بذرة أمل بقلم سهاد الجبوريه الناشربارق العراقي

البارت ٢٠

#قصةبذرة_أمل
#البارت_العشرون
#بقلم_سهاد_الجبوريه
#اalnasheraliraqi9

سناد..... وصلنا للفندق   وهو حاجه اخو كله الكل خل يرجع بس سيارتي وسيارتك....
وصلنه للفندق وبسرعة دخلنه  للغرفةودخلت وياي فاطمة وامه الي اجوي بسيارة اخو....
فاطمة   رادت ترفع البركع ما قبل كال من رخصتج ام مصطفى خلي....
وصتني فاطمة وبوستني  واني كلي ارجف وامه هم وصتني وصته   وهذا كله واني بعدني على عماي  سمعته امه دنت يمه كالتله يمه على كيفك وياها احنه يمها ودا ترجف وحتى لو عاندتك سايسها  .....
ضحك وكال لامه من عيوني حجية توكلي بالله واني باجر ادك عليكم.....
هم طلعو ا واحس روحي طلعت وياهم  حسيت بخطواته تقتربت    ورفع البركع كال هاي شنو هاي مو مرتي مبدليج  كومي عيني غسلي وجهج شلون صاير اريد مرتي....
أني ضحكت على حركته شلون يتلفت....
كال من رحت فدوة لهل الضحكة....
كال روحي عيني غسلي وجهج بالحمام وتعالي حتى نتعشى....
كمت واخذت وياي السيت  لزمه بأيده وكال عوفي هسة روحي غسلي...
رحت للحمام وباوعت وجهي بالمراية عزا هاي شنو  الكحل سايل زين ما اخترع الولد....
غسلت وجهي وطلعت شفته نازع السترة والرباط وبعد واكف ....
صاح تعالي سناد  تقدمت  وكف كبالي ولزمني من زنودي  كال ارفعي راسج  ما رفعته بقيت مدنكة   لزم حنجي ورفع راسي  كال اخ ربي  الحمد لله صرتي الي....
صفنت وما فتهمت   شنو يشكر الله لانوا صرت اله ...
كال ليش ترجفين لاتخافين خل نتعشى  قربني اكثر باس كصتي وكال الف مبروك  راح اخليج اسعد انسانة....
  ووجع باس خدي  وكال و اني  اسعد واحد بالدنيا اليوم...
ورجع باس خدي الثاني وكال وامي داعيتلي....
وراد يتقرب من شفايفي اني سرت رجفة بيه ودنيت   كتله خل ابدل....
ادنه وفرك لحيته وكام يرجع بشعره ليورا...
واني مثل الطلقة اخذت السيت وشردت للحمام  وكمت ابجي يا ربي قويني  شلون بيه والله ما اكدر اني جبانة اني خاينة.....
ما اريد اضلمه وياي يارب عليك توكلت كلت خل اسبح بلكي يروح التوتر....
سبحت سمعت دك الباب كال سناد وين صرتي الاكل برد....
كتله كملت راح اطلع  لبست السيت باوعت هذا مو سيتي الي اخذته اني اخذت واحد مستر....
يلعن بليسج فاطمة اليوم من اجيت من الصالون كالت اشتريتلج سيت ابيض يخبل وخليته بالجنطة...
لبسته يا ربي هذا شيستر شلون اطلع  كل ما اتقرب للباب ارجع اتقرب وارجع   سمعت صوت التلفزيون  كلت اي خل شوية بعد واطلع.....
والله بقيت شوية وطلعت شفته مغمض كلت اي يا الله نام الحمد لله والشكر....
رحت  على كيف للفراش سحبت الجرجف  وتمدت ما حسيت اله هو  ساحب الجرجف وصاير فوكاية واني شهكت....
كتله اسم الله مو نايم انته  با وعلي وكال هذا يا ثور ينام والكمر يمه....  كمت ابلعم وكلت بيني وبين نفسي وين تشردين سناد ناويها....
باوعلي كال اعرف بيش تفكرين تتمنين ليوم ما اتقربلج بس لا عيني شيلي هذا التفكير من بالج الزوج اذا ما تقرب لزوجته اول يوم يصير فتور بعلاقتهم...
واني اريدها تتطور ما اريدها تفتر وهسة كومي نصلي ونتعشى....
كمت وياه صلينه وتعشينى واجت ساعة الصفر...
  وحاولت اتهرب  كتله حسام بطني توجعني راح جابلي  مسكن  شوية وكتله شو راسي كام يوجعني  راح جاب براستيول  اخر شيء كتله نعسانة .....
باوعلي بخزرة كال سناد....
اني طولت بالي وياج كافي حجج   
حبي هيا وراج وراج ليش تماطلين  خل نفضها وسلميني نفسج.....
  اجه كعد يمي  كتله قبل لا تكعد بس الضوة حباب....
طفه الضوة واجه تقرب علية وتم الامر رغم ما عاملني بهداوة وحنية اني الشيطان دخل بعقلي  وذكرت سرمد....
وصرت اتمنى هل اللحضات وياه   واني اهتز مثل السعفة ودموعي تجري  ما حسيت اله باسني وكال  يله حبي صرتي مرتي واني انفجرت بالبجي......
حسيته ضايق لكن رغم كل هذا   لمني لصدره وكال كومي غسلي وارتاحي  رحت للحمام   سبحت ودموعي ما نشفن  واني اكول ربي الك التجأت  ما الي غيرك شليه من بالي ما اكدر ويه زوجي واصوره....
سبحت وطلعت ما حجيت ولا كلمة لفلفت نفسي  وتغطيت وهو كام للحمام  بعد ما ادري شلون نمت كعدت الصبح واني بحضنه....
كمت على السريع  قبل لا يكعد ولميت ملابسنه وحضرت نفسي  ورحت اريد اكعده واستحي   شوية ودك تلفونه  اخذته وركضت....
حطيته يمه  وما كعد يارب والله نومه ثكيل  خلصت الدكة وما كعد ....
اف خل اخابر فاطمة. فتحت تلفوني   ورجع دك تلفونه....   اجيت صحتله حسام حسام ماكو دخيل الله صار اسبوع ما نايم....
دنيت هزيت كتفه مرة مرتين كعد كوة يفتح عيونه كتله هذا تلفونك يدك...
فتح خط  كال الو سلم على امه  واسمعه يكلها لا حجية لا تخافين  كل شيء ماكو اي اي تم كل شي تم ويباوعلي ويغمز.....
واني ساحت روحي من الخجل.....
  خلص مكالمته كال الها  اي هسة  حنطلع اها  مازن  يجي علينه...
  سد الخط وباوعلي كال شلون كمتي ووشوكت بدلتي  و شوكت كعدتي....
كتله صار نص ساعة من كعدت...
كام وخر الغطة  و بس بالداخليات توجه عليه واني رجعت ارجف اجه شبكني وكال شلون ما حسيت بيج
ولو انتي تتخنسين مثل الليل بس وين تشردين مني....
كمت ابلعم اتقرب مني حضني حسيت ضلوعي حتتكسر ويتنهد ويكول فيش
....
  ردت اتشرد كتله خلي اخابر فاطمة ما خابرتها   هدني  وكال جبانة بس تشردين  وكام يضحك....
كلت الحمد لله مو عصبي  بس خاف لان اول يوم....
على ما غسل وجه وبدل ملابسه رجعنه للبيت....
وتلكونه بالهلاهل....