباب  اريد اسمع شيكول الها....
تقربت فضول عندي صار اسمعه يكللها يمة شبيها سناد تبجي...
كالت حالتي والله يمة اني اسألك غير هيا مرتك  وترى حتى أكلها قليل والبنية حامل لايصير بيها شي وانته تتحمل خطيتها البنية غلطت وماقاصدة غلطتها وهاي راح يصير شهر ما تحجي وياها....
كلها لايمة عفية جبريها على الاكل مو زين على صحتها  وما احجي وياها بعده كلبي ملجوم.....
  بس اني طكت روحي  كلت لازم اليوم انهيها وياه  رحت جمعت ملابسي  هو طب للغرفة   تفأجا من  شاف الجنطة  كال هاي شنو وكفت كتله تكدر توديني لاهلي لو اخابر جهاد كال شنو اهلج شنو جهاد..
ما كو طلعة وذب السويج على الميز وكعد على الجرباية بهدوء وكفت كتله لحضة حسام شو انته ما مهتم...
اني ما اريد ابقى هنا والمفروض من يوم المشكلة ما اضل  لا انته كتلي ما اريد اشوف وجهج بس كلت لا راح يتفهم وضعي وراح يعرف ما قاصدة اني زلت لسان با اكثر ولا اقل...
وطالما كلت زلت لسان لو كل غلطة تبقى شهر ما تباوع بوجهي شنو استقرارنا احنه....
جر نفس وكال سناد ما ترحين يعني ما ترحين انتهت كتله لا ما انتهت  ويله كوم وديني ....
شنو هنل اني لاتجاهل ها كلي انته ما تريدني على شنو مبقيني ها ع شنو  كال استغفر الله ما اريد تروحين كتله ليش  ما تريد ها ارتاح مني خل أ روح  حتى بعد ما شوف وجهي ولك اني من يومي حياتي عوجة لا اهل لا استقرار ولا زوج بالبداية كتلك اتركني حسام تعرف ما افيدك ومع هذا أصريت وتم الزواج...
ورغم المشاكل  صمدنا ولمن بديت اتعلق بيك واحبك وغلطت المفروض توكف وياي وتصحح خطأي موانته هم تتركني تايهة  ما اعرف وين اتجه رغم شكد منعت نفسي اتعلق بيك لان اذا اتعلقت بيك حالك حال الراحوا وبعد ما عندي استعداد اتعلق بشخص ويعوفني...
لو ما خالتي يمي وتصبرني وتعلمني جان من زمان  سويت بروحي شيء لوكان من الاساس ما طولنا سوة...
بس شي اريدك تكوله الي ليش متحملني ومبقيني ها  با وعلي وسكت وكال سناد...
خلي اليوم يعدي على خير  تعصب اكثر  ورحت وكفت كدامه وكتله لا ما اعدي وكوم وديني لأهلي يله كوم  وكمت ابجي...
كتله حسام اني تعبت لا حسبالك هل الوضع عاجبني ابجي بحركة  واحجي بأنفعال كتله تريد تعوفني تريد طلكني كول...
هو سمع هيج وكام وكف واجه أتجاهي اني كلت حيضربني اجه سحبني لصدره وكال كافي شنو اعوفج شنو اطلكج ديري بالج تعيدين هالكلام  ولج اني اموت بدونج اني احبج سناد....
يالله حظيت براحة مو طبيعية من سحبني لصدرة هدإت وكمت امسح دموعي..
ورفعت رأسي اله كتله أريد اعرف شوكت حبيتمي كال اي اسولفلج بس هسة عطشان...
كتله هسة اروح اجيبلك  وسولفلي كال لا ما عطشان ماي عطشان لهذني واشر على شفايفي  وأخذني لعالم ثاني مابي بس سناد وحسام...
  وكعد سولفلي  شلون جان يحبني وشلون سرمد حاجاه وكل هذا واني ابجي...
سحبني لصدره وكال كافي دموع سناد اريد هاي العيون دوم تضحك...
بعدها خلصت ايامنه بحب وحنان اليوم فزيت بالليل على الم قوي كعدت حسام كتله يمكن عندي ولادة  بسرعة كام راح لخالتي  بلغه...
ودور رحنه اني وياه وخالتي للمستشفى تأذيت هواي وما ولدت  بعدين حولوني على العمليات و جبت حبيبي ونور عيوني اول طفل الي حسيت اني نولدت من جديد  وذبيت احلام والالام الماضي معه الام الطلق والعملية....
  تفجأت بعدين بحسام مسمي سرمد  ولدت بعد اولاداثنين وبنت.  وحسام وأولاده اصبحوا كل حياتي..
حسام بعد ما ملك حبي كام دائماً يوديني للمقبرة ونطبخ ثواب على روح سرمد ونوزعه..
🌷🌷🌷🌷🌷
وبهذا متابعيني ختمت قصة بخير وحب وسعادة واتمنى ان تكون نالت اعجابكم